Author: +9251

اداکار آغا علی جو کہ اداکاری کے ساتھ ساتھ گلوکاری کا بھی جنون رکھتے ہیں حال ہی میں انہوں نے ایک گانا گایا ہے اسکو ڈائریکٹ بھی خود ہی کررہے ہیں. لاہور میں دون دن سےاس گانے کی شوٹنگ جاری تھی جو کہ گزشتہ روز اختتام پذیر ہوگئی. گانے کی وڈیو میں آغا علی کے ساتھ مہروانساءاقبال ہیں. باری سٹوڈیو میں گانے کی شوٹنگ کی گئی. گانے کی شوٹنگ میں آغا علی کے ساتھ ان کے بڑے بھائی علی سکندر تھے ان کا کہنا ہے کہ یہ گانا ایک رومینٹک نمبر ہے وڈیو بھی خاصی دلچپسپ ہے لوگ اسکو ضرور پسند کریںگے۔ ہم نے کوشش کی ہے کہ ہم ایسا میوزک

ترتیب دیں جو آج کی نوجوان نسل پسند کرتی ہے جبکہ آغا علی کا کہنا ہے کہ میں نے دل سے گایا ہے مجھے یقین ہے کہ مداح اسکو بہت پسند کریں گے۔ یاد رہے کہ آغا علی جو کہ گزشتہ کئی دنوں سے لاہور میں ہی ہیں وہ ڈرامہ سیریل حاصل لا حاصل کی شوٹنگ کررہے ہیں اس میں ان کے ساتھ منشا پاشا اور عباس اشرف ہیں. یاد رہے کہ آغا علی نے اداکارہ حنا الطاف سے شادی کی دونوں خاصے خوش ہیں. آغا علی کہتے ہیں کہ اداکاری کے ساتھ ساتھ گائیگی بھی میرا جنون ہے. اس لئے جب بھی موقع ملتاہے اپنے اس شوق کو پورا کر لیتا ہوں۔

ٹی وی ڈراموں کی ناقد اماں نے کہا ہے کہ عمران خان ہمارا ببر شیر ہے. کروڑوں مائوں بہنوں اور بیٹیوں کی دعائیں اس کے ساتھ ہیں ، مجھے سب سے زیادہ تکلیف اس دو ٹکے کے بندر کو دیکھ کر ہو رہی ہے،گولی سے زیادہ توپ کا کام اس چونی کے بندے کا ہے یہ ، یہ عمران خان پاکستان کی شان پر گولی چلائے (او نکھتے او او تسی عوام نوں پاگل سمجھدے او) ، باز دا شکار تے مکھی کریگی . یاد رہے کہ دو دن قبل عمران خان کے لانگ مارچ میں فائرنگ کا ایک واقعہ رونما ہوا جس کے نتیجے میں فیصل جاوید خان اور عمران خان کو گولیاں لگیں اب گولیاں جس طرح سے اور جس انداز سے لگی ہیں وہ قابل تشویش ہے کیونکہ عمران خان جس پوزیشن میں بیٹھے ہوئے تھے اس میں ایک

الگ اینگل سے گولی لگنے پر کافی سوالات اٹھ رہے ہیں. جبکہ اماں لبنا فریاد کافی پریشان ہیں ان کا کہنا ہے کہ عمران خان اس قوم کی آخری امید ہے اس پر حملہ نہیں ہونا چاہیے اماں لبنی فریاد کے ساتھ دیگر شوبز ستارے بھی عمران خان کے حق میں بات کررہے ہیں اور ان کے ساتھ ہمدردی جتا رہے ہیں. عمران خان کو گولی لگنے کی تاحا ل ایف آئی آر درج نہیں ہوسکی.

کراچی کی فیملی کورٹ نے اداکار فیروز خان اپنی آمدنی کی تفصیلات عدالت میں جمع کروانے کا حکم دیا ہے ، فیروز خان نے وکیل عدالت سے یہ بھی کہا ہے کہ فیروز بیس ہزار ماہانہ بچوں کے اخراجات دیں گے۔ تاہم عدالت نے فیروز خان کو حکم دیا ہے وہ اپنی ماہانہ آمدنی کی تفصیلات عدالت میں جمع کروائیں۔ دوسری طرف علیزے سلطان کے وکیل نے عدالت سے کہا ہے کہ بچوں کے لئے الگ گھر کا بندوبست کیا جائے اور بچوں کے والد اگر ان سے ملنا چاہتے ہیں تو مل سکتے ہیں. تفصیلات کے مطابق گزشتہ روز کراچی کی فیملی کورٹ میں فیروز خان کی بچوں سے ملاقات اور حوالگی سے متعلق کیس کی سماعت ہوئی جس دوران عدالت نے بچوں کے تعلیمی اخراجات اور علاج سے متعلق

تفصیلات آئندہ سماعت پر پیش کرنے کی ہدایت کی۔یاد رہے کہ فیروز خان اس وقت بری طرح مشکل میں پھنسے ہوئے ہیں کیونکہ ان کا اپنی اہلیہ پر بری طرح سے تشدد کرنے کا عمل ثبوتوں کے ساتھ سامنے آچکا ہے۔ جبکہ فیرو ز خان ان ثبوتوں کو ماننے سے انکاری ہیں عدالت علیزے کی طرف سے پیش گئے ثبوتوں پر کیا فیصلہ دیتی ہے یہ دیکھنا ابھی باقی ہے۔ لیکن فیروز خان کا شوبز انڈسٹری کا ایک بڑا حصہ بائیکاٹ کر چکی ہے۔

ڈرامہ سیریل قلندر جو کہ آن ائیر جا چکا ہے اس ڈرامے کی شوٹنگ مسلسل لاہور میں چل رہی ہے۔ ڈرامے کی شوٹنگ لاہور کے مختلف علاقوں میں کی جا رہی ہے۔ گزشتہ روز اس ڈرامے میں شادی کی ایک تقریب کی شوٹنگ کی گئی جس میں ساری کاسٹ موجود تھی۔ سینئر اداکارہ اسماءعباس نے اپنے سوشل میڈیا اکاونٹ پر شوٹنگ کی ایک تصویر بھی جاری کی۔ ڈرامے کی مرکزی کاسٹ میں منیب بٹ ، کومل میر ، علی عباس ، اسماءعباس ، علی طاہر ، کنزہ ملک ، احمد عباس ، محمد افضل خواجہ ، عثمان چوہدری ، نعیمہ خان ، فجر خان اور کاشف محمود و دیگر شامل ہیں۔ ڈرامہ کی کہانی ثمرہ بخاری نے لکھی ہے جبکہ ڈرامے کا او ایس ٹی صابر ظفر نے لکھا اور اسکی کمپوزیشن

شانی ارشد کی ہے اور گایا راحت فتح علی خان نے ہے۔ڈرامے کے پرڈیوسر عبداللہ کادوانی اور اسد قرشی ہیں اور ڈائریکٹر صائمہ وسیم ہیں۔ کہانی سوشل ایشو ہے اور اس میں بنتے بگڑتے رشتوں اور نوجوان نسل کی ترجیحات کیا ہوتی ہے وہ دکھایا گیا ہے۔ ڈرامے کو بڑے پیمانے پر پسند کیا جا رہا ہے۔ منیب بٹ اس میں ایک ایسے لڑکے کا کردار ادا کررہے ہیں جو پیسے کی خاطر ایک امیر لڑکی سے شادی کرتا ہے۔ کہانی جوں جوں آگے بڑھ رہی ہے ڈرامہ شائقین کی دلچپسی مزید بڑھی جا رہی ہے۔

عالیہ بھٹ اور رنبیر کپور انڈسٹری کے سب سے پیارے جوڑوں میں سے ایک ہیں۔ 2022 ذاتی اور پیشہ ورانہ طور پر محبت کرنے والے اس جوڑے کے لیے ایک بہترین سال ثابت ہوا ہے۔ حال ہی میں ریلیز ہونے والی ان کی فلم برہمسٹرا نے باکس آفس پر اچھی کارکردگی کا مظاہرہ کیا، وہیں اس سال 14 اپریل کو ممبئی کے باندرہ میں واقع ان کی واستو رہائش گاہ پر ایک نجی تقریب میں ان کی شادی ہوئی۔ یہ جوڑا شادی سے پہلے پانچ سال تک ایک دوسرے کو ڈیٹ کرتا رہا۔ رواں برس جون میں عالیہ نے اپنے حاملہ ہونے کی خبر سوشل میڈیا پر سب کے ساتھ شئیر کی. عالیہ اب ایک بیٹی کی والدہ بن گئی ہیں، جی ہاں عالیہ اور رنبیر کپور کے گھر بیٹی کی ولادت ہوئی ہے. جو کہ ان دونوں کے

مداحوں کے لئے خوشخبری ہے. سوشل میڈیا پر عالیہ اور رنبیر کپور کو ہر کوئی مبارکباد دے رہا ہے. یاد رہے کہ چند ہفتے قبل اداکارہ عالیہ بھٹ کے بے بی شاور کی تقریب ان کے گھر والوں کی طرف سے منعقد کی گئی تھی.اس تقریب میں شاہین بھٹ سے لے کر ردھیما کپور ساہنی، کرشمہ کپور اور شمی کپور کی اہلیہ، نیلا دیوی، کرن جوہر سے لے کر آیان مکھرجی، نیتو کپور، سونی رازدان اور مہیش بھٹ نے شرکت کی۔ عالیہ بھٹ کے پائپ لائن میں‌خاصے دلچپسپ پراجیکٹس ہیں جیسے کہ فرحان اختر کی فلم جی لے زرا جس میں کترینہ کیف اور پریانکا چوپڑابھی ہیں، رنویر سنگھ، جیا بچن، شبانہ اعظمی، اور دھرمیندر کے ساتھ راکی ​​اور رانی کی پریم کہانی بھی ہے۔ عالیہ جیمی ڈورنن اور گال گیڈوٹ کے ساتھ فلم ہارٹ آف سٹون سے ہالی ووڈ میں بھی ڈیبیوبھی کرنے والی ہیں.

معروف مصنف خلیل الرحمان قمر نے سوشل میڈیا پر اپنے پوتے کی تصویر شئیر کرتے ہوئے خوشی کا اظہار کیا ہے اور کیپشن لکھا ہے کہ میں دادا بن گیا ہوں۔ خلیل الرحمان کی اس پوسٹ پر ان کے مداحوں نے مبارکباد دیں۔ مصنف نے گزشتہ روز ایک اور پوسٹ سوشل میڈیا پر شئیر کی جس میں انہوں نے معروف صحافی ارشد شریف جو کہ چند روز قبل کینیا میں قتل کر دئیے گئے تھے ان کے لئے ایک نظم لکھی۔ ان کی اس نظم کو بھی بہت زیاد ہ پسند کیا جا رہا ہے۔ یاد رہے کہ خلیل الرحمان قمر کا شمار ان رائٹرز میں ہوتا ہے جو بہترین لکھتے ہیں۔ ان کا لکھا ہوا ہر پراجیکٹ مشہور ہوجاتا ہے ان کے کئی ڈائیلاگز زبان زد عام ہیں۔ انہوں نے حال ہی میں یہ بھی اعلان کیا ہے کہ وہ

ڈرامہ سیریل میرے پاس تم ہو کو کتابی شکل دیں گے۔ان کے مداح ان کے اس اعلان سے بھی کافی خوش ہیں۔ دوسری طرف خلیل لرحمان قمر آج کل سوشل میڈیا پر پی ٹی ٓآئی کی بہت زیادہ حمایت کرتے ہوئے نظر آرہے ہیں ۔ ان کا ماننا ہے کہ عمران خان ہی اس ملک کی بہتری کے لئے آخری امید ہے۔ خلیل الرحمان قمر نے جو سوشل میڈیا پر عمران خان کے معاملے میں واضح پوزیشن لے رکھی ہے اس پر انہیں تنقید کا نشانہ بھی بنایا جاتا ہے لیکن یہ مصنف من موجی ہیں کسی کی تنقید کی پرواہ کئے بغیر جو کہنا ہے کہتے ہیں۔

فلم ٹچ بٹن کی پرڈیوسر عروہ حسین لاعلم ہیں سونیا حسین کی ناراضگی سے اور ان کے بھیجے ہوئے قانونی نوٹس سے. عروہ حسین جو کہ اپنی فلم ٹچ بٹن کی تشہیر میں مصروف ہیں آج کل ان کے انٹرویوز ہو رہے ہیں ہر کوئی جہاں فلم کے بارے میں پوچھتا ہے وہیں ان سے سونیا حسین کے قانونی نوٹس کے بارے میں بھی پوچھا جا رہا ہے. حالانکہ سونیا حسین کہہ چکی ہیں‌کہ وہ عروہ حسین کو معاوضہ نہ دینے پر قانونی نوٹس بھیج چکی ہیں لیکن عروہ حسین نے اس بات سے بالکل ہی لاعلمی کا اظہار کر دیا ہے. اداکارہ سے جب سوال ہوا کہ کیا آپ نے سونیا حسین کو معاوضہ نہیں دیا تو انہوں نے کہا کہ ایسی کوئی بات نہیں ہے مجھے لگتا ہے کہ سونیا حسین کو کوئی غلط فہمی ہوئی ہے. یاد رہے کہ سونیا حسین کا کہنا

ہےکہ فلم کی شوٹنگ ختم ہوئے چار سال کا عرصہ بیت گیا ہے لیکن میرے سے جو معاوضہ طے کیا گیا تھا وہ ابھی تک ادا نہیں ہوا. شاید یہی وجہ ہے کہ سونیا فلم کی تشہیری مہم میں‌نظر نہیں آ رہیں. دوسری طرف فیروز خان بھی فلم کی تشہیر میں‌کہیں نظر نہیں آرہے. عروہ حسین کا کہنا ہے کہ اس فلم میں وہ سب ہے جو شائقین دو گھنٹے کی کسی فلم میں دیکھنا چاہتے ہیں .