لودھراں (نمائندہ باغی ٹی وی) میں کافی عرصے سے پورے ضلع میں آوارہ کتوں کو تلف نہیں کیا گیا
تفصیلات کے مطابق کہروڑپکا کے نواحی گاؤں ڈیرہ مہرو میں امام بخش نامی شخص کا آٹھ سال کا بیٹا سکول سے واپس آ رہا تھا کہ ایک آوارہ کتے نے کاٹ لیا ۔ لودھراں کے علاقے میں آئے روز آوارہ کتوں سے کوئی نا کوئی متاثر ہو رہا ہے مسافروں کے لئے پریشان بن چکی ہے اکثر قصابوں کی دکانوں پر درجنوں آوارہ کتے نظر آتے ہیں جن کو کافی عرصہ سے تلف نہیں کیا گیا ضلعی انتظامیہ کو چاہیئے کہ فوری طور پر کتوں کو تلف کرنے کی مہم شروع کرے
دنیاپور (نمائندہ باغی ٹی وی) کے نواحی علاقے میں چور دکانوں کی چھتیں پھاڑنے کر قیمتی سامان چوری کر کے لے گئے
تفصیلات کے مطابق دنیاپور کے نواحی علاقے پل سرلہ کے اڈا پر رات کی تاریکی میں چوروں نے ایک جیولری کی شاپ پر چوری کر کے سونے چاندی کے زیورات چرا لئے ، اس کے ساتھ واقع ایک کریانہ کی دکان کا بھی صفایا کر دیا ، اسی طرح کپڑے سلائی کی تین دکانوں کا بھی مکمل صفایا کر کے چور سلے ہوئے کپڑے اور ان سلے کپڑے بھی ساتھ لے گئے تمام دکانوں کا صفایا چھتیں پھاڑ کر کیا گیا ہے پٹرولنگ پولیس کی چوکی چند قدم پر واقع ہے مگر چوروں نے تسلی کے ساتھ واردات کی واقعہ کی اطلاع پر پولیس نے تفتیش شروع کر دی ہے
سرگودھا(نمائندہ باغی ٹی وی) پولیس کی وردی بدل گئی ۔حرکتیں تبدیل نہ ھو سکیں
تھانہ سٹی پولیس مزدور کے گھر گھس گئی۔ خواتین اور مردوں کے کپڑے پھاڑ ڈالے
چادر اور چار دیواری کا تقدس پامال کرتے ھوئے اپنی عدالت لگا لی
لین دین کے مقدمہ میں 89 شمالی میں عرفان الحق کو اٹھانے آئے تھے
اہل محلہ نے پولیس کو غنڈہ گردی کرنے پر کمرے میں بند کر دیا ، اے ایس آئی پرویز اور کانسٹیبلان منت سماجت کرتے رھے
اہل محلہ نے پولیس گردی کی ویڈیو بنالی ملزم عرفان الحق نے اپنے بیان میں کہا کہ اے ایس آئی دیگر پولیس اہلکاروں کے ساتھ زبردستی گھر میں گھسا جبکہ میں نے سپریم کورٹ سے ضمانت کروا رکھی ہے۔
اہل علاقہ نے چادر چار دیواری کا تقدس پامال کرنے پر پنجاب پولیس کے شیر جوانوںُ کو کمرے میں بند کر دیا ڈی ایس پی صدر نے موقع پر پہنچ کر پولیس ملازمین کی جان خلاصی کروائی
اہل علاقہ کو پولیس اہلکاروں کے خلاف قانونی کارروائی کی یقین دھانی کروائی گئی
کوئٹہ کے علاقہ گوہر آباد میں فائرنگ ہوئی ہے جس کے نتیجے میں ایک پولیس اہلکار جاں بحق ہوا ہے جس کی شناخت احمد جان پرکانی کے نام سے ہوئی ہے۔
سرگودہا،خوشاب(نمائندہ باغی ٹی وی )سماء ٹی وی چینل کے خوشاب سے رپورٹر رانا ظہیر
اور آپ چینل کے خوشاب سے رپورٹر مرزا عبدالستار پر تشدد کا معاملہ
تھانہ خوشاب میں رانا ظہیر کی مدعیت میں ڈاکخانہ کے تین نامزد طاہر سیف اللہ پوسٹ ماسٹر،اظہر کنڈان کلرک ڈاکخانہ،محمد اسحاق بلوچ سپرینڈنٹ ڈاکخانہ اور گیارہ نامعلوم ملازمین کیخلاف دفعات /506/47/149/342/457/ کے تحت مقدمہ درج کر لیا گیا گزشتہ روز ڈاکخانہ ملازمین نے صحافیوں پر تشدد کیا تھا اور کیمرے توڑ دیے تھے
شرقپور شریف(نمائندہ باغی ٹی وی) آمدہ اطلاع کے مطابق ڈائیوو کمپنی کی بس ملتان سے لاہور جا رہی تھی شرقپور کے نزدیک اچانک کسی وجہ سے بس میں آگ لگ گئی.بس میں 8 مسافر سفر کر رہے تھے. وہ تمام محفوظ رہے جس سے کوئی جانی نقصان نہیں ہوا. ریسکیو شیخوپورہ نے موقع پر پہنچ کر آگ پر قابو پا لیا.
شیخوپورہ (نمائندہ باغی ٹی وی) ڈپٹی کمشنر شیخوپورہ سید طارق محمود بخاری,ڈی پی او,صلاح الدین غازی اور اے سی جی لاہور ڈویژن انعم زید کا عید بازاروں اور غلہ منڈی کا دورہ. غلہ منڈی میں ہونیوالی نیلامی کی مانیٹرنگ کی.
اس موقع پر عید بازاروں میں سکیورٹی انتظامات کا جائزہ بھی لیا
طارق محمود بخاری کا کہنا تھا کہ عید بازاروں میں شہریوں کو بہترین سہولیات فراہم کی گئی ہیں اور عید بازاروں میں میں مختلف اشیاخورونوش پر سبسڈی دی گئی ہے
ڈی پی او شیخوپورہ کا کہنا تھا کہ رمضان المبارک میں امن وامان قائم رکھنا اولین ترجیح ہے
گجرات(نمائندہ باغی ٹی وی )ڈی پی او سید علی محسن کی زیر قیادت گجرات پولیس کی ضلع بھر میں چوروں اورڈاکوؤں کے خلاف کاروائیاں جاری، تھانہ سول لائن پولیس نے ڈکیتی کی وارداتوں میں ملوث 7رکنی ” ظفری ڈکیت” گینگ گرفتار کر لیا۔تفصیلات کے مطابق ڈسٹرکٹ پولیس آفیسر سید علی محسن کی زیر قیادت گجرات پولیس کی ضلع بھر میں جرائم پیشہ عناصر کے خلاف کاروائیاں جاری ہیں۔تھانہ سول لائن کے علاقہ میں چوری،ڈکیتی اور موٹر سائیکل چوری کی وارداتیں کرنے والا سات رکنی خطرناک گینگ متحرک تھا،جوواردات سے پہلے گھروں کی مکمل ریکی کرتے اور جس گھر پہ تالا لگا ہوتا،اسے توڑ کراندر داخل ہوجاتے اور گھر میں موجود قیمتی سامان،نقدی اور زیورات وغیرہ لوٹ کر فرار ہو جاتے تھے۔ڈی پی او گجرات سید علی محسن نے اس گینگ کی گرفتاری کیلئے ڈی ایس پی سٹی سرکل رضاحسنین اعوان کی زیر نگرانی ایس ایچ او تھانہ سول لائن SIفراست اللہ،ASIاحمد نوازانچارج چوکی جٹو وکل اور دیگر ملازمین پر مشتمل پولیس ٹیم کو خصوصی ٹاسک دیا،جنہوں نے بہترین حکمت عملی اور پیشہ ورانہ مہارت سے7 رکنی ظفری گینگ کو ٹریس کرکے گرفتار کرلیا۔ ملزمان میں 1۔غضنفر عرف ولد ظفری 2۔ محمد اکرم ولد محمد عارف 3عدنان ولد غلام رسول 4۔وسیم عباس ولد محبوب عالم 5۔عدیل ولد محمد صدیق6۔ارشد محمود ولد رحمت خاں 7۔وحید ولد منظور احمد شامل ہیں۔ملزمان کے قبضہ سے مال مسروقہ 8لاکھ روپے نقدی،طلائی زیورات مالیتی 5لاکھ اور وارداتوں میں استعمال ہونے والا اسلحہ بھی برآمد کر لیا۔ملزمان کی تفتیش جاری ہے،مزید انکشافات متوقع ہے
پاکستان مسلم لیگ ن کے صدر اور قومی اسمبلی میں قائد حزب اختلاف شہباز شریف نے پی ٹی آئی حکومت پر سخت تنقید کرتے ہوئے کہا ہے کہ ناکام حکومت نے عوام کی مشکلات میں مزید اضافہ کر دیا ہے۔
باغی ٹی وی کی رپورٹ کے مطابق شہباز شریف جو ان دنوں لندن میں قیام پذیر ہیں، نے سوشل میڈیا پر جاری کردہ اپنے ایک بیان میں کہا ہے کہ پاکستان کے علاوہ پوری دنیا میں پٹرول کی قیمتیں کم ہور ہی ہیں لیکن عمران نیازی کی حکومت اس میں آئے دن اضافہ کر رہی ہے. حقیقت یہ ہے کہ بغیر ویژن، تجربے اور اہلیت کے ملک چلانے کی اس سے بدترین مثال نہیں دیکھی جا سکتی.
واضح رہے کہ شہباز شریف حالیہ دنوںمیںطبی معائنہ کیلئے لندن میںہیں اور ان کے وکلاء کی جانب سے عدالت کو بتایا گیا ہے کہ وہ گیارہ جون کو پاکستان واپس لوٹ آئیں گے.
چنیوٹ
مہنگائی بیروزگاری پاکستان تحریک انصاف کے ورکرز کی زندگیاں چھیننے لگی چنیوٹ میں پی ٹی آئی ورکر نے گھریلو حالات سے دلبرداشتہ زہر پی لیا حالت تشویشناک
چنیوٹ کے علاقہ محلہ توحید آباد کے رہائشی چار بچوں کے باپ پاکستان تحریک انصاف کے ورکر یوسف خان نے موجودہ مہنگائی بیروزگاری کے حالات سے تنگ آکر مبینہ طور پر زہریلی گولیاں کھالیں اور مبینہ طور پر خود کشی کی کوشش کی جس سے یوسف خان کو انتہائی تشویشناک حالت میں ڈی ایچ کیو چنیوٹ منتقل کردیا گیا ہے جہاں ایمرجنسی وارڈ میں یوسف خان کو بچانے کے لئے ڈاکٹرز طبی امداد فراہم کررہے ہیں اہل علاقہ اور لواحقین کے مطابق یوسف خان تحریک انصاف کا ورکر ہے اور کچھ عرصہ سے بیروزگار ہے جبکہ یوسف خان شہبازشریف کی شوگر ملز میں الیکٹریشن تھا فقط تحریک انصاف کا ورکرز ہونے کی وجہ سے مل سے نکال دیا گیاتھا