Author: ڈاکٹرغلام مصطفی بڈانی

سیالکوٹ ،باغی ٹی وی( بیوروچیف شاہد ریاض کی رپورٹ )ڈپٹی کمشنر محمد ذوالقرنین نے تحصیل ہیڈکوارٹر ہسپتال ڈسکہ کا اچانک دورہ کیا۔ انہوں نے ایمرجنسی وارڈ، او پی ڈی اور فارمیسی کا معائنہ کیا اور صفائی ستھرائی کا جائزہ لیا۔ اس کے علاوہ، انہوں نے علاج کے لیے آنے والے شہریوں سے ہسپتال میں دستیاب سہولیات کے بارے میں بھی پوچھا۔

ڈپٹی کمشنر نے گورنمنٹ اسپیشل ایجوکیشن سنٹر ڈسکہ، گورنمنٹ ایلیمنٹری سکول رنجائی ڈسکہ اور قائد اعظم ڈویژنل پبلک سکول ڈسکہ کیمپس کا بھی اچانک دورہ کیا۔ انہوں نے اسٹاف کی حاضری چیک کی اور بچوں سے املاء اور ناظرہ کے ٹیسٹ بھی لیے۔ ڈپٹی کمشنر نے اساتذہ کو ہدایت کی کہ وہ بچوں کو کانسپٹ بیس سٹڈی کروائیں تاکہ وہ تعلیم کی اہمیت کو سمجھ سکیں اور ان میں تحقیق کرنے کی عادت پیدا ہو۔

ڈپٹی کمشنر نے میونسپل کمیٹی ڈسکہ کے مقامی حکام کے ہمراہ شہر میں جاری ترقیاتی منصوبوں اور گرین بیلٹس کا بھی معائنہ کیا اور متعلقہ حکام کو ہدایات جاری کیں۔ اس کے علاوہ، انہوں نے بنیادی مرکز صحت آلومہار شریف کا دورہ کرکے ادویات اور طبی سہولیات کی دستیابی کا جائزہ لیا۔

سیالکوٹ ،باغی ٹی وی( بیوروچیف شاہد ریاض کی رپورٹ)سلسلہ نقشبندیہ اویسیہ تنظیم الااخوان کا ماہانہ ذکر قلبی اجتماع منقد ہوا

تفصیل کے مطابق سلسلہ نقشبندیہ اویسیہ تنظیم الااخوان ضلع سیالکوٹ کا ماہانہ ذکر قلبی اجتماع دارالعرفان ڈسکہ مرکز میں منعقد ہوا۔ اس اجتماع میں ضلع بھر کے سالکین کی بھرپور شرکت ہوئی اور خواتین نے بھی کثیر تعداد میں شرکت کی۔

شیخ سلسلہ اور تنظیم الااخوان پاکستان کے امیر عبدالقدیر اعوان نے سالکین سے ویڈیو لنک کے ذریعے خطاب کیا۔ اس موقع پر صاحب مجاز عبدالحمید چھینہ ایڈووکیٹ نے نئے آنے والے ساتھیوں کو ذکر کی تعلیم دی۔

جنرل سیکرٹری ضلع سیالکوٹ عارف رفیق نے ستمبر میں دارالعرفان منارہ مرکز میں منعقد ہونے والے جلسہ بعثت رحمت کے بارے میں سالکین کو تفصیلی معلومات فراہم کیں۔

اس موقع پر ضلع بھر کے ذمہ داران کی ایک میٹنگ بھی منعقد ہوئی۔ آخر میں، ملک کی ترقی اور سلامتی کے لیے دعا کی گئی اور سالکین کو لنگر تناول کرایا گیا۔