Author: +9251

پاکستانی فیشن ڈیزائنر محسن نوید رانجھا کی بالی وڈ میں مقبولیت بڑھتی ہی جا رہی ہے. ان کے تیار کردہ کپڑے بالی وڈ‌ سٹارز پہن کر نہ صرف خوشی محسوس کرتے ہیں بلکہ ڈیزائنر کی تعریف بھی کرتے ہیں. حال ہی میں محسن نوید رانجھا نے سری دیوی کی بیٹی جھانوی کپور کے ساتھ ایک شوٹ کیا ہے اس شوٹ کی تصاویر انٹرنیٹ پر وائرل ہو رہی ہیں. جھانوی کپور نے کھل کر کی ہے تعریف محسن نوید رانجھا کی انہوں نے کہا کہ محسن کے تیارہ کردہ کپڑے بہت ہی خوبصورت ہیں میں نے اس سے پہلے کبھی بھی اتنے خوبصورت کپڑے نہیں‌ پہنے نہ ہی اتنا

خوبصورت شوٹ کروایا ہے.یاد رہے کہ جھانوی کپور سے پہلے محسن نوید رانجھا نے سیف علی خان کی بیٹی سارا علی خان کے ساتھ بھی شوٹ کیا . سارا علی خان نے بھی پاکستانی ڈیزائنر کی جم کر تعریف کی . سارا اور جھانوی کپور دونوں فرینڈز ہیں . محسن نوید رانجھا نے انیل کپور کو بھی اپنی تیار کردہ شیروانی تحفے کے طور پر بھیجی تھی جسے پہن کر انہوں نے ایک وڈیو بنائی اور پاکستانی ڈیزائنر کے فن کو سراہا اور ان کا شکریہ ادا کیا . یوں پاکستانی فیشن ڈیزائنر بالی وڈ کی نامور سلیبرٹیز کے فیورٹ‌بنتے جا رہے ہیں .

معروف کرکٹر سلیم یوسف کی بیٹی ایمن سلیم جنہوں نے حال ہی میں‌اپنے شوبز کیرئیر کا آغاز کیا ہے ان کوشوبز میں آتے ہی بڑے پراجیکٹس ملے ہیں جس کے بعدان کے نام کا ڈنکہ بج رہا ہے. ایمن سلیم نے حال ہی میں ایک انٹرویو دیا ہے جس میں انہوں نے کہا ہے کہ میرے جو رشتہ دار میرے شوبز میں آنے کے خلاف تھے اب وہی میرے آگے پیچھے پھرتے ہیں اور مجھ سے ریکویسٹ کرتے ہیں کہ میں ان کے ساتھ ایک سیلفی بنوا لوں. اداکارہ نے کہا کہ میرے ماں باپ کی خواہش تھی کہ میں اچھا پڑھ لکھ جائوں میں نے امریکہ سے تعلیم مکمل کی اس کے بعد دبئی

میں‌ملازمت کی. میں‌نے جب شوبز میں قدم رکھا تو میں نے ٹھان لیا تھا کہ کچھ کرکے دکھانا ہے خصوصی طور پر ان کو جو میرے شوبز میں آنے پر تنقید کرتے ہیں. ایمن نے کہا کہ دن رات باتیں کرنے والے اب جب مجھ سے سیلفی مانگتے ہیں تو برا نہیں لگتا لیکن یہ ضرور ہے کہ کسی کے شوق کے آڑے نہیں آنا چاہیے . میں بہت خوش ہوں کہ مجھے اللہ نے بہت شہرت دی ہے اور مسلسل میری شہرت میں اضافہ ہو رہا ہے. میرے پاس بہت اچھے پراجیکٹس ہیں یقینا جب وہ آن ائیر جائیں گے شائقین پسند کریں گے.

معروف اداکارہ فاطمہ آفندی جو ڈراموں میں کام کرتی ہیں انہوں نے حال ہی میں ایک انٹرویو دیا ہے اس میں انہوں نے بتایا ہے کہ ان کو بالی وڈ سے انیس بزمی نے کال کی اور فلم میں کام کرنے کی آفر کی تو انہوں نے آفر کو یہ کہہ کر ٹھکرا دیا تھا کیونکہ وہ کم لباس نہیں‌پہن سکتیں . فاطمہ آفندی نے کہا کہ میں نے انیس بزمی کو کھل کر کہا کہ میں نے اپنی کچھ حدود مقرر کر رکھی ہیں ان سے باہر نکل کر بالکل بھی کام نہیں کر سکتی . انہوں نے کہا میں اپنی سکن دکھانے کی بالکل بھی قائل نہیں ہوں یہی وجہ ہے کہ اج تک کسی بولڈ پراجیکٹ میں کام نہیں کیا. انہوں نے کہا کہ بنیادی طور پر میں شرمیلی طبیعت کی مالک ہوں میں تو شاید شوبز میں آتی ہی نا اگر میری والدہ میری حوصلہ

افزائی نہ کرتیں انہوں نے مجھے ماڈلنگ کرنے کے لئے رضا مند کیا اس کے بعد مجھ میں ایک اعتماد نے جنم لیا اور میں نے اداکاری کرنی شروع کر دی لیکن اداکاری میں بھی میں نے اپنا ایک دائرہ بنا رکھا ہے اس سے باہر نکل کر کام نہیں‌کر سکتی چاہے جتنی مرضی بڑی آفر ہی کیوں نہ ہو. فاطمہ آفندی نے کہا کہ میرا حال ہی میں ڈرامہ بیٹیاں چل رہا ہے جو کو بہت پذیرائی مل رہی ہے اس کے لئے میں اپنے مداحوں کی شکر گزار ہوں .

اداکار فیروز خان جو اپنے تلخ رویے اور بدتمیزی کی وجہ سے مشہور ہیں انہوں‌ نے وسیم اکرم کی اہلیہ کی نصیحت کو ہوا میں اڑاتے ہوئے ان کو دیا ہے کرارہ جواب. دو روز قبل شنیرا اکرم نے فیروز خان سے کہا کہ بچے کو گود میں لیکر کبھی ڈرائیو نہیں کرنے چاہیے آپ نے اس عمل سے بچے کی زندگی کو خطرے میں ڈالا ہے جو کہ بالکل بھی مناسب نہیں ہے . اس کے جواب میں فیروز خان نے اپنے اکائونٹ پر ایک رشین فائٹر کی وڈیو شیئر کی جو ایک ریچھ سے فائٹ کررہا ہےاور کیپشن میں شنیرا اکرم کو مخاطب کرتے ہوئے لکھا کہ شکر ہے اس فائٹر نے آپ کی یا

اپنے والد کی بات نہیں سنی ورنہ اس کا ٹیلنٹ ضائع ہوجاتا۔فیروز خان نے یہ بھی کہا کہ میں ڈرائیونگ اور سیفٹی کے معاملات کو آپ سے بہتر سمجھتا ہوں، اور میں پروفیشل کار ریسنگ کا دو سال سے حصہ ہوں۔شنیرا اکرم نے جواب میں لکھا کہ مجھے سمجھ نہیں آئی کہ آپ نے ایسی وڈیوز کیا سمجھانے کے لئے شئیر کی ہیں. یوں دونوں کی نوک جھونک کا سلسلہ چل رہا ہے . دوسری طرف فیروز خان کے ناقدین کا کہنا ہےکہ جو آدمی اپنی بیوی پر ظلم کر سکتا ہے اسکو کسی کی نصیحت کیا سمجھ میں آئیگی .

بالی وڈ اداکارہ دیپیکا پڈوکون جن کاحال ہی میں گانا ہمیں تو لوٹ لیا عشق والوں نے ریلیز ہوا ہے. اس گانے کی ریلیز کے بعد وہ شدید تنقید کی زد میں ہیں. اس گانے پر شدید تنقید کے بعد ابھی تک شاہ رخ خان اور دیپیکا کا کوئی بیان سامنے نہیں‌آیا. اب اطلاعات ہیں کہ دیپیکا ممبئی سے قطر روانہ ہو گئی ہیں. دیپیکا پڈوکون ممبئی ائیر پورٹ پر بہت زیادہ پر اعمتاد دکھائی دیں. دوسری طرف فلم پٹھان کی ریلیز بھی خطرے میں نظر آرہی ہے کیونکہ اس فلم کا گانا اور نام تبدیل کئے جانے کی ڈیمانڈ کی جا رہی ہے.یاد رہے کہ شاہ رخ خان کی فلم پٹھان کے گیت میں ہیروئن دپیکا پڈوکون کے زعفرانی لباس کو وجہ بنا کر بھارتی انتہا پسندوں نے فلم کے بائیکاٹ کا اعلان کیا ہے۔ شاہ رخ کے ساتھ دپیکا کے

زعفرانی رنگ کے لباس کے منظر کو بھارتی انتہا پسندوں نے مذہبی تعصب کا رنگ دیا ہے۔ہندو مذہب میں زعفرانی رنگ کو مقدس سمجھا جاتا ہے ۔بھارتیہ جنتا پارٹی سے تعلق رکھنے والے بھارتی ریاست مدھیہ پردیش کے وزیر داخلہ نے گانے اور دپیکا کے کپڑوں کے رنگ کی مخالفت کی اور کہا کہ دپیکا جواہر لعل نہرو یونیورسٹی میں ہونے والے احتجاج کی حمایت بھی کرتی رہی ہیں۔انہوں نے کہا کہ فلم کے مناظر میں تبدیلی نہ کی گئی تو مدھیہ پردیش میں پابندی لگا دیں گے۔یوں شاہ رخ خان آگئے ہیں شدید پریشانی کی زد میں.

معروف اداکار علی اعجاز کو ہم سے بچھڑے چار سال کا عرصہ بیت گیا ہے، اداکار نے اپنی بہترین اداکاری کی بدولت شائقین کے دلوں‌پر راج کیا . علی اعجاز نے اداکاری سے پہلے ایک بنک میں‌ ملازمت کی. علی اعجاز بنک کی ملازمت تو کررہے تھے لیکن ان کا دھیان اداکاری کی طرف تھا. علی اعجاز کی دوستی منور ظریف کے ساتھ تھی دونوں کی بچپن سے ہی دوستی تھی. منور ظریف نے علی اعجاز کو فلم انڈسٹری کی راہ دکھائی. علی اعجاز نے اپنے کیرئیر کا آغاز ریڈیو سے کیا اس کے بعد انہوں نے سٹیج اور تھیٹر پر اپنی اداکاری کے جوہر دکھائے اور مداحوں کو اپنا دیوانہ بنایا. پی ٹی وی لاہور سنٹر سے انہوں نے 1964ء میں اطہر شاہ خان جیدی کے لکھے ہوئے

ڈرامے ’لاکھوں میں تین‘ میں اداکاری کی اس ڈرامے نے ان کو شہرت کی بلندیوں پر پہنچا دیا. ان کی یہی شہرت انہیں فلموں میں لیکر آئی. ہدایت کار شباب کیرانوی نے علی اعجاز کی اداکاری کے حقیقی جوہر محسوس کئے تو رفیع خاور عرف ننھا کے ذریعے علی اعجاز کو ملاقات کا پیغام بھیجا، یوں ان کے فلمی سفر کا آغاز ہوا۔ننھا اور اداکار علی اعجاز نے ایک ساتھ کئی فلموں میں اداکاری کے جوہر دکھائے. علی اعجاز 18 دسمبر 2018 کو اپنے پرستارقں کو سوگوار چھوڑ کر دنیا سے رخصت ہو گئے.

اداکار دانش تیمور کی صلاحیتوں سے کون واقف نہیں ہے. انہیں چھوٹی اور بڑی سکرین پر یکساں‌مقبولیت حاصل ہے. ان کے ھوالے سے خبریں ہیں کہ انہوں نے حال ہی میں ایک فلم میکر کو فلم کرنے سے منع کر دیا ہے. دانش تیمور کو ایک بڑے بجٹ کی فلم میں‌ منہ مانگا معاوضہ دئیے جانے کی پیشکش کی گئی لیکن انہوں نے فلم کرنے سے منع کر دیا . اور منع کرنے کی وجہ یہ ہے کہ ان کو اس فلم میں اپنا کردارپسند نہیں آیا اور کردار سننے کے بعد انہوں نے فیصلہ کیا کہ وہ فلم نہیں کریں گے. دانش تیمور اس سے پہلے بھی ڈائریکٹر سنگیتا کی فلم میں‌کام کر چکے ہیں، ان کی اس فلم کو خاص پذیرائی نہیں‌ ملی تھی.

حال ہی میں ان کا ڈرامہ سیریل کیسی تیری خود غرضی اختتام پذیرہوا ہے اس میں دانش تیمور نے ایک ایسے عاشق کا کردار نبھایا جو اپنی پسند کو پانے کے لئے کسی بھی حد تک جا سکتا ہے. دانش کے اس کردارپر بہت زیادہ تنقید ہوئی تاہم ان کی اداکاری کو بہت زیادہ پسند کیا گیا . اس ڈرامے میں ان کے ساتھ اداکارہ درفشاں نے مرکزی کردار ادا کیا . یاد رہے کہ دانش تیمور آئزہ خان کے شوہر ہیں اور دونوں کم مگر معیاری کام کرنے کو ترجیح دیتے ہیں.