Author: +9251

اسلام آباد کے گاؤں سید پور میں دو سے تین چیتوں کی موجودگی کے بعد علاقے میں خوف و ہراس پھیل گیا۔

پولیس کے مطابق اطلاع ملنے پر علاقے میں نفری تعینات کر دی گئی ہے، جب کہ علاقہ مکینوں کو گھروں میں رہنے کی ہدایت کی گئی ہے۔ ترجمان پولیس کے مطابق محکمہ وائلڈ لائف کو بھی چیتوں کی موجودگی سے متعلق اطلاع کردی گئی ہے۔ جب کہ کسی بھی ہنگامی صورت حال پر شہری 15 پر اطلاع کر سکتے ہیں۔ چیتوں کے آنے کی اطلاع ملتے ہی پولیس اور وائلڈ لائف کے اہلکاروں نے سید پور گاؤں کو گھیرے میں لے لیا ہے اور لوگوں کو محتاط رہنے اور گھروں میں رہنے کیلئے مساجد سے اعلانات بھی کئے جا رہے ہیں۔

عینی شاہدین کے مطابق انہوں نے کل چھ چیتے دیکھے ہیں جن میں سے تین بڑے اور تین چھوٹے بچے ہیں، چیتوں نے اب تک کی اطلاعات کے مطابق ایک بکری کو بھی مار ڈالا ہے۔ واضح رہے کہ اس سے قبل بھی اسلام آباد، ایبٹ آباد سمیت دیگر علاقوں میں رات اور دن کے اوقات میں تیندوں کو دیکھا گیا ہے، جب کہ متعدد واقعات میں تیندوں کی جانب سے انسانوں اور جانوروں پر حملے کی بھی اطلاعات موصول ہوئی ہیں۔ جنگی حیات کے ماہرین کے مطابق اسلام آباد کا مارگلہ نیشنل پارک کئی جانوروں کا مسکن ہے، تاہم اب فطری جنگلی حیات کے اس بڑے مسکن میں بڑی تبدیلی نظر آنے لگی، جس کا ایک ثبوت دن کے اوقات میں ان تیندوؤں کا نظر آنا ہے۔
مزید یہ بھی پڑھیں؛
سندھ ہائی کورٹ نے الیکشن کمیشن کو کراچی، حیدر آباد میں بلدیاتی الیکشن کا حکم دے دیا
پاکستان کی جی ڈی پی کو 2050 تک 18 سے 20 فیصد تنزلی کا خدشہ
ہائی کورٹ ڈپٹی کمشنر کی ذمے داریاں نہیں سنبھال سکتی. اسلام آباد ہائی کورٹ
لیپرڈ پریزرو زون میں انسانوں کے داخلے پر پابندی ہے، یہی وجہ ہے کہ یہاں پر لیپرڈز اب دن میں بھی نکل رہے ہیں۔ کچھ ماہرین کے مطابق انہیں دراصل اپنے شکار کیلئے اوور ٹائم لگانا پڑ رہا ہے۔ ڈائریکٹر وائلڈ لائف مینجمنٹ بورڈ محمد سخاوت کے مطابق اس اینیمل کو رات کے وقت کمپی ٹیشن کے ساتھ ہی دوسرے اینیملز ہوتے ہیں، اس وقت وہ شکار نہیں کرپاتا،تو وہ دن کے وقت وہ اپنی ایکٹیویٹیز کو پرفارم کرتا ہے۔ لیپرڈز کا دن کے وقت نظر آنا بے شک ایک غیر معمولی عمل ہے لیکن یہ اس بات کا ثبوت ہے کہ لیپرڈز مارگلہ نیشنل پارک میں محفوظ ہیں۔

وفاقی وزیر اقتصادی امور ایاز صادق نے موجودہ حکومت کو ملنے والے غیر ملکی قرضوں اور امداد کی تفصیلات قومی اسمبلی میں جمع کرادیں۔

وفاقی وزیر اقتصادی امور ایاز صادق نے موجودہ حکومت کو ملنے والے غیر ملکی قرضوں اور امداد کی تفصیلات قومی اسمبلی میں جمع کرادیں ہیں، اسپیکر پرویزاشرف کی زیر صدارت قومی اسمبلی کا اجلاس ہوا، جس میں وفاقی وزیر اقتصادی امور ایاز صادق نے موجودہ حکومت کو ملنے والے قرضوں اور امداد کی تفصیلات پیش کیں۔ وفاقی وزیر اقتصادی امور نے اپنے تحریری جواب میں بتایا کہ موجودہ حکومت کو امداد اور قرضوں کی مد میں مجموعی طور پر 5665.83 ملین ڈالر ملے۔

وفاقی وزیر اقتصادی امور کے تحریری جواب کے مطابق حکومت کو 5609.92 ملین ڈالرقرض کی مد میں جب کہ 55.92 ملین ڈالر امداد کی رقم ملی۔ اجلاس میں وزیرمملکت خزانہ عائشہ غوث پاشا نے انکشاف کیا کہ ملک میں آدھے کاروبار بغیر کسی ٹیکس کے چل رہے ہیں، پاکستانی ٹیکس دہندگان کو سوچنا چاہیے کہ ملکی معیشت میں ان کا حصہ ہونا چاہیے۔ عائشہ غوث نے کہا کہ ایف بھی آر کو اپنی پالیسی بدلنے کی ضرورت ہے، ایف بی ار کو نئے لوگوں کو ٹیکس کےدائرے میں لانا چاہیے۔

وزیرمملکت کا کہنا تھا کہ ملک ڈیفالٹ ہونے کا کوئی اندیشہ نہیں، جب حکومت میں آئے تو ڈیفالٹ کے بادل منڈلا رہے تھے، حکومت میں آئے تو آئی ایم ایف کا پروگرام بند تھا اب شروع ہو چکا ہے۔ قومی اسمبلی کے اجلاس میں وقفہ سوالات میں وزیر تجارت سید نوید قمر نے اپنے تحریری جواب میں بتایا کہ آزاد تجارتی معاہدہ کے تحت پاکستان کا افغانستان سےکوئی معاہدہ زیرغورنہیں۔
مزید یہ بھی پڑھیں؛
سندھ ہائی کورٹ نے الیکشن کمیشن کو کراچی، حیدر آباد میں بلدیاتی الیکشن کا حکم دے دیا
پاکستان کی جی ڈی پی کو 2050 تک 18 سے 20 فیصد تنزلی کا خدشہ
ہائی کورٹ ڈپٹی کمشنر کی ذمے داریاں نہیں سنبھال سکتی. اسلام آباد ہائی کورٹ
وزیرتجارت نے اپنے جواب میں بتایا کہ فری ٹریڈ ایگریمنٹ کے تحت 2017 سے ایران سےساتھ مذاکرات کیے جا رہے ہیں، ایران سے آزاد تجارتی معاہدے کےتحت مذاکرات کے 4 دور ہوچکے ہیں، اور آخری دور 2019 میں ہوا تھا، تاہم بینکنگ چینلزکی عدم موجودگی اور ایران پر پابندیاں عائد ہونے کے باعث تاخیر ہوئی۔ دوسری جانب قومی اسمبلی کے اجلاس میں وزارت خزانہ نے بھی 4 نومبر تک غیر ملکی زرمبادلہ ذخائرکی تفصیلات پیش کردیں۔ وزارت خزانہ کے جواب کے مطابق ملکی زرمبادلہ کے مجموعی ذخائر 13 ارب 72 کروڑ 10 لاکھ ڈالر سے زائد ہیں، جن میں سے اسٹیٹ بینک کے پاس 7 ارب 95 کروڑ 70 لاکھ ڈالر سے زائد اور کمرشل بینکس کے پاس 5 ارب 76 کروڑ 40 لاکھ ڈالر کے ذخائر ہیں۔

کراچی والوں کے لئے بجلی 7 روپے 83 پیسے فی یونٹ سستی ہونے کا امکان

کے الیکٹرک کے صارفین کیلئے بجلی 7 روپے 83 پیسے فی یونٹ سستی ہونے کا امکان ہے۔ کراچی کے بجلی صارفین کیلئے اچھی خبر ہے، کیوں کہ شہر کے باسیوں کے لئے بجلی 7 روپے 83 پیسے فی یونٹ سستی ہونے کا امکان ہے۔ کے الیکڑک نے نیپرا میں جولائی سے ستمبر کی سہ ماہی ایڈجسٹمنٹ کی درخواستیں دائر کر دی ہیں، نیپرا کے الیکڑک کی درخواستوں پر 30 نومبر کو سماعت کرے گا۔

کے الیکٹرک نے نیپرا میں اکتوبر کی ماہانہ ایڈجسٹمنٹ کی مد میں بھی بجلی 1 روپے 88 پیسے سستی کرنے کی درخواست کی ہے۔ماہانہ فیول ایڈجسٹمنٹ سے صارفین کو 3 ارب 15 کروڑ 70 لاکھ روپے کا ریلیف ملے گا۔ دوسری جانب بجلی کی فی یونٹ قیمت میں مزید 24 پیسے اضافے کا امکان ہے۔ لہذا یہ بجلی صارفین کے لئے بری خبر ہے، کیوں کہ بجلی 24 پیسے فی یونٹ مزید مہنگی ہونے کا امکان ہے۔
مزید یہ بھی پڑھیں؛
سندھ ہائی کورٹ نے الیکشن کمیشن کو کراچی، حیدر آباد میں بلدیاتی الیکشن کا حکم دے دیا
پاکستان کی جی ڈی پی کو 2050 تک 18 سے 20 فیصد تنزلی کا خدشہ
ہائی کورٹ ڈپٹی کمشنر کی ذمے داریاں نہیں سنبھال سکتی. اسلام آباد ہائی کورٹ
سینٹرل پاور پرچيزنگ ايجنسی (سی پی پی اے) نے نیپرا میں درخواست دے دی ہے، جس میں بجلی کی قیمت میں اضافہ اکتوبر کی ماہانہ فیول ایڈجسٹمنٹ کی مد میں مانگا گیا ہے۔ سی پی پی اے نے اپنی درخواست میں مؤقف پیش کیا ہے کہ اکتوبر میں 10 ارب 37 کروڑ 72 لاکھ یونٹس بجلی پیدا کی گئی، اور بجلی کی پیداواری لاگت 9 روپے 14 پیسے فی یونٹ رہی۔ سی پی پی اے کے مطابق پانی سے 29.37 فیصد، کوئلے سے 15.47 فیصد، مقامی گیس سے 12.12 فیصد اور درآمدی ایل این جی سے 17.22 فیصد بجلی پیدا کی گئی۔ نیپرا سی پی پی اے کی درخواست پر 29 نومبر کو سماعت کرے گا۔