Author: +9251

فیروز خان اور ان کی اہلیہ علیزے کے درمیان طلاق ہو چکی ہے. عدالت طے کر چکی ہے کہ بچے علیزے کے پاس ہی رہیں گے جبکہ فیروز خان صرف ان کو مہینے میں دوبار مل سکیں گے لیکن اس ملاقات سے قبل وہ اپنا پاسپورٹ عدالت میں جمع کروائیں گے. علیزے بارہا کہتی رہی کہ فیروز خان ان پر تشدد کرتے تھے لیکن انکی بات کو فیروز خان نے جھوٹ کہا لیکن حال ہی میں کچھ تصاویر سامنے آئی ہیں جو علیزے کی جانب سے عدالت میں پیش کی گئی ہیں ان تصاویر میں دیکھا جا سکتا ہے کہ علیزے پر بد ترین تشدد ہوا ہے ، اور ان کے نہ صرف چہرے پر تشدد کے

نشانات ہیں بلکہ ان کے جسم کے مختلف حصوں پر خصوصی طور پر بازوئوں پر تشدد کے بدترین نشانات موجود ہیں‌انہیں‌دیکھ کر ہر آنکھ حیران رہ جائے کہ کوئی شوہر کیسے اپنی بیوی پر اتنا ظلم کر سکتا ہے. فیروز خان کے بد ترین تشدد کی تصاویر سامنے آنے کے بعد اداکار پر مزید تنقید کی جا رہی ہے یوں فیروز خان ایک بار پھر شدید تنقید کی زد میں آگئے ہیں. یاد رہےکہ فیروز خان کی اہلیہ علیزے نے اپنے سابق شوہر پر جسمانی تشدد کرنے کے الزامات لگائے تھے جنہیں ان کے سابق شوہر نے جھوٹ قرار دیا تھا.

پاکستان کی پہلی بڑے بجٹ سے بننے والی فلم پہلی بڑی ریکارڈ توڑ اور سو کروڑ کمانے والی فلم بنی گئی ہے. جی ہم بات کررہے ہیں دا لیجنڈ آف مولا جٹ کی . فلم نے اورسیز میں اور پاکستان میں ریکارڈ توڑ بزنس کیا ہے. فلم کی کاسٹ اور پوری ٹیم اس کامیابی سے بہت زیادہ خوش ہے. اور اپنی خوشی کا اظہار سوشل میڈیا کے زریعے کرتی بھی رہتی ہے. فلم کی کاسٹ ، پرڈیوسر اور ڈائریکٹر اپنے مداحوں کو دے رہے ہیں سرپرائز اور وہ پہنچ رہے ہیں سینما گھروں میں. دو دن پہلے ماہرہ خان ، حمزہ علی عباسی ، عمارہ حکمت و دیگر کراچی کے سینما گھروں میں

پہنچے لوگوں سے ملنے. اسی طرح سے گزشتہ رات فواد خان ، ماہرہ خان، عمارہ حکمت اور بلال لاشاری پہنچے لاہور کے کیو اور شبستان و دیگر سینماگھروں میں. سب نے فلم دیکھنے آئے لوگوں‌ کے ساتھ سیلفیاں بنوائیں اور ان کے تاثرات بھی سنے کے ان کو فلم کیسی لگی. شائقین فواد ماہرہ اور حمزہ کو اپنے درمیان دیکھ کر کافی خوشی محسوس کرتے ہیں اور اب تو شائقین امید باندھنے لگے ہیں کہ جب ہم فلم دیکھ کر باہر آئیںگے تو شاید فلم کی کاسٹ کے لوگ موجود ہوں اور ہمیں بھی ان کو بھی دیکھنے کا موقع ملے.

اداکارہ منشا پاشا جن کی اداکاری اور خوبصورتی کے لاکھوں دیوانے ہیں وہ کس کھیل کی دیوانی ہیں آپ جان کر رہ جائیں حیران. جی ہاں منشا پاشا ہیں کرکٹ کی دیوانی . انہوں نے اپنے حالیہ انٹرویو میں کہا ہے کہ میں کرکٹ کا کھیل بہت پسند کرتی ہوں. ویسے تو مجھے ویرات کوہلی بہت پسند ہے لیکن کل جو انہوں نے ہمیں ہرایا ہے وہ مجھے اچھے نہیں لگ رہے. ہم شاید کل کا میچ جیت جاتے لیکن ہماری تھوڑی بہت غلطیاں تھیں جن کی وجہ سے میچ ہارے. انہوں نے مزید کہا کہ مجھے اور میرے شوہر دونوں کو کرکٹ دیکھنے کا بہت شوق ہے لہذا پاکستان کا میچ ہم اکثر دونوں ایک ساتھ بیٹھ کر دیکھتے ہیں. انڈیا پاکستان کے حالیہ میچ میں ہم ہار گئے ، دل بہت اداس

ہےلیکن مجھے امید ہے ہم اگلے میچز ضرور جیتیں گے. انہوں نے ساتھ ہی یہ بھی کہا کہ ہمیں دل بڑا رکھنا چاہیے ہار جیت ہوتی رہتی ہے لیکن انڈیا سے ہار پاکستانی کرکٹ شائقین کو بہت چبھتی ہے. ایک سوال کے جواب میں منشا پاشا نے کہا کہ میں نے کبھی یہ نہیں سوچا کہ صرف ڈرامے کرنے ہیں یا فلمیں . میرے پاس جب جو اچھا سکرپٹ آتا ہے میں کر لیتی ہوں. مجھے خوشی اس بات کی ہے کہ میرے مداح مجھے ہر کردار میں سراہتے ہیں.

دا لیجنڈ آف مولا جٹ کی کامیابی کے بعد ہر کسی کی خواہش ہے کہ وہ بلال لاشاری کی ڈائریکشن میں کام کرے. یہ پاکستان کی پہلی سو کروڑ کمانے والی فلم بن گئی ہے. ہر کوئی دا لیجنڈ آف مولا جٹ کو دیکھنے جا رہا ہے اور دیکھ چکا ہے بلکہ بار بار دیکھ رہا ہے. اداکار آغا علی نے اپنے حالیہ انٹرویو میں‌کہا ہے کہ میں یہ فلم دیکھ کر آیا ہوں بہت مزہ آیا ہے. فلم کی کیا تعریف کروں میرے تو الفاظ ہی ختم ہو جاتے ہیں. میں سمجھتا ہوں کہ آپ سب کو یہ فلم ایک بار نہیں بار بار دیکھنی چاہیے. پاکستان میں کتنا ٹیلنٹ موجود ہے اس فلم کو دیکھ کر اندازہ لگایا جا سکتا ہے.

ایک سوال کے جواب میں انہوں نے کہا کہ نوری نت اور مولا جٹ یا دیگر کردار ہر کسی نے بہترین انداز میں نبھائے ہیں . مجھے اگر نوری کا مل جاتا یا مولا جٹ کا کردار مل جاتا میں دونوں کو ہی کرنے میں‌دلچپسی لیتا دونوں‌کردار اتنے مضبوط ہیں اور جس طرح سے فواد خان اور حمزہ علی عباسی نے اداکاری کی ہے اسکی کیا ہی بات کی جائے. آغا علی نے کہا کہ مجھے جیسے ہی کوئی اچھا سکرپٹ ملا میں فلم ضرور کروں گا. مجھے جو فلمیں آفر ہوئی ہیں ان میں کردار اور کہانیاں مجھے پسند نہیں آئیں.

ڈرامہ سیریل حاصل لا حاصل کی شوٹنگ آج کل لاہور میں جاری ہے. گزشتہ شب شادی کا ایک سییکونس شوٹ کیا گیا. دلاور ملک کی ڈائریکشن میں‌ بننے والے اس ڈرامے کے سیٹ پر آغا علی ، منشا پاشا ، صرحا اصغر اور عمران اشرف کے بھائی عباس اشرف بھی موجود تھے. شادی کے سین میں عباس اشرف اور صرحا اصغر کو سٹیج پہ بیٹھے دکھایا گیا اور پھر بعد میں منشا پاشا اور آغا علی کو بھی اس سین میں سیٹ پر دکھایا گیا. شادی کے اس سین کو شوٹ کرنے کےلئے خاور ریاض کے سٹوڈیو کا استعمال کیا گیا جسے بڑے پیمانے پر سجایا گیا.اس موقع پر دلاور ملک

نے کہا کہ ڈرامہ ستر فیصد شوٹ ہو چکا ہے صرف تیس فیصد شوٹ باقی ہے جو کہ آج کے شوٹ کے بعد لاہور کے دور دراز علاقوں میں شوٹ کیا جائیگا. دلاور ملک نے یہ بھی کہا کہ یہ کہانی ایک سوشل ایشو ہے اور میں نے کوشش کی ہے کہ شائقین جو دیکھنا چاہتے ہیں وہ دکھائوں اس ڈرامے کی کاسٹ میں جتنے بھی آرٹسٹ ہیں سب ہی بہت تعاون کرتے ہیں سیٹ پر وقت سے آتے ہیں اور دل لگا کر اپنا کام کرتے ہیں میں بہت خوش ہوں کہ ہمارا ڈرامہ اختتام پذیر ہو نے والا ہے مجھے یہ بھی امید ہے کہ جیسے ہی ڈرامہ آن ائیر جائیگا اسے بہت پسند کیا جائیگا اور آغا اور منشا کی جوڑی کو بھی بہت سراہا جائیگا.

پاکستانی فلم جوائے لینڈ جس کو کانز فلم فیسٹیول میں ایوارڈ سے نوازا گیا ہے یہ پاکستان کی پہلی فلم بن گئی ہے جس نے دنیا کے اتنے بڑے فلمی میلے میں ایوارڈ جیتا ہے. اس فلم میں مرکزی کردار کرنے والی ٹرانسجینڈر علینا خان نے ایک انٹرویو میں کہا ہے کہ مجھے تو پتہ ہی نہیں تھا کہ کانز فلم فیسٹیول کیا ہے ، جیسے ہی میرے ڈائریکٹر نے مجھے کہا کہ ہماری فلم کانز فلم فیسٹیول میں جا رہی ہے تو میں نے ثروت گیلانی سمیت سب سے پوچھا کہ یہ کانز کیا ہوتا ہے اور پھر میں نے گوگل کیا تو پتہ چلا کہ کانز فلمی میلہ دراصل کیا ہے اور کتنی اہمیت کا حامل ہے. میں جب وہاں پہنچی تو میری فیلنگنز کیا تھیں ان کو میں الفاظ میں‌بیان نہیں کر سکتی . انہوں نے لوگوں کے رویے کے حوالے سے بات کرتے ہوئے کہا کہ جو

لوگ مجھ سے پہلے ٹھیک طرح بات نہیں کرتے تھے اب وہ میری عزت کرنے لگے ہیں. جو ملنا پسند نہیں کرتے تھے وہ اب ملنے لگے ہیں. جوائے لینڈ نے میری زندگی ہی تبدیل کر کے رکھ دی ہے. میں جوائے لینڈ سے پہلے بھی صائم صادق کے ساتھ کام کیا ہے اس لئے انہوں نے مجھے جب اس فلم میں میرا کردار بتایا تو میں نے فورا ہاں کردی . جب میں شوٹنگ کر رہی تھی تو مجھے خود نہیں پتہ تھا کہ یہ پراجیکٹ کتنی اہمیت کا حامل ہے لیکن جو اسے پذیرائی ملی ہے وہ ایسی ہے کہ لفظوں میں بیان کرنا مشکل ہے کہ مجھے کتنا فخر ہوتا ہے کہ میں اس پراجیکٹ کا حصہ ہوں.

دا لیجنڈ آف مولا جٹ نے بزنس کے نقطہ نظر سے کامیابی کے نئے ریکارڈز قائم کئے ہیں. پاکستان سمیت دنیا کے جن ممالک میں بھی فلم دا لیجنڈ آف مولا جٹ ریلیز ہوئی ہے اس نے کامیابی کے نئے ریکارڈ باندھے ہیں. اس فلم میں مشکل ترین میوزیکل پرفارمنس دینے والی صائمہ بلوچ نے گلہ شکوہ کیا ہے کہ فلم کے ڈائریکٹر اور پرڈیوسر سے انہوں نے کہا ہے کہ مجھے دا لیجنڈ آف مولا جٹ کی پرموشنز کے دوران نظر انداز کیا گیا. حالانکہ میری پرفارمنس جاندار تھی لیکن میرا کردار دکھایا اس طرح سے گیا کہ ایسا لگتا تھا کہ اس سین کے بعد اگلا سین نہیں‌ہو گا لیکن میری پرفارمنس اور ایکٹنگ نے لوگوں کے دل جیت لئے. فلم کی ریلیز کا بھی اعلان کر دیا ہوا تھا لیکن مجھے پریمئیر کے بارے میں نہیں بتایا جا رہا تھا

کہ کب ہے. مجھے اس قسم کے رویے کی امید بالکل بھی ڈائریکٹر اور پرڈیوسر سے نہیں تھی. سب جانتے ہیں کہ میں نے کس قدر محنت کے ساتھ رجو کا کردار کیا تھا ان کو چار سال تک رجو کے کردار کےلئے لڑکی نہیں ملی تھی سکرین ٹائم کم ہونے کے باوجود میں نے فلم میں کام کرنے کے لئے حامی بھی بھری پہلے میں نے انکار کر دیا تھا لیکن پھر کردار کیا. لیکن میرے ساتھ جو رویہ رکھا گیا ہے اسکا بہت افسوس ہے.

ورسٹائل اداکارہ ثروت گیلانی کہتی ہیں کہ ہمیں بتایا گیا کہ ہماری فلم جوائے لینڈ کو کانز فلمی میلے میں پیش کیا جائیگا تو پہلے تو سن کر یقین ہی نہیں آیا . کانز فلمی میلے میں جانے کےلئے ہماری ٹکٹس اور تیاری سب کچھ ہوجانے کے بعد بھی یقین نہیں آ رہا تھا . یہاں تک کہ ہم کانز فلمی میلے سے واپس بھی آچکے ہیں فلم کو ایوارڈ بھی مل چکا ہے لیکن پھر بھی ہمیں اس کامیابی کا یقین نہیں آرہا ہے. ثروت گیلانی نے کہا کہ جب ہمیں سٹینڈنگ اویژن ملا تو آنکھوں سے آنسو بہہ رہے تھے. انہوں نے مزید کہا کہ میں نے کرداروں کا انتخاب ہمیشہ سوچ سمجھ کر کیا ہے

. میں لوگوں کی تنقید سے نہیں گھبراتی بس یہ دیکھتی ہوں کہ جو کام کررہی ہوں اس میں لوگوں‌کے لئے کیا میسج ہے. آرٹسٹ کاکام کام کرنا ہوتاہے .ثروت نے مزید کہا کہ آپ سب جوائے لینڈ دیکھیں گے تو پتہ چلے گا کہ ہم میں سے ہر کسی نے جم کر کام کیا ہے .بہت خوبصورت ماحول تھا افسوس کہ میرا علینہ خان کے ساتھ صرف ایک سین تھا کاش مجھے ان کے ساتھ سکرین پر زیادہ وقت شئیر کرنے کا موقع میسر آتا . یاد رہے کہ فلم جوائے لینڈ جس کے پرڈیوسر سرمد کھوسٹ ہیں ان کی فلم اب پاکستان میں بھی ریلیز ہونے جا رہی ہے.

راستی فاروق جنہوں نے فلم جوائے لینڈ میں اہم کردار ادا کیا ہے وہ کہتی ہیں کہ میری کیا ہم سب کی خوشی کا ٹھکانہ نہیں ہے کہ فلم پاکستان میں ریلیز ہو رہی ہے .مجھے جب ڈائریکٹر صائم صادق نے فون کرکے جوائے لینڈ میں میرے کردار کا بتایا تو میں نے کہا کہ اس میں انکار کرنے والی تو کوئی بات ہی نہیں ہے، میری طرف سے ہاں ہے. انہوں نے مزید کہا کہ میری خوش نصیبی ہے کہ میں جوائے لینڈ کی ٹیم کا حصہ ہوں ، اس فلم کے بعد مجھے پہچان ملی ہے میرا کام نوٹس ہوا ہے. راستی نے یہ بھی کہا کہ پاکستان میں بہت زیادہ ٹیلنٹ ہے بس اسکو پالش کرنے اور ان سے اچھا کام لینے کی ضرورت ہے. ڈائریکٹر صائم صادق کا ایکٹروں سے کام لینے کا طریقہ کار زرا مختلف ہے وہ اداکاروں کے مزاج کو بہت اچھی طرح

سمجھتے ہیں اور ان کے مزاج کے مطابق ہی ان کے ساتھ ٹریٹ کرتے ہیں جس کی وجہ سے کام میں آسانی ہوجاتی ہے. مجھے امید ہے کہ جوائے لینڈ پاکستانی شائقین کو بہت پسند آئیگی. انہوں نے یہ بھی کہا کہ کانز فلمی میلے میں فلم کو ایوارڈ ملنا پذیرائی ملنا ہماری سینما انڈسٹری کی بہت بڑی کامیابی ہے امید ہے کہ ہم اس سلسلے کو برقرار رکھیں گے اور ایسی ہی اچھی فلمیں بناتے رہیں گے جو بین الاقوامی سطح پر ہمارے ملک کا نام روشن کرنے کے ساتھ ایوارڈ جیتیں .