Baaghi TV

Author: ڈاکٹرغلام مصطفی بڈانی

  • وہاڑی: غیر قانونی منی پٹرول پمپوں کے خلاف کریک ڈاؤن

    وہاڑی: غیر قانونی منی پٹرول پمپوں کے خلاف کریک ڈاؤن

    وہاڑی(باغی ٹی وی رپورٹ) ڈپٹی کمشنر وہاڑی سید آصف حسین شاہ کی ہدایت پر ضلع میں غیر قانونی پٹرول پمپوں کے خلاف بڑے پیمانے پر کارروائی شروع کردی گئی ہے۔

    اسسٹنٹ کمشنر وہاڑی غزالہ کنول کی زیرِ نگرانی ماچھیوال میں 5 غیر قانونی منی پٹرول پمپوں کو اکھاڑ کر ضبط کر لیا گیا۔ سول ڈیفنس آفیسر محمد ریحان وڑائچ اور ان کی ٹیم نے اس آپریشن میں اسسٹنٹ کمشنر کا ساتھ دیا۔

    اسسٹنٹ کمشنر غزالہ کنول نے بتایا کہ غیر قانونی پٹرول پمپ نہ صرف قومی خزانے کو نقصان پہنچاتے ہیں بلکہ آگ لگنے کے خطرے کو بھی بڑھا دیتے ہیں۔ انہوں نے واضح کیا کہ کسی کو بھی غیر قانونی طور پر پٹرول پمپ لگانے کی اجازت نہیں دی جائے گی اور اس طرح کی کارروائیاں جاری رہیں گی۔

    انہوں نے کہا کہ انسانی جانوں کے ساتھ کھیلنے کی اجازت نہیں دی جائے گی اور غیر قانونی پٹرول پمپوں کے خلاف سخت کارروائی کی جائے گی۔

  • بینظیر انکم سپورٹ پروگرام میں بڑی تبدیلی، فرنچائز سسٹم کا خاتمہ اور براہ راست بینکنگ کا آغاز

    بینظیر انکم سپورٹ پروگرام میں بڑی تبدیلی، فرنچائز سسٹم کا خاتمہ اور براہ راست بینکنگ کا آغاز

    اسلام آباد(باغی ٹی وی رپورٹ) بینظیر انکم سپورٹ پروگرام (بی آئی ایس پی) میں ایک اہم تبدیلی کی گئی ہے۔ اب سے پروگرام کے تحت مالی امداد حاصل کرنے والے افراد اپنی رقم براہ راست بینکوں سے حاصل کر سکیں گے۔ اس سے قبل فرنچائز سسٹم کے ذریعے یہ رقم تقسیم کی جاتی تھی جس میں کرپشن کے واقعات سامنے آتے رہتے تھے۔

    یہ فیصلہ اس تناظر میں کیاگیا کہ فرنچائز سسٹم میں کرپشن کے واقعات عام تھے۔ اس سسٹم کو ختم کر کے حکومت نے شفافیت اور احتساب کو یقینی بنانے کی کوشش کی ہے۔

    اب صارفین کو اپنی رقم حاصل کرنے کے لیے کسی ثالث کی ضرورت نہیں ہوگی۔ وہ براہ راست بینک جا کر اپنی رقم نکال سکیں گے۔

    اس تبدیلی سے رقم کی تقسیم کا عمل شفاف ہو جائے گا اور کرپشن میں کمی آئے گی۔صارفین کو اپنی رقم حاصل کرنے میں آسانی ہوگی اور صارفین کو اپنی رقم حاصل کرنے کے لیے لمبی قطاروں میں کھڑے ہونے کی ضرورت نہیں ہوگی۔

    بینظیر انکم سپورٹ پروگرام کے تحت رجسٹرڈ تمام افراد کو اپنے قریبی بینک میں اکاؤنٹ کھولنے کی ہدایت کی جائے گی۔حکومت کی جانب سے مقرر کردہ بینکوں میں اکاؤنٹ کھولنے پر کوئی چارج نہیں لیا جائے گا۔اکاؤنٹ کھولنے کے بعدرقم براہ راست اکاؤنٹ میں منتقل کی جائے گی۔

  • ٹھٹھہ:ٹک ٹاک ویڈیو بناتے ہوئے گولی چلنے سے نوجوان جاں بحق

    ٹھٹھہ:ٹک ٹاک ویڈیو بناتے ہوئے گولی چلنے سے نوجوان جاں بحق

    ٹھٹھہ(باغی ٹی وی نامہ نگاربلاول سموں) ایک دل دہلا دینے والے واقعے میں، ٹک ٹاک ویڈیو بناتے ہوئے ایک نوجوان کی حادثاتی طور پر گولی لگنے سے موت واقع ہوگئی۔

    یہ افسوسناک واقعہ مری محلہ میں پیش آیا جہاں نوجوان نے پسٹل کے ساتھ ٹک ٹاک ویڈیو بنانے کی کوشش کی۔ اس دوران حادثاتی طور پر گولی چلنے سے نوجوان کے سر میں گولی لگ گئی جس کے باعث وہ موقع پر ہی جاں بحق ہوگیا۔

    پولیس ذرائع کے مطابق متوفی نوجوان 22 سال کا تھا اور پیشے کے لحاظ سے زراعت سے وابستہ تھا۔ ابتدائی تحقیقات کے مطابق یہ واقعہ حادثاتی طور پر پیش آیا ہے۔ زخمی نوجوان کو فوری طور پر کراچی منتقل کرنے کی کوشش کی گئی لیکن راستے میں ہی اس نے دم توڑ دیا۔

  • لاہور : بچوں کا اغوا ،مافیاکا رکن پکڑا گیا، گردے نکالنے کا انکشاف

    لاہور : بچوں کا اغوا ،مافیاکا رکن پکڑا گیا، گردے نکالنے کا انکشاف

    لاہور(باغی ٹی وی رپورٹ)بچوں کےاغوا کار مافیاکا رکن پکڑا گیا، گردے نکالنے کا انکشاف

    تفصیل کے مطابق شہر کے علاقے ہنجروال میں ایک خطرناک گروہ کا پردہ فاش ہوا ہے جو بچوں کو اغوا کر کے ان کے گردے نکالنے کا کام کرتا تھا۔ پولیس کے مطابق، ایک ملزم کو شہریوں نے رنگے ہاتھوں پکڑ لیا ہے جو ایک بچی کو اغوا کرنے کی کوشش کر رہا تھا۔ ملزم نے اپنی شناخت چھپانے کے لیے ڈھول بجانے والے کا روپ دھارا ہوا تھا۔

    ابتدائی تحقیقات سے پتہ چلا ہے کہ ملزم کا تعلق ایک بڑے گروہ سے ہے جو بچوں کو اغوا کر کے شیراکوٹ لے جاتا ہے جہاں ان کے گردے نکالے جاتے ہیں۔ ملزم نے اعتراف کیا ہے کہ وہ ایک بچے کے گردے کے بدلے میں پانچ ہزار روپے ملتے ہیں۔ اس نے یہ بھی بتایا کہ گردے نکالنے کے بعد بچوں کو نالے میں پھینک دیا جاتا ہے۔

  • وہاڑی: محتسب دفتر فعال، شہریوں کی شکایات کا فوری ازالہ, 101 فیصلے صادر

    وہاڑی: محتسب دفتر فعال، شہریوں کی شکایات کا فوری ازالہ, 101 فیصلے صادر

    وہاڑی(باغی ٹی وی رپورٹ)محتسب دفتر فعال، شہریوں کی شکایات کا فوری ازالہ, 101 فیصلے صادر

    تفصیل کے مطابق وہاڑی میں صوبائی محتسب پنجاب کا عوام دوست اقدامات جاری ہیں۔ ایڈوائزر محتسب پنجاب ریجنل دفتر وہاڑی، تنویر اقبال تبسم نے بتایا کہ دفتر میں آئے دن سائلین کی بڑی تعداد شکایات لے کر آتی ہے۔ انہوں نے کہا کہ ہر شکایت کو بغیر کسی تاخیر کے سنا جاتا ہے اور متعلقہ محکموں کو فوری کارروائی کے احکامات جاری کیے جاتے ہیں۔

    تنویر اقبال تبسم نے بتایا کہ رواں ماہ 101 فیصلے صادر کیے گئے ہیں اور 50 سے زائد نئی درخواستیں موصول ہوئی ہیں۔ انہوں نے کہا کہ محتسب کا دفتر شفاف اور عوام دوست ادارہ ہے جہاں کسی قسم کی فیس یا وکیل کی ضرورت نہیں ہوتی۔

    سائلین نے محتسب دفتر کے عملے کی خدمات پر اطمینان کا اظہار کیا اور انہیں بروقت انصاف فراہم کرنے پر شکریہ ادا کیا۔

  • سیالکوٹ: پسرور روڈ کی تعمیر کا آغاز، صحت اور صفائی کے اقدامات کا جائزہ لیاگیا

    سیالکوٹ: پسرور روڈ کی تعمیر کا آغاز، صحت اور صفائی کے اقدامات کا جائزہ لیاگیا

    سیالکوٹ (باغی ٹی وی،سٹی رپورٹر مدثر رتو )سیالکوٹ کے ڈپٹی کمشنر محمد ذوالقرنین نے شہر کی ترقی اور عوام کی بہبود کے لیے کئی اہم اقدامات کا آغاز کردیا ہے۔ انہوں نے 6 ارب روپے کی لاگت سے 27 کلومیٹر طویل سیالکوٹ پسرور روڈ کی تعمیر کا جائزہ لیتے ہوئے بتایا کہ اس منصوبے سے علاقے کی معاشی حالت میں بہتری آئے گی اور لوگوں کو سہولت میسر ہوگی۔

    ڈپٹی کمشنر نے پسرور کے گاؤں مالی پور میں وزیر اعلیٰ پنجاب کے ستھرا پنجاب پروگرام کے تحت صفائی مہم کا بھی جائزہ لیا۔ انہوں نے ہدایت کی کہ ہر گاؤں میں کوڑا کرکٹ جمع کرنے کے لیے مخصوص مقامات بنائے جائیں تاکہ ماحول کو صاف ستھرا رکھا جا سکے۔

    اس کے علاوہ، ڈپٹی کمشنر نے مختلف بنیادی صحت مراکز اور اسکولوں کا بھی دورہ کیا اور وہاں دستیاب سہولیات کا جائزہ لیا۔ انہوں نے متعلقہ حکام کو ہدایت کی کہ وہ لوگوں کو بہترین صحت کی سہولیات فراہم کرنے کے لیے مزید کوششیں کریں۔

  • قصور: پولیس کاایکشن،خطرناک ڈکیت گینگ گرفتار

    قصور: پولیس کاایکشن،خطرناک ڈکیت گینگ گرفتار

    قصور (باغی ٹی وی بیوروچیف غنی محمود): قصور پولیس نے ایک اہم کارروائی کرتے ہوئے ایک خطرناک ڈکیت گینگ کے تین ارکان کو گرفتار کر لیا ہے۔ ڈی پی او قصور محمد عیسیٰ خاں کی ہدایت پر تھانہ چھانگا مانگا پولیس نے عدیل مسیح ڈکیت گینگ کے خلاف کارروائی کرتے ہوئے ان تینوں ملزمان کو رنگے ہاتھوں دبوچ لیا۔

    پولیس کے مطابق ملزمان کے قبضے سے ساڑھے چار لاکھ روپے نقدی، دو موٹر سائیکلیں، موبائل فون اور اسلحہ برآمد ہوا ہے۔ ملزمان چھانگا مانگا جنگل اور آس پاس کے علاقوں میں راہگیروں سے نقدی، موبائل فون اور موٹر سائیکلیں چھیننے کی وارداتیں کرتے تھے۔

    ایس ایچ او انسپکٹر محمد اسمعیل بھٹی کی سربراہی میں تشکیل دی گئی ایک خصوصی ٹیم نے جدید ٹیکنالوجی کی مدد سے اس گینگ کو گرفتار کیا۔ ابتدائی تحقیقات میں ملزمان نے نواحی علاقوں میں ڈکیتی کی نو وارداتوں کا اعتراف کیا ہے۔ پولیس مزید تفتیش کر رہی ہے۔

    ڈی پی او قصور محمد عیسیٰ خاں نے تھانہ چھانگا مانگا پولیس کی اس کامیابی پر انہیں مبارکباد دی ہے۔

  • گوجرہ : یوم دفاع کے موقع پر ایک پر وقار تقریب کا اہتمام کیا گیا

    گوجرہ : یوم دفاع کے موقع پر ایک پر وقار تقریب کا اہتمام کیا گیا

    گوجرہ (نامہ نگار باغی ٹی وی عبدالرحمن جٹ) 6 ستمبر کو پورے پاکستان میں منائے جانے والے یوم دفاع کے موقع پر گوجرہ میں ایک پر وقار تقریب کا اہتمام کیا گیا۔ اس تقریب کا مقصد 1965 کی جنگ میں شہداء کی قربانیوں کو خراج عقیدت پیش کرنا تھا۔

    میونسپل کمیٹی گوجرہ میں منعقدہ اس تقریب کی سربراہی اسسٹنٹ کمشنر نعمان علی ڈوگر اور چیف آفیسر اشتیاق احمد گوندل نے کی۔ تقریب کا آغاز تلاوت قرآن پاک اور نعت خوانی سے ہوا۔

    خطاب کرتے ہوئے میونسپل آفیسر آئی شاہ رخ طارق نے کہا کہ 6 ستمبر 1965 کی جنگ میں پاکستانی افواج نے دکھائی جانے والی بہادری اور قربانیاں ہمیں ہمیشہ یاد رکھنی چاہئیں۔ اس دن بھارت نے پاکستان پر حملہ کیا تھا اور دونوں ممالک کے درمیان جنگ چھڑ گئی تھی۔ پاکستانی افواج نے دشمن کو کچل کر شکست دی تھی۔

    تقریب میں میونسپل کمیٹی کے افسران، سٹاف اور علاقہ کے لوگوں نے بڑی تعداد میں شرکت کی۔ آخر میں شہداء کے لیے دعا کی گئی اور ایک ریلی نکالی گئی۔ ریلی کے شرکا نے پاکستانی افواج کے حق میں نعرے بازی کی۔

  • سیالکوٹ:ریسکیو 1122 نے یوم دفاع جوش و جذبے سے منایا

    سیالکوٹ:ریسکیو 1122 نے یوم دفاع جوش و جذبے سے منایا

    سیالکوٹ (باغی ٹی وی ، سٹی رپورٹر مدثر رتو): پنجاب ایمرجنسی سروس ریسکیو 1122 سیالکوٹ نے یوم دفاع کو جوش و جذبے سے منایا۔ ضلعی حکومت کی جانب سے منعقدہ پرچم کشائی کی تقریب میں ریسکیو 1122 کے ریسکیورز اور ریسکیو سکاوٹس نے ہولیس، سول ڈیفنس اور رینجرز کے دستوں کے ہمراہ پرچم سلامی دی۔ یہ تقریب قلعہ پر منعقد ہوئی۔

    اس موقع پر بچوں نے ملی نغمے گائے اور دلکش ٹیبلو بھی پیش کیے۔ ریسکیو 1122 نے یوم دفاع کے موقع پر تمام سینٹرل ریسکیو اسٹیشنز پر تھیلیسیمیا کے مریض بچوں کے لیے بلڈ کیمپ کا انعقاد کیا۔ اس موقع پر بڑی تعداد میں ریسکیورز اور ریسکیو سکاوٹس نے خون کا عطیہ دیا۔

  • ڈیرہ غازی خان: کسانوں کو سہولیات کی فراہمی کے لیے کسان کارڈز کاؤنٹر قائم

    ڈیرہ غازی خان: کسانوں کو سہولیات کی فراہمی کے لیے کسان کارڈز کاؤنٹر قائم

    ڈیرہ غازی خان (باغی ٹی وی رپورٹ): وزیراعلیٰ پنجاب مریم نواز شریف کی ہدایت پر ڈیرہ غازی خان میں کسانوں کو سہولیات فراہم کرنے کے لیے کسان کارڈز کا کاؤنٹر قائم کردیا گیا ہے۔ ڈپٹی کمشنر مہر شاہد زمان لک نے زراعت آفس میں اس مرکز کا افتتاح کیا۔

    انہوں نے کارڈ وصولی، معلومات فراہمی کاؤنٹرز اور ہیلپ لائن کا معائنہ کرتے ہوئے کہا کہ وزیراعلیٰ کی ہدایت پر کسانوں کو سہولیات فراہم کرنا ہماری ترجیح ہے۔ انہوں نے تمام عملے کو ہدایت کی کہ سنٹر پر آنے والے ہر کسان کی بھرپور مدد کی جائے اور کسان فرٹیلائزرز، پیسٹی سائیڈز اور سیڈز حصول کے لیے حکومت پنجاب کے اقدامات سے فائدہ اٹھائیں۔

    ڈپٹی کمشنر نے مزید کہا کہ کسان کارڈز کی فراہمی کے عمل میں مکمل شفافیت ہونی چاہیے۔ انہوں نے کہا کہ وہ خود اس سنٹر کا باقاعدگی سے دورہ کرتے رہیں گے تاکہ یہ یقینی بنایا جا سکے کہ کسانوں کو بروقت مدد اور معلومات فراہم کی جا رہی ہے۔ انہوں نے بینک سٹاف اور دیگر عملے کو لوگوں کو مکمل رہنمائی دینے کی بھی ہدایت کی۔