Author: +9251

خیبرپختونخوا کا مرکزسے مالی وسائل لینے کیلیے سپریم کورٹ جانے کا فیصلہ کرلیا گیا ہے.

خیبرپختونخوا حکومت نے مرکزسے مالی وسائل کے حصول کے لیے کیس تیار کرلیا ، جلد سپریم کورٹ میں تین الگ ، الگ رٹ پیٹیشنز دائر کی جائیں گی۔ خیبرپختونخوا حکومت کی جانب سے مرکز سے 120 ارب روپے کے مالی وسائل کے حصول کے لیے سپریم کورٹ سے رجوع کرنے کے لیے محکمہ خزانہ اور ایڈوکیٹ جنرل کے درمیان مشاورت مکمل ہوگئی ہے۔

ضم اضلاع کے لیے مرکز کی جانب سے 30 ارب روپے کی عدم فراہمی ، بجلی منافع کی مد میں 61 ارب اور این ایف سی کی مد میں 28 ارب کی عدم فراہمی پر تین الگ رٹ پیٹیشنز دائر کی جائیں گی۔ اس ضمن میں وزیر خزانہ تیمور سلیم جھگڑا نے بتایا کہ ایڈوکیٹ جنرل سے مشاورت مکمل ہوچکی ،کیس تیار ہے ،جلد سپریم کورٹ سے رجوع کرینگے ، مرکز جان بوجھ کر صوبہ کو مالی مشکلات سے دوچار کررہا ہے ، اپنا حق ہر صورت حاصل کرینگے۔
مزید یہ بھی پڑھیں؛
عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

واضح رہے کہ اس سے قبل خیبرپختونخوا کابینہ نے صوبے کے حقوق کے حصول کےلئے تمام قانونی اور آئینی ذرائع بروئے کار لانے کے عزم کا اظہار کرتے ہوئے فیصلہ کیا تھا کہ اس مقصد کےلئے مشترکہ مفادات کونسل جیسے ادارے میں آواز اٹھانے کےساتھ ساتھ سپریم کورٹ کا دروازہ بھی کھٹکھٹایا جائے گا جبکہ صوبائی اسمبلی کا خصوصی اجلاس بلا کر تمام جماعتوں کے ارکان کو بھی اس حوالے سے اعتماد میں لیا جائے گااور ضرورت پڑنے پر اسلام آباد میں احتجاج بھی کیاجائے گا۔ صوبائی کابینہ کا خصوصی اجلاس وزیر اعلیٰ خیبر پختونخوا محمود خان کی زیر صدارت سول سیکرٹریٹ پشاور میں منعقد ہوا، جس میں کابینہ کے ارکان، صوبائی چیف سیکرٹری، ایڈیشنل چیف سیکرٹری، سینئر ممبر بورڈ آف ریونیو اور انتظامی سیکرٹریز نے شرکت کی تھی۔

کابینہ اجلاس سے خطاب کرتے ہوئے وزیر اعلیٰ محمود خان نے کہا تھا کہ وفاق سے ہم اپنا حق چھین کر رہیں گے۔ تاہم انہوں نے تمام محکموں کو ہدایت کی تھی کہ وہ صوبے کی آمدن بڑھانے کےلئے تمام وسائل بروئے کار لائیں۔ انہوں نے صوبائی حکومت کے سادگی اور کفایت شعاری کے سلسلے میں پہلے سے جاری مہم پر مزید مو¿ثر انداز میں عملدرآمد یقینی بنانے کی ضرورت پر زور دیا اور نئی سرکاری گاڑیوں کی خریداری پر مکمل پابندی عائد کرنے اور تمام محکموں کو اس پرسختی سے عمل درآمد کرنے کی ہدایت کی ہے۔ انہوں نے غیر ترقیاتی اخراجات بشمول سرکاری دفاتر کی غیر ضروری تزئین و آرائش نہ کرنے کی بھی سختی سے ہدایت کی تھی۔

ملک بھر میں 24 گھنٹوں کے دوران 4191 کورونا ٹیسٹ کیے گئے ، مثبت شرح 0.76 فیصد رہی. این آئی ایچ

ملک بھر میں گزشتہ 24 گھنٹوں کے دوران 4 ہزار 191 کورونا ٹیسٹ کیے گئے ہیں۔ آج بروز منگل کو نیشنل انسٹیٹیوٹ آف ہیلتھ ( این آئی ایچ) کی جانب سے جاری اعدادوشمار کے مطابق گزشتہ 24 گھنٹوں کے دوران 4 ہزار 191 کورونا ٹیسٹ کیے گئے جن میں سے 32 افراد کے کورونا ٹیسٹ مثبت آئے ہیں۔

اس طرح اس مدت میں مثبت کورونا ٹیسٹ کی شرح 0.76 فیصد رہی ہے۔ مزید برآں اس دوران کورونا وائرس سے کوئی مریض جاں بحق نہیں ہوا جبکہ 48 مریضوں کی حالت تشویشناک ہے۔

COVID-19 Statistics 15 November 2022
Total Tests in Last 24 Hours: 4,191
Positive Cases: 32
Positivity %: 0.76%
Deaths: 00
Patients on Critical Care: 48

— NIH Pakistan (@NIH_Pakistan) November 15, 2022

کووِڈ- 19 وائرس کیسے پھیلتا ہے؟
یہ وائرس متاثرہ شخص کی کھانسی یا چھینک سے خارج ہونے والے رطوبتوں کے چھوٹے قطروں اور ایسے چیزوں کی سطح کو چھونے سے پھیلتا ہے جو کورونا وائرس سے آلودہ ہوچکی ہوں۔ کورونا وائرس ان چیزوں کی سطح پر کئی گھنٹے تک زندہ رہ سکتا ہے لیکن اسے عام جراثیم کش محلول سے بھی ختم کیا جاسکتا ہے۔
مزید یہ بھی پڑھیں؛
عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن
کورونا وائرس کی علامات کون سی ہیں؟
کورونا وائرس کی علامات میں بخار، کھانسی اور سانس لینے میں مشکل پیش آنا شامل ہیں۔ بیماری کی شدت کی صورت میں نمونیہ اور سانس لینے میں بہت زیادہ مشکل کا سامنا بھی ہوسکتا ہے۔ یہ بیماری بہت کم صورتوں میں جان لیوا ثابت ہوتی ہے۔ اس بیماری کی عام علامات زکام (فلو) یا عام نزلے سے ملتی جلتی ہیں جو کہ کووِڈ- 19 کی نسبت بہت عام بیماریاں ہیں۔ اس لئے بیماری کی درست تشخیص کے لئے عام طور پر معائنے (ٹیسٹ) کی ضرورت پڑتی ہے تاکہ اس بات کی تصدیق ہوسکے کہ مریض واقعی کووِڈ- 19 میں مبتلا ہوچکا ہے۔ یہ بات ذہن نشین کر لینا ضروری ہے کہ نزلے زکام اور کووِڈ- 19 کی حفاظتی تدابیر ایک جیسی ہیں۔ مثال کے طور پر بار بار ہاتھ دھونا اور سانس لینے کے نظام کی صحت کا خیال رکھنا (کھانسی کرتے اور چھینکتے وقت اپنا منہ کہنی موڑ کر یا پھر ٹشو یا رومال سے ڈھانپ لینا اور استعمال شدہ رومال یا ٹشو کو ایسے کوڑا دان میں ضائع کرنا جو ڈھکن سے بند ہوسکتا ہو)۔ نزلہ زکام کی ویکسین دستیاب ہے ، اس لئے ضروری ہے کہ آپ خود کو اور اپنے بچوں کو ویکسین کی مدد سے محفوظ رکھیں۔

اینٹی نارکوٹکس فورس کی مُلک بھر میں منشیات کے خلاف کارروائیاں؛ بھاری مقدار میں منشیات برآمد.

اے این ایف ہیڈ کوارٹر سے جاری بیان کے مطابق اے این ایف نے اسلام آباد انٹرنیشنل ایئرپورٹ پرنوشہرہ کے رہائشی ملزم کے پیٹ سے 66 آئس بھرے کیپسولز برآمد کئے ہیں ، ملزم دوحہ جا رہا تھا۔ دوسری کارروائی کے دوران اے این ایف نے بُرہان ٹول پلازہ پراٹک کے رہائشی ملزم سے1 کلوسے زائدافیون برآمد کرلی۔

ترجمان ے این ایف کے مطابق تیسری کارروائی کے دوران باچہ خان انٹرنیشنل ائیرپورٹ پشاور پر بنوں کے رہائشی ملزم کے پیٹ سے 4 ہیروئن بھرے کیپسولز برآمد کئے، ملزم بحرین جا رہا تھا۔ چوتھی کارروائی کے دوران کوئٹہ میں 2 ملزمان سے 6کلو چرس برآمد کئے۔ پانچویں کارروائی کے دوران نُوکنڈی سے 25 کلو ہیروئن، 10 کلو افیون، 74 کلو میتھ اور 21 کلو کرسٹل آئس برآمد کر لی ہے۔ مُلزمان کیخلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے.

مزید یہ بھی پڑھیں؛
عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

واضح رہے کہ گزشتہ دنوں بھی کاروائی ہوئی تھی جس میں اے این ایف نے مختلف جگہوں پر کارروائی کرتے ہوئے بھاری مقدار میں آئس، چرس اور اسلحہ قبضے میں لے لیا تھا۔ اے این ایف کے اہلکاروں نے راولپنڈی کے رہائشی ملزم سے 120 گرام آئس برآمد کرلی لاہور انٹرنیشنل ائیرپورٹ پر اے این ایف اور اے ایس ایف کی مشترکہ کارروائی کے دوران بنوں کے رہائشی ملزم کے بیگ سے 620 گرام چرس برآمد ہوئی تھی، ملزم فلائٹ نمبر PK 412 سے شارجہ جا رہا تھا دوسری جانب بلوچستان کے دارالحکومت کوئٹہ میں پشین کے رہائشی ملزم سے 24 کلو چرس، 1 عدد پستول اور2 میگزین برآمد ہوئے جبکہ کوہاٹ اور خیبر کے علاقوں سے 37 کلو 185 گرام چرس ہوئی اینٹی نارکوٹکس فورس نے ملزمان کے خلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا تھا۔

عمران خان کے ہنگامے؛ 2014 میں چینی صدر اور 2022 میں سعودی ولی عہد کے دورے منسوخ ہوئے.

ملکی تاریخ میں آٹھ سال کے عرصہ میں دوسری بار تحریک انصاف کے سربراہ عمران خان کی تخریبی سیاست کے نتیجے میں دوست ممالک کے تعاون سے پاکستان کی گرتی ہوئی معیشت کو مستحکم کرنے کی کوششوں کو نقصان ہوا۔ شکیل انجم کے مطابق پہلی بار2014 میں عمران خان نے کاروبار حکومت بند کر کے ملکی معیشت کو متزلزل کرنے کے لئے وفاقی دارالحکومت کو 126روز تک محصور رکھا۔ تاریخ گواہ ہے کہ اس طویل دھرنے کے دوران دنیا کو یہ باور کرایا گیا کہ پاکستان ایک شورش زدہ ملک ہے یہاں کسی حکومت یا ادارے کی کوئی حیثیت نہیں اور تحریک انصاف ملک میں امام خمینی طرز کا انقلاب لانے میں کامیاب ہو جائے گی۔

خیال رہے کہ اس دوران کنٹینر سے عوام کو "مارو۔۔ مرجاؤ۔۔ ملک کو آگ لگا دو۔۔نظام کو تہہ و بالا کر دو۔۔” کی ترغیب دی گئی۔۔ملک میں سول نافرمانی کا اعلان کرتے ہوئے عوام کو ٹیکس ادا نہ کرنے کی ہدایت کی گئی۔۔کنٹینر پر خود عمران خان نے بجلی اور گیس کے بلوں کے علاوہ یوٹیلیٹی بل جلائے۔۔سپریم کورٹ اور پارلیمنٹ ہاؤس کی عمارتوں کی تضحیک اور توہین کی گئی۔۔پی۔ٹی۔وی ہیڈکواٹرز سمیت سرکاری عمارتوں پر قبضے کر کے مفتوح عمارتوں پر تحریک انصاف کے جھنڈے لہرا کر دنیا میں پاکستان کو شورش زدہ ملک ظاہر کیا گیا۔
مزید یہ بھی پڑھیں؛
عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن
جبکہ ملک میں پیدا کی جانے والی بد امنی، شورش اور تخریبی سیاست کے نتیجے میں چین کے صدر شی جن پنگ نے جو سی پیک معاہدوں کو حتمی شکل دینے کے لئے 20 اپریل 2014 کو پاکستان کے دو روزہ سرکاری دورے پر آ رہے تھے, اپنا دورہ منسوخ کر دیا تھا جس کا فائدہ بھرپور انداز میں بھارت کو ہوا کیونکہ چین کے سربراہ بھارت چلے گئے اور وہاں انہوں نے کئی ایسے معاہدے بھی دستخط کئے جو پاکستان کے ساتھ ہو سکتے تھے اور ملک کو صرف ایک شخص کی تخریبی سازش کے نتیجے میں اربوں ڈالرز کا نقصان برداشت کرنا پڑا۔ عمران خان کی منفی انداز سیاست کے نتیجے میں پاکستان میں 20 ارب ڈالرز سے سرمایہ کاری کے منصوبے لے کر پاکستان آنے کے لئے تیار سعودی عرب کے ولی عہد اور وزیر اعظم شہزادہ محمد بن سلطان نے 20 نومبر کو شروع ہونے والا سرکاری دورہ معطل کر دیا ہے۔

پنجاب و خیبرپختونخوا صارفین کیلیے گیس مزید مہنگی ہونے کا امکان

پنجاب اور خیبرپختوںخوا کے صارفین کے لیے گیس کی قیمتوںمیں ایک مرتبہ پھر اضافہ کیے جانے کا امکان ہے کیونکہ سوئی ناردرن گیس پائپ لائنز لمیٹڈ (ایس این جی پی ایل) نے ریونیو شارٹ فال پر قابو پانے کے لیے گیس قیمتوں میں بھاری اضافے کی درخواست کی ہے۔ نجی ٹی وی کے مطابق؛ اوگرا کے اعلامیے کے مطابق سوئی ناردرن نے14اکتوبر 2022ء کو اس مقصد کے لیے پٹیشن داخل کی تھی، جس میں مالی سال 2022-23 کے لیے ریونیو ضروریات کے تخمینے اور مجوزہ گیس قیمتوںپر نظرثانی کی استدعا کی گئی تھی۔

اوگرا کے مطابق اس پٹیشن پر غور کرنے کے لیے عوامی سماعت منعقد کی گئی، جس میں شرکت کے لیے تمام اسٹیک ہولڈرز، صارفین اور عام افراد کو دعوت دی گئی تھی اور ان سے کہا گیا تھا کہ وہ سوئی ناردرن کی درخواست پر اپنا نقطہ نظر پیش کریں۔ سوئی ناردرن نے اپنی پٹیشن میں رینیو شارٹ فال کا تخمینہ 178,814ملین روپے ظاہر کیا ہے، جس میں 445 ملین روپے کا تخمینہ ایل پی جی ایئر مکس پروجیکٹ کے حوالے سے لگایا گیا ہے۔
مزید یہ بھی پڑھیں؛
عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

سوئی ناردرن نے اس شارٹ فال کو پورا کرنے کے لیے یکم جولائی2022ء سے گیس کی اوسط قیمت میں 488.08 روپے فی ایم ایم بی ٹی یو اضافے کی درخواست کی ہے۔ سوئی ناردرن نے اپنے تخمینے میں گزشتہ برسوں کے 295,268 ملین روپے کے شارٹ فال کو بھی شامل کیا ہے، چنانچہ کمپنی نے گیس کی اوسط مجوزہ قیمت میں مجموعی طور پر 1,294.02روپے فی ایم ایم بی ٹی یو اضافے کی استدعا کی ہے، جس کا اطلاق یکم جولائی 2022ء سے ہوگا۔

اسلام آباد میں کنٹینر ایسے پڑے ہیں جیسے کوئی اور ہی حالات ہیں. اسلام آباد ہائی کورٹ

اسلام آباد ہائیکورٹ نے اسلام آباد میں راستوں کی بندشسے متعلقا رپورٹ طلب کر لی۔ ریمارکس میں کہااسلام آباد میں کنٹینر ایسے پڑے ہیں جیسے کوئی اور ہی حالات ہیں۔ کنٹینر لگانے کی بجائے اور طریقے کیوں نہیں استعمال کرتے؟ اسلام آباد ہائیکورٹ میں اسلام آباد کے تاجروں کی پی ٹی آئی دھرنا کے باعث سڑکوں کی بندش کے خلاف درخواست پر سماعت ہوئی۔ عدالت نے آئندہ سماعت پر آئی جی اسلام آباد کو طلب کر لیا۔ عدالت نے ریمارکس دیے کہ آئی جی اسلام آباد سترہ نومبر کو راستوں کی بندش سے متعلق رپورٹ پیش کریں۔ اسلام آباد ہائیکورٹ کے چیف جسٹس عامر فاروق نے کیس کی سماعت کی۔
مزید یہ بھی پڑھیں؛ 14 نومبر ذیابیطس کا عالمی دن؛ ذیابیطس کی وجوہات، بچاؤ کیسے ممکن ہے؟
پی ٹی آئی کو خود کی شروع کی گئی بدتمیزی مہنگی پڑگئی؛ لندن میں ابسولوٹلی چور کے نعرے
امریکہ کو چین کے ساتھ تنازع میں نہیں گھسیٹا جائے گا. امریکن صدر جوبائیڈن
بلدیاتی الیکشن میں تاخیر کیس؛ ایم کیو ایم کی فریق بننے کی درخواست مسترد
چیف جسٹس نے استفسار کیا کہ موٹروے وفاقی حکومت کے تحت ہے، کھلوا کیوں نہیں رہے؟ ایڈیشنل اٹارنی جنرل نے بتایا کہ لاء اینڈ آرڈر صوبائی حکومت کا معاملہ ہے اس لیے بند ہے۔ چیف جسٹس نے کہا کہ پورے اسلام آباد میں کنٹینر ایسے پڑے ہیں جیسے کوئی اور ہی حالات ہیں،اچھی سی رائیٹس فورس کیوں نہیں بناتے کنٹینر کیوں لگاتے ہیں؟ کنٹینر لگانے کی بجائے اور طریقے کیوں نہیں استعمال کرتے. اسلام آباد کے تاجروں کی جانب سے درخواست میں کہا گیا تھا کہ دھرنےکا اعلان اور قائدین کی ہدایت پر سڑکیں بند کردی گئیں۔شہریوں اور تاجروں کو مشکلات کا سامنا ہے بنیادی حقوق متاثر ہو رہے ہیں،پی ٹی آئی کو پابند کیا جائے دھرنا اور جلسے کا انعقاد اسلام آباد سے باہر کریں۔عدالت نے کیس کی سماعت سترہ نومبر تک ملتوی کر دی