Author: +9251

ملک میں جاری سیاسی عدم استحکام اور معاشی بحران کے باعث پاکستان اسٹاک ایکسچینج (پی ایس ایکس) میں مسلسل دوسرے روز حصص کی قیمتوں میں کمی آگئی ہے۔

بینچ مارک کے ایس ای-100 انڈیکس دوپہر ایک بج کر 58 منٹ پر ایک ہزار 38 پوائنٹس یا 2.54 فیصد گر کر 39 ہزار 932 پوائنٹس پر آگیا۔ سربراہ دلال سیکیورٹیز صدیق دلال نے کہا کہ انڈیکس میں کمی کئی وجوہات کی وجہ سے آئی جس میں پنجاب اور خیبرپختونخوا اسمبلیوں کے تحلیل ہونے کا خدشہ اور بڑھتی ہوئی سیاسی محاذ آرائی شامل ہیں جس سے سرمایہ کاروں کے اعتماد کو ٹھیس پہنچی ہے، سال کے اختتام کی وجہ سے میوچل فنڈز کے پاس ریڈیمشنز آرہی ہیں جس کی ادائیگی کے لیے وہ بھی مارکیٹ میں شیئرز فروخت کررہے ہیں۔ انہوں نے مزید کہا کہ مارکیٹ پر اثرانداز ہونے والے دیگر عوامل میں بگڑتی ہوئی معاشی صورتحال، روپے پر دباؤ، ڈالر کی کمی اور عالمی مالیاتی فنڈ (آئی ایم ایف) کے نویں جائزے کی تکمیل میں تاخیر شامل ہیں۔ صدیق دلال نے کہا کہ یہ تمام عوامل مارکیٹ کو نیچے لا رہے ہیں اور مستقبل میں بہتری کی کوئی امید بھی نظر نہیں آرہی۔

ڈائریکٹر فرسٹ نیشنل ایکوئٹیز لمیٹڈ عامر شہزاد نے کہا کہ ’ڈالر کی قلت سمیت بہت سارے مسائل جمع ہو چکے ہیں لیکن اس کی بنیادی وجہ سیاسی غیر یقینی صورتحال اور 2 صوبائی اسمبلیوں کی ممکنہ تحلیل ہے جبکہ غیر ملکی ذخائر پر دباؤ بھی موجود ہے۔ سابق ڈائریکٹر پاکستان اسٹاک ایکسچینج (پی ایس ایکس) ظفر موتی والا نے بھی اس بات سے اتفاق کیا کہ اسٹاک مارکیٹ گرنے کی بنیادی وجہ سیاسی غیر یقینی صورتحال اور ملک کے دیوالیہ ہونے کی افواہیں ہیں۔ ظفر موتی والا نے افسوس کا اظہار کیا کہ ماضی میں بحران کے وقت پاکستان اسٹاک ایکسچینج کی مرکزی کیپیٹل مارکیٹ کے ارکان کو مسائل حل کرنے اور افواہوں کی تردید کے لیے اکٹھا کیا گیا تھا، تاہم تازہ صورتحال میں ایسا کچھ دیکھنے میں نہیں آرہا۔

واضح رہے کہ چیئرمین پی ٹی آئی عمران خان نے 17 دسمبر کو اعلان کیا کہ 23 دسمبر کو پنجاب اور خیبرپختونخوا اسمبلیاں تحلیل کر دی جائیں گی تاکہ نئے انتخابات کی راہ ہموار کی جا سکے۔ انہوں نے وزیراعلیٰ پنجاب پرویز الٰہی اور وزیراعلیٰ خیبرپختونخوا محمود خان کے ساتھ ایک ویڈیو خطاب میں کہا تھا کہ آئین نے اسمبلی کی تحلیل کے بعد 90 روز سے زیادہ انتخابات میں تاخیر کی اجازت نہیں دی۔ تاہم اسمبلیوں کی تحلیل کو ناکام بنانے کی کوشش میں پیپلز پارٹی اور مسلم لیگ (ن) کے ارکان اسمبلی کے ایک وفد نے گزشتہ شب پنجاب اسمبلی میں وزیراعلیٰ پنجاب پرویز الٰہی کے خلاف تحریک عدم اعتماد جمع کرادی۔ علاوہ ازیں اسپیکر پنجاب اسمبلی سبطین خان کے خلاف بھی آئین کے آرٹیکل 53 کے تحت تحریک عدم اعتماد جمع کرادی گئی ہے۔

دریں اثنا ملک کی معاشی صورتحال دن بہ دن ابتر ہوتی جا رہی ہے، اسٹیٹ بینک آف پاکستان کے زرمبادلہ کے ذخائر تشویشناک حالت میں ہیں جن میں ایک سال کے دوران 11 ارب ڈالر کی کمی آگئی ہے۔ دسمبر 2021 میں مرکزی بینک کے ذخائر 17 ارب 68 کروڑ ڈالر تھے جو رواں برس 9 دسمبر تک 6 ارب 70 کروڑ ڈالر ہوگئے، یہ بمشکل ایک ماہ کی درآمدات کو پورا کرنے کے لیے کافی ہیں۔ صورتحال کی سنگینی مزید بڑھ گئی ہے کیونکہ 7 بلین ڈالر کے آئی ایم ایف پروگرام کا نواں جائزہ فی الحال ایک ارب 18 کروڑ ڈالر کے اجرا کے لیے آئی ایم ایف اور حکومت کے درمیان زیر التوا ہے جب کہ فریقین کے درمیان بات چیت اور مذاکرات جاری ہیں۔ پاکستان کو مالی سال کے بقیہ حصے میں بیرونی اسٹیک ہولڈرز کو کم از کم 13 ارب ڈالر ادا کرنے ہیں لیکن یہ واضح نہیں ہے کہ اسے دوطرفہ اور کثیر جہتی اداروں سے مزید رقوم کب موصول ہوں گی جس کے سبب دیوالیہ ہونے کے خدشات پیدا ہورہے ہیں۔

گزشتہ 24 گھنٹوں کے دوران 4 ہزار 21 کورونا ٹیسٹ کیے گئے جن میں سے 8 افراد کے کورونا ٹیسٹ مثبت آئے ہیں.

ملک بھر میں گزشتہ 24 گھنٹوں کے دوران 4 ہزار 21 کورونا ٹیسٹ کیے گئے ہیں۔منگل کو نیشنل انسٹیٹیوٹ آف ہیلتھ ( این آئی ایچ) کی جانب سے جاری اعدادوشمار کے مطابق گزشتہ 24 گھنٹوں کے دوران 4 ہزار 21 کورونا ٹیسٹ کیے گئے جن میں سے 8 افراد کے کورونا ٹیسٹ مثبت آئے ہیں۔ اس طرح اس مدت میں مثبت کورونا ٹیسٹ کی شرح 0.20 فیصد رہی ہے۔ مزید برآں اس دوران کورونا وائرس سے کوئی مریض جاں بحق نہیں ہوا جبکہ 25 مریضوں کی حالت تشویشناک ہے۔
مزید یہ بھی پڑھیں.
وزیر خارجہ کی پاکستانی نژاد امریکی کمیونٹی کے رہنماؤں سے ملاقات
پاکستان کو سیلاب کی تباہ کاریوں سے نمٹنے کے لئے عالمی برادری کے ٹھوس تعاون کی ضرورت ہے.اقوام متحدہ
اسلام آباد سے کراچی سفر کرنیوالی پرواز کا مسافردوران سفر انتقال کر گیا
بجلی 31.60 روپے فی یونٹ، گیس 100فیصد مہنگی کرنیکی تجویز
قرضوں کی بہتر مینجمنٹ کیلیے فوری طور پر ڈیبٹ مینجمنٹ آفس قائم
اسلام آباد میں سالِ نو کی پارٹیوں کے دوران اسمگل کی جانیوالی منشیات برآمد
نیشنل انسٹیٹیوٹ آف ہیلتھ ( این آئی ایچ) کی جانب سے جاری اعدادوشمار کے مطابق گزشتہ چوبیس گھنٹوں کے دوران ملک بھر کے مختلف شہروں میں کیے گئے کورونا ٹیسٹ اور مثبت شرح کے حوالے سے پشاور میں 212 ٹیسٹوں میں سے ایک مریض کا ٹیسٹ مثبت آیا ہے. جبکہ وہاں پر شرح 0.47 فیصد رہی،اسلام آباد میں 323 ٹیسٹوں میں سے ایک مریض کا ٹیسٹ مثبت آیا ہے. اور شرح 0.31 فیصد رہی،اسی طرح سے لاہور میں 789 ٹیسٹ کیے گئےہیں جن میں سے 2 مریضوں کے ٹیسٹ مثبت آئے اور وہاں پر شرح 0.25 فیصد رہی ہے.

تربیلا ڈیم میں تقریباً 10 ارب ٹن گارا جمع ہو گیا ہے جس کی وجہ سے اس کی پانی ذخیرہ کرنے کی صلاحیت میں 40 فیصد سے زیادہ کمی واقع ہوئی ہے۔

یہ انکشاف سینیٹ کی قائمہ کمیٹی برائے آبی وسائل کو واٹر اینڈ پاور ڈویلپمنٹ اتھارٹی (واپڈا) کے حکام کی جانب سے دی گئی بریفنگ کے دوران سامنے آیا۔ سینیٹ کی قائمہ کمیٹی برائے آبی وسائل کو بریفنگ دیتے ہوئے واپڈا حکام نے بتایا کہ گاد کی وجہ سے پاکستان کے دوسرے بڑے ذخیرے کی بجلی پیدا کرنے کی صلاحیت بھی متاثر ہوگی۔ انہوں نے کہا کہ کئی دہائیوں سے جمع ہونے والی گارا اب ڈیم کے کنارے سے صرف چار میل کے فاصلے پر ’پہاڑ‘ کی شکل اختیار کر لی ہے

بریفنگ کے دوران بتایا گیا کہ گارا کا یہ پہاڑ 1974 میں ڈیم کے کنارے سے 14 میل دور تھا جو اب 10 میل آگے آگیا ہے، مستقبل میں گارا کا یہ پہاڑ کسی جھٹکے کی صورت میں ڈیم کی خارجی سرنگوں کو بند کر سکتا ہے۔ گاد کی وجہ سے ڈیم کی پانی ذخیرہ کرنے کی صلاحیت 90 لاکھ 60 ہزار ایکڑ فٹ سے کم ہو کر 50 لاکھ 80ہزار ایکٹر فٹ رہ گئی ہے۔ واپڈا نے اس گاد اور گارا کی صفائی کے لیے امریکی اور جنوبی افریقی ماہرین سے رابطہ کیا لیکن اس کام کی لاگت قابل عمل نہیں تھی۔

سینیٹرز کے سوالات کے جواب میں واپڈا حکام نے کہا کہ گارا اور گاد کی جانچ باقاعدگی کے ساتھ ہر 4 سے 6سال بعد کی جاتی ہے، بتایا گیا کہ ڈیسلٹنگ یعنی گارا کی صفائی کے عمل پر اتنی زیادہ لاگت آرہی ہے کہ اس رقم سے اسی سائز کا نیا ڈیم تعمیر کیا جا سکتا ہے۔ ٹکنیکل اسٹڈیز کی بنیاد پر سامنے آنے والا سب سے بہتر آپشن آؤٹ لیٹ پوائنٹس کو بلند کرنا تھا تاکہ ڈسچارج ٹنلز بلاک ہونے کی صورت میں بھی ڈیم فعال رہے۔ سینیئر حکام کے مطابق یکم اکتوبر کو گارا کی نقل و حرکت کی وجہ سے ڈیم کی ٹنل-5 کو ’ناگزیر حفاظتی اقدامات‘ کے طور پر 33 ماہ کے لیے بند کر دیا گیا تھا۔
مزید یہ بھی پڑھیں.
وزیر خارجہ کی پاکستانی نژاد امریکی کمیونٹی کے رہنماؤں سے ملاقات
پاکستان کو سیلاب کی تباہ کاریوں سے نمٹنے کے لئے عالمی برادری کے ٹھوس تعاون کی ضرورت ہے.اقوام متحدہ
اسلام آباد سے کراچی سفر کرنیوالی پرواز کا مسافردوران سفر انتقال کر گیا
بجلی 31.60 روپے فی یونٹ، گیس 100فیصد مہنگی کرنیکی تجویز
قرضوں کی بہتر مینجمنٹ کیلیے فوری طور پر ڈیبٹ مینجمنٹ آفس قائم
اسلام آباد میں سالِ نو کی پارٹیوں کے دوران اسمگل کی جانیوالی منشیات برآمد
تقریباً چار میل لمبا گارا کا پہاڑ ٹنل کے آف ٹیک پوائنٹس کے اتنا قریب تھا کہ معمولی زلزلے کی صورت میں ٹنلز کو بلاک کرسکتا ہے۔ کیونکہ پانی کے ساتھ آنے والی مٹی کو روکنے کا کوئی طریقہ کار موجود نہیں ہے، اس لیے ٹنل سے پانی کے اخراج کی سطح کو اونچا کرنے کا فیصلہ کیا گیا تاکہ بلاک ہونے کی صورت میں بھی اونچے مقامات سے پانی کا اخراج کیا جا سکے۔ کمیٹی ارکان نے ڈیم سے گارا ختم کرنے کے طریقے تلاش کرنے کی ضرورت پر زور دیتے ہوئے کہا کہ گاد کے ایک خاص حد تک بہاؤ کے لیے بھی اقدامات کیے جائیں کیونکہ یہ زمین کی زرخیزی کا باعث بھی بنتی ہے۔ قائمہ کمیٹی نے وزارت آبی وسائل سے کہا کہ وہ اس مسئلے سے نمٹنے کے لیے قلیل اور طویل مدتی اقدامات کا خاکہ پیش کرتے ہوئے رپورٹ مرتب کرے۔

ایف بی آر کی نئے ٹیکسز کے بغیر آئی ایم ایف کو اہداف حاصل کرنے کی یقین دہانی

پاکستان کی بین الاقوامی مالیاتی ادارہ (آئی ایم ایف) کے ساتھ اگلے 7 ماہ ( دسمبر سے جون) کے لیے محصولات کی وصولی کے تخمینے میں فرق کو کم کرنے کے لیے کوششیں جاری ہیں تاکہ نویں جائزہ قسط میں تاخیر کے باعث پیدا ہونے والی غیر یقینی صورتحال کو ختم کیا جاسکے۔ نجی ٹی وی کی رپورٹ کے مطابق آئی ایم ایف کا کہنا ہے کہ مالی سال 2022-2023 کے دوران 422 ارب روپے کا خسارہ ہوا جسے فیڈرل بورڈ آف ریوینیو (ایف بی آر) نے مسترد کردیا ہے۔ تاہم ایف بی آر نے آئی ایف ایم کے سامنے خسارے کا تخمینہ پیش کیا جس میں یقین دہانی کروائی کہ درآمدات میں کمی کے باوجود بجٹ کا ہدف حاصل کیا جاسکتا ہے۔ ایف بی آر کے تخمینے سے ظاہر ہوتا ہے کہ خُلا کو کم کرنے کے لیے نئے ٹیکس کے اقدامات کی ضرورت نہیں ہے۔

تاہم آئی ایم ایف نے محصولات کی وصولی کو برقرار رکھنے کے لیے اضافی محصولات کے اقدامات پر زور دیا تاکہ 30 جون 2023 کے اختتام تک 7 کھرب 47 ارب روپے کے متوقع ٹیکس ہدف کو حاصل کیا جاسکے، جو گزشتہ سال کی وصولی کے مقابلے 21.5 فیصد زیادہ ہے۔ ایف بی آر نے جولائی اور نومبر کے دوران 26 کھرب 88 ارب روپے وصول کیے جو اس مدت کے لیے مقرر کردہ ہدف سے محض 8 ارب روپے زیادہ ہے۔ پاکستان اور آئی ایم ایف کے درمیان طریقہ کار میں فرق صرف ایف ابی آر کے محصولات کی وصولی تک محدود نہیں بلکہ ان کے درمیان پیٹرولیم ڈولپمنٹ لیوی (پی ڈی ایل) کی وصولی پر بھی اختلافات شامل ہیں۔

رواں مالی سال کے دوران پیٹرولیم ڈولپمنٹ لیوی کے تحت آئی ایم ایف نے 30 ارب روپے کی کمی کا تخمینہ لگایا تھا، اس سے قبل وزارت خزانہ نے 50 ارب روپے کا تخمینہ لگایا جسے آئی ایف ایم نے مسترد کردیا تھا۔ رواں مالی سال 2022-2023 کے پہلے پانچ ماہ کے دوران پیٹرولیم مصنوعات کی کھپت میں 22 فیصد کمی ہوئی ہے جس کا مطلب پیٹرولیم کے شعبے کے مقابلے جنرل سیلز ٹیکس زیادہ وصول ہوئے ہیں۔

ایف بی آر نے رواں مالی سال کے دوسرے نصف اور دسمبر میں محصولات کی وصولی کی تٖفصیلات جمع کروادی ہیں. ذرائع نے بتایا کہ مالی سال 2022-2023 کے پہلے پانچ ماہ کے دوران براہ راست ٹیکس کی وصولی میں 53 فیصد اضافہ ہوا، یہ رجحان درآمدی مرحلے پر محصولات کی وصولی میں کمی کے اثرات کو پورا کرنے کے لیے کافی ہوگا۔ اس کے برعکس آئی ایم ایف نے سال 2022-2023 کی دوسری ششماہی میں محصولات میں کمی کے بارے میں تفصیلات سے پاکستان کو پہلے ہی آگاہ کردیا ہے، ذرائع کے مطابق دوسری ششماہی میں محصولات کی وصولی کے حوالے سے پاکستان کی جانب سے لگائے گئے تخمینوں پر آئی ایم ایف کی طرف سے کوئی جواب نہیں آیا۔

اس کے علاوہ گزشتہ ہفتے ایف بی آر کے چیئرمین عاصم احمد نے کراچی کا دورہ کیا تھا، انہوں نے ٹیکس شعبے کے اعلیٰ حکام کو ہدایت کی کہ زیادہ سے زیادہ محصولات کی وصولی کے لیے کوششیں تیز کی جائیں، عاصم احمد نے اس حوالے سے مخصوص اہداف بھی پیش کیے۔ دوسری جانب 13 دسمبر کو وزیرخزانہ اسحٰق ڈار نے محصولات کی وصولی کے حوالے سے ایف بی آر کا دورہ کیاتھا . اسحٰق ڈار کی 9 ویں جائزے کے جلد اختتام پر بھی کڑی نظر ہے جسے اکتوبر کے آخر تک مکمل ہونا تھا۔ ذرائع کا کہنا ہے کہ پیڑولیم ڈولپمنٹ لیوی کی وصولی کے طریقہ کار اور خامیوں پر جب سوالات اٹھائے گئے تو وزارت خزانہ نے اس حوالے سے تمام تفصیلات آئی ایم ایف کے ساتھ شیئر کی تھی۔

ذرائع کے مطابق یہ مسئلہ تب ہی حل ہوسکتا ہے جب دونوں فریقین محصولات کی وصولی کے طریقہ کار میں موجود فرق کو کم کریں گے۔ آئی ایم ایف کی نویں جائزہ قسط میں تاخیر کا تعلق مالی سال 2023 کے ششماہی میں محصولات کی وصولی کے اہداف اور پیٹرولیم ڈولپمنٹ لیوی کی وصولی پر عملی نقطہ ہے۔ یاد رہے کہ آئی ایم ایف اور حکومتِ پاکستان کے درمیان زیرِ التوا مذاکرات کی وجہ سے ایک ارب 18 کروڑ ڈالر کی قسط کے اجراء کے لیے نویں جائزے تاخیر کا شکار ہے.

ورلڈ بینک کے ایگزیکٹو ڈائریکٹرز کےاجلاس میں پاکستان کی مالی مدد کے لیے 1.692 ارب ڈالر کی منظوری دی گئی۔

ورلڈ بینک نے سندھ کے سیلاب متاثرین کی مالی مدد کے لیے 1.6 ارب ڈالر سے زائد فنانسنگ کی منظوری دے دی۔ ورلڈ بینک کے ایگزیکٹو ڈائریکٹرز کےاجلاس میں پاکستان کی مالی مدد کے لیے 1.692 ارب ڈالر کی منظوری دی گئی۔ اعلامیے کے مطابق پاکستان کو سندھ میں سیلاب زدہ علاقوں کے متاثرین کی مدد کے 5 منصوبوں کے لیے فنڈز ملیں گے جن میں سے تین منصوبے متاثرین کی بحالی، مکانات کی تعمیر اور زراعت کے شعبے کے ہیں جب کہ دیگر 2 منصوبے ماں اوربچوں کی صحت کے شعبے میں معاونت کریں گے۔

قبل ازیں نومبر میں بھی ورلڈ بینک نے سیلاب متاثرین کے گھروں کی تعمیرکے لئے 500 ملین اور سڑکوں کی تعمیر کے لئے 80 ملین ڈالر کا قرض دینے کا اعلان کیا تھا۔ وزیراعلی سندھ سید مراد علی شاہ کی ورلڈ بینک کے کنٹری ڈائریکٹر کی سربراہی میں 31 رکنی وفد سے ملاقات ہوئی تھی، جس میں ورلڈ بینک کے مختلف سیکٹر کے سربراہان شریک تھے۔ وزیراعلیٰ سندھ نے کہا تھا کہ گھروں کی تعمیر جلد شروع کرنا چاہتے ہیں سردیاں بھی شروع ہورہی ہیں اور ہمارے لوگ تکلیف میں ہیں۔
مزید یہ بھی پڑھیں.
وزیر خارجہ کی پاکستانی نژاد امریکی کمیونٹی کے رہنماؤں سے ملاقات
پاکستان کو سیلاب کی تباہ کاریوں سے نمٹنے کے لئے عالمی برادری کے ٹھوس تعاون کی ضرورت ہے.اقوام متحدہ
اسلام آباد سے کراچی سفر کرنیوالی پرواز کا مسافردوران سفر انتقال کر گیا
بجلی 31.60 روپے فی یونٹ، گیس 100فیصد مہنگی کرنیکی تجویز
قرضوں کی بہتر مینجمنٹ کیلیے فوری طور پر ڈیبٹ مینجمنٹ آفس قائم
اسلام آباد میں سالِ نو کی پارٹیوں کے دوران اسمگل کی جانیوالی منشیات برآمد
کنٹری ڈائریکٹر کا کہنا تھا کہ ورلڈبینک ہاؤسنگ پروجیکٹ کے لئے فنڈزجاری کررہا ہے اور سیلاب متاثرین کے لئے ورلڈ بینک 500 ملین ڈالرزکا قرض دے رہا ہے۔