Author: +9251

اقوام متحدہ کے سیکریٹری جنرل انتونیو گوتریس نے کہا ہے کہ عالمی امن کے لیے طاقت کے توازن کو درست کرنا ہوگا، ہمیں ماضی کی بڑی غلطیوں سے سبق سیکھنا چاہیئے، دنیا کو روس یوکرین جنگ کی وجہ سے خوراک کی کمی کاسامنا ہے۔ جبکہ یو این سیکرٹری جنرل انتونیو گوتریس نے نیویارک میں اقوام متحدہ کی جنرل اسمبلی کے 78ویں اجلاس سے خطاب کرتے ہوئے کہا کہ اقوام متحدہ کے منشور پر مکمل عملدرآمد سے امن قائم ہوسکتا ہے، ہمیں ماضی کی بڑی غلطیوں سے سبق سیکھنا چاہیئے، عالمی امن کے لیے طاقت کے توازن کو درست کرنا ہوگا، ہمیں عالمی امن کے درپیش مسائل کا حل نکالنا ہوگا۔

عالمی امن کے لیے طاقت کے توازن کو درست کرنا ہوگا، ہمیں ماضی کی بڑی غلطیوں سے سبق سیکھنا چاہیئے، دنیا کو روس یوکرین جنگ کی وجہ سے خوراک کی کمی کاسامنا ہے۔ جبکہ یو این سیکرٹری جنرل انتونیو گوتریس نے نیویارک میں اقوام متحدہ کی جنرل اسمبلی کے 78ویں اجلاس سے خطاب کرتے ہوئے کہا کہ… pic.twitter.com/Xh8nLumHPe

— Malik Ramzan Isra (@MalikRamzanIsra) September 19, 2023

انتونیو گوتریس نے کہا کہ دنیا کو روس یوکرین جنگ کی وجہ سے خوراک کی کمی کا سامنا ہے، دنیا کو یوکرینی گندم اور خوراک کی اشد ضرورت ہے، غریب اور ترقی پذیرممالک کو عالمی امداد کی ضرورت ہے، عالمی مالیاتی نظام بوسیدہ ہوچکا ہے۔ افغانستان کے حوالے سے بات کرتے ہوئے سیکریٹری جنرل اقوام متحدہ کا کہنا تھا کہ افغانستان میں خواتین کے حقوق کو بہتر کرنے کی ضرورت ہے، افغان عوام کو عالمی مدد کی ضرورت ہے، افغان عوام طویل عرصے سے خانہ جنگی کا شکاررہے ہیں۔ انہوں نے فلسطین سے متعلق کہا کہ مقبوضہ فلسطینی علاقوں میں رہائش پذیرعوام امن چاہتے ہیں، فلسطین اسرائیل تنازع کا حل 2 ملکی حل کے ذریعے ہی ممکن ہے، ہمیں مشترکہ ترقی پر خاص توجہ کی ضرورت ہے۔

انتونیو گوتریس نے مزید کہا کہ موسمیاتی تبدیلی کی وجہ سے دنیا بھر میں لوگوں کی زندگیاں تبدیل ہورہی ہیں، موسمیاتی تبدیلیاں دنیا کے لیے بڑا چیلنج بن کر سامنے آئی ہیں، عالمی حدت کے ہمارے ماحول پر تباہ کن اثرات مرتب ہورہے ہیں، ہمیں گرین ہاؤس گسیز کے اخراج کو کم کرنا ہوگا۔ ان کا کہنا تھا کہ عالمی حدت میں کمی کے لیے جی 20 ملکوں کو پہل کرنا ہوگی، ہم طویل عرصے تک زیرزمین توانائی کے ذرائع پر انحصار نہیں کرسکتے، افریقی خطے کا بڑاحصہ اکیسویں صدی میں بھی بجلی سےمحروم ہے، ہمیں عالمی گرین فنڈ کے قیام کےلیے اقدامات تیزکرنا ہوں گے۔
اقوام متحدہ دنیا میں امن کے قیام کے لیے اپنا کردار جاری رکھے، جو بائیڈن

تاہم دوسری جانب امریکی صدر جوبائیڈن نے اقوام متحدہ کی جنرل اسمبلی کے 78 ویں اجلاس سے خطاب کرتے ہوئے کہا کہ بطور امریکی صدر اپنی ذمہ داریوں سے پوری طرح آگاہ ہوں، عصر حاضر کے چیلنجز سے نمٹنے کے لیے دنیا کے ساتھ مل کر چلنا ہوگا۔ امریکی صدر کا کہنا تھا کہ عالمی تنازعات سے ایک بلین کے قریب آبادی متاثر ہورہی ہے، اقوام متحدہ دنیا میں امن کے قیام کے لیے اپنا کردار جاری رکھے، دنیا میں اقوام متحدہ کے مختلف منصوبے امن سمیت مختلف شعبوں کی بہتری کےلیے کردارادا کررہے ہیں۔

مشرق وسطیٰ میں مصنوعی نشہ آور اشیاء کی دھماکہ خیز بڑھوتری پر سعودی عرب نے سخت تشویش کا اظہار کیا ہے۔ ریاض ان خطرات کا مقابلہ کرنے کے لئے بین الاقوامی تعاون بڑھانے کا خواہاں ہے جبکہ ان خیالات کا اظہار سعودی عرب کے وزیر خارجہ فیصل بن فرحان نے پیر کے روز نیویارک میں اقوام متحدہ کی جنرل اسمبلی کے اجلاس کے شرکت کے موقع پر سائیڈ لائن میں ہونے والی ایک تقریب میں اظہار خیال کرتے ہوئے کیا۔

ان کا کہنا تھا کہ ہمارے خطے میں مصنوعی طور پر تیار ہونے والی نشہ آور اشیاء میں دھماکہ خیز بڑھوتری دیکھی جا رہی ہے۔ ہمارے معاشروں پر اس کے انتہائی خطرناک اثرات مرتب ہو رہے ہیں، جس کے باعث ہم اس جانب متوجہ ہو رہے ہیں اور شہزادہ فیصل بن فرحان نے بتایا کہ کئی ملکوں میں میتھ ایمفیٹامین غیر محفوظ اور غیر مستحکم حالات میں انتہائی تیزی سے بنائی جا رہی ہے۔

عرب میڈٰیا کے مطابق سعودی وزیر خارجہ نے اپنے امریکی ہم منصب انٹونی بلینکن کے اس قائدانہ کردار کو سراہا جو وہ صحت عامہ اور مصنوعی نشہ آور اشیاء سے پیدا ہونے والے خطرات کا مقابلہ کرنے کی خاطر تشکیل دیے جانے والے بین الاقوامی تعاون اور اتحاد کی صورت میں ادا کر رہے ہیں، سعودی عرب اپنے تئیں بڑے پیمانے میں شام میں تیار ہونے والی کیپٹاگون اور اس کی غیر قانونی درآمد روکنے کی کوششیں کر رہا ہے۔ کیپٹاگون کی سعودی عرب درآمد کی کوششوں کے خلاف کامیاب کریک ڈاؤن کے بعد لاکھوں کی تعداد میں ایسی گولیاں قبضے میں لے کر ضائع کی جا چکی ہیں۔

شہزادہ فیصل نے اس منشیات کی لعنت کا مقابلہ کرنے کی خاطر حکومتوں اور بین الاقوامی سٹیک ہولڈرز کے درمیان باہمی تعاون پر مبنی کوششوں کو فروغ دینے کی ضرورت پر زور دیا اور انہوں نے فوری اقدام کو ’انتہائی اہم‘ قرار دیتے ہوئے کہا کہ ’’ہم [سعودی عرب میں] منصوعی نشہ آور مواد کے غیر طبی استعمال سے متعلق رجحانات کے صحت عامہ اور معاشرے پر پڑنے والے منفی اثرات کے بارے میں متفکر ہیں۔ ہم اس معاملے سے متعلق چیلجنز، نشہ آور لوازمہ کی غیر قانونی تیاری، نقل وحمل اور ان کے نتیجے میں رونما ہونے والے جرائم کا خاتمہ کرنے کی سر توڑ کوشش کر رہے ہیں۔‘‘