Author: +9251

تنازعات میں گھری رہنے والی اداکارہ کنگنا رناوت دریا میں گھر گئیں ہیں . لیکن معجزاتی طور پر بچ گئی ہیں . اداکارہ آج کل آسام میں ایک فلم کی شوٹنگ کررہی ہیں اس فلم کو انہوں نے خود لکھا ہے اور ڈائریکٹ بھی خود کیا ہے. اس فلم میں اداکارہ معروف سیاستدان انداگاندھی کا کردار ادا کررہی ہیں. اس فلم کو کنگنا رناوت نے خود ہی لکھا ہے اور ڈائریکٹ بھی کررہی ہیں. ایک سین کے لئے اداکارہ دریا کے قریب تھیں ، وہاں ان کا پائوں پھسلا اور وہ دریا میں جا گریں لیکن ان کو فلم کے کُرو نے ریسکیو کر لیا. اداکارہ کنگنا رناوت نے اس حادثے کے بارے میں‌ خود اپنے مداحوں کو آگاہ کیا انہوں نے کہا کہ میں دریا کے قریب ایک سین کررہی تھی وہاں میرا پائوں پھسلا اور میں دریا میں‌جا گری لیکن شکر ہے خدا کا کہ

میں بچ گجئی اور بچی بھی معجزاتی طور پہ ہوں. اداکارہ کی اس سوشل میڈیا پوسٹ پر ان کے مداحوں نے کمنٹس کئے اور انہیں دعائیں دیں اور کہا کہ وہ احیتاط برتیں . یاد رہے کہ کنگنا رناوت آج کل فلم ایمرجنسی کی شوٹنگ کررہی ہیں یہ ان کی پہلی ایسی فلم ہے جس کی ہدایتکاری اور سکرپٹ انہوں نے خود لکھا ہے کنگنا کو امید ہے کہ یہ فلم شائقین کو بہت زیادہ اچھی لگے گی.

اداکارہ جھانوی کپور جن کی حال ہی میں ”ملی” فلم ریلیز ہوئی ہے، باکس آفس کا بزنس ابھی تو سامنے نہیں آیا لیکن یہ کہا جا رہا ہےکہ جھانوی کپور کی اداکاری کی تعریف کی جا رہی ہے. ان کے بڑے بھائی ارجن کپور نے جھانوی کی بے حد تعریف کی ہے اور انہیں سوشل میڈیا پر ایک پوسٹ کے زریعے کہا ہے کہ تم نے میرا سر فخر سے بلند کر دیا ہے. جھانوی کپور نے حال ہی میں ایک انٹرویو دیا ہے ان سے جب سوال ہوا کہ وہ کس ہیرو کے ساتھ کام کرنے کی خواہش رکھتی ہیں تو انہوں نے کہا کہ میں رنویر سنگھ کے ساتھ کام کرنے کی خواہش رکھتی ہوں. مجھے لگتا ہے کہ میری جوڑی رنویر سنگھ کے ساتھ بہت اچھی لگے گی. انہوں نے یہ بھی بتایا کہ جب میں ڈانس کی ریہرسل کرتے ہوئے زخمی ہو گئی تھی تو

رنویر سنگھ نے مجھے بہت تسلی دی اور کہا کہ ایسا نہیں ہونا چاہیے . جھانوی نے مزید کہا کہ رنویر سنگھ ایک منجھے ہوئے اداکار ہیں مجھے ان کی اداکار ی اور سٹائل بہت پسند ہے . میں چاہتی ہوں کہ ہمیں کسی ایک فلم میں کاسٹ کیا جائے. یاد رہے کہ جھانوی کپور بونی کپور اور سری دیوی کی بیٹی ہیں اور انہوں نے کم وقت میں انڈسٹری میں اپنی ایک پہچان بنا لی ہے.

بالی وڈ کے کنگ کہلائے جانے والے شاہ رخ خان ، فلم ”پٹھان” کے زریعے چار سال کے بعد بڑے پردے پر واپسی کررہے ہیں ان کے مداح ان کو بڑے پردے پر دیکھنے کے لئے بےتاب ہیں. پٹھان کا ٹیزر شائقین کے دل جیت چکا ہے اس سے پہلے پوسٹر ریلیز کیا گیا جس نے ہر طرف دھوم مچا دی تھی. فلم میں شاہ رخ خان کے ساتھ دیپیکا پڈوکون اور جان ابراہیم بھی اہم کردار ادا کررہے ہیں. شاہ رخ خان نے حال ہی میں ان کے ٹیلنٹ‌کے بارے میں کی ہے کھل کر بات. کنگ خان نے کہا کہ دیپیکا میں ایک اداکار کے طور پر حیرت انگیز ٹیلنٹ ہے، فلم میں ان کی موجودگی یقینا خوشگوار ہے. جبکہ جان ابراہیم کے بارے میں شاہ رخ‌خان نے کہا کہ وہ انہیں کئی برسوں سے جانتے ہیں اور وہ ان لوگوں میں سے ایک ہیں جنہیں وہ جانتے

ہیں۔لہذا ان کے ساتھ کام کرکے بہت اچھا لگا. ویسے بھی آپ کسی کو پہلے سے ہی جانتے ہوں تو ان کے ساتھ کام کرنے میں مزا آتا ہے. انہوں نے یہ بھی کہا کہ جان ابراہیم سب سے زیادہ نرم مزاج اور خوش اخلاق شخص ہیں۔ انہوں نے مزید یہ بھی کہا کہ طویل عرصے کے بعد بڑی سکرین پر واپسی گھر واپس آنے جیسی ہے. میں بہت خوش ہوں اور انتظار کررہا ہوں کہ فلم ریلیز ہو اور شائقین دیکھیں.سدھارتھ آنند کی ہدایت کاری اور یش راج فلمز کے بینر تلے تیار کردہ جاسوس تھرلر ہندی، تامل اور تیلگو میں 25 جنوری 2023 کو ریلیز ہوگی۔

خلیل الرحمان جو ہر وقت کوئی نہ کوئی ایسی بات چھیڑ دیتے ہیں کہ جو سوشل میڈیا پر لمبی چوڑی بحث کا باعث بن جاتی ہے. حال ہی میں خلیل الرحمان نے ایک انٹرویو دیا ہے اس میں انہوں نے کہا کہ میں بھارتی فلموں کے لئے نہیں لکھوں گا ، ان سے جب سوال ہوا کہ کیوں تو انہوں نے کہا کہ وہ اس لئے کہ وہ لوگ ہمیں اس طرح سے عزت نہیں دیتے جتنی عزت کے ہم حقدار ہیں. وہ ہمارے فنکاروں سے کام کروا بھی لیں تو انہیں وہ مقام نہیں‌دینے کو تیار ہوتے جو انہیں ملنا چاہیے. میں کئی بار بھارتی فلم میکرز کے لئے لکھنے کی پیش کش کو ٹھکرا چکا ہوں اور تب تک ٹھکراتا رہوں گا جب تک کہ ہمیں بھی اتنی عزت نہیں‌دی جاتی جتنی ہم ان کی عزت کرتے ہیں. انہوں نے یہ بھی انکشاف کیا کہ انہیں ایک ایسے

فلم میکر کی کال آئی جو وہاں کا ایک بڑا نام ہے وہ چالیس منٹ کی کال منت سماجت کرتے رہے کہ میرے لئے لکھیں میری خوش نصیبی ہوگی . لیکن میں نے ان کی بات نہیں مانی . میں نے ان سے کہا کہ آپ کا میڈیا ہمیں پذیرائی نہیں دیتا جس کی وجہ سے آپ کے ہاں ہمارے فنکاروں کے ناموں سے بھی لوگوں کو آگاہی نہیں ہے. سوشل میڈیا کی وجہ سے تھوڑی بہت آگاہی پہنچ رہی ہے لیکن میں تب لکھوں گا جب ہمارے فنکاروں کو بھی پذیرائی ملے گی اتنی جتنی کے وہ حقدار ہیں.