Author: Baaghi TV

ملکی صورتحال پر تبادلہ خیال،ملکی استحکام، یکجہتی اور اتحاد کیلئے تمام طبقات کو مل کر چلنا ہو گا۔قاری یعقوب شیخ

پاکستان مرکزی مسلم لیگ کے جوائنٹ سیکرٹری قاری محمد یعقوب شیخ کی سابق امیر جماعت اسلامی سراج الحق اور امیر ہدیۃ الہادی پاکستان پیر سید ہارون علی گیلانی سے ملاقات ہوئی ہے،ملاقات میں ملی و دینی امور، اتحادِ امت اور موجودہ ملکی صورتِ حال پر تفصیلی تبادلہ خیال کیا گیا۔

ملاقات میں باہمی مشاورت سے اس بات پر اتفاق ہوا کہ دین کی سربلندی، ملک کے استحکام، یکجہتی اور اتحاد کیلئے تمام طبقات کو مل کر چلنا ہو گا۔ قاری محمد یعقوب شیخ کا کہنا تھا کہ کہ علماء کرام کا اتحاد اورمشترکہ لائحہ عمل وقت کی اہم ترین ضرورت ہے۔مسلح افواج نے بھارتی جارحیت پر منہ توڑ جواب دیا،پاکستانی قوم آپریشن بنیان مرصوص کے دوران افواج پاکستان کے شانہ بشانہ تھی،پاکستان پر جب بھی مشکل وقت آیا دینی قوتیں بھی دفاع پاکستان کے لیے صف اول میں نظرآتی ہیں،

قاری محمد یعقوب شیخ نے سابق امیر جماعت اسلامی سراج الحق اور امیر ہدیۃ الہادی پاکستان پیر سید ہارون علی گیلانی کو مرکزی مسلم لیگ کے صلاحیت بڑھاؤ، اپنا کماؤ پروگرام بارے بریف کرتے ہوئے کہا کہ دس روزہ کورس میں ملک بھر سے ایک لاکھ سے زائد مردوخواتین نے کلاسز لی ہیں، مرکزی مسلم لیگ نوجوانوں کو ہنرمندبنانا چاہتی ہے، ہم چاہتے ہیں کہ نوجوان بیرون ملک جانے کی بجائے گھر بیٹھ کر ہنر سیکھیں اور پاکستانی معیشت کے استحکام میں کردار ادا کریں، جماعت اسلامی اور ہدیۃ الھادی پاکستان کے رہنماؤں نے مرکزی مسلم لیگ کے صلاحیت بڑھاؤ، اپنا کماؤ پروگرام کی کامیابی کو سراہا .

پانی زندگی ہے،کسان ڈیم توڑنے کو تیار ہیں،پاکستان کو بنجر نہیں بننے دیں گے،رہنماؤں کا اعلان

بھارتی آبی جارحیت کیخلاف مرکزی کسان لیگ نے اتوار 4 مئی کو مال روڈ لاہور پر احتجاج کا اعلان کر دیا، مرکزی کسان لیگ کے چیئرمین ذوالفقار علی اولکھ کا کہنا تھا کہ مودی نے سندھ طاس معاہدہ معطل کر کے پاکستان پر جنگ مسلط کر دی، پاکستان کے کسان دفاع وطن کے لئے جنگ لڑنے کو تیار ہیں،وطن عزیز کے چپے چپے کی حفاظت کریں گے، اتوار چار مئی کو مال روڈ پر کسان مارچ میں ہزار وں کسان شریک ہو کر افواج پاکستان کے شانہ بشانہ کھڑے رہنے کا اعلان کریں گے،

ان خیالات کا اظہار مرکزی کسان لیگ کے چیئرمین ذوالفقار علی اولکھ ،صدر محمد اشفاق ورک، پاکستان مرکزی مسلم لیگ لاہور کے سیکرٹری جنرل مزمل اقبال ہاشمی، مرکزی کسان بورڈ کے رہنما چوہدری اختر فاروق میو، ترجمان مرکزی مسلم لیگ تابش قیوم نے لاہور پریس کلب میں مشترکہ پریس کانفرنس کرتے ہوئے کیا.

ذوالفقار علی اولکھ کا کہنا تھا کہ پہلگام ڈرامے کے بعد مودی نے سب سے پہلا وار کسانوں پر کیا، سندھ طاس معاہدہ توڑنے کی بات کی گئی،پانی زندگی ہے، مودی نے کسان کی گردن پر وار کیا، اب پاکستان کے کسان ایک ہو چکے، پاکستانی زمینوں کو بنجر نہیں ہونے دیں گے، بھارت انسانیت دشمنی پر اتر چکا ہے،مرکزی کسان لیگ بھارتی آبی جارحیت کیخلاف چار مئی اتوار کو مال روڈ لاہور پر عظیم الشان کسان مارچ کا انعقاد کرے گی ، ہزاروں کسان مارچ میں شریک ہو کر مودی سرکار کو پیغام دیں گے کہ پانی کے تحفظ، وطن کے دفاع کے لئے پاکستان کا کسان افواج پاکستان کے شانہ بشانہ کھڑا ہے، ضرورت پڑی تو ہزاروں کسان ٹریکٹر لے کر واہگہ عبور کر کے بھارتی ڈیموں کو توڑ‌آئیں گے.

صدرمرکزی کسان لیگ اشفاق ورک کا کہنا تھا کہ بھارتی آبی جارحیت کیخلاف پاکستانی کسان متحد ہیں، حکومت اعلان کرے، پاکستان کے کسان واہگہ عبور کر کے ڈیم توڑنے کو تیار ہیں،پاکستان کو آباد کریں گے،زراعت کو آباد کریں گے، ہر پاکستانی بھارت کے خلاف جان قربان کو تیار ہے،

مرکزی مسلم لیگ لاہور کے سیکرٹری جنرل مزمل اقبال ہاشمی،کسان بورڈ پاکستان کے رہنما چوہدری اختر فاروق میو، مرکزی مسلم لیگ کے ترجمان تابش قیوم کا کہنا تھا کہ ہم اپنی نسلوں کو بچانے کے لیے نکلیں گے،مسئلہ صرف کسان کا نہیں پوری قوم کا ہے،اتوار 4 مئی کو 3 بجے مال روڈ پر کسانوں کے ساتھ پاکستانی عوام بھی جمع ہو گی،بھارت کو بھر پور پیغام دیا جائے گا، دشمن اگر جنگ چاہتا ہے تو ہم ہزار سال لڑنے کے لیے تیار ہیں ،سندھ طاس معاہدہ غلط تھا اسکے باوجود پاکستان نے قبول کیا

رکشہ ڈرائیورز کی بڑی تعداد نے شرکت کی، پاک فوج سے اظہار یکجتی
ملی رکشہ یونین پنجاب کے زیر اہتمام ریلوے اسٹیشن پر بھارتی جارحیت کے خلاف اور پاک فوج کے ساتھ یکجہتی کے لیے احتجاجی مظاہرہ ہوا۔ احتجاج میں رکشہ ڈرائیورز کی ایک بڑی تعداد نے بھرپور شرکت کی۔ رکشہ ڈرائیورز نے پاکستان زندہ باد، پاک فوج زندہ باد، مودی کا جو یار ہے غدار ہے غدار ہے کے نعرے لگائے۔ مظاہرین نے بھارتی وزیراعظم نریندر مودی کے خلاف شدید نعرے لگاتے ہوئے بھارتی حکومت کی جارحانہ پالیسیوں کی شدید الفاظ میں مذمت کی۔ اس موقع پر مظاہرین نے بھارتی وزیراعظم مودی کا پتلا بھی نذر آتش کیا۔

ملی رکشہ یونین پنجاب کے صدر، رانا شمشاد نے مظاہرین سے خطاب کرتے ہوئے کہا کہ پاکستان کا بچہ بچہ اپنے وطن کی حرمت پر کٹ مرنے کے لیے تیار ہے۔ بھارتی جارحیت کا ہر سطح پر بھرپور جواب دیا جائے گا۔ ہم پاک فوج کے شانہ بشانہ کھڑے ہیں اور ہر محاذ پر اپنی افواج کا بھرپور ساتھ دیں گے۔انہوں نے کہا کہ پوری قوم متحد ہے اور دشمن کی ہر سازش کو ناکام بنانے کے لیے سیسہ پلائی دیوار بن چکی ہے۔ شرکاءنے اس عزم کا اظہار کیا کہ وطن عزیز کی حفاظت کے لیے کسی قربانی سے دریغ نہیں کیا جائے ۔

بھارت میں پاکستانی یوٹیوب چینلز کی بندش،ترجمان مرکزی مسلم لیگ کی مذمت

مرکزی مسلم لیگ کا ڈیجیٹل روز گار پروگرام "صلاحیت بڑھاؤ،اپنا کماؤ” کی رجسٹریشن جاری،دو دن باقی

پہلگام ڈرامہ،سندھ طاس نشانہ،مودی جو کر لے سچ نہیں چھپ سکتا،تابش قیوم

پاکستان مرکزی مسلم لیگ کے ترجمان تابش قیوم نے بھارتی حکومت کی جانب سے پاکستانی یوٹیوب چینلز بند کرنے کی مذمت کرتے ہوئے کہاہے کہ مودی سرکار جو کر لے سچ چھپ نہیں سکتا، پہلگام ڈرامے کے بعدنہ صرف بھارت سے ہی مودی سرکار کیخلاف آوازیں اٹھ رہی ہیں بلکہ پاکستانی میڈیا نے بھی بھارتی ڈرامے کو نہ صرف بے نقاب کیا بلکہ دنیا کو سچ دکھایا کہ مودی سرکار کے پہلگام ڈرامے کا مقصد پاکستان کیخلاف آبی جارحیت مسلط کرنا ہے

تابش قیوم کا کہنا تھا کہ دنیا کی سب سے بڑی جمہوریت کہلانے والے ملک بھارت نے آزادیٔ اظہارِ رائے کا گلا گھونٹنے میں کوئی کسر نہیں چھوڑی۔ پاکستانی میڈیا اور صحافیوں کے یوٹیوب چینلز پر پابندی لگا کر بھارت نے واضح کر دیا ہے کہ اس میں سچ سننے کی صلاحیت اور برداشت نہیں ہے، پہلگام واقعے کی حقیقت عوام کے سامنے لانے پر پاکستانی میڈیا کو نشانہ بنانا مودی سرکار کی بوکھلاہٹ اور فسطائی ذہنیت کا منہ بولتا ثبوت ہے۔ دنیا کو یہ جان لینا چاہیے کہ جو حکومت سچائی سے اس قدر خوفزدہ ہو، وہ آزادیٔ اظہار اور جمہوریت کے دعوے کرنے کا کوئی حق نہیں رکھتی۔

تابش قیوم نے مزید کہا کہ مودی سرکار اپنی انتہا پسندی، اقلیت دشمنی، اور انسانی حقوق کی پامالیوں پر پردہ ڈالنے کے بجائے سچ کا سامنا کرے۔ کشمیر میں ہونے والے مظالم اور بھارت کے اندر بڑھتی ہوئی آمریت کو دبانے کے لیے میڈیا پر پابندیاں لگانا نہ صرف قابلِ مذمت ہے بلکہ یہ بھارت کے جمہوری چہرے پر ایک اور بدنما داغ ہے۔عالمی برادری بھارت کے اقدامات کا نوٹس لے.

مرکزی مسلم لیگ کا ڈیجیٹل روز گار پروگرام "صلاحیت بڑھاؤ،اپنا کماؤ” کی رجسٹریشن جاری،دو دن باقی

پاکستان مرکزی مسلم لیگ کے ڈیجیٹل روز گار پروگرام "صلاحیت بڑھاؤ،اپنا کماؤ” کی ملک بھر میں رجسٹریشن جاری ہے، یکم مارچ سے رات نو سے 11 بجے تک دو گھنٹے آن لائن کلاسز ہوں گی جو دس مئی تک جاری رہیں گی، پاکستان کے تمام چھوٹے بڑے شہروں میں کلاس رومز بنائے جار ہے ہیں جہاں نوجوانوں کو مفت ہنر سکھایا جائے گا،

لاہور میں سو سے زائد مقامات، کراچی میں بھی 100 سے زائد ، اسلام آباد میں بھی ایک سو سے زائد ،پشاور میں بھی 100،کوئٹہ میں 80 سے زائد مقامات پر کلاس رومز بنائے جائیں گے، فیصل آباد، ملتان، گوجرانوالہ، سکھر، حیدرآباد، ساہیوال، اوکاڑہ،قصور،سیالکوٹ،مردان، سوات، مالاکنڈ،لاڑکانہ،نواب شاہ، راولپنڈی، چکوال،اٹک بہاولپور،رحیم یارخان،سرگودھا،میانوالی سمیت دیگر شہروں میں بھی کلاسز کے لئے خصوصی انتظامات کیے گئے ہیں تاکہ چھوٹے شہروں اور دیہی علاقوں کے نوجوان بھی اس سہولت سے فائدہ اٹھا سکیں۔

مرکزی مسلم لیگ کے ڈیجیٹل میڈیا ہیڈ ملک وقاص سعید کا کہنا ہے کہ پاکستان کے نوجوانوں کے لئے موقع ہے وہ "صلاحیت بڑھاؤ،اپنا کماؤ” ڈیجیٹل روزگار پروگرام کی کلاسز لیں اور ہنر سیکھ کر معاشرے کے ہنر مند شہری بنیں،مرکزی مسلم لیگ کا ویژن ہے کہ ہم نوجوانوں میں بڑھتی ہوئی مایوسیوں کا خاتمہ کر کے انہیں باصلاحیت بنانا چاہتے ہیں.ہمارا مقصد نوجوانوں کو ایسی مہارتیں سکھانا ہے جو نہ صرف انہیں معاشی طور پر مضبوط کریں بلکہ انہیں عزت اور وقار کے ساتھ روزگار کے مواقع بھی فراہم کریں.

بڑھتی مایوسی،بے روزگاری کے خاتمے کیلئے اپنا کماؤ پروگرام انتہائی اہم ہے،قاری یعقوب شیخ

پاکستان مرکزی مسلم لیگ کے جوائنٹ سیکرٹری قاری محمد یعقوب شیخ نے کہا ہے کہ "صلاحیت بڑھاؤ،اپنا کماؤ”مہم کے تحت ملک بھر سے نوجوان رجسٹریشن کروا رہے ہیں،بڑھتی مایوسی اور بے روزگاری کے خاتمے کے لئے اپنا کماؤ پروگرام انتہائی اہم ہے،نوجوانوں کی تربیت کر کے انہیں مفت ہنر فراہم کرنا مرکزی مسلم لیگ کے منشور خدمت کی سیاست کا عملی نمونہ ہے

ان خیالات کا اظہار انہوں نے اہلسنت والجماعت پاکستان کے سربراہ مولانا علامہ احمد لدھیانوی سے ملاقات کے دوران بات چیت کرتے ہوئے کیا،علامہ احمد لدھیانوی نے پاکستان مرکزی مسلم لیگ کے مرکزی سیکرٹریٹ کا دورہ کیا،ملاقات کے موقع پر رابطہ علماء و مشائخ پاکستان کے سیکرٹری سید عبدالوحید شاہ اور پاکستان مرکزی مسلم لیگ لاہور کے جنرل سیکرٹری ڈاکٹر مزمل اقبال ہاشمی بھی موجود تھے۔ملاقات کے دوران ملکی سیاسی صورتحال، بھارت کی جانب سے غیر ذمہ دارانہ اقدامات، اور غزہ پر اسرائیلی حملوں پر تفصیلی تبادلہ خیال کیا گیا.

قاری محمد یعقوب شیخ کا کہنا تھا کہ بھارت کی آبی جارحیت کے خلاف پاکستان مرکزی مسلم لیگ تحریک جاری رکھ کر قوم کو متحد وبیدار کرے گی. پاکستان مرکزی مسلم لیگ یکم مئی سے "صلاحیت بڑھاؤ، اپنا کماؤ” مہم کا آغاز کر رہی ہے۔ملک بھر میں 50 ہزار سے زائد رجسٹریشن ہو چکی ہیں، اس مہم کے تحت ملک بھر میں نوجوانوں کو ڈیجیٹل کورسز فراہم کیے جائیں گے تاکہ وہ ہنر مند بن کر معاشرے میں اپنا مثبت کردار ادا کر سکیں۔علامہ احمد لدھیانوی نے مرکزی مسلم لیگ کے ڈیجیٹل روزگار پروگرام کو سراہتے ہوئے کہا کہ یہ اقدام نوجوانوں کو خودمختار بنانے کی جانب ایک مثبت قدم ہے، اور ملک کی ترقی میں اہم کردار ادا کرے گا۔