Author: Baaghi TV

یہ ایک ایسا موضوع ہے جس پر لاکھوں لوگ روزانہ بحث کرتے ہیں یہ ہمارے معاشرے کا ایک اہم مسئلہ ہے کیونکہ لاکھوں کے حساب سے لوگ ایک ہی شہر میں گھروں سے باہر نوکریوں سکولوں کالجوں اور بزنس وغیرہ کے لئے نکلتے ہیں۔

ان میں زیادہ تر درمیانے طبقے کے لوگ ہوتے ہیں جنہیں سواری نہ ہونے کی وجہ سے پبلک ٹرانسپورٹ پر آنا جانا پڑتا ہے روزانہ ہی مسائل سے دوچار ہونا پڑتا ہے۔ جس طرح ہمارے ملک میں باقی شعبوں کو نظرانداز کیا جاتا ہے اسی طرح ٹریفک کے مسئلہ کو بھی نظر انداز ہی کیا جاتا رہا ہے حالانکہ اس کے لیے مکمل لاحہ عمل تیار کرکے اسے رائج کیا جائے۔

حالانکہ اس کے لئے ایک مکمل لائحہ عمل تیار کرکے اسے رائج کیا جائے ٹریفک کا انتظام عملی طور پر کرنا چاہیے نہ کے کاغذات کی حد تک کہ دنیا میں کوئی مسئلہ ایسا نہیں ہے جو حل نہ کیا جا سکے ۔

بس ضرورت ایک اچھے انسان کی ہوتی ہے۔

ملک میں روزانہ بے شمار لوگ سٹاپ پر کھڑے بسوں اور ویگنوں کا انتظار کرتے رہتے ہیں۔ ان میں مرد عورتیں بچے سے بھی شامل ہوتے ہیں جنہیں صبح دفتر و کالج سکولوں کو جانا ہوتا ہے صبح اور شام دونوں دفعہ بسوں ویگنوں کے انتظار میں لائنیں لگ جاتی ہیں جب یہ دنیا بس اسٹاپ پر آتی ہیں لوگوں کو بھیڑ بکریوں کی طرح سوار کروایا جاتا ہے ۔

رش کے وقت ویگنوں اور بسوں کو کم کر دیا جاتا ہے جس کی وجہ سے لوگوں کو پریشانی کا سامنا کرنا پڑتا ہے تو ویگنوں والے لوگوں کو زیادہ سے زیادہ ایک ہی ویگن یا بس پر سوار کر کے زیادہ سے زیادہ پیسے کماتے ہیں۔

مرد لوگ تو بھاگ کر بس یا ویگن میں اپنی جگہ بنا لیتے ہیں لیکن عورتوں اور چھوٹے بچوں کو پریشانی کا سامنا کرنا پڑتا ہے عورتوں کے لئے ویگنوں اور بسوں میں بہت کم جگہ رکھی جاتی ہے جس کی وجہ سے کھڑے ہونے کی مناسب جگہ بھی نہیں ملتی ان کے ساتھ چھوٹے چھوٹے بچے بھی ہوتے ہیں جس کی وجہ سے انہیں زیادہ پریشانی سے دوچار ہونا پڑتا ہے بسوں اور ویگنوں والے اسکول کے چھوٹے بچوں کو سوار کرنے سے کتراتے ہیں۔ کیونکہ اکثر بچے خود ہی جاتے ہیں۔ کچھ لوگوں کو کرایہ دینے کے باوجود بھی مناسب جگہ نہیں ملتی ان کے مسائل کو مدنظر رکھنا چاہیے۔

ہمارے ڈرائیور بھی اکثر ماہر نہیں ہوتے وہ تیزرفتاری سے کام لیتے ہیں اور اپنے پیسے بنانے کے چکر میں اکثر لوگوں کو کچل دیتے ہیں۔ ہمارے یہاں ٹریفک حادثات میں روزانہ کتنے ہی لوگ مرتے اور زخمی ہوتے ہیں۔ کیونکہ ٹریفک کے بہت کم ہیں اصول ہیں جن پر عمل کیا جاتا ہے۔ اکثر لوگ ابھی اتر رہے ہوتے ہیں کہ نیچے سے لوگ چڑھنا شروع کر دیتے ہیں۔ قطار بنانے کا ہمارے یہاں کوئی رواج نہیں ۔

ہر کوئی ایک دوسرے کو دھکا دے کر یا پیچھے چھوڑ کر آگے بڑھنا چاہتا ہے اگر کام اصول اور طریقے سے کیا جائے تو بہت سے مسائل ختم نہیں تو کم ضرور کیے جا سکتے ہیں۔

کوئی کام بہتری اچھا کرنے کے لئے سب لوگوں کا ساتھ ہونا چاہیے اگر حکومت کوئی لائحہ عمل بناتی ہے تو اس پر اچھے طریقے سے لوگوں سے عمل کروائے کیونکہ ہمارے ہاں صرف جنگل کا قانون یا جس کی لاٹھی اس کی بھینس کے اصول اپنائے جاتے ہیں حکومت کو ٹریفک کے مسائل حل کرنے کے لیے سارا نظام بدلنا چاہیے ڈرائیوراور کنڈیکٹرز ماہر ہو بلکہ باقاعدہ ان کے لئے کورسز ہوں جنہیں پاس کرکے لائسنس دیا جائے یا تیز رفتاری پر سب کو ایک جیسی سزا دی جائے تاکہ قانون کا احترام کریں۔

بزرگوں کو چاہیے کہ وہ نئے آنے والے بچوں کو بھی شروع سے ہی اچھا نمونہ دیں۔ تاکہ جب وہ بڑے ہو تو اچھے اصول اپنائیں کیونکہ جب صبح سکول جاتے ہیں اپنے ساتھ ڈرائیور اور کنڈکٹروں کا سلوک دیکھتے ہیں تو باغی ہونا شروع کر دیتے ہیں۔

بوڑھے افراد یا عورتیں ابھی بس یا ویگن پر سوار بھی نہیں ہوتی تو بس یا ویگن چلنا شروع کر دیتی ہے۔ اس طرح روزانہ کئی حادثے دیکھنے یا سننے میں آتے ہیں۔

اگر مؤثر طریقے بنائے اور ان پر عمل کروایا جائے تو بہت سے مسائل کم ہو جاتے ہیں ہمارے ہاں کرایا مناسب ہونا چاہیے۔ جو کہ ہر فرد آسانی سے ادا کرسکیں کیونکہ لوگوں کی فی کس آمدنی بہت کم ہے۔ اس کے لئے کوئی انتظام کرنے سے پہلے حکومت کو ہر پہلو مدنظر رکھنا چاہئے۔ نہ کہ صرف اپنا فائدہ دیکھیں ٹریفک کروڑ لوگوں کا مسئلہ ہے۔ اور یہ مسئلہ اس وجہ سے بھی مزید بڑھ گیا ہے۔ کہ گزشتہ چند سالوں سے بنکوں نے گاڑیاں آسان قسطوں پر دینا شروع کی ہیں۔ جس کے باعث سڑکوں پر گاڑیوں کی تعداد کئی گنا زیادہ ہوگئی ہے۔ جبکہ دوسری طرف زیادہ ٹریفک کو کنٹرول کرنے کے لیے کسی قسم کی مناسب منصوبہ بندی نہیں کی گئی ہم سب مل کر حکومت کو تجاویز دیں کہ اس مسئلے کا حل نکال سکتے ہیں

@Ahsannankanvi

احساس کو ہے سب کا احساس

احساس کا نام سنتے ہی انسان کے ذہن میں محبت، خدمت کا نظریہ سامنے آجاتا ہے. احساس بہت ضروری چیز ہے اگر یہ احساس انسانوں کی زندگی سے نکل جائے تو وہ دنیا کے آخری دن ہونگے.
دنیا جو اب تک چل رہی ہے وہ یہی احساس کے مرہون منت ہے کہ لوگوں کو ایک دوسرے کا احساس ہے.

جب دنیا کے حکمرانوں بے حس ہوچکے تھے اور اسے اپنے رعایا کا احساس نہیں تھا تو قومیں زوال کا شکار ہوگئی اور اللہ تعالیٰ نے ان سے حکومت چھین لی.
مسلمانوں نے جب حکومت سنبھالی تو اس نے فلاحی ریاست بنائی جس کا مقصد ایک دوسرے کا احساس تھا. فلاحی ریاست میں امیر المومنین کو اپنے رعایا کا اتنا احساس ہوتا تھا کہ راتوں کو بھیس بدل کر گلیوں میں گھومتے اور لوگوں کا حال احوال لیتے. اس احساس کی وجہ سے اس کی حکومت پھیلتی گئی.

پاکستان کا بھی یہی حال ہے کہ پہلے پہل حکمرانوں کو رعایا کا احساس نہیں تھا. وہ ہیلی کاپٹر میں کھانے کے سامان اپنے ساتھ لے جاتے تھے مگر عوام بھوک سے مر رہے تھے.
بینظیر بھٹو شہید ہوگئی تب حکمرانوں کو کچھ احساس ہوا مگر وہ بھی اپنے سیاسی کیریئر کیلئے استعمال ہوا کیونکہ اس پروگرام کا نام بینظیر پروگرام رکھ دیا اور پیپلز پارٹی نے اپنے حاص لوگوں اور حمایتی جماعت جمیعت علماء اسلام کے حاص لوگوں کے سفارش پر پروگرام سے لوگ مستفید ہوتے رہے اور اصلی غریب لوگ اس پروگرام سے رہ گئے.

جب 2018 میں عمران خان وزیراعظم بنے تب انہوں نے اپنے انتخابی وعدے کے مطابق مدینہ جیسے فلاحی ریاست کا اعلان کیا.
یہ صرف اعلان نہیں تھا بلکہ ان پر عمل بھی شروع کردیا. مارچ 2019 میں احساس کے نام سے ایک ایسا پروگرام شروع کیا جس نے بلاتفریق عوام کی خدمت کی. اس پروگرام کے چیئرپرسن کیلئے ثانیہ نشتر کا انتخاب کیا جس نے بین الاقوامی اداروں کے ساتھ کام کیا تھا. کرونا وائرس کے آتے ہی سارے دنیا میں غریبوں پر سائے منڈلانے لگے تب احساس پروگرام کے چیئرپرسن ثانیہ نشتر نے ایک ایسا پلان بنایا کہ احساس پروگرام سے بلاتفریق غریب عوام مستفید ہوئے اور اس زبردست پلان کے دنیا نے بھی تعریف کرڈالی.

احساس نے پرانے مستحقین کی چھان بین کی اور ان سے اٹھارہ گریڈ جیسے افسران کو نکال دیا جو سفارش کے تحت مستحق لوگوں کے فہرست میں شامل ہوئے تھے.
حال ہی میں احساس نے ایک نیا سروے شروع کیا جس سے نئے مستحق لوگوں کو فہرست میں شامل کردیا. اس سروے پر نا تو کوئی ایم این اے اثرانداز ہوا اور نا کوئی ایم پی اے بلکہ ایک شفاف ڈیجیٹل سروے ہوا.

احساس نے صرف عوام کا اتنا احساس نہیں کیا بلکہ مزدوروں کیلئے لنگرخانے، کاروبار کیلئے بلاسود قرضہ، مسافروں کیلئے پناہ گاہ، چھوٹے بچوں کے تعلیم کیلئے وظیفے، غریب عورتوں کیلئے وظیفے، غریب یونیورسٹی کے طلباء و طالبات کیلئے احساس شکالرشپ اور کمزور بچوں کیلئے بہتر نشوونما کیلئے مراکز بھی قائم کئے اور ان کے اور بھی سہولتی پروگرام شروع کئے ہیں جن کی تفصیل ان کی ویب سائٹ پر موجود ہے.

عمران خان کی حکومت میں واقعی مہنگائی تھوڑا زیادہ ہوگئی مگر یہ پہلے حکمران ہے کہ انہوں نے فلاحی ریاست کا نعرہ لگایا اور رعایا کا احساس کرکے احساس پروگرام شروع کیا.
احساس پروگرام نے احساس ایمرجنسی سکیم کے تحت جس طرح کرونا کے وقت جس طرح غریبوں کی مدد کی وہ لحاظ سے قابل ستائش تھی.
سسٹم پرانا ہونے کے تحت اس میں کچھ مسئلے تھے مگر احساس کے انتطامیہ نے غریبوں کو مستفید کرنے کیلئے ہر ممکن کوشش کی.

 ٹویٹر ہینڈل

@ZeeAkhwand10 

مناسب دورانیے تک سونا آپ کے دل،وزن اور ذہن سمیت ہر چیز کی صحت کے لیے بہترین ثابت ہو تا ہے، مصروف ترین زندگی نے نیند کا اوسط دورانیہ 6 گھنٹوں تک پہنچا دیا ہے جبکہ طبی ماہرین 7 سے 8 گھنٹے تک سونے کا مشورہ دیتے ہیں
انسان کے جسم کو اس طرح بنایا گیا ہے کہ جہاں یہ سرگرم رہنے سے ٹھیک رہتا ہے وہاں اس آرام کی بھی ضرورت ہوتی ہے اور خاص کر نیند کی صورت میں اس کی توانائی بحال ہوتی ہے_  مناسب دورانیے تک سونا آپ کے دل،وزن، اور ذہن سمیت ہر چیز کی صحت کیلئے بہترین ثابت ہو تا ہے_ مگر آج کے دور کی مصروفیات نے نیند کا اوسط دورانیہ 6 گھنٹوں تک پہنچا دیا ہے جبکہ طبی ماہرین 7 سے 8 گھنٹے تک سونے کا مشورہ دیتے ہیں_ لگ بھگ ہر ایک کو اچھی نیند کی اہمیت کے بارے میں علم ہے مگر یہاں ایسے کچھ نقصانات بتائیے جارہے ہیں جو کم نیند لینے والے افراد پر اثر انداز ہو تے ہیں_ ان میں سے اہم چڑچڑا پن ہے_ بے خواب راتوں کے نتیجے میں چڑچڑے پن اور جذباتی پن کی شکایت عام ہوجاتی ہے_ یہ بات ایک طبی تحقیق میں سامنے آئی جس میں بتایا گیا کہ منفی جذبات نیند متاثر ہونے کا نتیجہ ہوتے ہیں اور آس سے دفتری کارکردگی بھی متاثر ہوتی ہے_ سر درد بھی ان نتائج میں سے ہے_ جن کا بے خوابی کی صورت میں سامنا ہوسکتا ہے_ سائنسدان اس حوالے سے پر یقین نہیں کہ نیند کی کمی سر درد کا باعث کیوں بنتی ہے مگر ایسا ہوتا ضروری ہے_ بے خواب راتوں کے نتیجے میں آدھے سر کا درد ہونے لگتا ہے جبکہ خراٹے لینے والے 36 سے 58 فیصد افراد صبح سر درد کا شکار ہو تے ہیں_ اسطرح کم نیند کے نتیجے میں لوگوں کا جسمانی ہارمون توازن بگڑ جاتا ہے جس کے نتیجے میں کھانے کی اشتہا خاص طور پر بہت زیادہ کیلوریز والی غذاؤں کی خواہش پیدا ہوتی ہے_ اپنی خواہشات پر کنٹرول کی صلاحیت کم ہوجاتی ہے اور یہ دونوں بہت خطرناک امتزاج ہیں کیونکہ اس کا نتیجہ موٹاپے کی شکل میں نکلتا ہے جبکہ تھکاوٹ کا احساس الگ ہر وقت طاری رہتا ہے_ نیند کی کمی بینائی کی کمزوری، دھند لاپن اور ایک کی جگہ دونظر آنے کی شکل میں بھی سامنے آسکتا ہے_ جتنا زیادہ وقت آپ جاگ کر گزارتے ہیں اتنی ہی بینائی میں خرابی کا امکان بڑھتا ہے جبکہ واہموں کے تجربے کا امکان بڑھ جاتا ہے_ ایک تحقیق کے دوران لوگوں کو 88 گھنٹے تک سونے نہیں دیا گیا جس کے نتیجے میں بلڈ پریشر اوپر گیا جو کہ کوئی زیادہ حیران کن آمر نہیں تھا مگر جب ان افراد کو ہررات صرف 4 گھنٹے تک سونے کی اجازت دی گئی تو دل کی دھڑکن کی رفتار بڑھ گئی جبکہ ایسے پروٹین کا ذخیرہ جسم میں ہونے لگا جو امراض قلب کا خطرہ بڑھتا ہے_ نیند پوری نہ کرنے والے افراد کو سست ردعمل کا بھی سامنا ہوتا ہے یعنی جب نیند پوری نہ ہو تو کسی بھی واقعے پر ردعمل کا اظہار سست ہو جاتا ہے_ ایک تحقیق کے دوران لوگوں کو فوری فیصلے کرنے کے ٹاسک دئے گئے، جن میں سے کچھ کو کو ٹیسٹ کے دوران سونے کا موقع ملا انہوں نے ٹیسٹ میں بہتر کارکردگی دکھائی جبکہ دیگر افراد کی کارکردگی بدتر اور ردعمل بہت سست رہا_ اس کے ساتھ ساتھ یہ جاننا بھی ضروری ہے کہ جسمانی دفاعی نظام کو طاقتور کیسے بنایا جاسکتا ہے خاص طور پر کسی کھلے زخم ہر پر جلد انفکشن نہیں ہوتا؟ وہ نیند ہے_ آگر آپ نیند کی کمی کے شکار ہو یہاں تک کہ ایک رات کی کمی بھی جراثیموں کے خلاف جسم کے قدرتی دفاع پر منفی اثرات مرتب کرتی ہے_ توجہ کی صلاحیت متاثر ہونا بھی نیند کی کمی کا نتیجہ ہوسکتا ہے_ کیا پڑھتے یا سنتے ہوئے توجہ مرکوز کرنے میں مشکل کا سامنا ہے کسی ایسے کام کو کرنے میں جدوجھد کرنا پڑ رہی ہے جس میں زیادہ توجہ مرکوز کرنے کی ضرورت ہے توجہ مرکوز کرکے ہونے والے ٹاسک نیند کی کمی سے سب سے زیادہ متاثر ہوتے ہیں_ ایک تحقیق کے مطابق اگر آپ زہنی طور پر چوکنا اور ہوشیار رہنا چاہیے ہیں تو نیند پوری کرنی چاہیے ورنہ ذہن غنودگی کی کیفیت کا شکار ہو جاتا ہے اور کچھ بھی کرنا کافی مشکل ہوجا تا ہے_ نزلہ زوکام کے دائمی کا شکار ہو نے کا خطرہ بھی نیند پوری نہ ہونے کی صورت میں بڑھ جاتا ہے_ آگر آپ ہر وقت نزلہ زوکام کا شکار رہنے پر پریشان رہتے ہیں اور کہیں بھی جانے پر پریشان رہتے ہیں اور کہیں بھی جانے پر فلو حملہ آور ہوجاتاہے تو اس کی ایک ممکنہ وجہ ناکافی نیند بھی ہے_ ایک تحقیق کے مطابق جو لوگ 7 گھنٹے سے کم نیند لیتے ہیں ان میں بیماری ہونے کا خطرہ تین گنا زیادہ ہوتا ہے_ پیٹ کے مختلف امراض یعنی معدے میں سوجن وغیرہ نیند کی کمی کے نتیجے میں بدتر ہو جاتے ہیںسات سے آٹھ گھنٹے کی نیند پیٹ کے امراض سے کافی حد تک تحفظ دیتی ہے مگر اس میں کمی خطرہ بڑھا دیتی ہے کیونکہ نیند کے دوران ہمارا جسم میٹا بولزم میں آنے والی خرابیوں کو دور کرتا ہے اسلئے زیادہ وقت جاگ کر گزارنے کے نتیجے میں انسولین کی حساسیت کا خطرہ بڑھ جاتا ہے جس کا نتیجہ ذبابیطس ٹائپ ٹو کی شکل میں نکلتا ہےایک تحقیق کے مطابق نیند کے دورانیے میں اضافہ ممکنہ طور پر ذیابیطس کا خطرہ کم کرتا ہے جبکہ ایک اور تحقیق میں کم سونے کو معمول بنانے اور ذیابیطس کے خطرے کے درمیان تعلق کی نشاندہی کی گئیطبی ماہرین نے نیند اور کینسر کے درمیان تعلق کے حوالے سے تحقیقات کی ہے اور یہ بات سامنے آئی ہے کہ جسمانی گھڑی کے نظام میں مداخلت سے جسمانی دفاعی نظام کمزور ہو تا ہے اور ان میں مخصوص اقسام کے کینسر کا خطرہ بڑھ جاتا ہے اس طرح درمیانی عمر میں نیند کی کمی سے دماغی ساخت میں تبدیلیاں آتی ہیں جو کہ طویل المیعاد یا دداشت پر منفی اثرات مرتب کرتی ہیں جبکہ نوجوانوں میں بھی نیند کی کمی سے یادداشت خراب ہونے کے مسائل دیکھے جاسکتے ہیں ایک تحقیق کے مطابق جو لوگ زیادہ سونے ان کی یاد داشت بھی اچھی ہوتی ہے

My Offical Twitter Account 

@Adnanrazapak

جذبات سے موجزن اور احساس سے لبریز حقائق پر مبنی  کہانیاں تو سبھی نے ہی پڑھی اور سنی ہوں گی لیکن کبھی کبھار ان کو پڑھتے ہوئے موجوں کی روانی کی طرح جذبات یوں  امڈتے ہیں کہ ان کے رستے میں آنے والے بند بھی ریت کی دیوار ثابت ھوتے ہیں۔ رفتہ رفتہ چھلکتے ہوئے آنسو دل کو چیر کر جگر کو پارہ  پارہ کرتے ہوئے گزر جاتے ہیں۔ قارئین محترم! ایسی ہی کچھ  تذبذب کی حالت سے  چند دن پہلے مجھے گزرنا پڑا  جب محسن پاکستان ڈاکٹر عبدالقدیر خان صاحب کا ایک انٹرویو  سنا۔ آپ کے اس فقرہ نے تو رلا دیا ”مجھے اس قوم کے لیے کام کر کے پچھتاوا ہوا۔’ ‘  ایسی ہی بہت سی دلخراش  باتیں ڈاکٹر صاحب  کی ز بان سے سنی  تو دل خون کے آنسو رونے لگا۔

   ڈاکٹر صاحب عالم اسلام  کے وہ  نڈر،  بیباک اور محب وطن  فرد ہیں جن کی شبانہ رو ز  محنت کے نتیجہ میں پاکستان عالم اسلام کی پہلی ایٹمی طاقت بنا۔جنھوں نے دن دیکھا نہ  رات دیکھی,  مال دیکھا نہ صحت دیکھی، صرف اس مشن کی خاطر کام کرتے رہے کہ انڈ یا کے مقابلہ میں پاکستان کا دفاع  نا قابل تسخیر ہو جائے۔ شائد اگر ان کی مخلصانہ  کاوش نہ ہوتی تو آج ہماری حالت عراق، افغانستان، کشمیر، برما،فلسطین اور دیگر اسلامی ممالک جیسی ہوتی۔ یہ بات ضرور ہے ک امریکہ کو  اس کا قرض چکانہ ہو گا، مسلم امہ ایک دن ضرور بیدار ہو گی،کوئی صلاح الدین ایوبی بھی آئے گا۔(انشااللہ)  لیکن بات ڈاکٹر صاحب کی چل رہی ہے کہ انھوں نے گھمبیر صورتحال میں پاکستان کا مستقبل محفوظ کیا، آج ہم عالیشان محلات میں رہ رہے ہیں، اعلی پائے کی گاڑیوں میں امریکی اور روسی ڈرون طیاروں کے خوف کے بغیر سفر کرتے ہیں تو ان تمام کا سہرا ڈاکٹر صاحب کے سر سجتا  ہے۔

لیکن! لیکن جب میں آج ڈاکٹر صاحب کی حالت زار دیکھتا  ہوں تو کلیجہ پھٹ جاتا ہے، اعضاء شل ہو جاتے ہیں۔ وہ عظیم لیڈر جس پر  گل  نچھاور کرتے کرتے پھولوں کا فقدان ہو جانا چاہیے  تھا  لیکن بدقسمتی سے اس کے لئے فٹ پاتھ اور قیدو بند کی صعوبتیں  ہی بچی ہیں۔ کیا محض ” محسن پاکستان” کا لقب دے دینا ہی کافی تھا،  چلیں غیروں کی بات تو ہم نہیں کرتے انھوں نے نہ ہی آپ کو نوبل پرائز دینا تھا نہ دیا، جو اپنے ہیں انھوں نے کیا دیا؟؟؟ کیا ہم نے شہدائے پاکستان کے خون سے  یہ وفا کی ہے کہ جتنا کوئی  بڑا چور، ڈاکو،  لٹیرا اور رہزن ہواسے اتنی ہی زیادہ عزت دی جائے اور مخلص محبان وطن کو پابند

 سلاسل کر دیا۔ ارے! جس شخص نے اکیس کروڑ افراد کی حفاظت کی تو ہم سب اس ایک فرد کی حفاظت نہ کر سکے اور انہیں نظر بند کر دیا،چلیں یہ بھی بات مان لی کہ حکومتی  صفوں میں چھپے بھیڑیوں  نے یہ سب کروایا لیکن بحثیت قوم ہم نے آپ کے لیے کیا کیا؟ ان کی سیاسی جماعت کی بھی سپورٹ نہ کر سکے۔جس شخص کے لیے اگر جان کا  نذرانہ بھی پیش کرنا پڑتا تو گھاٹے کا سودا نہ تھا، اس کے لیے ہم ووٹ کی پرچی بھی نہ دے سکے۔ شائد میرا لہجہ تلخ ہو رہا ہے لیکن ہم نے جو کھرے اور کھوٹے کا معیار سٹ کیا ہے وہ ٹھیک نہیں۔ یہ ہی وجہ ہے کہ ہم پستیوں کی طرف دھکیلے چلے جا رہے ہیں اور دنیا پر ہمارا دبدبہ ختم ہو رہا ہے۔ ایٹمی طاقت ہونے کہ باوجود بھی ہم دبک رہے ہیں۔ آج ایٹمی طاقت کا حصول بھی کسی اور جماعت کے  لیڈر سے منسوب کیا جا رہا ہے حالانکہ  ڈاکٹر صاحب کی ٹیم نے 1984 میں ہی پروگرام کو حتمی شکل دے دی تھی۔ اس سے کہیں بعد1998  میں باقاعدہ ایٹمی دھماکے کئے اور پوری د نیا کے  مسلمانوں نے مٹھائیاں تقسیم کیں۔آج اسی پروگرام کے روح رواں  کے ساتھ اتنی زیادتی  آخر کیوں؟

میں جب محسن پاکستان ڈاکٹر عبدالقدیر صاحب کی باتیں سنتا یوں دل خون کے آنسو روتا ہے، آخر کیا محرکات تھے  جنھوں نے ڈاکٹر صاحب کو یہ کہنے پر مجبور کر دیا؟  ان محرکات کو  ‘on air’  کرنا مڈیا کی  ذمہ داری ہے۔  میاں محمد بخش نے اسی تناظر کو الفاظ کا روپ دیا تھا

                                                            اصلاں نال جے نیکی کرئیے  نسلاں بعد  نہیں  بھلدے

  بے اصلاں نال  جے نیکی کرئیے پٹھیاں چالاں چلدے

اللہ رب العزت ڈاکٹر صاحب کو  عمر خضر عطا فرمائے، لیکن ایک دن خالق حقیقی سے بھی  تو ملنا ہے، میں دعوے سے کہتا ہوں آپ کا جناز ہ  ‘تاریخی جنازہ’  ہو گا، آپ پر ستم کر نے والے  بھی  پہلی صف میں نظر آئیں گے۔ غور طلب بات یہ ہے کہ جو افراد  ہماری زندگیوں کے ضامن ہیں کیا  ہم نے  ان سے  وفا بھی ان کے جنازہ  پہ جا کر ہی کرنی ہے؟  کیا ہمارا جنازہ پڑھنا ان کے ساتھ کی جانے وا لی  زیادتیوں کا ازالہ کر دے گا؟  اگر جواب نفی میں ہے تو ہمیں آج عملی محاذ پر آپ کے حق میں آواز بلند کرنا ہو گی۔ تمام سیاسی جماعتوں سے مطالبہ کریں کہ اگر وہ نگران وزیر اعظم کے لیے ڈاکٹر صاحب کا نام پیش کرتے ہیں تو ہم ان کی سپورٹ کریں گے  ورنہ ہمارے صبر کا پیما نہ  لبریز ہو چکا  اب ہمارے رستے  جدا ہیں۔ اگر ہم نے ڈاکٹر صاحب سے وفا کی ہوتی تو آج ہمیں بجلی کے بحران سے پالا نہ پڑتا۔ اگر آپ کو مناسب منصب پر فائز کیا جاتا تو آج لوگ اپنی اولادوں کو گلوکار بنا نے کی بجائے  ٹیکنا لوجی کے رستے میں ڈال کر سائنسدان بناتے۔ ہمیں  ٹیکنا لوجی کا انحصار دوسرے ممالک سے نہ کرنا پڑتا۔ ڈاکٹر صاحب  ہم نے آپ کو حقیقی معنوں میں لیڈر نہ مان کر سنگھین غلطی کی۔  ڈاکٹر صا حب ہم سے بھول ہوئی!  ڈاکٹر صا حب ہم سے بھول ہوئی!

@mnasirbuttt

دنیا میں ہر صدی میں ایک بڑی بیماری حملہ آور ہوتی ہی رہی، کبھی بلیک ڈیتھ، کبھی ہسپانوی زکام اور کبھی ایڈز، وبا کا آغاز ہوا تو کئی کئی سال لگ گئے اس کا علاج ڈھونڈنے میں، علاج ملا تو مریضوں کو ذہنی طور پر تیار کرنے میں وقت لگ گیا یعنی ہر وبا ہزاروں نہی لاکھوں زندگیوں کو نگل چکی، اب موجودہ حالات کو دیکھ لیں تو ڈینگی جان چھوڑنے کا نام ہی نہیں لے رہا، ذرا سی موسم نے کروٹ جو بدلی تو آگئی مچھروں کی فوج اور ہوگئی حملہ آور، پولیو جو بظاہر دنیا بھر کی طرح پاکستان اور افغانستان سے بھی کم تو ہوتا نظر آتا ہے لیکن اس کے قطرے پلانے میں بھی جتن کرنا اپنے آپ میں ایک جنگ لڑنے جیسا ہی ہے، کورونا وائرس کی بات کریں تو پہلے ایک پھر دو پھر تین اور اب چار یعنی نام تو نہ بدلا لیکن لہروں کے نمبر بدلتے گئے اور ہر نئی ویو پہلی ویو سے زیادہ خطرناک ہی رہی، لیکن ابھی دنیا میں کاروباری، تعلیمی اور دیگر سرگرمیاں مکمل طور پر اپنے معمول پر آئی نہیں تھیں کہ برطانیہ میں عالمی وبا کی وجہ بننے والے کورونا وائرس کی قسم ڈیلٹا کے نئے ویرئنٹ ’ڈیلٹا پلس’ کے کیسز میں پھیلاؤ رپورٹ ہونے لگا، خبر آئی اور حکام کو دوڑیں لگ گئیں، برطانوی وزارت صحت کہتی ہے کہ کورونا وائرس کے ڈیلٹا ویرئنٹ کی نئی تبدیلی پر کڑی نظر رکھے ہوئے ہیں جو ملک میں وبا کے بڑھتے کیسز کی وجہ بن رہا ہے، اب معاملات کچھ یوں بن چکے کہ کورونا وائرس کی بہت زیادہ متعدی قسم ڈیلٹا، جسے بی 1617.2 کے نام سے بھی جانا جاتا ہے، گزشتہ برس برطانیہ میں سامنے آئی تھی تاہم حالیہ سرکاری اعداد و شمار کے مطابق برطانیہ میں کورونا وائرس کے 6 فیصد کیسز جینیاتی طور پر وائرس کی نئی قسم کے ہیں اے وائے.4.2، جسے کچھ افراد ’ڈیلٹا پلس ’ بھی کہہ رہے ہیں، ایسی میوٹیشنز پر مشتمل ہے جو وائرس کو زندہ رہنے کے مواقع فراہم کرسکتا ہے اب یہ پتا لگانے کے لیے ٹیسٹس کیے جارہے ہیں کہ ڈیلٹا وائرس کی اس نئی قسم سے کتنا خطرہ لاحق ہو سکتا ہے ماہرین کہتے ہیں کہ اس کے بڑے پیمانے پر پھیلنے یا موجودہ ویکسین سے محفوظ رہنے کا امکان نہیں ہے، اسے ابھی تک تشویش کا باعث بننے والی قسم یا زیر تفتیش ویرئنٹ نہیں سمجھا گیا لیکن اب سب سے بڑا سوال یہ پیدا ہوتا ہے کہ اے وائے.4.2 ہے کیا؟ دنیا بھر میں کورونا وائرس کی ہزاروں مختلف اقسام یا ویرئنٹس موجود ہیں، وائرس ہر وقت بدلتے رہتے ہیں لہذا ان کی نئی اقسام سامنے آنا کوئی حیران کن بات نہیں لیکن ڈیلٹا کی اصل قسم کو مئی 2021 میں برطانیہ میں باعثِ تشویش قرار دیا گیا تھا جب یہ الفا ویرئنٹ کو پیچھے چھوڑ کر دنیا بھر میں پھیلنے والی کورونا وائرس کی سب سے بڑی قسم بن گئی تھی لیکن جولائی 2021 میں ماہرین نے اے وائے.4.2 کی نشاندہی کی تھی، اب موجودہ صورتحال کچھ یوں ہے کہ ڈیلٹا کی یہ قسم تب سے آہستہ آہستہ بڑھ رہی ہے، اس میں کچھ نئی تبدیلیاں شامل ہیں جو اسپائک پروٹین کو متاثر کرتی ہیں جسے وائرس ہمارے خلیوں میں داخل ہونے کے لیے استعمال کرتا ہے، ابھی تک اس بات کا کوئی عندیہ نہیں ملا کہ ان تبدیلیوں کے نتیجے میں یہ وائرس زیادہ متعدی ہے لیکن یہ ماہرین ابھی اس پر تحقیق کررہے ہیں
عالمی وبا کے آغاز سے کورونا وائرس کی دیگر اقسام میں وائے 145 ایچ اور اے 222وی میوٹیشنز پائی گئی ہیں ۔ سائنسدان مسلسل نئی جینیاتی تبدیلیوں کی جانچ کر رہے ہیں جن سے کورونا وائرس گزر رہا ہے کچھ اقسام پریشان کن ہیں لیکن بہت سی غیر اہم ہیں تاہم مشکل کام ان لوگوں کو ڈھونڈنا ، پتا لگانا اور ان کا انتظام کرنا ہے جو اہم ہو سکتے ہیں اس مرحلے پر ، ماہرین کو نہیں لگتا کہ اے وائے.4.2 کو پکڑا جاسکے گا لہذا ہوسکتا ہے کہ اسے واچ لسٹ سے نکال دیا جائے، یونیورسٹی کالج لندن کے جینیٹکس انسٹی ٹیوٹ کے ڈائریکٹر پروفیسر فرانکوئس بلوکس نے کہا کہ ’یہ ممکنہ طور پر کچھ زیادہ متعدی قسم ہے انہوں نے کہا کہ ’الفا اور ڈیلٹا اقسام کے ساتھ جو کچھ ہم نے دیکھا اس کے مقابلے میں یہ کچھ بھی نہیں ہے ، جو کہ 50 سے 60 فیصد زیادہ متعدی تھیں، فی الحال اس پر تحقیق جاری ہے، ہوسکتا ہے کہ یہ 10 فیصد زیادہ متعدی ہو پروفیسر فرانکوئس نے کہا کہ اچھا ہے کہ ہم آگاہ ہیں، یہ بہت اچھا ہے کہ ہمارے پاس مشکوک چیزوں کو دیکھنے کے لیےایسی سہولیات اور انفراسٹرکچر موجود ہے انہوں نے کہا کہ ’اس مرحلے پر میں کہوں گا انتظار کریں اور دیکھو ، گھبرائیں نہیں، یہ تھوڑا زیادہ متعدی ہوسکتا ہے لیکن یہ اتنا تباہ کن نہیں ہے جیسا کہ ہم نے پہلے دیکھا تھا۔ اب اس ساری صورتحال میں دیکھنا یہ ہے کہ کہیں ایک بار پھر سے دنیا بھر میں کورونا وائرس کی ہی اس شدید صورتحال کی وجہ سے بحرانی کیفیت پیدا نہ ہوجائے جس کا بہترین حل یہ ہوگا کہ ماضی کی غلطیوں سے سیکھتے ہوئے دوڑ لگائی جائے اس بیماری سے بچنے کے لیے احتیاطی تدابیر کی، کوشش کی جائے کہ اپنے شہریوں کو پہلے سے ہی آگاہی دے دی جائے تاکہ بیماری کے ممکنہ حملے کی صورت میں احتیاطی تدابیر کو اپنایا جاسکے