Author: +9251

ایس ای سی پی؛ ڈیجیٹل قرض فراہمی کے لائسنسز اجرا کے رولزمزید سخت

 ایس ای سی پی نے ڈیجیٹل قرض فراہمی کے لائسنسز اجرا کے رولزمزید سخت کردیے۔ سیکیورٹیز اینڈ ایکسچینج کمیشن آف پاکستان (ایس ای سی پی) نے صارفین کے تحفظ کیلیے موبائل فون کے ذریعے عوام کو چھوٹے قرضوں کی فراہمی کیلیے موبائل فون ایپ کو لائسنسز کی فراہمی اورموبائل ایپ کیلیے والٹ اکاؤنٹس کھولنے کو پاکستان ٹیلی کمیونیکیشن اتھارٹی (پی ٹی اے) کے این او سی سے مشروط کردیا ہے۔

اس حوالے سے ایس ای سی پی کے سینئر افسر نے ’’ایکسپریس‘‘ کو بتایا ہے کہ 3کمپنیوں کو ڈیجیٹل قرضوں کے اجرا کے لائسنسز جاری کیے گئے ہیں۔ اس کے علاوہ باقی تمام کمپنیاں غیر قانونی ہیں جن کے خلاف کارروائیاں جاری ہیں۔ اب تک چالیس سے زائد غیر قانونی موبائل ایپ بند کی جاچکی ہیں۔ جبکہ اس کے علاوہ دوسری جانب  وفاقی حکومت نے ڈیجیٹائزیشن کے عمل کو تیز کرنے کیلیے نیشنل روٹ سرٹیفکیشن اتھارٹی قائم کردی۔
مزید یہ بھی پڑھیں؛
مارگلہ کی پہاڑیوں پر نایاب نسل کا تیندوہ مردہ حالت میں پایا گیا
خاشقجی کی منگیتر، نے امریکی عدالت کے فیصلے پر ردعمل میں کہا کہ "جمال آج پھر انتقال کر گئے ہیں۔”
دنیا میں ترقی جنگوں سے نہیں بیلٹ پیپر سے آئی،سیکرٹری الیکشن کمیشن
عمران خان کے خلاف ممنوعہ فنڈنگ کیس کی سماعت 19دسمبر تک ملتوی
ارشد شریف قتل کیس ازخود نوٹس،فیکٹ فائنڈنگ کمیٹی کی رپورٹ سپریم کورٹ میں جمع
وفاقی وزیر آئی ٹی و ٹیلی کمیونیکیشن سید امین الحق نے نیشنل روٹ سرٹیفکیشن اتھارٹی کے پبلک کی انفرااسٹرکچر کا افتتاح کر دیا ہے، ان کا کہنا ہے کہ یہ پہلی نیشنل روٹ سرٹیفکیشن اتھارٹی ہوگی جس سے ملک میں الیکٹرانک طریقوں سے لین دین اور ابلاغی سرگرمیوں میں اعتماد اور حفاظتی اقدامات کو مستحکم بنانے میں مدد ملے گی، اس حوالے سے افتتاحی تقریب اسلام آباد میں ہوئی۔ وفاقی وزیر آئی ٹی نے کہا کہ نیشنل روٹ سرٹیفکیشن اتھارٹی کا قیام، ڈیجیٹائزیشن کے عمل کو تیز کرنے کی جانب ایک اہم قدم ہے۔

پاکستان نے سعودیہ سے مزید 3 ارب ڈالر مانگ لیے

 پاکستان نے زرمبادلہ کے ذخائر انتہائی کم سطح پر گرنے کے بعد سعودی عرب سے درخواست کی ہے کہ اسے فوری طور پر مزید 3 ارب ڈالر نقد فراہم کیے جائیں۔ پاکستان سعودی عرب سے پہلے ہی بیل آؤٹ پیکیج کے تحت 3 ارب ڈالرقرض لے چکا ہے، مزید3 ارب ڈالر کی درخواست وزیرخزانہ اسحق ڈار نے بدھ کو سعودی سفیر نواف بن سعید المالکی سے ملاقات میں کی۔ وزارت خزانہ کے حکام کے مطابق اسحق ڈار نے کل دوسرے روز بھی غیرملکی سفارتکاروں سے ملاقاتیں کیں جو مالیاتی حمایت کے حصول اور شرائط میں نرمی کیلیے آئی ایم ایف پر اثرانداز ہونے کیلیے ان کی کوششوں کا حصہ ہیں۔

ذرائع کے مطابق وزیر خزانہ کی سعودی سفیر سے ملاقات میں نئے آرمی چیف جنرل عاصم منیر کے جلد دورہ سعودی عرب پر بھی تبادلہ خیال ہوا۔ شہباز رانا کے مطابق نئی فوجی قیادت بھی سعودی امداد کے حصول کیلیے اپنا کردار ادا کرے گی ،سعودی امداد کی فوری ضرورت اس لیے ہے کہ ملک کے زرمبادلہ کے ذخائر جنوری 2019 کے بعد پہلی بار 7 ارب ڈالر کی سطح سے نیچے آ گئے ہیں۔ موجودہ ذخائر کی سطح تقریباً 6.7 ارب ڈالر ہے جو کہ 18 جنوری 2019 کو تقریباً 6.6 ارب ڈالر کی سطح کے تقریباً برابر ہے۔

ذرائع کے مطابق6.7 ارب ڈالر کے ذخائر رواں مالی سال کے آئندہ تین ماہ جنوری تا مارچ کے دوران 8.8 ارب ڈالر کے قرضوں اور سود کی ادائیگیوں کیلئے ناکافی ہیں۔ وزارت خزانہ سے جاری بیان کے مطابق اسحاق ڈار نے سعودی فنڈ فار ڈویلپمنٹ (SFD) کی جانب سے اسٹیٹ بینک میں رکھوائے3 ارب ڈالر کے ڈیپازٹ کی مدت میں توسیع پر سعودی سفیر کا شکریہ ادا کیا۔ نومبر کے پہلے ہفتے میں وزیر خزانہ نے کہا تھا کہ پاکستان نے چین اور سعودی عرب کی جانب سے 13 ارب ڈالر کے مالیاتی پیکج کی یقین دہانی حاصل کر لی ہے اس میں 5.7 ارب ڈالر کے نئے قرضے بھی شامل ہیں۔

مالیاتی پیکج کے تحت سعودی عرب سے 4.2 ارب ڈالر اور چین سے 8.8 ارب ڈالر آنے تھے تاہم گزشتہ ایک ماہ کے دوران اس ضمن میں کوئی پیش رفت نہیں ہوسکی۔ الٹا پاکستان نے چین کے دو کمرشل قرضے واپس کئے جن کی مالیت1.2 ارب ڈالر تھی۔ 13 ارب ڈالر کا مالیاتی پیکج پاکستان کی مالی سال2022-23 کی مجموعی مالیاتی ضروریات 38فیصدکے مساوی ہے اور یہ پیکج ملنے سے ڈیفالٹ کا خطرہ ٹل سکتا ہے کیونکہ اس وقت آئی ایم ایف متعدد سخت شرائط عائد کرنے کے باوجود کوئی بڑا مالیاتی پیکج لے کر نہیں آیا۔ وزارت خزانہ کے مطابق اسحاق ڈار نے ملاقات میں سعودی سفیر کو سیلاب کے بعد کی تعمیر نو اور بحالی کے پروگرام کے بارے میں آگاہ کیا۔

ملاقات میں فریقین نے موخر ادائیگیوں پر 1.2 ارب ڈالر کی سعودی تیل کی سہولت میں اضافے کے امکانات کا بھی جائزہ لیا۔ پاکستان میں سعودی عرب کی ایک ارب ڈالر کی سرمایہ کاری پر بھی بات چیت ہوئی۔ آئی ایم ایف کی طرف سے 6.5 ارب ڈالر کا پروگرام بحال کرانے میں ناکامی پر پاکستان مدد کیلئے دوست ممالک کی طرف دیکھ رہا ہے، یہ پروگرام تین سالوں میں چوتھی مرتبہ پٹڑی سے اترا ہے۔ آئی ایم ایف نے ابھی تک سٹاف سطح کے مذاکرات کی تاریخوں کو حتمی شکل نہیں دی ہے جو1.2 ارب ڈالر کی قسط کے حصول کیلئے بہت ضروری ہیں۔

ذرائع کے مطابق پاکستان اور آئی ایم ایف نے گزشتہ روز رواں مالی سال کے دوران 32ارب ڈالرکے مالیاتی پیکج کے حصول کے امکانات پر بات چیت کی۔ حکومتی ذرائع کے مطالق حکومت کے تخمینوں میں 23 ارب ڈالر کے قرضے اور1.5 ارب ڈالر کی گرانٹس کا حصول شامل ہے۔ حکومت نے توقع ظاہر کی کی پاکستان کو 7.5 ارب ڈالر کے تخمینے کے مقابلے میں 6.2 ارب ڈالر کے غیرملکی کمرشل قرضے مل جائیں گے۔ ان میں سے 3.5 ارب ڈالر چین دیگا جبکہ2.7 ارب ڈالر غیرچینی غیر ملکی تجارتی بینک فراہم کریں گے جن کی میعاد کا عرصہ کم ہے۔
مزید یہ بھی پڑھیں؛
مارگلہ کی پہاڑیوں پر نایاب نسل کا تیندوہ مردہ حالت میں پایا گیا
خاشقجی کی منگیتر، نے امریکی عدالت کے فیصلے پر ردعمل میں کہا کہ "جمال آج پھر انتقال کر گئے ہیں۔”
دنیا میں ترقی جنگوں سے نہیں بیلٹ پیپر سے آئی،سیکرٹری الیکشن کمیشن
عمران خان کے خلاف ممنوعہ فنڈنگ کیس کی سماعت 19دسمبر تک ملتوی
ارشد شریف قتل کیس ازخود نوٹس،فیکٹ فائنڈنگ کمیٹی کی رپورٹ سپریم کورٹ میں جمع
اسلام آباد سے خصوصی رپورٹر کے مطابق سعودی سفیر سے ملاقات میں اسحاق ڈار نے کہا کہ پاکستان اور سعودی عرب کے درمیان معیشت اور تجارت سمیت مختلف محاذوں پر غیر معمولی تعلقات ہیں۔ انہوں نے پاکستان کی معیشت کے مختلف شعبوں میں قیمتی سرمایہ کاری پر سعودی فنڈ برائے ترقی کا بھی شکریہ ادا کیا۔ سعودی سفیر نے طویل المدتی تعلقات کا اعتراف کیا اور بتایا کہ مملکت سعودی عرب کا مقصد پاکستان کے ساتھ اقتصادی اور تجارتی تعلقات کو مزید گہرا کرنا ہے۔ نیوز ایجنسیوں کے مطابق وزیر خزانہ سے سے چین کے سفیر نونگ زونگ نے بھی ملاقات کی جس میں دوطرفہ امور پر تبادلہ خیال کیا گیا۔ اسحاق ڈار نے چین کے سفیر کا خیرمقدم کرتے ہوئے کہا کہ دونوں ممالک کے درمیان دیرینہ تعلقات ہیں۔

وزیر خزانہ نے چین کے سابق صدر جیانگ زیمن کے انتقال پر دکھ کا اظہار کیا اور مشکل کی اس گھڑی میں چینی حکومت کی امداد کو سراہا۔ اسحاق ڈار نے کہاکہ حکومت آئی ایم ایف پروگرام مکمل کرنے کیلئے پرعزم ہے۔ چینی سفیر نے کہاکہ چینی حکومت پاکستان سے مسلسل تعاون جاری رکھے گی، ہم پاکستانی عوام کیساتھ کھڑے ہیں، ہر ممکن مدد فراہم کرنے کو تیار ہیں۔ اسحاق ڈار نے مسلسل تعاون اور مدد پر چینی سفیر کا شکریہ ادا کیا۔ ہالینڈ کی سفیر ہینی فوکل ڈی وریس نے بھی اسحاق ڈار سے ملاقات کی۔ وزیر خزانہ نے ہالینڈ کی سرمایہ کاری کی تجاویز کو سراہتے ہوئے کہا کہ کاروبار دوست ماحول کی فراہمی موجودہ حکومت کی ترجیح ہے۔

آپ کے وزیر بننے کا تو مجھے علم ہی نہیں تھا، عمران خان کا نئے وزیرسے مکالمہ ؛ عمران خان نے حلف اٹھانے والے پنجاب کے نئے وزیر کو ڈانٹ پلادی

وزارت کا حلف اٹھانے کے بعد خیال کاسترو چیئرمین پی ٹی آئی عمران خان سے ملاقات کیلئے پہنچے تو عمران خان نے ان کی کلاس لے لی۔ عمران کے خیالی پلاؤ میں اُبال آگیا۔۔۔۔۔پنجاب کی کابینہ میں خیال آگیا۔۔ نجی ٹی وی کے مطابق نئے نئے وزیر بننے والے خیال کاسترو کی خوشی اس وقت ہوا ہو گئی جب چیئرمین پی ٹی آئی عمران خان نے حلف اٹھانے پر انہیں ڈانٹ پلا دی.

اسمبلیاں تحلیل کرنے کا اعلان کرنے والی تحریک انصاف کی ایک بار پھر دوغلی پالیسی سامنے آئی ہے، جہاں ایک طرف حکومت سے مذاکرات کی نفی کرنے والے ایوان صدر کے ذریعے مذاکرات کررہے ہیں اور دوسروں جانب اسمبلیوں سے استعفے دینے کی دعویدار پی ٹی آئی نے پنجاب کابینہ میں توسیع کردی ہے۔ پی ٹی آئی کے رکن پنجاب اسمبلی خیال کاسترو نے بطور وزیر حلف اٹھا لیا ہے، اور گورنر ہاوس میں گورنر پنجاب بلیغ الرحمان نے ان سے حلف لیا۔
مزید یہ بھی پڑھیں؛
مارگلہ کی پہاڑیوں پر نایاب نسل کا تیندوہ مردہ حالت میں پایا گیا
خاشقجی کی منگیتر، نے امریکی عدالت کے فیصلے پر ردعمل میں کہا کہ "جمال آج پھر انتقال کر گئے ہیں۔”
دنیا میں ترقی جنگوں سے نہیں بیلٹ پیپر سے آئی،سیکرٹری الیکشن کمیشن
عمران خان کے خلاف ممنوعہ فنڈنگ کیس کی سماعت 19دسمبر تک ملتوی
ارشد شریف قتل کیس ازخود نوٹس،فیکٹ فائنڈنگ کمیٹی کی رپورٹ سپریم کورٹ میں جمع
وزارت کا حلف اٹھانے کے بعد خیال کاسترو بغیر شیڈول کے چیئرمین پی ٹی آئی سے ملاقات کیلئے پہنچے تو عمران خان نے ان کی کلاس لے لی۔ چیئرمین پی ٹی آئی عمران خان نے خیال کاسترو سے کہا کہ مجھے تو معلوم ہی نہیں کہ آپ کو وزیربنایا جارہا ہے، آپ کے حلف اٹھانے سے ہمارے موقف کو نقصان پہنچا ہے۔ ذرائع کا کہنا ہے کہ خیال احمد کاسترو خاموشی سے سب کچھ سنتے رہے اور ملاقات کے بعد رخصت ہوگئے۔

سلیمان شہباز کی حفاظتی ضمانت 13دسمبر تک منظور
اسلام آباد ہائی کورٹ نے وزیر اعظم شہباز شریف کے بیٹے سلیمان شہباز کی حفاظتی ضمانت منظور کر لی ہے۔ عدالت کی جانب سے سلیمان شہباز کو 13 دسمبر تک عدالت میں سرنڈر کرنے کا حکم دیا ہے، جس کے ساتھ ہی سلیمان شہباز کو ائیرپورٹ پر گرفتاری سے روکنے کا حکم بھی جاری کیا گیا ہے۔

وکیل امجد پرویز نے کہا کہ سلیمان شہباز 11 دسمبر کو سعودی ائیر لائن سے وطن واپس پہنچیں گے، وکیل کی جانب سے سلیمان شہباز کے ٹکٹ کی تفصیل بھی عدالت میں پیش کی گئی۔ چیف جسٹس عامر فاروق نے کہا کہ حفاظتی ضمانت کے لیے ملزم کا خود پیش ہونا ضروری ہے، وکیل نے یقین دہانی کرائی کہ سلیمان شہباز اتوار کو سعودی عرب سے اسلام آباد آ رہے ہیں۔

خیال رہے کہ گزشتہ روز خبر آئی تھی وزیراعظم شہباز شریف کے صاحبزادے سلیمان شہباز برطانیہ میں جلا وطنی ختم کرکے وطن واپسی کیلئے روانہ ہوگئے، سلیمان شہباز، اہلیہ اور بچوں کے ہمراہ عمرہ کیلئے سعودی عرب پہنچ گئے۔ سلیمان شہباز ہفتے کو پاکستان پہنچیں گے، وہ 2018 کے عام انتخابات سے قبل نیب مقدمات قائم کیے جانے کے بعد لندن آ گئے تھے، سلیمان شہباز والد شہباز شریف اور بھائی حمزہ شہباز کے ساتھ کئی مقدمات میں نامزد تھے۔
مزید یہ بھی پڑھیں؛
مارگلہ کی پہاڑیوں پر نایاب نسل کا تیندوہ مردہ حالت میں پایا گیا
خاشقجی کی منگیتر، نے امریکی عدالت کے فیصلے پر ردعمل میں کہا کہ "جمال آج پھر انتقال کر گئے ہیں۔”
دنیا میں ترقی جنگوں سے نہیں بیلٹ پیپر سے آئی،سیکرٹری الیکشن کمیشن
عمران خان کے خلاف ممنوعہ فنڈنگ کیس کی سماعت 19دسمبر تک ملتوی
ارشد شریف قتل کیس ازخود نوٹس،فیکٹ فائنڈنگ کمیٹی کی رپورٹ سپریم کورٹ میں جمع
یاد رہے کہ سابق مشیر احتساب شہزاد اکبر کی طرف سے سلیمان شہباز پر منی لانڈرنگ اور پبلک آفس کے غلط استعمال کے الزامات عائد کیے تھے، برطانیہ کی نیشنل کرائم ایجنسی نے سلیمان شہباز کے خلاف تحقیقات کے بعد انہیں کلین چٹ دی تھی۔ جبکہ سلیمان شہباز کا خیال ہے کہ نئے سیاسی نظام کیلئےجعلی مقدمات بنا کر مجھے پاکستان چھوڑنے پر مجبور کیا گیا تھا، کوئی بھی جلا وطن نہیں ہونا چاہتا، انصاف ملنے کی بھی توقع نہیں تھی، مجھ پر بنائے گئے جھوٹے مقدمات سیاسی مخالفت کی بد ترین مثال تھے۔