ہر دلعزیز اداکارہ ماہرہ خان نے ڈرامہ سیریل رضیہ سےٹی وی پر واپسی کی ہے، اس ڈرامے کی پہلی قسط نشر ہو چکی ہے. محسن علی شاہ نے اس ڈرامے کے رائٹر ہونے کے ساتھ ساتھ اس کی ہدایت کاری بھی کی ہے. اس ڈرامے کی کہانی مختلف کرداروں اور معاشرتی مسائل کے گرد گھومتی ہے۔ ڈرامے کی کاسٹ میں اداکار محب مرزا، ماہرہ خان، محمد ثاقب، مومل شیخ شامل ہیں. ڈرامے کی پہلی قسط میںدیکھا جا سکتا ہے کہ ماہرہ خان ایک داستان گو کا مرکزی کردار اداکر رہ ہیں، وہ بہت خوبصورت ڈریس اور زیورات پہنے ہوئے ہیں ان کے بالوں میں جو رنگین دھاگے گوندھے ہیں وہ جمالیات کو چار چاند لگا رہے ہیں۔ انکا مکالمہ نثری نظم جیسا ہے.
” کہانی کا آغاز1997 کے انتخابات کے دوران پیدا ہونے والی رضیہ سے ہوتا ہے،” رضیہ کا باپ نہیں چاہتا کہ اس کے گھر بیٹی ہو ، لیکن رضیہ پیدا ہوجاتی ہے ، اس کی پیدائش پر گھر میںاسکی دادی اور باپ صف ماتم بچھا دیتے ہیں، اور رضیہ کی ماں کو آخری وارننگ ملتی ہے کہ بیٹا پیدا کرو ورنہ طلاق مل جائیگی، رضیہ کی دادی کسی بابا جی کا تعویز پلاتی ہے بہو کو پھر بیٹے کی پیدائش ہوتی ہے بیٹے کی پیدائش پر گھر میںخوشیاں منائی جاتی ہیں، دادی بیٹا اپنے ہاتھوں میں لینے سے پہلے ہی چل بستی ہے. تاہم رضیہ کی محرومیاں شدید ہوجاتی ہیں کیونکہ اس کا بھائی باپ کی توجہ کا مرکز ہوتا ہے. یوں یہ ڈرامہ دراصل معاشرتی رویوں کے منہ پر ایک طمانچہ ہے. ماہرہ خان کے کیرئیر کا یقینا یہ ایک بہترین اور یادگار ڈرامہ ثابت ہو گا.
