Author: +9251

کارتک آریان نوجوان نسل کے نمائندہ فنکار ہیں، بالی وڈ میں اس وقت ان کے نام کا ڈنکا بج رہا ہے. کارتک آریان بالی وڈ میں واحد وہ آرٹسٹ ہیں جن کی فلموں نے اس سال دھواں دار بزنس کیا. ان کی فلم بھول بھلیاں ٹو نے ریکارڈ توڑ بزنس کیا. اس وقت کارتک آریان بالی وڈ میں ہاٹ کیک بنے ہوئے ہیں ، وہ ہر پرڈیوسر اور ڈائریکٹر کی اولین چوائس ہیں. ویسے تو کارتک کو فلم انڈسٹری میں آئے کافی برس ہو چکے ہیں لیکن کامیابی ان کو اب جا کر ملی ہے اور ایسی کامیابی ملی ہے کہ جس پر کوئی بھی رشک کرے. کارتک آریان ان دِنوں‌قطر میں موجود ہیں وہاں‌وہ فیفا ورلڈ‌کپ دیکھنے کےلئے پہنچے ہوئے تھے اس دوران ان کی ملاقات پاکستانی اداکار ہمایوں سعید ، سجل علی اور

مہوز حیات کے ساتھ ہوئی ،سوشل میڈیا پر سرکولیٹ پونے والی تصویر میں دیکھا جا سکتا ہے کہ ہمایوں سعید ، سجل علی ،مہوش حیات ، ثمینہ ہمایوں اور ثناء شاہنواز کارتک آریان کے ساتھ کھڑے ہیں اور سب خاصے خوش دکھائی دے رہے ہیں. کارت کآریان کے چہرے پر خوشی نمایاں ہے. پاکستانی فنکاروں‌کی کارتک آریان کے ساتھ ملاقات کو سوشل میڈیا پر بہت کوریج مل رہی ہے ہر کوئی اس ملاقات اور سرکولیٹ ہونے والی تصویر کے بارے میں بات کررہا ہے.

وکی کوشل اور کترینہ کیف بی ٹاؤن کے سب سے پیارے خوبصورت میں سے ایک ہیں۔ دونوں نے 9 دسمبر 2021 کو راجستھان کے سوائی مادھو پور کے سکس سینس فورٹ بارواڑہ میں اپنے اہل خانہ اور قریبی دوستوں کی موجودگی میں شادی کی جو تین دن تک جاری رہی۔ جب سے اس جوڑے کی شادی ہوئی ہے دونوں سوشل میڈیا پر ایک دوسرے پر پیار جتانے کا کوئی بھی موقع ہاتھ سے نہیں جانے دیتے. فلم فیئر کے ساتھ اپنے ایک حالیہ انٹرویو میں کترینہ کیف کے شوہر وکی کوشل نے کہا کہ میں اپنی اہلیہ سے بہت محبت کرتا ہوں اور ان سے ملنے والے مشوروں کی بھی بہت قدر کرتا ہوں وہ اکثر مجھے زندگی کے بارے میں سمجھاتی ہیں ، اکثر مجھے ٹپس دیتی ہیں کہ میں نے کس طرح سے بچ بچا کر چلنا ہے کہ کسی کنٹرورسی میں نہ گھر جائوں، انہوں نے کہا کہ میری اہلیہ کترینہ

جو کہ بہت عقلمند اور مہربان ہے وہ مجھے اکثر کہتی ہیں کہ آپ اگر کچھ اچھا نہیں کہہ سکتے تو کچھ بھی نہ کہیں یہ بہتر ہے۔وکی نے کہا کہ ہماری شادی کو ایک سال بیت گیا ہے لیکن میں اہلیہ سے جتنی محبت کرتا ہوں اسکا کوئی تصور بھی نہیں کر سکتا . یاد رہے کہ وکی اپنی نئی فلم گووندا نام میرا، جس کی ہدایت کاری ششانک کھیتان نے کی ہے وہ حال ہی میں ریلیز ہوئی ہے وکی نے اس فلم کے لئے بہت زیادہ پرموشنز بھی کیں دیکھنا یہ ہے کہ فلم کیا رنگ جماتی ہے.

سدھارتھ ملہوترا اور کیارا ایڈوانی چھ برسوں سے ایک دوسرے کو ڈیٹ کررہے ہیں اور ان کی شادی کی خبریں تبہی سے زیر گردش ہیں . دو ماہ پہلے خبریں آئیں کہ دونوں شادی کے بندھن میں بندھ رہے ہیں اور جلد ہی شادی کرنے والے ہیں. اطلاعات ہیں‌ یہ بھی آئیں کہ دونوں نے شادی کا وینیو بھی فائنل کر لیا ہے اور چندی گڑھ میں شادی ہو گی .سدھارتھ ملہوترا آج کل اداکارہ رشمیکا مندنا کے ساتھ اپنی آنے والی اسپائی تھرلر فلم مشن مجنو کی تشہیر میں مصروف ہیں اس سلسلے میں وہ بھرپورپرموشنزکررہے ہیں.یہ فلم 20 جنوری 2023 کو نیٹ فلکس پرریلیز ہو رہی

ہے. پرموشنز کے دوران سدھارتھ ملہوترا سے کسی صحافی نے ان سے سوال کیا کہ کیارا کے ساتھ آپ کی شادی کی خبروں میں‌کتنی صداقت ہے اور شادی کب کررہے ہیں. اس سوال کے جواب میں اداکار نے مسکراتے ہوئے کہا "کہ میں اسی سال شادی کر رہا ہوں”. یاد رہے کہ سدھارتھ اور کیارا ایڈوانی اس وقت بالی وڈ کے سب سے زیادہ پسند کئے جانے والی جوڑی ہے . ان کی شادی کی خبریں اس وقت بالی وڈ‌کی سب سے زیادہ ڈسکس ہونے والی خبر ہے. کہا جا رہا ہے کہ دونوں کی شادی کی تیاریاں زوروں پر ہیں اور دونوں‌ کی فیملیاں اس ایونٹ کو یادگار بنانے کے لئے ہر ممکن کوشش کررہے ہیں.

سینئر اداکارہ صبا فیصل جنہوں نے چند دن قبل اپنی بہو نیہا اور بیٹے سلمان کے حوالے سے ایک وڈیو شئیر کی اور اس میں‌کہا کہ میری بہو نیہا اور بیٹے سلمان سے کوئی تعلق نہیں‌ہے . نیہا جیسی لڑکیاں‌جس گھر میں جاتی ہیں وہ تباہ ہو جاتا ہے. میرا میری فیملی کا ان دونوں سے اب کوئی تعلق نہیں‌ہے. اس کے بعد ان کے بیٹے اور بہو نے بھی ایک ویک وڈیو بنائی اور ان ڈائریکٹ صبا فیصل کو حد میں رہنے کی تلقین کی . جب ہر طرف سے صبا فیصل پر شدید تنقید کی گئی تو ایسے میں صبا فیصل نے اپنی غلطی کا اعترف کر لیا ہے. انہوں نے حال ہی میں‌کہا ہے کہ مجھ سے غلطی

ہوگئی ہے مجھے اپنے بیٹے اور بہو کے خلاف وڈیو نہیں‌بنانی چاہیے تھی. بچے تو غلطیاں کرتے ہی ہیں لیکن بڑوں کا کام ہے ان پر پردہ ڈالنا مجھے وڈیو نہیں‌بنانی چاہیے تھی. نیہا کو میں بہت شوق سے بیاہ کر لائی تھی میں بہت خوش تھی. مسئلے مسائل ہر گھر میں ہوجاتے ہیں . بڑے ہی اس کو سلجھاتے ہیں . میں‌لوگوں سے اپیل کرتی ہوں کہ ہماری فیملی کے بارے میں‌بات کرنا چھوڑ دیں ہمیں اپنے مسائل حل کرنے ہیں ہماری مدد کیجیے میں آپ سب ک یبہت زیادہ شکر گزار ہوں گی.

پاپ گلوکارہ ناذیہ حسن کے شوہر اشتیاق بیگ ہیں بہت ہی زیادہ غصے میں انہوں نے اپنے سالے ذوہیب حسن پر برطانیہ میں ہتک عزت کا دعوی دائر کر دیا ہے. اشتیاق بیگ کا کہنا ہے کہ ایک عرصے سے میں ذوہیب حسن کے الزامات کو برداشت کررہا ہوں انہوں نے نازیہ حسن کی 22 ویں برسی کے موقع پر بھی مجھ پر سنگین قسم کے الزامات لگائے تھے. اب بہت ہو چکا اس لئے میں نے ان پر ہتک عزت کا دعوی دائر کرنے کا فیصلہ کیا. تفصیلات کے مطابق اشتیاق بیگ زوہیب حسن پر ہتک عزت کا دعوی دائر کر چکے ہیں . اشتیاق بیگ کا کہنا ہے کہ ذوہیب حسن کے ان الزامات کی وجہ سے میری ساکھ بری طرح سے متاثر ہوئی ہے. مجھے لوگوں کی طرف سے شدید نفرت کا سامنا کرنا پڑا ہے. اب پانی سر سے گزر چکا ہے. اب ذوہیب سے عدالت میں ملاقات ہو گی.

یاد رہے کہ نازیہ حسن کے گھر والوں کا کہنا ہے کہ نازیہ اور اشتیاق بیگ کے درمیان طلاق ہو چکی تھی لیکن اشیتاق بیگ کہتے ہیں کہ ہماری کبھی بھی طلاق نہیں ہوئی. نازیہ حسن کی وفات کو 22 سال کا عرصہ بیت چکا ہے لیکن اشتیاق بیگ اور نازیہ حسن کے گھر والوں کے درمیان لفظی جنگ جاری ہے تاہم اب اشیتاق بیگ نے اپنے سالے ذوہیب پر برطانیہ کی عدالت میں مقدمہ دائر کر دیا ہے.

اداکارہ ہانیہ عامر نے حال ہی میں اپنے انسٹاگرام اکائونٹ پر ایک وڈیو پوسٹ کی ہے جس میں وہ بالی وڈ کے کنگ شاہ رخ خان کے گانے پر ڈانس کررہی ہیں ان کے ساتھ ان کے دوست بھی گانے کو انجوائے کررہے ہیں. ہانیہ عامر کو شاہ رخ خان کے گانے پر ڈانس کرتا دیکھ کر ان کے مداح کافی خوش ہوئے ہیں. ہانیہ عامر نے اپنے ایک انٹرویو میں کہا تھا کہ شاہ رخ خان کی مداح ہوں . ہانیہ عامر جو کہ مختلف حوالوں سے خبروں میں رہتی ہیں آج کل وہ شاہ رخ خان کے گانے پر ڈانس کرنے کی وجہ سے خبروں میں ہیں‌. یاد رہے کہ ہانیہ عامر کا شمار ان اداکارائوں میں‌ہوتا ہے جنہوں نے اپنی اداکاری کے بل پر مداحوں کے دل جیتے. ان کا معصوم چہرہ اور ان جاندار اداکاری ان کی پہچان ہے.

ہانیہ عامر نے ماضی قریب میں اختتام پذیر ہونے والے ڈرامے میرے ہمسفر سے خوب شہرت سمیٹی اسی سال ان کی ایک فلم پردے میں رہنے دو ریلیز ہوئی اس نے باکس آفس پر کمال نہیں دکھایا تاہم ہانیہ عامر کی اس میں اداکاری کو بے حد سراہا گیا اس میں ان کے ساتھ علی رحمان خان نے مرکزی کردارادا کیا تھا.

اداکار فیروز خان جنہوں نے حال ہی میں اپنے بیٹے کے ساتھ ڈرائیو کرتے ہوئے اپنی ایک تصویر سوشل میڈیا پر شئیر کی تھی اس پر وسیم اکرم کی اہلیہ شنیرا نے ان کو آڑھے ہاتھوں لیتے ہوئے شدید تنقید کا نشانہ بنایا اور کہاکہ آپ کی یہ حرکت بچے کی جان بھی لے سکتی ہے اسکو مشکل میں ڈال سکتی ہے. آپ کو ایک ذمہ دار باپ ہونے کا ثبوت دینا چاہیے. اس پر فیروز خان نے ان سے کہا تھا کہ میں ڈرائیونگ کے معاملات آپ سے بہتر جانتا ہوں. شنیز اکرم اور فیروز خان کی یہ بحث سوشل میڈیا پر ابھی جاری ہی تھی کہ اداکار عمران اشرف نے اپنے بیٹے کے ساتھ ڈرائیو کے دوران لی گئی ایک تصویر شئیر کی. اس پر شنیرا نے کہا کہ اب لوگ آپ (فیروز خان) سے ہمدردی میں آپ کی نقل کر رہے ہیں، براہِ مہربانی تسلیم کیجیے کہ یہ غلط ہے یا کہیے کہ چھوٹے بچوں کی جان

خطرے میں ہے. اس پر عمران اشرف آئے میدان میں اور کہاکہ بھابھی آپ مجھے غلط نہ سمجھیں اور میرا آپ کی اور فیروز خان کی بحث سے بالکل بھی کوئی تعلق واسطہ نہیں‌ہے میں اپنی زندگی کے برے ترین فیز سے گزر رہاہوں میں نے صرف اپنے بیٹے کی محبت میں تصویر لگائی ہے مجھے کسی بھی قسم کے تنازع اور بحث مباحثے سے دور رکھیں. آپ ہماری بھابھی ہیں ہمارے مسائل کو سمجھیں.

مختصر کپڑے پہننے کے باعث ہر دم تنازعات میں گھری عرفی جاوید نے حال ہی میں ایک انٹرویو دیتے ہوئے کہا ہے کہ انسٹاگرام تو میری ساس بن چکا ہے جب بھی میں اس پر اپنی کوئی تصویر لگاتی ہوں تو مختلف لوگوں کے کمنٹس اور گندی گالیاں‌سننے کو ملتی ہیں. مجھے تو یہ سمجھ نہیں آتی کہ آخر کیوں مجھے اتنا ٹرول کیا جاتا ہے؟ کیا میں آپ لوگوں کی گھر والی ہوں ؟ عرفی جاوید نے کہا کہ مجھے لگتا ہے کہ میں نے شاید سب مردوں سے شادی کر لی ہے ، جو ہر کسی کو میری اتنی فکر ہے کہ میں کیا پہن رہی ہوں کیا نہیں‌پہن رہی . عرفی جاوید نے کہا کہ بھئی میں ایک آزاد شہری ہوں آزاد ملک میں رہتی ہوں تو کیوں‌مجھ پر پابندیاں لگانا چاہتے ہو؟‌

عرفی جاوید نے کہا ہے کہ شوبز میں بہت ساری لڑکیاں بولڈ کپڑے پہنتی ہیں ، صرف میرے ہی پچیھے کیوں پڑے ہوئے ہیں. انہوں نے کہا کہ میں بچپن میں بہت شرمیلی تھی ابو سے جب پہلی بار کہا کہ فیشن ڈیزائنرز بننا ہے تو وہ بولے آرام سے بیٹھ جائو تمہیں درزی کیوں‌ بننا ہے بس ہائوس وائف بنو. انہوں نے کہا کہ میرے گھر والے میرے شوبز میں آنے کے خلاف تھے لیکن میں‌نے اپنے خواب پورنے کےلئے سب سے ٹکر لی اور آج میں جس مقام پر ہوں بہت خوش ہوں.

گلوکارہ آئمہ بیگ جو پچھلے کچھ عرصہ میں کافی تنازعات کی زد میں رہی ہیں. ان کی منگنی جو کہ معروف ماڈل شہباز شگری سے ہوئی تھی وہ ختم ہو گئی ، آئمہ پریشان رہنے لگیں . اپنے حالیہ انٹرویو میں انہوں نے کہا ہے کہ میری شادی ہو چکی ہے اور میری شادی میرے میوزک کے ساتھ ہوئی ہے. میرے پاس ابھی وقت نہیں ہے کہ میں کسی اور پر توجہ دوں .، آئمہ بیگ نے مزید کہا کہ میوزک میرا جنون ہے اس لئے میں فی الحال اس پر بھرپور توجہ دے رہی ہوں. انہوں نے کہا کہ میری شادی میرے میوزک سے ہو چکی ہے تو ایسے میں کوئی مرد میری زندگی میں آجائے تو میں اسکو بونس تصور کروں گی . آئمہ نے مزید کہا کہ میں نے تو بس یہی سیکھا ہے کہ انسان کو اپنی ذاتی زندگی کے معاملات کبھی کسی کے

ساتھ شئیر نہیں‌کرنے چاہیں مجھ سے یہ غلطی ہوئی ہے جس خمیازہ مجھے بھگتنا پڑا ہے. آئمہ بیگ نے کہا کہ میں خود کو خوش نصیب تصور کرتی ہوں کہ میرے مداح مجھے نہ صرف سننا چاہتے ہیں بلکہ میری زندگی سے جڑے معاملات کو بھی جاننے میں دلچپسی رکھتے ہیں . یاد رہے کہ آئمہ بیگ نے حال ہی میں کیفی خلیل کے گیت کہانی سنو کو دوبارہ گایا اور ریلیز کیا ان کا گیت بہت زیادہ پسند کیا جا رہا ہے اور آئمہ اس گانے کی کامیابی پر کافی خوش ہیں.

لاہور میں تین روزہ رنگا رنگ” برائیدیل کٹیور ویک “اختتام پزیر ہوگیا ہے ، تیسرے اور آخری روز کے پہلے شو کا آغاز شمشہ ہاشوانی کی خوبصورت کلیکشن ”جان ادا“ سے ہوا۔ ان کے بعد ” احسنز مینز وئیر “کی خوبصورت اور دیدہ زیب کلیکشن پیش کی گئی۔ ”آب رواں“ یعنی بہتے ہوئے پانی کے عنوان سے پیش کیا جانے والا یہ مجموعہ اپنے نام کا عکاس تھاجس کے بعدشیبا کپاڈیہ نے اپنا انتخاب بعنوان ”سرور“ پیش کیا۔اس کے بعد شکیلز کے ذیشان اور دانش کا انتخاب بعنوان جھل مل پیش کیا گیا۔ بعد ازاں ہمایوں عالمگیر نے اپنا انتخاب‘دی ریڈکارپٹ لائن‘ پیش کیا جب کہ مہدی نے اپنا انتخاب ”آزادی“کے عنوان سے پیش کیا۔رضوان بیگ نے اپنا انتخاب بعنوان” جشن “پیش کیا۔تیسرے اور آخری روز جو سلیبرٹیز

شوسٹاپر بنیں ان میں شہروز سبزواری، رابعہ بٹ، صحیفہ جبار، تابش ہاشمی،کیف خلیل،مہرین سید، ثنا جاوید ، رابعہ بٹ کا نام شامل ہے ۔ صدف کنول اور شہروز سبزواری نے شمسہ ہاشوانی کیلئے ریمپ پر واک کی ، جیسے یہ دونوں ریمپ پرآئے تو ہال میں بیٹھے لوگوں نے زور دار تالیاں بجائیں اور ان کا شاندار طریقے سے استقبال کیا ۔ اہم بات یہ ہے کہ تابش ہاشمی اور عمر عالم بھی شوسٹاپر بنے ان دونوں نے ہمایوں عالمگیر مینز وئیر کے لئے ریمپ پر واک کی ۔یوں خوبصورتی اور رنگ سمیٹے برائیڈل کٹیور ویک ختم ہو گیا.