Author: +9251

فلم جوائے لینڈ جس نے کانز فلمی میلے میں ایوارڈ جیت کر پاکستانیو‌ں کے سر فخر سے بلند کئے ہیں اس کی ریلیز سے ایک ہفتہ قبل اس کا بین کیا جانا یقینا قابل افسوس تھا لیکن صوبہ سندھ نے جوائے لینڈ کی ریلیز کی اجازت دیدی جبکہ پنجاب حکومت نے فلم کی ریلیز پر پابندی عائد کر دی ہے. جوائے لینڈ کی ریلیز کے حوالے سے جو رویہ دیکھنے کو ملا ہے وہ یقینا قابل افسوس ہے اس رویے کی مخالفت جہاں بہت سارے لوگوں نے کی ہے وہیں‌ملالہ یوسفزائی نے بھی کی ہے انہوں‌نے کہا کہ بہت ہی افسوس کی بات ہے کہ جوائے لینڈ جیس فلم جو کہ پاکستانیوں کی

فلم ہے پاکستانیوں کے لئے ہے انہی کو دیکھنے کو نہیں‌مل رہی ہے. انہوں‌ نے کہا کہ یہ فلم پاکستانیوں کے لئے ایک لو لیٹر ہے اس فلم کو ریلیز کیا جانا چاہیے . یوں ملالہ یوسفزئی بھی فلم جوائے لینڈ کے حق میں بول پڑی ہیں. سوشل میڈیا پر ایک خاص طبقے کی طرف سے اس فلم کو اور اس کے حق میں بولنے والوں کو تنقید کی نشانہ بنایا جا رہا ہے. یاد رہے کہ فلم کو پہلے 18 نومبر کو پاکستان بھر میں نمائش کی اجازت دیدی گئی تھی لیکن بعد میں اس پر پابندی عائد کر دی گئی تاہم اب سندھ میں فلم کی نمائش جاری ہے لیکن پنجاب میں پابندی عائد کر دی گئی ہے.

دا لیجنڈ‌آف مولا جٹ نے پاکستان سمیت پوری دنیا میں دھوم مچا رکھی ہے فلم کو ریلیز ہوئے پانچ ہفتے سے زائد کا وقت ہو چلا ہے لیکن فلم مسلسل سپر ہٹ جا رہی ہے اور سینما گھروں میں‌ ہائوس فلم جا رہے ہیں. فلم سے جڑے ہر انسان کی تعریف ہو رہی ہے . دا لیجنڈ آف مولا جٹ بھارتی فلم میکر کرن جوہر نے تک نے دیکھی ہے اور تعریفوں کے پل باندھے ہیں. حال ہی میں‌ایک انٹرویو میں‌اداکار گوہر رشید نے انکشاف کیا ہے کہ بھارتی فلمساز کرن جوہر نے دا لیجنڈ آف مولا جٹ دیکھنے کے بعد بلال لاشاری کو کال کی اور ان کے کام کی بے حد تعریف کی انہوں نے کہا کہ کرن جوہر نے نہ بلال لاشاری کو مبارکباد دیتے ہوئے کہا کہ یہ فلم پورے پاکستان اور پاکستانیوں کے لئے فخر ہے.

یاد رہے کہ دا لیجنڈ آف مولا جٹ میں‌ مولا جٹ کا کردار کرنے والے فواد خان کرن جوہر کے قریب دوست ہیں اور وہ ان کے ساتھ فلمیں بھی بنا چکے ہیں شاید انہوں نے فواد خان کی وجہ سے فلم دیکھی . لیکن صرف کرن جوہر ہی نہیں‌ جس جس نے بھی فلم دیکھی ہے وہ اس کی بے حد تعریف کررہا ہے اور ایک بار دیکھنے کے بعد فلم کو دوبارہ ضرور دیکھا جا رہا ہے.

ایمان علی اور فیروز خان جو کہ فلم ٹچ بٹن میں مرکزی کرداروں میں نظر آرہے ہیں وہ دونوں فلم کی پرموشن سے غائب ہیں. ایمان علی کراچی میں ایک آدھ جگہ فلم کی پرموشن کے لئے دکھائی دیں‌ لیکن وہ اس کے بعد فلم کی پرموشن سے مکمل غائب ہیں. فیروز خان تو مکمل طور پر اس فلم کی پرموشن سے غائب ہیں اور وہ تو کہیں کسی پلیٹ فارم پر اس فلم کی بات کرتے ہوئے بھی دکھائی نہیں دے رہے . ایمان علی نے تو ایک یوٹیوب چینل کو انٹرویو دیتے ہوئے کہا ہے کہ میں نے فلم میں‌کام کرنا تھا کر لیا اس کے علاوہ میں کسی سے زیادہ بات کرنا پسند نہیں کرتی.

ایمان علی کے اس بیان کے بعد ان پر کافی تنقید کی جا رہی ہے. دوسری طرف ایسا لگ رہا ہے کہ جیسے فیروز خان اس فلم کو اون نہیں کر رہے کیونکہ وہ اپنے گھریلو معاملے کی وجہ سے پریشان دکھائی دیتے ہیں گمان یہ کیا جا رہا ہے کہ جیسے وہ اس لئے فلم کی پرموشن کا حصہ نہیں بن رہے کیونکہ وہ جہان بھی جائیں گے ان سے انکے ذاتی معاملے کے ھوالے سے پوچھ گچھ ہو گی اور سوال ہوں گے جن کے شاید وہ جواب دینا نہیں چاہتے. یوں فلم ٹچ بٹن کی پرموشن اکیلے عروہ اور فرحان ہی کرتے ہوئے دکھائی دے رہے ہیں.

لاہور میں ٹچ بٹن کی پریس کانفرنس میں عروہ حسین اور فرحان سعید نے ایک ساتھ شرکت کی . دونوں ایک دوسرے کے ساتھ کافی کمفرٹیبل دکھائی دے رہے تھے. فلم ٹچ بٹن کی ریلیز کا جب اعلان کیا گیا تو کہا یہ جا رہا تھا کہ عروہ اور فرحان کی ایک دوسرے کے ساتھ علیحدگی کی وجہ سے شاید یہ دونوں فلم کی پرموشن میں ایک ساتھ دکھائی نہ دیں . لیکن یہ ساری خبریں اب دم توڑتی ہوئی دکھائی دے رہی ہیں کیونکہ دونوں ہر جگہ ایک ساتھ دکھائی دیتے ہیں. لاہور میں بھی دونوں ایک ساتھ ہی پریس کانفرنس میں آئے صحافیوں‌ کو انٹرویو دیتے ہوئے دکھائی دئیے. جب فرحان

سے کسی صحافی نے سوال کیا کہ یہ جوڑی اب بھی ٹچ ہی ہے تو انہوں نے کہا کہ ایسا ہی ہے. بلکہ جب عروہ حسین سے پریس نے پوچھا کہ آپ نے سونیا حسین کے پیسے دے دئیے ہیں تو عروہ سے پہلے فرحان بولے کہ یار ایسی کوئی بات نہیں ہے اور ویسے بھی فلم کے حوالے سے سوال کیے جانے چاہیں. فرحان سعید نے عروہ حسین کے ساتھ تصاویر بھی بنوائیں. یاد رہے کہ ٹچ بٹن 25 نومبر کو ریلیز ہونے جا رہی ہے اور اس فلم کے ساتھ شان شاہد کی ضرار بھی ریلیز ہو رہی ہے دیکھنا یہ ہے کہ دونوں‌ فلمیں باکس آفس پر کیسا بزنس کرتی ہیں.

لاہور میں آج فلم ٹچ بٹن کی پریس کانفرنس ہوئی ، پریس کانفرنس میں فرحان سعید ، عروہ حیسن ، قاسم علی مرید نے شرکت کی . جبکہ فیروز خان اور ایمان علی پریس کانفرنس میں دکھائی نہیں دئیے جبکہ سونیا حسین زرا تاخیر سے پہنچیں. کاسٹ نے فلم کے حوالے سے بتایا کہ اس کی کہانی کافی الگ ہے اور اس میں ہر وہ چیز ہے جو آڈینز دیکھنا چاہتی ہے. عروہ حسین نے کہا کہ بطور پرڈیوسر میری پہلی فلم ہے میں نے اس میں جی جان لگا کر محنت کی ہے اور میں نے کیا میری ٹیم سے جڑے ہر ممبر نے جم کر محنت کی ہے . ڈائریکٹر قاسم علی مرید نے کہا کہ ہم نے

محنت کرکے اب فلم آپ کے حوالے کر دی ہے اب آپ لوگ دیکھ کر بتائیں گے کہ ہم نے کیسا کام کیا ہے. پریس کانفرنس میں عروہ حسین سے پوچھا گیا کہ کیا آپ نے سونیا حسین کو پیسے دے دئیے ہیں تو انہوں نے کہا کہ معاملات حل ہو چکے ہیں ایسی کوئی بات نہیں ہے. دوسری طرف فرحان سعید کا کہنا تھا کہ یہ وقت سینما کے لئے بہت اچھا ہے. انہوں نے کہا کہ مولا جٹ کی کامیابی نے دوسروں کے لئے بھی راستے کھولے ہیں کم از کم اب کوئی نہیں کہہ سکتا کہ پاکستان میں فلمیں نہیں بنتیں.