Author: +9251

شاہ محمود قریشی کی جانب سے بھیجے گئے خط کے جواب میں قومی اسمبلی سیکریٹریٹ کا جوابی خط

قومی اسمبلی سیکریٹریٹ کی جانب سے کہا گیا ہے کہ جوابی خط پی ٹی آئی کے وائس چیئرمین شاہ محمود قریشی کو ارسال کر دیا گیا ہے.خط کے متن میں کہا گیا ہے کہ پی ٹی آئی کے اراکین قومی اسمبلی کو استعفوں کی تصدیق کیلئے بلایا جائے گا، اور پی ٹی آئی کے ہر ممبر قومی اسمبلی کو ذاتی حیثیت میں اپنے استعفے ٰکی تصدیق کرنا ہو گی. خط کے متن میں مزید کہا گیا ہے کہ استعفوں کی تصدیق قومی اسمبلی کے طریق کار 2007 کے ذیلی قاعد 43بی کے تحت کی جائے گی.

https://twitter.com/SaeedAChanna/status/1605882636848844801

یاد رہے کہ اس سے قبل پاکستان تحریک انصاف (پی ٹی آئی) کے وائس چیئرمین شاہ محمود قریشی نے اپنے اراکین کی قومی اسمبلی سے استعفوں کی تصدیق کے لیے قومی اسمبلی کے اسپیکر کو خط لکھا تھا. شاہ محمود قریشی نے کہا تھا کہ ہماری حکومت کو مداخلت کرکے تحریک عدم اعتماد کے ذریعے فارغ کیا گیا اور ایک امپورٹڈ حکومت مسلط کردی گئی ان کا کہنا تھا کہ پی ٹی آئی نے اس کے بعد اس نظام اور اس پارلیمان سے لاتعلق ہونے کا فیصلہ کیا، اسمبلی کے فلور پر بحیثیت ڈپٹی پارلیمانی لیڈر پارٹی کا فیصلہ پیش کیا کہ ہم سب اراکین قومی اسمبلی سے مستعفی ہو رہے ہیں۔

مزید یہ بھی پڑھیں.
طالبان اپنے وعدے پورے نہیں کر رہے.وزیر خارجہ بلاول بھٹو زرداری
پنجاب حکومت جانے کی اطلاعات کے باوجود پرویز الہٰی کی رات گئے تک مصروفیات
لندن میں مسلم لیگ ن کے رہنما ناصر بٹ نے ٹی وی چینل کے خلاف ہتک عزت کا مقدمہ جیت لیا۔
سینما کی تاریخ کا مشکل ترین، ممکنہ طور پر جان لیوا اور مہنگا اسٹنٹ ٹام کروز پر فلمبند
شاہ محمود قریشی نے یہ بھی کہا تھا کہ تحریک انصاف نے فیصلہ کیا ہے کہ ہم اپنے فیصلے کو ایک دفعہ پھر عملی جامہ پہنانے کے لیے تیار ہیں، عمران خان نے خط کی منظوری دی ہے اور میں نے دستخط کردیے ہیں۔ ان کا کہنا تھا کہ بحیثیت وائس چیئرمین پی ٹی آئی اور ڈپٹی پارلیمانی لیڈر کے اپنے دستخط کے ساتھ یہ خط قومی اسمبلی کے اسپیکر کو بھیج رہا ہوں کہ وہ ہمیں وقت دیں اور ہمیں بلائیں تاکہ ہم اجتماعی طور پر ان کے سامنے پیش ہوسکیں اور اپنے استعفوں کا اعادہ اور اپنے فیصلے کی تجدید کرسکیں۔

جج دھمکی کیس میں عمران خان کے خلاف ٹرائل کا آغاز ہوگیا

 خاتون جج کو دھمکی کیس میں چیئرمین پی ٹی آئی عمران خان کے خلاف ٹرائل کا باقاعدہ آغاز ہوگیا۔ عدالت کی جانب سے مقدمے میں عمران خان کو نوٹس جاری کر دیے گئے ہیں جب کہ اسلام آباد پولیس نے بھی مقدمے کا چالان عدالت میں جمع کروا دیا ہے۔ مقامی عدالت کے سینئر سول جج رانا مجاہد رحیم نے نوٹس جاری کرنے کے احکامات دیدیے۔

واضح رہے کہ چیئرمین تحریک انصاف عمران خان نے اسلام آباد جلسے کے دوران خاتون جج کو دھمکی دی تھی، جس کے بعد ان کے خلاف مقدمے میں سے دہشت گردی کی دفعات حذف ہونے پر کیس سیشن کورٹ بھیجا گیا تھا۔ خاتون جج کو دھمکی کے کیس میں عمران خان ضمانت پر ہیں۔ ٹرائل کا آغاز کرتے ہوئے عدالت نے عمران خان کو 18 جنوری کے لیے نوٹس جاری کر دیے۔
مزید یہ بھی پڑھیں.
طالبان اپنے وعدے پورے نہیں کر رہے.وزیر خارجہ بلاول بھٹو زرداری
پنجاب حکومت جانے کی اطلاعات کے باوجود پرویز الہٰی کی رات گئے تک مصروفیات
لندن میں مسلم لیگ ن کے رہنما ناصر بٹ نے ٹی وی چینل کے خلاف ہتک عزت کا مقدمہ جیت لیا۔
سینما کی تاریخ کا مشکل ترین، ممکنہ طور پر جان لیوا اور مہنگا اسٹنٹ ٹام کروز پر فلمبند
یاد رہے کہ اس سے قبل  ڈسٹرکٹ اینڈ سیشن کورٹ نے چیئرمین پی ٹی آئی عمران خان کی 2 مقدمات میں مستقل ضمانت منظور کرلی تھی خاتون جج کو دھمکی کے کیس میں عدالت نے عمران خان کی ضمانت 50 ہزار روپے مچلکوں کے عوض منظور کر لی تھی جب کہ تھانہ کوہسار میں درج اشتعال انگیز تقاریر کے مقدمے میں بھی عمران خان کی مستقل ضمانت منظور کرلی گئی تھی.

سیشن جج کامران بشارت مفتی کے روبرو کیس کی سماعت کے موقع پر عمران خان کے ہمراہ پی ٹی آئی رہنما اسد عمر بھی عدالت پہنچے تھے۔ وکیل بابر اعوان نے عدالت کو بتایا تھا کہ عمران خان کے خلاف تھانہ کوہسار میں ایک مقدمہ درج ہے ، جس میں عمران خان شامل تفتیش بھی ہوئے ہیں۔ جبکہ پبلک پراسیکیوٹر نے عدالت کو بتایا تھا کہ عمران خان نے تفتیش صحیح طریقے سے جوائن نہیں کی۔ جج نے استفسار کیا کہ اشتعال انگیزی کس تقریر میں تھی، وہ آپ نے بتانا ہے۔پبلک پراسیکیوٹر نے بتایا تھا کہ عمران خان نے پبلک سرونٹس کو دھمکیاں دیں۔ تاہم بعد ازاں عدالت نے جج دھمکی کیس اور اشتعال انگیز تقریر کے مقدمے میں عمران خان کی مستقل ضمانت منظور کرلی گئی تھی۔

اداروں میں بغاوت اکسانے کا کیس؛ سیشن کورٹ اسلام آباد نے شہباز گل پر فرد جرم کی کارروائی 6 جنوری تک موخر کردی

پاکستان تحریک انصاف (پی ٹی آئی) کے رہنماء شہباز گِل کے خلاف اداروں میں بغاوت پر اکسانے کا کیس تاہم شہباز گِل اسلام آباد کی مقامی عدالت میں پیش نہ ہوئے جبکہ وکیل علی بخاری کی جانب سے عدالت میں سماعت میں وقفہ کرنے کی استدعا کی گئی کہ شہبازگِل کے وکیل ہائیکورٹ میں مصروف ہیں، سماعت میں وقفہ کیاجائے. تاہم اداروں میں بغاوت اکسانے کے کیس میں سیشن کورٹ اسلام آباد نے شہباز گل پر فرد جرم کی کارروائی 6 جنوری تک موخر کردی جبکہ عدالت نے شہبازگل کی حاضری سے استثنیٰ کی درخواست مسترد کردی گئی ہے.

علاوہ ازیں سیشن کورٹ اسلام آباد نے شہباز گل کے قابل ضمانت وارنٹ گرفتاری جاری کردیئے ہیں خیال رہے کہ یڈیشنل سیشن جج طاہر عباس سپرا نے قابل ضمانت وارنٹ گرفتاری جاری کیے. جج نے حکم دیا کہ شہباز گل 2 لاکھ روپے کے ضمانتی مچلکے دیں تاکہ وہ آئندہ سماعت پر پیش ہوں.
کیس کا پس منظر

سابق وزیراعظم عمران خان کے چیف آف اسٹاف شہباز گل کو ٹی وی ٹاک شو میں ریاستی اداروں کےسربراہان کے خلاف بیانات کے الزام میں 9 اگست کو بنی گالا کے قریب سے گرفتار کیا گیا تھا۔ شہباز گل کے خلاف تھانہ بنی گالا میں سٹی مجسٹریٹ کی مدعیت میں بغاوت کا مقدمہ درج کیا گیا، ایف آئی آر میں اداروں اور ان کے سربراہوں کے خلاف اکسانے سمیت دیگر دفعات شامل ہیں۔
مزید یہ بھی پڑھیں.
طالبان اپنے وعدے پورے نہیں کر رہے.وزیر خارجہ بلاول بھٹو زرداری
پنجاب حکومت جانے کی اطلاعات کے باوجود پرویز الہٰی کی رات گئے تک مصروفیات
لندن میں مسلم لیگ ن کے رہنما ناصر بٹ نے ٹی وی چینل کے خلاف ہتک عزت کا مقدمہ جیت لیا۔
سینما کی تاریخ کا مشکل ترین، ممکنہ طور پر جان لیوا اور مہنگا اسٹنٹ ٹام کروز پر فلمبند
سینجنٹا کا فصلوں کے بیمہ پروگرام کا کامیابی سے آغاز
بازو میں شدید درد کی شکایت، وجہ لبلبے کا سرطان قرار
اسلام آباد سے شارجہ جانیوالے مسافر کے پیٹ سے ہیروئن بھرے کیپسول برآمد

اوور سیز کے مسائل کے حل کیلئے حکومت دن رات کام کر رہی ہے. ساجد حسین طوری

وفاقی وزیر برائے سمندر پار پاکستانیز و ترقی انسانی وسائل ساجد حسین طوری نے کہا ہے کہ نئے پراجیکٹ میں اوور سیز کا حق بنتا ہے، اوور سیز کے مسائل بہت زیادہ ہیں اور ان کے حل کیلئے ہماری وزارت دن رات کام کر رہی ہے ۔ان خیالات کا اظہار انہوں نے جمعرات کے روز یہاں اوورسیز پاکستانیز فائونڈیشن(او پی ایف)ہا ئوسنگ سکیم فیز (ون) خیابان جناح میں ہائی رائز کمرشل بلڈنگ کا سنگ بنیاد رکھنے کی تقریب سے خطاب کرتے ہوئے کیا۔ تقریب میں ذوالفقار بدر، سیدہ فاطمہ حسن ، ڈاکٹر عالم شیر اور او پی ایف کے افسران نے شرکت کی۔

وفاقی وزیرساجد حسین طوری نے کہا کہ اوورسیز کے مسائل حل کرنے کے لیے ہمارا عملہ دن رات کوشاں ہے ،اوورسیز کے کیسز حل کرنے کیلئے سپیشل کورٹس کی سمری منظور ی کیلئے پارلیمنٹ بھیج دی ہے تاکہ 6ماہ میں ان کے مسائل حل ہو سکیں۔ انہوں نے کہا کہ او پی ایف کی سکیموں میں اوورسیز کو سرمایہ کاری کیلئے بھر پور مواقع فراہم کئے جائیں گے اور اس سلسلے میں اوورسیز کو این او سی دینے کے حوالے سے تمام رکاوٹیں دور کی جائیں گے۔

وفاقی وزیر نے کہا کہ اوورسیز کے بچوں کو درپیش تعلیمی مسائل بھی حل کئے جائیں گے، انہیںایچ ای سی کے ذریعے سکالرشپس اور بیرون ممالک تعلیم کے مواقع فراہم کریں گے جبکہ سکولوں اور کالجز میں مقابلے کے امتحانات منعقد کئے جا رہے ہیں۔ انہوں نے کہا کہ آذربائیجان، کوریا، رومانیہ و دیگر ممالک میں ہم اپنے ہنرمند افراد کو بھیجیں گے، آئی ٹی و دیگر شعبوں میں دس لاکھ لوگوں کو باہر بھیجنے کا ٹارگٹ ہے،او پی ایف سکیموں میں ترقیاتی کاموں کو جنوری2023 تک مکمل کرلیا جائے گا، گلبرگ میں او پی ایف کی پراپرٹی پر مزدور طبقہ کیلئے منصوبے تیار کریں گے، ٹیکسلا میں 500فلیٹس تیار کرکے پنجاب حکومت کے حوالے کر دیئے ہیں ۔
مزید یہ بھی پڑھیں.
طالبان اپنے وعدے پورے نہیں کر رہے.وزیر خارجہ بلاول بھٹو زرداری
پنجاب حکومت جانے کی اطلاعات کے باوجود پرویز الہٰی کی رات گئے تک مصروفیات
لندن میں مسلم لیگ ن کے رہنما ناصر بٹ نے ٹی وی چینل کے خلاف ہتک عزت کا مقدمہ جیت لیا۔
سینما کی تاریخ کا مشکل ترین، ممکنہ طور پر جان لیوا اور مہنگا اسٹنٹ ٹام کروز پر فلمبند
سینجنٹا کا فصلوں کے بیمہ پروگرام کا کامیابی سے آغاز
بازو میں شدید درد کی شکایت، وجہ لبلبے کا سرطان قرار
اسلام آباد سے شارجہ جانیوالے مسافر کے پیٹ سے ہیروئن بھرے کیپسول برآمد
وفاقی وزیر نے کہا کہ خیبر پختونخوامیں بھی فلیٹس تعمیر کئے گئے ہیں، ملک بھر میں ساڑھے پانچ ہزار فلیٹس فروری میں ورکرز کے حوالے کر دیئے جائیں گے جبکہ ورکرز کیلئے ہسپتال ، سکول و دیگر فلاحی منصوبے بھی بنا رہے ہیں ۔آخر میں وفاقی وزیر نے بلڈنگ کا سنگ بنیاد رکھا۔

سی پیک کے تحت آئی ٹی انڈسٹری اور ڈیجیٹل اکانومی کا ملکی معیشت میں اہم کردار ،2022 2021 کے پہلے 11 مہینوں کے دوران ٹیلی کام، کمپیوٹر اور انفارمیشن سروسز کی برآمدات میں 25.45 فیصد اضافہ ہوا. پی بی ایس

چین پاکستان اقتصادی راہداری (سی پیک)منصوبے کے تحت آئی ٹی انڈسٹری اور ڈیجیٹل اکانومی میں مثبت پیش رفت نے ملکی معیشت میں اہم کردار ادا کیا ہے، مالی سال-2022 2021 کے پہلے 11 مہینوں کے دوران پاکستان کی ٹیلی کمیونیکیشن، کمپیوٹر اور انفارمیشن سروسز کی برآمدات 25.45 فیصد شرح نمو کے ساتھ 2.381 ارب ڈالر رہیں جو گزشتہ مالی سال کی اسی مدت کے دوران 1.898 بلین ڈالر تھیں۔

قومی ادارہ برائے شماریات کے مطابق سی پیک منصوبے پر مثبت پیش رفت نے پاکستان میں آٹومیشن، ای گورننس، ای کامرس، آئی ٹی پارکس، ریسرچ اینڈ ڈویلپمنٹ، انٹرنیٹ اور کمپیوٹر ٹیکنالوجی پر 2023 کے لیے لچکدار ترقی اور پیشرفت کا انداز قائم کیا ۔جولائی 2022 میں پہلی چائنا پاکستان ٹیکنالوجی انویسٹمنٹ کانفرنس کا انعقاد،سپیشل ٹیکنالوجی زونز اتھارٹی، چین میں پاکستانی سفارتخانے، اسلام آباد میں وزارت خارجہ اور ژونگ گوانکون بیلٹ اینڈ روڈ انڈسٹریل پروموشن ایسوسی ایشن نے مشترکہ طور پر کیا تھا،اس کانفرنس میں آئی ٹی اور ڈیجیٹل اکانومی پر سی پیک کے تحت تعاون سے فائدہ اٹھاتے ہوئے یہ پیشین گوئی کی گئی ہے کہ 2025 تک پاکستان کی آئی ٹی انڈسٹری کی کل مالیت 10 بلین ڈالر تک پہنچ جائے گی۔ ملک میں اس وقت 2,000 سے زیادہ سافٹ ویئر آر اینڈ ڈی مراکز ہیں، پاکستان دنیا میں مفت آئی ٹی پریکٹیشنرز کے لیے چوتھا بڑا مرکزہے،متعدد سٹریٹجک، ترقی اور تجارتی ضرورتوں کی وجہ سے، سی پیک اور اس سے آگے کے لیے آئی ٹی کے شعبے کی ترقی پر خصوصی توجہ دے رہے ہیں۔

پی بی ایس کا کہنا ہے کہ مالی سال2022 2021 کے پہلے 11 مہینوں کے دوران پاکستان کی ٹیلی کمیونیکیشن، کمپیوٹر اور انفارمیشن سروسز کی برآمدات 25.45 فیصد کی شرح نمو کے ساتھ 2.381 بلین ڈالر رہیں جو گزشتہ مالی سال کی اسی مدت کے دوران 1.898 بلین ڈالر تھیں۔دونوں ممالک کے درمیان 2022 میں آئی ٹی اور اس سے آگے کے حوالے سے بہت سے وعدے اور معاہدے طے پائے، اب 2023 میں ہمیں آئی ٹی کے شعبے میں تعاون کو بڑھا کر اپنے سابقہ کام کو مستحکم کرنا چاہیے۔ دنیا میں آئی ٹی کے شعبے میں بہت کچھ ہو رہا ہے،مثلاً ہائبرڈ یا ملٹی کلاڈ مینجمنٹ ٹیکنالوجی، ٹولز اور طریقہ کار مستقبل قریب میں 70 فی صد کاروبار استعمال کریں گے۔ 100 گنا تیز رفتاری کی توقعات کے ساتھ فائیو جی نیٹ ورک کی رفتار فراہم کرے گا جو موجودہ ایل ٹی ای فور جی نیٹ ورکس کے مقابلے میں تقریبا دس گنا تیز ہے۔

اکتوبر 2022 میں چین میں پاکستانی سفیر معین الحق نے بتایا تھا کہ دونوں ممالک نے تین نئے کوریڈور بنانے کا فیصلہ کیا ہے جن میں چائنا پاکستان ڈیجیٹل کوریڈور بھی شامل ہے جس سے انفارمیشن ٹیکنالوجی کی کئی صنعتوں میں تعاون کو بہتر بنانے میں مدد ملے گی۔ مارچ 2023 میں مصنوعی ذہانت سے متعلق بین الاقوامی کانفرنس ہوگی جس میں مقامی اور غیر ملکی کاروبار شرکت کریں گے۔نومبر 2022 میں ایک اور بڑی خوشخبری آئی جب چین پاکستان سائنس اور ٹیکنالوجی کوآپریشن سینٹر کا بیجنگ میں افتتاح سفیر معین الحق اورچنگ گوان سن بیلٹ اینڈ روڈ انڈسٹریل پرموشن ایسوسی ایشن (زیڈ بی آر اے) کے صدر چنگ شیاو ڈونگ نے کیا جبکہ خصوصی ٹیکنالوجی زونز اتھارٹی پاکستان سے عملی طور پر شامل ہوئے۔

کراچی کا آئی ٹی پارک گیارہ منزلہ عمارت ہے جس کا رقبہ 106,449 مربع میٹر ہے، ٹیکنالوجی پارک تقریبا 225 سٹارٹ اپس، چھوٹے سے درمیانے درجے کے کاروباری اداروں اور دیگر ذیلی سہولیات جیسے ٹیسٹنگ لیبارٹریز، کلاس رومز، انڈسٹری اکیڈمیا لنکیج سینٹر اور آڈیٹوریم کو دفتر کی جگہ فراہم کرے گا۔ سرکاری ذرئع کے مطابق یہ چینی کمپنیوں کو مقامی کمپنیوں کے ساتھ تحقیق اور ترقی، ٹیکنالوجی کے اشتراک کو فروغ دینے کے ساتھ ساتھ آئی ٹی برآمدات کو فروغ دینے کے لیے ایک پلیٹ فارم فراہم کرے گا۔ کراچی میں پاکستان کا سب سے بڑا انفارمیشن ٹیکنالوجی پارک منصوبہ جون 2026 میں مکمل ہونے کی امید ہے، اس وقت چھوٹے شہروں میں 22 سافٹ ویئر ٹیکنالوجی پارکس کام کر رہے ہیں اور حکومت نے دسمبر 2022 تک ٹیکنالوجی پارکس کی تعداد 40 تک لے جانے کا ہدف مقرر کیا ہے۔