Author: +9251

کیا وفاقی وزیر اطلاعات و نشریات مریم اورنگزیب سے پی ٹی آئی کارکنان کی لندن میں بدتمیزی کے معاملہ کو برطانوی حکام کے سامنے رکھا جائے گا؟

باخبر ذرائع کے مطابق مسلم لیگ نواز نے جارحانہ پالیسی اختیار کرنے کا فیصلہ کرلیا ہے، اور اس حوالے سے وزیراعظم شہبازشریف نے آج رات اہم اجلاس طلب کر لیا ہے۔ وزیراعظم شہباز شریف آج رات ساڑھے 7 بجے اسلام آباد پہنچیں گے، اور انہوں اور آج رات ہی اہم اجلاس کی صدارت کریں گے. ذرائع کا کہنا ہے کہ وزیراعظم شہبازشریف کی زیر صدارت اجلاس میں اہم فیصلے لیے جائیں گے، اور اسحاق ڈار کو باضابطہ طور پر ذمہ داری بھی سونپی جائے گی۔ ذرائع کے مطابق وفاقی حکومت کی جانب سے منفی پروپیگنڈہ کرنے والوں کے خلاف کارروائی کرنے کا امکان ہے، اور مریم اورنگزیب کے معاملے کو برطانوی حکام کے سامنے رکھنے کے حوالے سے بھی غور ہوگا۔ ذرائع نے مزید بتایا ہے کہ حکومت کی جانب سے سیکورٹی معاملات پر بھی اہم فیصلے لیے جانے کا امکان ہے۔ واضح رہے کہ وفاقی وزیر اطلاعات و نشریات مریم اورنگزیب اس وقت لندن میں وزیراعظم اور دیگر وفاقی وزرا کے ہمراہ موجود ہیں۔

اتوار کے روز مریم اورنگزیب سینٹرل لندن میں موجود تھیں کہ تحریک انصاف کے حمایتی وہاں آن پہنچے، تحریک انصاف کے حمایتیوں میں خواتین بھی شامل تھیں جن میں سے کچھ مریم اورنگزیب کو انتہائی برے القابات سے پکار رہی تھیں۔ اس سارے عمل کے دوران مریم اورنگزیب نے انتہائی صبر کا مظاہرہ کرتے ہوئے خاموشی اختیار کئے رکھی۔ تحریک انصاف کے حمایتیوں کے چلے جانے کے بعد مریم اورنگزیب سے تحریک انصاف کی ہی ایک حمایتی خاتون نے چند سوالات کئے، جن کا انہوں نے شافی جواب دے کر اسے مطمئن کرنے کی کوشش کی۔

لندن میں تحریک انصاف کے حمایتیوں کی جانب سے مسلم لیگ (ن) کے رہنماؤں کو نشانہ بنایا جاتا رہا ہے۔ گزشتہ چند برسوں کے دوران کئی مرتبہ نواز شریف کی رہائش گاہ اور ان کے بیٹوں کے دفاتر کے سامنے احتجاج ہوچکے ہیں. وزیر اطلاعات مریم اورنگزیب کے ساتھ رمضان المبارک میں مسجد نبوی ﷺ میں بھی چند افراد نے بدتمیزی کی تھی جس کی ہر سطح پر شدید مذمت کی گئی تھی۔

سابق ڈی جی نیب سلیم شہزاد کے وارنٹ گرفتار جاری

پشاور ہائیکورٹ نے سابق ڈائریکٹر جنرل قومی احتساب بیورو خیبرپختونخوا سلیم شہزاد کے وارنٹ گرفتاری جاری کردئیے۔ عدالت نے سابق ڈی جی نیب کے پی کے سلیم شہزد کے اپنے اہلکار خطاب گل کو تشدد کا نشانہ بنانے کے مقدمے میں وارنٹ گرفتار کردئیے۔

درخواست گزار کے وکیل نے کہا کہ عدالت کے حکم پر سلیم شہزاد کے خلاف 2015 میں اپنے اہلکار خطاب گل پر تشدد کرنے کے خلاف مقدمہ درج کیا گیا تھا۔ قاضی جواد احسان اللہ ایڈوکیٹ نے مطالبہ کیا کہ سیشن کورٹ نے سلیم شہزاد کو ستمبر میں مقدمے سے بری کیا تھا, عدالت سیشن کورٹ کے فیصلے کو کالعدم قرار دے۔

وکیل کا کہنا تھا کہ سلیم شہزاد کی سیشن کورٹ سے بریت کو خطاب گل کی بیٹی صائقہ نے ہائی کورٹ میں چلنج کیا ہوا ہے، سیشن کورٹ نے فیصلے میں خطاب گل کے میڈیکل ٹیسٹ رپورٹ کو نظر انداز کیا گیا۔ پشاور ہائیکورٹ نے سلیم شہزادکے قابل ضمانت وارنت جاری کرتے ہوئے آئندہ سماعت پر طلب کر لیا۔

خیال رہے کہ شہزاد سلیم سابق وزیر اعظم اور پاکستان مسلم لیگ (ن) کے قائد نواز شریف، ان کے بھائی اور موجودہ وزیر اعظم شہباز شریف اور ان کے اہلِ خانہ کی مبینہ بدعنوانی کے مقدمات کی بھرپور پیروی کی وجہ سے سرخیوں میں بھی رہے ہیں۔ علاوہ ازیں یہاں یہ بات مدِنظر رہے کہ ڈائریکٹر جنرل نیب شہزاد سلیم کے دور میں شریف خاندان کے علاوہ سابق وزیر اعلیٰ پنجاب عثمان بزدار کے خلاف بھی کیسز شروع کیے گئے تھے۔ علاوہ وزیں انہیں شہرت تب ملی جب طیبہ گل کی جانب سے ہراسگی کے سنگین الزامات لگائے گئے اور انہوں اس تناظر میں پبلک اکائونٹس کمیٹی میں طلبی چیلنج کردی تھی۔ شہزاد سلیم نے اسلام آباد ہائیکورٹ میں درخواست دائر کرتے ہوئے سیکرٹری نیشنل اسمبلی ،پبلک اکائونٹس کمیٹی ونگ و دیگر کو فریق بنایا تھا۔

سیلاب متاثرین کو صحت کی سہولیات کی فراہمی کیلئے عملی اقدامات یقینی بنا رہے ہیں : وزیر صحت 

باغی ٹی اسلام آباد: وزیر صحت عبدالقادر پٹیل نے کہا ہے کہ سیلاب متاثرین کو صحت کی سہولیات کی فراہمی کیلئے عملی اقدامات یقینی بنا رہے ہیں۔
تفصیلات کے مطابق وزیر صحت عبدالقادر پٹیل  نے ایک بیان میں  کہا ہے  کہ ملک بھر میں سیلاب سے متاثرہ اضلاع میں روزانہ کی بنیاد پر ہیلتھ کیمپس لگائے جارہے ہیں ‘ہیلتھ کیمپس وفاقی ایمرجنسی آپریشن سینٹر پولیو ‘ صوبائی ایمرجنسی پولیوسنٹرز اور آغا خان کے اشتراک سے لگائے جاتے ہیں ۔
انہوں نے کہا کہ گذشتہ روز خیبرپختونخوا ، سندھ ، بلوچستان اور پنجاب میں 44 جبکہ خیبرپختونخوا کے 8 اضلاع میں 16 ہیلتھ کیمپس لگائے گئے‘اسی طرح پنجاب کے دو اضلاع میں چار ‘ بلوچستان کےسات اضلاع میں 13 اورسندھ کے 10 اضلاع میں 11 ہیلتھ کیمپس کا انعقاد کیا گیا۔ مجموعی طور پر 5644 مریضوں کو طبی امداد فراہم کی گئی ۔
وزیر صحت نے کہا کہ پانچ سال سے کم عمر 1262 بچوں کو طبی امداد دی گئی جبکہ ہیلتھ کیمپس میں 705 بچوں کو پولیو کے حفاظتی قطرے پلائے گئے ان کیمپس میں 222 بچوں کو حفاظتی ٹیکے بھی لگائے گئے۔

خیال رہے کہ سیلاب زدگان میں پانی سے پیدا ہونے والی بیماریوں میں سے ایک بیماری ٹائیفائیڈ بخار ہے جو کہ ترقی پذیر ممالک کے انتہائی غریب حصوں میں مشہور ہے۔ ایک اندازے کے مطابق دنیا بھر میں ہر سال 20 ملین افراد اس بیماری کا شکار ہوتے ہیں۔ یہ آلودہ خوراک، غیر محفوظ پانی، اور ناقص صفائی سے پھیلتا ہے جبکہ ان دنوں ملک بھر میں سیلابی صورتحال کے کافی سیلاب متاثرین بیمار ہیں اور انہوں نے وزرات صحت سے التماس کی تھی ہمیں جلد از جلد بہتر علاج اور ادویات کی فراہمی ممکن بنائی جائے دوسری جانب سیلابی صورتحال میں میڈیا کوریج کرنے والے نمائندگان نے بھی خبردار کیا کہ سیلاب سے بھوک اور بیماریوں میں اضافہ ہورہا ہے۔

اسلام آباد، شہزاد ٹاون میں بزرگ شہری پر تشدد کے معاملہ میں معززین علاقہ نے صلح کرادی، پولیس کا موقف۔

اسلام آباد پولیس کے مطابق: واقعہ تھانہ شہزاد ٹاؤن کے علاقہ میں پیش آیا جہاں دوگروپوں کے درمیان جھگڑا ہوا تھا۔ دونوں طرف سے افراد زخمی تھے، پولیس نے بروقت ریسپانس کرتے ہوئے دونوں پارٹیوں سے بغرض قانونی کارروائی درخواست وصول کی اور تھانہ منتقل کیا. اسلام آباد پولیس کا بتانا ہے کہ: دونوں فریقین کے معززین نے باہمی رضا مندی سے امن برقرار رکھنے کیلئے اللہ کی رضا کی خاطر صلح صفائی کرلی اور آئندہ امن و عامہ میں خلل نہ ڈالنے کی یقین دہانی بھی اسلام آباد پولیس کو کروائی۔

تاہم دونوں فریقین کے معززین نے باہمی رضا مندی سے امن برقرار رکھنے کیلئے اللہ کی رضا کی خاطر صلح صفائی کرلی اور آئندہ امن و عامہ میں خلل نہ ڈالنے کی یقین دہانی کروائی۔#ICTP #OPS

— Islamabad Police (@ICT_Police) September 26, 2022

ایک صارف عثمان راؤ نے اسلام آباد پولیس سے سوال کیا کہ: ایک شخص کے ہاتھ میں پستول باآسانی دیکھا جاسکتا ہے، کیا اس کے خلاف کوئی قانونی کارروائی عمل میں لائی گئی یا قانون نے اللّہ کی رضا کی خاطر اسے بھی معاف کردیا؟
اور صارف نے لکھا: کیسی صلح؟ کیوں صلح؟ انہی باتوں سے لوگوں کے حوصلے بڑھتے ہیں کیونکہ انھیں پتا ہوتا ہے کہ کچھ نہیں ہونا لہذا ان کو پکڑ کر اندر کیا جائے اور قانون کے مطابق سزا دی جائے بونس میں خدمت بھی کی جائے تو پھر دیکھتے ہیں آپس کی لڑائی میں بھی کون قانون کو ہاتھ میں لیتا ہے اور انہوں نے مزید اسلام آباد پولیس سے شکایت کرتے ہوئے کہا کہ: انہی باتوں سے لوگوں میں قانون کا خوف نہیں رہا ہے کیونکہ ایسے لوگوں کیخلاف قانون سخت ایکشن نہیں‌ لیتا ہے.

اسلام آباد: علی پور فراش ایک بزرگ شہری پر وحشیانہ تشدد۔
مناسب قانون سازی نہ ہونے کی وجہ سے پرتشدد واقعات بڑھ رہے ہیں ۔ آٸی جی اسلام آباد فوری نوٹس لیں اور معاشرے میں بڑھتے ہوۓ ایسے واقعات کی روک تھام کے لیے سخت سے سخت ایکشن لیں,@ICT_Police pic.twitter.com/Tjz4MSPovn

— Zobia Khurshid Raja (@ZobiaKhurshid) September 26, 2022

واضح رہے کہ وائرل ویڈیو میں واضح طور پر دیکھا جاسکتا ہے کہ کچھ نوجوان ایک بزرگ شہری پر تشدد کررہے، زوبیہ خورشید راجا نے یہ ویڈیو شیئر کرتے ہوئے لکھا کہ: اسلام آباد، علی پور فراش ایک بزرگ شہری پر وحشیانہ تشدد. مناسب قانون سازی نہ ہونے کی وجہ سے پرتشدد واقعات بڑھ رہے ہیں ۔ آٸی جی اسلام آباد فوری نوٹس لیں اور معاشرے میں بڑھتے ہوۓ ایسے واقعات کی روک تھام کے لیے سخت سے سخت ایکشن لیں,

عوامی مسلم لیگ کے سربراہ شیخ رشید کا کہنا ہے کہ مفروروزیراعظم کے جہاز میں بھاگا اور 5 سال بعد وزیراعظم کے ساتھ آرہا ہے، یہ چوری اور سینہ زوری ہے۔

سماجی رابطے کی ویب سائٹ ٹویٹر پر اپنی ٹویٹ میں سابق وزیر داخلہ اور عوامی مسلم لیگ کے سربراہ شیخ رشید نے اسحاق ڈار کی واپسی سے متعلق بیان دیتے ہوئے کہا ہے کہ مفروروزیراعظم کے جہاز میں بھاگا اور 5 سال بعد وزیراعظم کے ساتھ آرہا ہے، یہ چوری اور سینہ زوری ہے۔ شیخ رشید کا کہنا تھا کہ آئی ایم ایف سے معاہدہ بھی ہوگیا، اس کے باوجود اسحاق ڈار ڈالر، بجلی، گیس اور آٹے کا کیا کریں گے جو مفتاح اسماعیل نہیں کرسکے۔

مفروروزیراعظم کےجہاز میں بھاگا اور5 سال بعدوزیراعظم کے ساتھ آرہا ہے یہ چوری اور سینہ زوری ہے پی ڈی ایم کےمستقبل کا فیصلہ15 نومبر سے پہلے ہوجائےگا 12 گھنٹوں میں3آڈیولیکس کا وقت اہم اور تشیوش ناک ہےآئی ایم آف کے باوجوداسحاق ڈارڈالر بجلی گیس اور آٹےکاکیا کریں گئےجومفتا نہیں کرسکے

— Sheikh Rashid Ahmed (@ShkhRasheed) September 26, 2022

سابق وفاقی وزیر نے کہا کہ پی ڈی ایم کے مستقبل کا فیصلہ 15 نومبر سے پہلے ہو جائے گا، 12 گھنٹوں میں 3 آڈیو لیکس کا وقت اہم اور تشیوش ناک ہے۔ اس سے قبل اپنی ٹویٹ میں شیخ رشید نے کہا تھا کہ اسرائیل سےتعلقات اور بھارت سے تجارت کی مثال شہبازشریف کی آڈیولیک میں سامنے آگئی، شریف خاندان بھارت سے بغیر کلیئرنس اپنی شوگر ملوں کے لئے انجینئر منگواتا ہے۔ شیخ رشید کا کہنا تھا کہ سیاسی لڑائی طویل ہوئی توغریب کے حالات اور گھمبیر ہوجائیں گے، سیاستدان عام آدمی کے مسائل نہیں سمجھ رہا، صرف میڈیا میڈیا کھیل رہا ہے۔

واضح رہےکہ ادھر سحاق ڈار منگل کو بطور ممبر سینیٹ کے ساتھ وزیر خزانہ کا حلف اٹھائیں گے۔ جبکہ دوسری جانب وزیر خزانہ مفتاح اسماعیل نے اپنا استعفیٰ مسلم لیگ (ن) کے قائد نواز شریف کو پیش کر دیا تھا. ترجمان مسلم لیگ (ن) مریم اورنگزیب کا کہنا تھا کہ سابق وزیر اعظم میاں محمد نواز شریف اور وزیر اعظم شہباز شریف نے اسحاق ڈار کو وزیر خزانہ کے لیے نامزد کر دیا ہے۔ اور سابق وزیر اعظم کے ہمراہ بہت پاکستان واپس آئیں گے.

ایگزیکٹ جعلی ڈگری کیس میں درخواست کنندہ کے پیش نہ ہونے پر عدالت نے اظہار برہمی کرتے ہوئے شعیب شیخ کو ذاتی حیثیت میں طلب کرلیا۔

چیف جسٹس اسلام آباد ہائی کورٹ اطہر من اللہ نے سزا یافتہ شعیب شیخ سمیت دیگر کی سزاؤں کے خلاف اپیلوں پر سماعت کے دوران شعیب شیخ کے پیش نہ ہونے پر اظہار برہمی کیا۔ اور چیف جسٹس نے ریمارکس دیے کہ اپیل کنندہ پہلے عدالت میں پیش ہوں، پھر اپیلوں پر سماعت کریں گے۔ عدالت میں اپیلوں کی سماعت میں ایگزیکٹ جعلی ڈگری کیس میں سزا یافتہ رضوان اپنے وکیل کے ہمراہ عدالت میں پیش ہوئے جب کہ اپیل کنندہ نائجل روبیلو کی جانب سے کوئی بھی پیش نہ ہوا۔ عدالت نے ایگزیکٹ کے شعیب شیخ کو 7 اکتوبر کو ذاتی حیثیت میں اسلام آباد ہائی کورٹ طلب کرتے ہوئے سماعت ملتوی کردی۔

واضح رہے کہ اس سے قبل اسلام آباد کی ڈسٹرکٹ اینڈ سیشن کورٹ نے ایگزیکٹ جعلی ڈگری کیس میں محفوظ فیصلہ سنایا تھا جس میں شعیب شیخ سمیت 23 ملزمان کو 7 سال قید کی سزا سنائی دی گئی تھی جب کہ عائشہ شعیب شیخ سمیت 3 ملزمان کو بری کردیا گیا تھا. عدالت نے اپنے فیصلے میں شعیب شیخ سمیت تمام ملزمان کو مجموعی طور پر 20 سال قید کی سزا سنائی تھی، شعیب شیخ اور دیگر ملزمان پر دفعہ 471 کے تحت 7 سال قید اور 5 لاکھ روپے جرمانہ کی سزا سنائی۔ دفعہ 468 کے تحت 7 سال قید اور 5 لاکھ روپے جب کہ دفعہ 420 کے تحت 3 سال قید و 2 لاکھ روپے جرمانے کی سزا سنائی گی ہے اور ملزمان پر دفعہ 419 کے تحت 3 سال قید اور ایک لاکھ روپے جرمانہ عائد کیا گیا تھا.

عدالت نے اپنے حکم نامے میں کہا تھا کہ تمام سزاؤں کا اطلاق ایک ساتھ ہو گا جب کہ ملزمان کو منی لانڈرنگ اور الیکٹرانک کرائم کے الزامات سے بری قرار دیا گیا تھا۔ واضح رہے کہ امریکی اخبار نیویارک ٹائمز نے 2015 میں ایگزیکٹ کی جعلی ڈگریوں کا انکشاف کیا تھا جب کہ چیف جسٹس آف پاکستان نے ایگزیکٹ جعلی ڈگری اسکینڈل کا از خود نوٹس لے رکھا ہے۔

انسداد بدعنوانی عدالت راولپنڈی نے چودھری محمد تنویر اور دیگر پر فرد جرم عائد کردی ہے.

سرکاری زمین پر قبضے سے متعلق کیس میں مسلم لیگ ن کے رہنما چوہدری تنویر پر فرد جرم عائد کر دی گئی۔ مسلم لیگ ن رہنما چوہدری تنویر اور ساتھی چوہدری دانیال نے صحت جرم سے انکار کر دیا۔ محکمہ اینٹی کرپشن نے الزام عائد کیا تھا کہ ملزمان نے 2019 میں 27 کنال سرکاری زمین پر قبضہ کیا۔ چوہدری تنویر نے عدالت میں بیان دیا کہ کیس سے کوئی تعلق نہیں، سیاسی بنیاد پر کیس بنایا گیا۔ جج اینٹی کرپشن کورٹ محمد مسرور زمان نے کیس کی سماعت 8 اکتوبر تک ملتوی کر دی۔

واضح رہے کہ ملزمان پر 27 کنال سرکاری اراضی پر قبضے کا الزام ہے اور قبل ازیں مقدمہ بھی درج کیا گیا تھا. جس کے بعد سے کیس انسداد بدعنوانی عدالت راولپنڈی میں زیر سماعت ہے. خیال رہے کہ اس سے قبل ایف آئی اے نے چوہدری تنویر کو ملک سے باہر جاتے ہوئے گرفتار کرلیا تھا. اس وقت ایف آئی اےحکام کا کہنا تھا کہ لیگی رہنما چوہدری تنویر نیب کو کرپشن کیسز میں مطلوب ہیں چوہدری تنویر نےغیر قانونی گھر اور پلازہ تعمیر کیا، جبکہ ان پر اینٹی کرپشن میں مقدمہ درج ہے، چھاپے کے وقت گھر پر ان کے بیٹے کا ولیمہ جاری تھا۔

یاد رہے کہ چوہدری تنویر پر 45 کنال سرکاری اراضی پر قبضے کا الزام ہے، 2019 میں ایف بی آر کے بے نامی زون نے سینیٹر چوہدری تنویر کے خلاف ایجوکیٹنگ اتھارٹی میں ریفرنس دائر کر دیا تھا۔ ایف بی آر کا کہنا تھا کہ چوہدری تنویر 7 ہزار 125 کنال زمین کے مالک ہیں، جائیداد کی مالیت 15 ارب روپے سے زائد ہے جب کہ اراضی چوکیدار، سیکورٹی گارڈ اور گن مین کے نام ہے۔ ایف بی آر کے مطابق چوہدری تنویر کے خلاف ایجوکیٹنگ اتھارٹی میں ریفرنس دائر کر دیا گیا تھا، چوہدری تنویر کی زمین اسلام آباد نیو ایئر پورٹ کے قریب واقع ہے جبکہ 6 بے نامی افراد نے کبھی انکم ٹیکس گوشوارے جمع نہیں کرائے۔

پیر کو ہفتے کے پہلے روز مارکیٹ کے آغاز پر ہی ڈالر سستا ہوگیا۔ معاشی میدان سے اچھی خبروں کے باعث انٹربینک میں ڈالر 1 گھنٹے میں 3 روپے 65 پیسے سستا ہو کر 236 روپے پرآگیاہے۔ جمعہ کو انٹر بینک میں ڈالر 6 پیسے سستا ہوکر 239 روپے 65 پیسے پر بند ہواتھا ۔ اوپن کرنسی مارکیٹ میں بھی ڈالر کی قیمت فروخت 244 روپے پر آگئی تھی۔

کرنسی ڈیلرز کا کہنا تھا کہ پاکستان کے قرضے موخر ہونے اور آئی ایم ایف شرائط نرم ہونے کی توقع پر روپے کو سہارا ملا۔ انھوں نے کہا کہ پاکستان کے کرنٹ اکاؤنٹ خسارے میں قابلِ ذکر کمی کا بھی روپے پر مثبت اثر پڑا۔ اس سے قبل کرنسی ڈیلرز کا کہنا تھا کہ سیلاب کے بعد درآمدی ضروریات کے لئے ڈالر کی طلب میں اضافہ ہوا اور آئی ایم ایف کی ایکسچینج ریٹ کو فری فلوٹ رکھنے کی شرط نے بھی صورتحال دشوار کردی تھی۔

دوسری جانب اسحاق ڈار کے وزیر خزانہ بننے کے بعد کہا جارہا ہے کہ: وہ اپنے دونوں ادوار میں ڈالر کے مقابلے میں روپے کی قدر کو کم کرنے اور کم رکھنے میں کامیاب رہے ہیں۔ تاہم ان پر سابق وزیراعظم عمران خان اور دیگر کئی مخالفین کی تنقید کرتے رہے ہیں کہ وہ ایسا مصنوعی طور پر مارکیٹ میں ڈالر بیچ کر کرتے رہے ہیں۔

صرف اسحاق ڈار کی بطور وزیرخزانہ نامزدگی کی خبر سے ڈالر کے مقابلے میں روپے کی قدر میں استحکام آنا شروع ہوگیا ہے ،، آج کے دن میں ڈالر 3 روپے گرا ہے ،، اللہ کرے یہ ہی رجحان آگے بھی چلے اور جلد ڈالر 200 سے نیچے آ جائے ۔

— Hassan Ayub Khan (@HassanAyub82) September 26, 2022

صحافی حسن ایوب خان نے لکھا کہ: صرف سینیٹر اسحاق ڈار کی بطور وزیرخزانہ نامزدگی کی خبر سے ڈالر کے مقابلے میں روپے کی قدر میں استحکام آنا شروع ہوگیا ہے اور آج کے دن میں ڈالر 3 روپے گر گیا ہے. انہوں نے دعا کرتے ہوئے کہا کہ اللہ کرے یہی رجحان آگے بھی چلتا رہے اور جلد ڈالر 200 سے بھی نیچے آ جائے. خیال رہے کہ اس سے قبل ڈالر کافی اوپر چلا گیا تھا جبکہ آج اچانک تین روپے گر 236 پر آگیا ہے.

پاکستان میں کورونا وائرس کے کیسز کی شرح میں مسلسل کمی جاری ہے، گزشتہ 24 گھنٹوں کے دوران بھی اس موذی وباء کے باعث کوئی جانی نقصان نہیں ہوا۔ ملک کورونا مریضوں کے حوالے سے مرتب کی گئی فہرست میں 53 ویں نمبر پر پہنچ گیا ہے۔ گزشتہ 24 گھنٹوں کے دوران کورونا کیسز کی شرح 0 اعشاریہ 50 فیصد ریکارڈ کی گئی۔

COVID-19 Statistics 26 September 2022
Total Tests in Last 24 Hours: 11,065
Positive Cases: 55
Positivity %: 0.50%
Deaths: 00
Patients on Critical Care: 73

— NIH Pakistan (@NIH_Pakistan) September 26, 2022

پاکستان میں مزید 55 افراد میں کورونا وائرس کی تصدیق ہوئی ہے۔ کورونا وائرس کے زیرِ علاج مریضوں میں سے 73 کی حالت تشویش ناک ہے۔ پاکستان بھر میں اب تک 30 ہزار 612 کورونا وائرس کے مریض انتقال کر چکے ہیں۔ کورونا وائرس کے کُل مریضوں کی تعداد 15 لاکھ 72 ہزار 371 ہو چکی ہے۔ گزشتہ 24 گھنٹوں میں ملک میں کورونا وائرس کے مزید 11 ہزار 65 ٹیسٹ کیے گئے، جبکہ اب تک کُل 3 کروڑ 4 لاکھ 88 ہزار 516 کورونا ٹیسٹ کیے جا چکے ہیں۔

کورونا وائرس کی علامات کون سی ہیں؟

کورونا وائرس کی علامات میں بخار، کھانسی اور سانس لینے میں مشکل پیش آنا شامل ہیں۔ بیماری کی شدت کی صورت میں نمونیہ اور سانس لینے میں بہت زیادہ مشکل کا سامنا بھی ہوسکتا ہے۔ یہ بیماری بہت کم صورتوں میں جان لیوا ثابت ہوتی ہے۔ اس بیماری کی عام علامات زکام (فلو) یا عام نزلے سے ملتی جلتی ہیں جو کہ کووِڈ- 19 کی نسبت بہت عام بیماریاں ہیں۔ اس لئے بیماری کی درست تشخیص کے لئے عام طور پر معائنے (ٹیسٹ) کی ضرورت پڑتی ہے تاکہ اس بات کی تصدیق ہوسکے کہ مریض واقعی کووِڈ- 19 میں مبتلا ہوچکا ہے۔ یہ بات ذہن نشین کر لینا ضروری ہے کہ نزلے زکام اور کووِڈ- 19 کی حفاظتی تدابیر ایک جیسی ہیں۔ مثال کے طور پر بار بار ہاتھ دھونا اور سانس لینے کے نظام کی صحت کا خیال رکھنا (کھانسی کرتے اور چھینکتے وقت اپنا منہ کہنی موڑ کر یا پھر ٹشو یا رومال سے ڈھانپ لینا اور استعمال شدہ رومال یا ٹشو کو ایسے کوڑا دان میں ضائع کرنا جو ڈھکن سے بند ہوسکتا ہو)۔ نزلہ زکام کی ویکسین دستیاب ہے ، اس لئے ضروری ہے کہ آپ خود کو اور اپنے بچوں کو ویکسین کی مدد سے محفوظ رکھیں۔

ٹرانس جینڈرز کے حقوق کے لیے موجودہ ایکٹ 2018 میں خامیاں موجود ہیں. امیر جماعت اسلامی سراج الحق

سراج الحق نے ایک بیان میں کہا کہ ہمارے حکمران ہر در پر جھکے،سوال کیا،کشکول پھیلائے، لیکن اللہ کے سامنے نہیں جھکتے۔ انہوں نے کہا کہ تینوں سیاسی جماعتیں اسٹیٹس کو اور سودی معیشت پر اکھٹی ہیں۔ مسلم لیگ ن،پیپلز پارٹی،پی ٹی آئی دراصل ایک ہی نظام کے محافظ ہیں۔ ہماری لڑائی فرد یا پارٹی سے نہیں بلکہ اللہ کا نظام نافذ کرنے کی جدو جہد ہے۔ انہوں نے کہا کہ ٹرانس جینڈر ایکٹ کوپوری قوم مسترد کرتی ہے ۔ خواجہ سراؤں کو تمام حقوق دیے جائیں۔ جماعت اسلامی ہمیشہ خواجہ سراؤں کے حقوق کی بات کرتی رہی ہے،جو ان کا بحیثیت پاکستانی حق ہے۔ ٹرانس جینڈرز کے حقوق کے لیے موجودہ ایکٹ 2018 میں خامیاں موجود ہیں۔

سراج الحق نے کہا کہ جماعت اسلامی ٹرانس جینڈرز ایکٹ میں ترامیم لے کر آئی ہے، حکومت سے مطالبہ ہے کہ وہ اسے قبول کرے۔ جماعت اسلامی سمیت ہر مسلمان ختم نبوت کے تحفظ کے لیے ہر وقت بیدار اور تیار ہے۔ ختم نبوت کا تحفظ ہمارے ایمان کا حصہ ہے، جس پر کبھی پیچھے نہیں ہٹیں گے۔ برطانوی نشریاتی ادارے کے مطابق: پاکستان کی وفاقی شرعی عدالت نے جماعت اسلامی کی جانب سے ٹرانس جینڈر پرسنز (پروٹیکشن آف رائٹس) ایکٹ 2018 کے خلاف دائر کردہ درخواست میں پیپلز پارٹی کے سابق سینیٹر فرحت اللہ بابر، ٹرانس جینڈر حقوق کی کارکن الماس بوبی اور جماعت اسلامی کے سینیٹر مشتاق احمد خان کے فریق بننے کی درخواست قبول کرتے ہوئے کیس کی سماعت غیر معینہ مدت تک ملتوی کر دی تھی.

چار سال قبل منظور ہونے والا ٹرانس جینڈر ایکٹ ایک بار پھر بحث کا موضوع بنا جب مذہبی جماعتوں جمیعت علمائے اسلام اور جماعت اسلامی نے اس کی مخالفت کرتے ہوئے اس میں ترامیم تجویز کیں جبکہ سوشل میڈیا پر بھی اس کے خلاف ٹرینڈ چلائے گئے۔ جماعت اسلامی کی جانب سے اس قانون کے خلاف درخواست عمران شفیق ایڈووکیٹ نے دائر کی تھی۔ عمران شفیق ایڈووکیٹ کے مطابق انھوں نے یہ درخواست آئین پاکستان کے تحت دائر کی، جس میں کہا گیا کہ پاکستان میں شریعت سے متصادم کوئی بھی قانون متعارف نہیں کروایا جا سکتا۔

جماعت اسلامی نے ٹرانس جینڈر پرسنز (پروٹیکشن آف رائٹس) ایکٹ 2018 کی کن شقوں کو چیلنج کیا.