گوجرانوالہ،باغی ٹی وی (نامہ نگار محمد رمضان نوشاہی) کمشنر گوجرانوالہ ڈوثرن نوید حیدر شیرازی نے کہا ہے کہ عزیز کراس تا چندا قلعہ جی ٹی روڈ کو پروٹیکٹڈ یوٹرن کے زریعے سگنل فری بنانے کےلئے بہت جلدکام کا آغاز کر دیا جائے گا اس سلسلہ میں تمام متعلقہ محکمے محکمہ ہائی ویز کے ساتھ مکمل تعاون کریں تاکہ مل جل کر اشتراک عمل سےاس فلاحی منصوبے کو جلد از جلد پائہ تکمیل تک پہنچایا جا سکے
ان خیالات کا اظہار انہوں نے اپنے دفتر میں چندا قلعہ تا عزیز کراس تک جی ٹی روڈ کو کارپیٹڈ سگنل فری کوریڈور بنانے کے سلسلہ میں منعقدہ اجلاس کی صدارت کرتے ہوئے کیا۔ڈائریکٹر ڈویلپمنٹ عبدالرؤف ،ایس ای ہائی ویز محمد نواز ،ڈی جی پی پی ایچ اے شاہد عباس جوتہ ،ایم ڈی واسا کاشان حفیظ بٹ ،کنزرویٹر فاریسٹ قاضی عبدالرحیم، ڈوثرنل آفیسر این ٹی سی عثمان شہزاد ،جی ایم گیپکو نوید چیمہ ،اے ڈی این ایچ اے لاہور غلام عباس ،اےڈی پی ایچ اے راشد چٹھہ ،محکمہ وایڈا،سوئی گیس ،ٹیلی فون ودیگر متعلقہ اداروں کے افسران نے اجلاس میں شرکت کی
کمشنر نے کہا کہ حکومت پنجاب نے پہلے سے موجود اور جاری ترقیاتی منصوبوں میں ہی تبدیلی کرتے ہوئے سگنل فری کوریڈوربنانے کا فیصلہ کیا ہے جس کے تحت جی ٹی روڈ سے ٹریفک سگنل ختم کر کے سگنل فری کوریڈوربنایا جائے گا جس سے جی ٹی روڈ پر چلنے والی گاڑیوں کو سہولت میسر آئے گی ۔اس منصوبے کا مقصد جی ٹی روڈ سےسفر کے وقت کا دورانیہ کوکم سے کم کرنا ہے جس سے نہ صرف گوجرانوالہ بلکہ دوسرے شہروں سے بھی آنے والے مسافروں کو فائدہ ہوگا۔ انہوں نے کہا کہ وزیر اعلیٰ پنجاب مریم نواز شریف کی ہدایات کے مطابق جی ٹی روڈ پر ٹریفک کی بندش کے باعث محکمہ ہائی ویز کے زیر اہتمام سگنل فری کوریڈوربنانے کا آغاز کیا جارہا ہے ہے۔
انہوں نے کہا کہ حکومت پنجاب کا مقصد سگنل فری کوریڈور کی تعمیر کے ذریعے شہریوں کو سہولت فراہم کرنا ہے۔ جس کا آغاز کر دیا گیا ہے۔ایس ای ہائی ویز محمد نواز نے بتایا کہ جی ٹی روڈ پر روانہ ایک لاکھ سے زائد گاڑیوں کی آمدورفت ہوتی ہے ۔اور ٹریفک بند رہنے سے شہری جہاں مشکلات کا شکار ہوتے ہیں وہیں سموگ اور آلودگی میں بھی اضافہ ہوتا ہے
انہوں نے بتایا کہ منصوبہ کی فزیبلٹی اسٹڈی مکمل کرنے کے بعد منصوبے پر کام شروع کر دیا جائے گا ۔مزید برآں، 12.75کلومیٹر کارپیٹڈ روڈ کے سگنل فری کوریڈور میں جی ٹی روڈ کی مختلف جگہوں پر 9یوٹرن، چندا قلعہ پرایک فلائی اوور ،10.5کلومیٹر سروس روڈ،روڈ کے دونوں اطراف 4000فٹ ڈریننز کی مرمت اور 19680فٹ کی ایک نئی ڈرین کی تعمیر اور 95871وی پی او ٹریفک کورٹ تعمیر کیے جائیں گے ۔
علاوہ ازیں اس منصوبے میں جی روڈ پر ری ماڈلنگ کا کام بھی شامل ہوگا۔ اور دونوں منصوبوں کی تکمیل کے بعد جی ٹی روڈ پر ٹریفک کا رش کم ہو جائے گا۔
