Author: ڈاکٹرغلام مصطفی بڈانی

گوجرہ ( باغی ٹی وی، نامہ نگارعبد الرحمن جٹ) صدر بار ایسوسی ایشن چوہدری اعجاز اختر کہوجہ کی صدارت اور وکالت کا لائسنس بحال ہوگیا، جس کے بعد بار ایسوسی ایشن میں خوشیوں کی لہر دوڑ گئی۔

چوہدری اعجاز اختر کہوجہ اور ارسلان آفتاب کہوجہ ایڈووکیٹ کو کچھ عرصہ قبل چند ناگزیر وجوہات کی بنا پر چئیرمین پنجاب بار کونسل کی جانب سے لائسنس معطل کیے گئے تھے اور انہیں صدارت کے عہدے سے بھی ہٹا دیا گیا تھا۔ تاہم، حال ہی میں پنجاب بار کونسل نے ان کے لائسنس اور صدارت کو غیر مشروط طور پر بحال کرنے کا فیصلہ کیا، جس کے بعد بار ایسوسی ایشن گوجرہ کے اراکین نے مسرت کا اظہار کیا۔

چوہدری اعجاز اختر کہوجہ نے اپنی بحالی پر ممبر پنجاب بار کونسل رانا محمد اکرم ایڈوکیٹ اور اپنے دیگر ساتھیوں کا شکریہ ادا کیا۔ بار ایسوسی ایشن کے ممبران نے ان کی بحالی پر پھولوں کے گلدستے پیش کیے، پھولوں کے ہار پہنائے، اور انہیں مبارکباد دی۔ اس موقع پر بار ایسوسی ایشن میں مٹھائیاں بھی تقسیم کی گئیں، جبکہ ڈھول کی تھاپ پر بھنگڑے ڈال کر خوشیوں کا بھرپور اظہار کیا گیا۔

یہ واقعہ بار ایسوسی ایشن میں ایک نئے عزم اور جوش و خروش کا باعث بنا ہے، اور اراکین نے امید ظاہر کی ہے کہ چوہدری اعجاز اختر کہوجہ کی قیادت میں بار کی سرگرمیاں مزید کامیاب ہوں گی۔

گوجرہ(باغی ٹی وی ،نامہ نگارعبدالرحمن جٹ)گوجرہ کے نواحی گاؤں 162 گ ب نوشہرہ میں 16 واں سالانہ فری آئی کیمپ ڈاکٹر عامر علی ماجد کی زیر سرپرستی اور Go Fund UK کے تعاون سے لگایا گیا۔ اس کیمپ کا مقصد علاقے کے لوگوں کی آنکھوں کے مسائل کا حل پیش کرنا اور انہیں طبی سہولیات فراہم کرنا ہے۔

کیمپ انچارج پروفیسر قاری نیاز احمد گجر نے میڈیا کو بتاتے ہوئے کہا کہ اس بار کیمپ میں 600 سے زائد مریضوں کا چیک اپ کیا گیا، جن میں سے 140 مریضوں کا مفت آپریشن کیا گیا۔ ان کے علاوہ 240 مریضوں کو نظر کی عینکیں بھی فراہم کی گئیں۔ کیمپ میں آنے والے مریضوں کی بڑی تعداد نے مفت طبی خدمات کا فائدہ اٹھایا اور اس کیمپ کی کامیابی پر اطمینان کا اظہار کیا۔

کیمپ میں فراہم کی جانے والی دیگر خدمات میں ہیپا ٹائٹس بی اور سی کے ٹیسٹ، شوگر ٹیسٹ، تین وقت کا کھانا، رہائش، اور آپریشن کے لئے تمام میڈیسن، آئی ڈراپس اور نظر کی کالی عینکوں سمیت دیگر تمام ضروری سامان شامل تھا۔ یہ تمام سہولیات Go Fund UK کی جانب سے بغیر کسی چارج کے فراہم کی گئیں۔

ڈاکٹر عامر علی ماجد نے کیمپ کی کامیابی کو سراہتے ہوئے کہا کہ اس طرح کے فری آئی کیمپس کا مقصد لوگوں میں بصری صحت کے بارے میں آگاہی پھیلانا اور ان کی طبی ضروریات کا خیال رکھنا ہے۔ انہوں نے امید ظاہر کی کہ یہ کیمپ لوگوں کی زندگیوں میں بہتری لانے میں اہم کردار ادا کرے گا۔

یہ فری آئی کیمپ 5 نومبر تک جاری رہے گا، جس میں مزید مریضوں کو اپنی آنکھوں کی صحت کے حوالے سے خدمات فراہم کی جائیں گی۔ علاقے کے لوگوں نے اس اقدام کی بھرپور حمایت کی ہے اور کیمپ کی کامیابی کے لئے دعا کی ہے۔

گوجرہ (نامہ نگار باغی ٹی وی عبد الرحمن جٹ) 16 نومبر کو ضروری مرمت کے باعث چار فیڈرز پر بجلی بند

تفصیل کے مطابق فیسکو گوجرہ کی پریس ریلیز کے مطابق ن ضروری مرمت کے پیش نظر تحصیل گوجرہ گریڈ اسٹیشن سے نکلنے والی 04 نمبر لائنز (حسن ملز، مالڑی، شالیمار، پیڑیوال) کے لیے بجلی بندش کا شیڈول جاری کر دیا ہے۔

حکام کے مطابق 16 نومبر کو صبح 08:00 بجے سے دوپہر 14:00 بجے تک ان تمام فیڈرز پر بجلی کی فراہمی معطل رہے گی۔