Author: +9251

خرم لغاری کا پی ٹی آئی چھوڑنے اعلان، 5 ارکان اسمبلی بھی ساتھ شامل

پاکستان تحریک انصاف کے رکن پنجاب اسمبلی خرم لغاری نے پارٹی چھوڑنے کا فیصلہ کرتے ہوئے کہا کہ 5 اراکین اسمبلی بھی پارٹی چھوڑ رہے ہیں۔ رکن پنجاب اسمبلی خرم لغاری نے نجی ٹی وی سے گفتگو کرتے ہوئے دعویٰ کیا کہ میرے ساتھ 5 ارکان پنجاب اسمبلی بھی پارٹی چھوڑ رہے ہیں اور پارٹی چھوڑنے والے تمام ارکان کا تعلق جنوبی پنجاب سے ہے۔

انہوں نے کہا کہ میں پی ٹی آئی کے ساتھ مزید نہیں چل سکتا اور آج شام 4 بچے ملتان میں مشترکہ پریس کانفرنس کریں گے۔ خرم لغاری نے الزام عائد کرتے ہوئے کہا کہ چیئرمین پی ٹی آئی عمران خان نوجوانوں کو غلط استعمال کر رہے ہیں اور نوجوانوں کو دھوکہ دیتے دیکھ کر دل دکھی ہے۔ انہوں نے کہا کہ میں اپنے حلقے میں موجود ہوں اور مشاورت کے بعد ہی پارٹی چھوڑنے کا فیصلہ کیا ہے۔
مزید یہ بھی پڑھیں؛ غیرت کےنام پرماں بیٹی قتل:ملزمان گرفتار
عمران خان ایک جھوٹا شخص ہے جس کا چہرہ بے نقاب ہوچکا. وزیر داخلہ رانا ثناء اللہ
سپریم کورٹ نے تاحیات نااہلی کیس میں پی ٹی آئی رہنما فیصل واوڈا سے دو سوالوں کے جوابات طلب کر لیے۔
اگر آرمی چیف غدار ہے تو آج بھی اس سے چھپ کر کیوں ملتے ہیں. ڈی جی آئی ایس آئی
آرمی چیف کو کہا تھا کہ اگروہ آپ کو توسیع دے رہےہیں تو میں بھی دے دیتا ہوں:عمران خان مان گئے

لانگ مارچ؛ سندھ پولیس کے اہلکار بھیجنے سے متعلق حلیم عادل کی درخواست مسترد

سندھ ہائیکورٹ نے سندھ پولیس سے 6 ہزار اہلکار لانگ مارچ روکنے کے لیے اسلام آباد بھیجنے سے متعلق پی ٹی آئی رہنما و اپوزیشن لیڈر کی فوری سماعت کی درخواست مسترد کر دی۔ ہائیکورٹ میں سندھ پولیس کے 6 ہزار اہلکار لانگ مارچ روکنے کے لیے اسلام آباد بھیجنے سے متعلق پی ٹی آئی رہنما و اپوزیشن لیڈر حلیم عادل شیخ کی درخواست پر سماعت ہوئی۔

حلیم عادل شیخ اور ان کے وکیل پیش نہیں ہوئے، عدالت نے فوری سماعت کی درخواست مسترد کر دی۔ دائر درخواست میں موقف اپنایا گیا تھا کہ وفاقی، سندھ حکومت اور آئی جی سندھ کو 6 ہزار اہلکاروں کو واپس بلانے کے احکامات دیے جائیں، سندھ حکومت اور آئی جی سندھ کو کراچی میں اسٹریٹ کرائم کی روک تھام کے لیے پولیس اہلکاروں کی تعیناتی کا حکم دیا جائے۔

درخواست گزار کے مطابق صوبے سندھ میں سیلاب زدہ علاقوں میں پولیس اہلکاروں کی اشد ضرورت ہے، گزشتہ کچھ ماہ سے کراچی میں اسٹریٹ کرائم میں اصافہ ہوا ہے۔ عوام کے تحفظ کے لیے پولیس کی موجودگی ضروری ہے۔ واضح رہے کہ پی ٹی آئی چیئرمین عمران خان کے اعلان پر لانگ مارچ کا آغاز آج لاہور سے ہو رہا ہے۔
مزید یہ بھی پڑھیں؛ غیرت کےنام پرماں بیٹی قتل:ملزمان گرفتار
عمران خان ایک جھوٹا شخص ہے جس کا چہرہ بے نقاب ہوچکا. وزیر داخلہ رانا ثناء اللہ
سپریم کورٹ نے تاحیات نااہلی کیس میں پی ٹی آئی رہنما فیصل واوڈا سے دو سوالوں کے جوابات طلب کر لیے۔
اگر آرمی چیف غدار ہے تو آج بھی اس سے چھپ کر کیوں ملتے ہیں. ڈی جی آئی ایس آئی
آرمی چیف کو کہا تھا کہ اگروہ آپ کو توسیع دے رہےہیں تو میں بھی دے دیتا ہوں:عمران خان مان گئے

راولپنڈی میں میڈیا سے بات کرتے ہوئے رانا ثنا اللہ نے کہا کہ عمران خان کو چاہیے پنجاب حکومت برطرف کریں یا وہ محکمہ اینٹی کرپشن کی خبر لیں، عمران نیازی کو خوش کرنےکے لیےجاری کیا گیا وارںٹ واپس لیا گیا ہے، یہ سیاسی انتقام کی بدترین مثال تھی، افسران کو اس سطح تک نہیں جانا چاہیے تھا، عدالت نے مجھے ریلیف نہیں دیا قانون پر عمل کو یقینی بنایا ہے۔

انہوں نے مزید کہا ڈی جی آئی ایس آئی اور ڈی جی آئی ایس پی آر کی مشترکہ پریس کانفرنس پر رانا ثنا اللہ نے کہا کہ کل جو گفتگو ڈی جی آئی ایس پی آر اور ڈی جی آئی ایس آئی نےکی اس سےعوام باخبر ہوئے ہیں، کل سارا جھوٹ اور فراڈ عوام کی نظر میں رد ہوگیا، عوام کو صحیح معنوں میں حقیقت کا پتا چلا ہے۔
وفاقی وزیر نے مزید کہا کہ گزشتہ روز ادارے نے ایک اچھا اقدام کیا ہے، جب بھی ضرورت پڑے ایسی آگاہی دیتی رہنی چاہیے۔ رانا ثنا اللہ نے کہا کہ ہم کسی جتھہ کلچر کو پروان نہیں چڑھنےدیں گے، ایک جتھہ بیٹھا رہے گا دوسرا آئے گا یہ چیز ریاست کو تباہ کردیتی ہے، اسلام آباد میں احتجاج سے متعلق عدالت کا ایک فیصلہ موجود ہے، اس طریقہ کار کے مطابق آئیں گے تو ہم اپنی تمام ذمہ داریاں پوری کریں گے۔ وزیر داخلہ کا کہنا تھا کہ مخصوص جگہ پر آئیں گے تو ہم سیکیورٹی دیں گے۔ اگر وہ چڑھائی کرنے آئیں گے تو کسی جتھے کو اسلام آباد پر چڑھائی کی اجازت نہ ہوگی۔

دوسری جانب ڈی جی اینٹی کرپشن پنجاب نے کہا ہے کہ رانا ثنا اللہ کو گرفتار نہیں کرنا چاہتے، چالان پیش ہوجائے تو پھر مقدمہ سے نام نہیں نکالا جا سکتا۔ لاہورہائیکورٹ راولپنڈی بینچ نے وزیرداخلہ کی وارنٹ گرفتاری کی منسوخی کی درخواست نمٹا دی۔ جج نے ریمارکس دیئے کہ ادارے سیاسی اعلیٰ کار بنے ہوئے ہیں، ایک آتا ہے مقدمہ کرتا ہے دوسرا آتا ہے ختم کردیتا ہے۔

دوران سماعت عدالت نے ڈی جی اینٹی کرپشن کو مخاطب کرتے ہوئے کہا کہ کیا ایف آئی آر براہ راست رانا ثناء اللہ پر تھی یا سورس رپورٹ پر؟۔ڈی جی اینٹی کرپشن ندیم سرور نے بتایا کہ سورس رپورٹ پر ایف آئی آر کی گئی۔ عدالت کا کہنا تھا کہ کس نے اس سورس رپورٹ پر کارروائی کی؟۔کیا مونس الہٰی کا فیصلہ نہیں ہوا ہائی کورٹ میں۔ہمیں اس کو فالو کرنا ہے۔نوٹس جو اینٹی کرپشن نے کیا۔اس پر کارروائی کرتا تو آپ کو پتا چلتا، آپ کیسے ڈی جی رہ سکتے ہیں۔
مزید یہ بھی پڑھیں؛ غیرت کےنام پرماں بیٹی قتل:ملزمان گرفتار
عمران خان ایک جھوٹا شخص ہے جس کا چہرہ بے نقاب ہوچکا. وزیر داخلہ رانا ثناء اللہ
سپریم کورٹ نے تاحیات نااہلی کیس میں پی ٹی آئی رہنما فیصل واوڈا سے دو سوالوں کے جوابات طلب کر لیے۔
واضح رہے کہ وزیر داخلہ رانا ثنااللہ کی جانب سے وارنٹ گرفتاری اور ایف آئی آر اخراج کی درخواست پر لاہور ہائی کورٹ راولپنڈی بینچ کے جسٹس صداقت علی خان نے گزشتہ 17 اکتوبر کو سماعت کی تھی. دوران سماعت عدالت کی جانب سے ایڈیشنل ڈی جی اینٹی کرپشن پر اظہار برہمی کیا تھا، جسٹس صداقت علی خان نے استفسار کیا تھا کہ آپ نے مقدمے کے ثبوت پیش کرنے ہیں، ثبوت کہاں ہیں؟ عدالت کی جانب سے مزید کہا گیا تھا کہ رانا ثنااللہ نے جس ہاؤسنگ سوسائٹی سے پلاٹ خریدے وہ پلاٹوں کا خریدار ہے، آپ خریدار کو تحفظ دینے کے بجائے اس کے خلاف مقدمات بنا رہے ہیں۔

فارن فنڈڈ فتنے کے ساتھ وہی سلوک ہورہا ہے جس کا وہ مستحق ہے. وفاقی وزیر

وفاقی وزیر اطلاعات و نشریات مریم اورنگزیب نے کہا ہے کہ فارن فنڈڈ فتنے کے ساتھ وہی سلوک ہورہا ہے جس کا وہ مستحق ہے۔ گزشتہ روز سابق وزیر اعظم نے ایک ٹی وی انٹرویو میں آرمی چیف کو مدت ملازمت میں توسیع دینے کی آفر اور ایوان صدرمیں ہونے والی ملاقات کی تصدیق کی تھی۔ اپنے انٹرویو میں عمران خان نے کہا تھا کہ دنیا چاہتی ہے کہ پاکستانی فوج کمزور ہو، جبکہ وہ ہمیشہ کوشش کرتے ہیں کہ ان کی کسی بات سے دنیا میں فوج کا تشخص خراب نہ ہو، اگر میں کسی طرح کا بھی جواب دوں تو ادارے کا نقصان ہو گا۔

سابق وزیر اعظم کے بیان پر وفاقی وزیر اطلاعات مریم اورنگزیب نے اپنے ردعمل میں کہا ہے کہ فتنے نے مان لیا کہ انہوں نے آرمی چیف کو غیر معینہ مدت کے لیے توسیع کی پیشکش کی تھی۔ مریم اورنگزیب کا کہنا تھا کہ عمران خان نے اقتدار میں آتے ہی اپنے قریبی لوگوں سے آنکھیں بدل لیں، پاکستان تحریک انصاف کو صرف فارن فنڈ فتنے نے کرش کیا ہے، فارن فنڈڈ فتنے کے ساتھ وہی سلوک ہورہا ہے جس کا وہ مستحق ہے۔

عمران خان کو مخاطب کرتے ہوئے مریم اورنگزیب نے کہا کہ آپ نے کرپشن نہیں کی، 4 سال ڈاکے ڈالے ہیں، آپ کو آزاد میڈیا سے نہیں بلکہ اپنے اندر کے فتنے کا خوف تھا، شہباز شریف اور راناثنااللہ جرائم پیشہ تھے تو 4 سال میں ثابت کردیتے۔ وفاقی وزیر نے کہا کہ ملک تباہی کی طرف جانے سے 6 ماہ پہلے بچ گیا، الیکشن آئینی مدت پوری ہونےپر اگلے سال ہوں گے، والدین اپنے بچوں،بچیوں اور فیملیز کو خونی مارچ سے محفوظ رکھیں۔
مزید یہ بھی پڑھیں؛ غیرت کےنام پرماں بیٹی قتل:ملزمان گرفتار
عمران خان ایک جھوٹا شخص ہے جس کا چہرہ بے نقاب ہوچکا. وزیر داخلہ رانا ثناء اللہ
سپریم کورٹ نے تاحیات نااہلی کیس میں پی ٹی آئی رہنما فیصل واوڈا سے دو سوالوں کے جوابات طلب کر لیے۔
اگر آرمی چیف غدار ہے تو آج بھی اس سے چھپ کر کیوں ملتے ہیں. ڈی جی آئی ایس آئی
آرمی چیف کو کہا تھا کہ اگروہ آپ کو توسیع دے رہےہیں تو میں بھی دے دیتا ہوں:عمران خان مان گئے

سی پیک؛ پاکستان کا 18.5ارب ڈالرکے 5 منصوبوں پرکام تیزکرنیکا مطالبہ پاکستان کی طرف سے 3,100 میگاواٹ کے بجلی منصوبوں پر بھی کا م کی رفتار بڑھانے کا مطالبہ کیا گیا ہے۔ گزشتہ روز سی پیک کی جوائنٹ کوآرڈینیشن کمیٹی کا 11واں اجلاس ہوا جس کی صدارت وفاقی وزیرمنصوبہ بندی پروفیسراحسن اقبال اورچین کے وائس چئیرمین این ڈی آر سی لن نین شیو نے وڈیو لنک کے ذریعے مشترکہ طور پر کی۔ ایکسپریس کے مطابق؛ اجلاس میں کسی نئے منصوبے کا اعلان نہیں کیا گیا بلکہ اب تک آٹھ سال سے تاخیر کا شکار منصوبوں پر کام میں تیزی لانے کا جائزہ لیا گیا۔

پاکستان نے جن منصوبوں پر کام کی رفتار تیزکرنے پرزور دیا ان میں 10ارب ڈالر کا ریلوے کا ایل ایم ۔I منصوبہ،1.2ارب ڈالر کا کراچی سرکلر ریلوے منصوبہ،1.6 ارب ڈالر کا آزاد پتن ہائیڈروپاور پراجیکٹ،2.5 ارب ڈالر کا کوہالہ پاورپراجیکٹ اور تین ارب ڈالر کا تھرکول بلاک ون پراجیکٹ شامل ہیں۔یہ مصوبے برسوں سے تاخیر کا شکار ہیں۔پاکستان نے چین سے 584 ملین ڈالر کے گوادر پاورپلانٹ کی منتقلی کی بھی درخواست کی۔

وفاقی وزیرمنصوبہ بندی احسن اقبال نے خصوصی اقتصادی زونز کے قیام سمیت کچھ عرصہ سے نظر انداز کیے گئے بعض منصوبوں کی نشاندہی کی اور چین سے درخواست کی وہ پاکستان کے ریل سسٹم کو بچانے کیلئے پاکستان کی مددکرے کیونکہ گزشتہ ایک سال سے ریلوے سسٹم میں کوئی سرمایہ کاری نہیں ہوئی،اگر اسے نظر اندازکیا جاتا رہا تو ایک سال میں پورا ریل سسٹم بیٹھ سکتا ہے۔ اجلاس کا کوئی اعلامیہ جاری نہیں کیا گیا۔ساری تفصیلات وزیراعظم شہبازشریف کے یکم نومبرکوشروع ہونے والے دو روزہ چین کے دوران جاری کی جائیں گی۔ سفارتی ذرائع کے مطابق وزیراعظم کے اس دورے میں انفراسٹرکچر اور انرجی کے کچھ منصوبے پائپ لائن میں ہیں،اس کے علاوہ چین کو پاکستان کی زرعی مصنوعات کی برآمدات میں سہولت بھی پیدا کی جائے گی۔ وزیراعظم شہبازشریف کے دورہ میں آئی ٹی اور خصوصی اقتصادی زونزکے قیام سمیت کیپسٹی بلڈنگ اور دفاعی تعاون میں فروغ کے معاہدے کیے جائیں گے۔

اجلاس کے بعد وفاقی وزیراحسن اقبال نے گفتگوکرتے ہوئے کہا اگر ہم اس اجلاس کے فیصلوں کا اعلان کردیتے ہیں تو وزیراعظم کے دورہ کی ساری باتیں کھل جائیں گی۔ انہوں نے کہا 2013ء میں شروع ہونے والے سی پیک میں اب تک18.8 ارب ڈالر کے 28 منصوبے مکمل کیے جاچکے ہیں جبکہ 34 ارب ڈالر کی اسکیمیں یا تو زیرتکمیل ہیں یا ابھی تک ان کی منصوبہ بندی کی جارہی ہے۔ ذرائع کے مطابق اس جے سی سی اجلاس میں پاکستان نے چین کو یقین دہانی کرائی ہے کہ وہ سی پیک فریم ورک میں طے کیے گئے ٹیکسوں اور انرجی کے ٹیرف کا قائم رہے گا۔پاکستان نے چین سے حب اور گوادر کے درمیان بجلی کی بلارکاوٹ ترسیل کیلئے نئی ٹرانسمیشن لائن بچھانے میں تعاون کی بھی درخواست کی ہے۔

پاکستان10ہزار میگاواٹ کی سولر انرجی کی پیداوار میں بھی چین کے تعاون کا متمنی ہے۔ اجلاس میں سیلاب سے متاثرہ علاقوں کی تعمیر نو کیلئے تعاون پربھی بات چیت کی گئی۔پاکستان ،چین اور سعودی عرب گوادر میں آئل ریفانری بھی قائم کریں گے۔اس کے علاوہ چین کے ایسٹ سی گروپ نے گوادر فری زون میں پانچ ملین ٹن کی ایک دوسری ریفائنری قائم کرنے پربھی آمادگی ظاہرکی ہے۔ جے سی سی اجلاس میں بابوسر ٹاپ ٹنل کی فیزیبلٹی،کراچی حیدرآباد موٹر وے کی بحالی ،ساگو روڈ پراجیکٹ اور مظفرآباد مانسہرہ روڈ کی تعمیرکا بھی جائزہ لیا گیا۔ اجلاس کے بعد وفاقی وزیراحسن اقبال نے پریس کانفرنس سے خطاب کرتے ہوئے کہا کہ گزشتہ حکومت نے سی پیک منصوبوں کو متنازعہ بنایا،اس سے سی پیک کی رفتار متاثر ہوئی ،2018 تک سی پیک جے سی سی کے 7 اجلاس ہوئے،گزشتہ 4 سالوں میں بدقسمتی سے صرف 3 اجلاس ہوئے۔

انہوں نے کہا کہ جب ہماری حکومت آئی تو سی پیک منصوبوں کی رفتار بڑھانا ترجیح تھی،ہم نے سی پیک منصوبوں پر تحفظات دور کیے،چند نئے شعبوں کی سی پیک کے فریم ورک میں نشاندہی کی گئی،سی پیک میں واٹر ریسورسز مینجمنٹ کو بھی شامل کیا گیا،آبی وسائل پرتوجہ دینا ضروری ہوگیا ہے تاکہ سیلاب سے بچنے کے ساتھ ساتھ پانی کی قلت سے بچا جا سکے۔امید ہے اس تعاون سے موسمیاتی تبدیلی سے نمٹنے میں مدد ملے گی۔ وفاقی وزیراحسن اقبال نے کہا کہ آئی ٹی میں چین پاکستان کی کمپنیوں میں تعاون کو فروغ دیں گے۔چین سے کمپنیوں کو پاکستان میں ریسرچ سینٹرز کیلئے مدعوکر رہے ہیں،چین کے ساتھ سینڈک اور تھرکول مائننگ میں کامیاب ہوئے،پاکستان معدنی وسائل سے مالامال ہے مائننگ میں بھی ورکنگ گروپ قائم کیا۔

احسن اقبال کا کہنا تھا کہ پاکستان کی ایکسپورٹس بڑھانے کیلیے چین سے ٹیکنیکل معاونت مانگا ہے۔اگر ہم نے اگلے پانچ سال میں ایکسپورٹ100 ارب کر لی تو مستقبل اور ہے اور دس سال میں کی تو مستقبل اور ہے۔پاکستان میں زرعی شعبے کو بھی فروغ دیا جائے گا،گوشت اور سبزیاں ایکسپورٹ کی کیپسٹی بڑھانے کیلئے چین سے مدد مانگی ہے۔ انہوں نے کہا عمران خان نے پاکستان کے ہر ادارے کو نشانے پر رکھا ہوا ہے،قوم کو اداروں سے لڑانے والے سیاست دانوں کی حوصلہ شکنی کرنی چاہیے،پاکستان کے مستقبل سے کھیلنے کی کسی کو اجازت نہیں دیں گے۔
مزید یہ بھی پڑھیں؛ غیرت کےنام پرماں بیٹی قتل:ملزمان گرفتار
عمران خان ایک جھوٹا شخص ہے جس کا چہرہ بے نقاب ہوچکا. وزیر داخلہ رانا ثناء اللہ
سپریم کورٹ نے تاحیات نااہلی کیس میں پی ٹی آئی رہنما فیصل واوڈا سے دو سوالوں کے جوابات طلب کر لیے۔
احسن اقبال نے کہا کہ عمران خان نے پاکستانی فوج کیخلاف جو مہم چلائی ہے وہ کوئی پاکستانی برداشت نہیں کر سکتا ،اب پتہ چلا ہے کہ آپ رات کی تاریکی میں فوج سے ملتے تھے،اگر پاکستان میں امپائر نیوٹرل ہے توآپ کو تکلیف ہے، ثابت ہوتا ہے آپ کے سپانسرز نے پاکستان میں آپ کو انتشار پیدا کرنے کا مینڈیٹ دیا ہے۔آپ پاکستان کے عوام کو پاکستانی فوج سے لڑانا چاہتے ہیں، ڈی جی آئی ایس پی آر اور ڈی جی آئی ایس آئی کی پریس کانفرنس لمحہ فکریہ ہے،یہ نہایت گھناؤنا کھیل عمران خان کھیل رہے ہیں،مجھے جس بنیاد پر خان صاحب ڈاکو کہتے تھے اسے عدالتوں نے ردی کی ٹوکری میں پھینک دیا۔آپ کو شرم آنی چاہیے،آپ نے جو ڈاکے ڈالے اور چوری کی اس کا حساب کون دیگا؟ وفاقی وزیر کا کہنا تھا کہ وزیر اعظم شہباز شریف کا آئندہ دورہ خاص طور پر ایک ایسے وقت میں اہم ہو گا جب چین کے صدر شی جن پنگ تیسری بار چین کے رہنما منتخب ہو چکے ہیں اور یہ پاکستان کے لیے انتہائی اہمیت کا حامل ہے۔