میہڑ،باغی ٹی وی (نامہ نگارمنظورعلی جوئیہ) عید کی خوشیاں ماتم میں تبدیل ،کتے کومارنے پر جھگڑا،مانموں کی فائرنگ سے 2 بھانجے ہلاک
تفصیل کے مطابق میہڑکے قریبی گاؤں سومرقمبرانی میں کتے کومارنے پر قمبرانی برادری کہ دوگروپ میں جھگڑا ہوا ہے ،اس جھگڑے میں وارث قمبرانی نے فائرنگ کرکے اپنے دو بھانجوں لکھمیر اور شہمیر کوقتل کردیا.
پولیس نے جائے وقوعہ پر پہنچ کر نعشوں کو پوسٹ مارٹم کے لئے ہسپتال منتقل کردیا ہے اور تفتیش شروع کردی ہے.
راولپنڈی(باغی ٹی وی)سانحہ 9 مئی میں بے گناہ لوگوں کو خدا اور رسول کیلئے معاف کیا جائے،سانحہ 9 مئی میں جن لوگوں نے جرم کیا ان کا ٹرائل کیا جائے،فارم 45 اور 47 والوں کو بھی مبارک باد دیتا ہوں: شیخ رشید
راولپنڈی میں نماز عید کی ادائیگی کے بعد میڈیا سے گفتگو کرتے ہوئے شیخ رشید کا کہنا تھا کہ اللہ نے چاہا تو ملک کے حالات بہتر ہوجائیں گے، دعا ہے اللہ ملک کے معاشی اور اقتصادی حالات بہتر کرے۔
انہوں نے کہا کہ میں ہارا ہوا ہوں، زیادہ تبصرہ کرنا مناسب نہیں سمجھتا، مجھے امید ہے پاکستان مسائل سے جلد باہر نکلے گا اور میں فارم 45 اور 47 والوں کو بھی مبارک باد دیتا ہوں
سابق وفاقی وزیر کا کہنا تھا کہ سانحہ 9 مئی میں بے گناہ لوگوں کو خدا اور رسول کیلئے معاف کیا جائے، سانحہ 9 مئی میں جن لوگوں نے جرم کیا ان کا ٹرائل کیا جائے۔
سولر پینلز انتہائی سستے ہوکرتاریخ کی کم ترین سطح پر آگئے،اس وقت یورپ سمیت دنیا کے مختلف ممالک میں سولر پینلز بہت سستے ہو گئے ہیں ،
جہاں دنیا بھر میں سولر پینلز سستے ہوئے ہیں وہیں پاکستان میں بھی ان کی قیمتوں میں واضع کمی دیکھنے میں آ رہی ہے۔ گذشتہ برس بھی شمسی توانائی سے بجلی بنانے والے پینلز کی قیمتوں میں کمی دیکھی گئی تھی۔
مارکیٹ میں اس وقت سات سے 15 کلو واٹ سسٹم کی قیمت دو لاکھ روپے تک گری ہے۔ سولر پینلز کی خرید و فروخت کا کام کرنے والے کاروباری افراد کا کہنا ہے کہ مختلف عوامل کی وجہ سے ایسا ہو رہا ہے۔ اور ابھی کچھ وقت تک قیمتوں میں مزید کمی ہوگی۔
ایک رپورٹ کے مطابق سولر پینلز کی قیمتیں کم ہونے کی وجہ عالمی مارکیٹ میں چینی کمپنیوں کی جانب سے سولر پینلز کی بڑھتی ہوئی پیداوار ہے۔ ضرورت سے زیادہ سولر پینلز کی سپلائی کے باعث مارکیٹ پر چین کی گرفت حد سے زیادہ بڑھ چکی ہے جس کا امریکہ اور یورب کے مینوفیکچررز مقابلہ کرنے سے قاصر ہیں۔
بین الاقوامی توانائی ایجنسی کے اندازے کے مطابق عالمی سطح پر سولر پینل کی سپلائی اس سال کے آخر تک 1,100 گیگا واٹ یا موجودہ طلب سے تین گنا زیادہ ہو جائے گی۔ ایجنسی نے مزید کہا کہ 2023 میں سپاٹ مارکیٹ پر قیمتیں پہلے ہی نصف تک گر چکی ہیں اور 2028 تک ان میں مزید 40 فیصد کمی کا امکان ہے۔
سیالکوٹ ،باغی ٹی وی (بیوروچیف شاہد ریاض سے)پسرور چونڈہ روڈ پر ویگو ڈالا اور 2 موٹر سائیکلوں میں تصادم،4 کم عمر لڑکے زخمی
پسرور چونڈہ روڈ لپے والی کے قریب ویگو ڈالا اور دو موٹر سائیکلوں کے درمیان ٹکر نتیجے میں چار کم عمر بچے زخمی ہوگئے ہیں، ویگو ڈالا پسرور سے چونڈہ کی طرف جارہا تھا اور موٹر سائیکل سوار چونڈہ سے پسرور کی طرف آرہے تھے جو آپس میں آمنے سامنے سے ٹکرا گئے
زخمی ہونے والوں میں موسیٰ ولد جاوید عمر 5 سال سکنہ کپور پور ، احمد ولد شبیر عمر 23 سال سکنہ لنگے منجکے ، حمزہ ولد شبیر عمر 12 سال سکنہ لنگے منجکے اور محمد ولد اسلم عمر 14 سال سکنہ لنگے منجکے شامل ہیں
ان میں کوئی بھی بچہ ایسا نہیں ہے جن کی عمریں اٹھارہ سال ہوں، ایکسیڈنٹ کی بڑی وجہ تیز رفتاری اور کم عمر ڈرائیورز ہیں
شہریوں کاکہنا ہے کہ والدین اور قانون نافذ کرنے والے اداروں کو سختی سے ان حادثات کی روک تھام کیلئے اپنی اپنی ذمہ داری نبھانا چاہئے،
چترال،باغی ٹی وی (گل حماد فاروقی) چیف سیکرٹری خیبر پختون خواہ کے ہدایت پر تحصیل میونسپل انتظامیہ کے عملہ نے تحصیل میونسپل آفیسر محمد حنیف کے نگرانی میں چترال ٹاون کے مختلف بازاروں کی صفائی
چیف سیکرٹری خیبر پختون خواہ کے ہدایت کے مطابق تحصیل میونسپل انتظامیہ میں کام کرنےوالے خاکروبوں نے عید کے دن چھٹی نہیں کی بلکہ عید کے دن صفائی کی۔ ٹی ایم او چترال محمد حنیف نے ہمارے نمائندے کو بتایا کہ صوبائی حکومت نے ہدایت کی تھی کہ عید کے دن صفائی کا عملہ چھٹی نہیں کرے گا بلکہ صفائی کرے گا تاکہ عید کے موقع پر پورے خیبر پختون خواہ کے تمام اضلاع صاف ستھرےرہیں۔
ڈپٹی کمشنر چترال اور ایڈیشنل اسسٹنٹ کمشنر نے بھی چترال بازار کا دورہ کرکے صفائی کے کام کا معائنہ کرکے اس پر تسلی کا اظہار کیا۔ ہمارے نمائندے سے بات کرتے ہوئے ٹی ایم او چترال محمد حنیف نے بتایا کہ ٹی ایم اے چترال اگرچہ کافی مالی مشکلات کا شکار ہے پچھلے دنوں صفائی کے عملہ نے ہڑتال بھی کی تھی کیونکہ ان کو کئی مہینوں سےتنخواہیں نہیں ملی تھی مگر اس کے باوجود ہماری کوشش ہوں گی کہ شہر کو صاف ستھرا رکھیں تاکہ شہریوں اور یہاں آنے والے سیاحوں کو کسی قسم کی مشکلات پیش نہ ہو ں اور گندگی کی وجہ سے چترال پھولوں کی بجائے گندگی کا شہر نظر آئے۔
اس موقع پر ایڈیشنل اسسٹنٹ کمشنرز اور ضلعی انتظامیہ کا دیگر عملہ بھی موجود تھا جو اس صفائی مہم کی نگرانی کررہے تھے۔چترال کے عوام نے ٹی ایم اے کے اس عمل کو نہایت سراہا کہ انہوں نے عید کے دن بھی چھٹی نہیں کی اور چترال کی صفائی ستھرائی میں سارا دن مصروف عمل رہے۔
سیالکوٹ، باغی ٹی وی (شاہد ریاض بیوروچیف ) پینے کے صاف پانی کی فراہمی, فلٹریشن پلانٹ کیلئے جامع پروگرام پر عمل کیا جارہاہے۔یونس مرزا
چیئرمین مدینہ ٹرسٹ انجینئر محمد یونس مرزا نے کہا ہے کہ مدینہ ٹرسٹ پینے کے صاف پانی کی فراہمی کے لئے فلٹریشن پلانٹ لگانے کے ایک جامع پروگرام پر عمل درآمد کر رہا ہے جس کے تحت دیہات کے ساتھ ساتھ سرکاری سکولوں اور پولیس سٹیشن سمیت پبلک مقامات پر فلٹریشن پلانٹ لگا کر اپنا قومی او ملی فریضہ سرانجام دے رہا ہے۔
انہوں نے ان خیالات کااظہار پولیس تھانہ ہیڈ مرالہ میں مدینہ ٹرسٹ کے زیرانتظام مدینہ ٹرسٹ فلٹریشن پلانٹ کے افتتاح کے دوران کیا۔
انہوں نے مزید کہا کہ مدینہ ٹرسٹ نے منظور احمد مرزا کے صاحب زادے احسان مرزا کی مدد سے ڈھلے والی میں پہلا فلٹریشن پلانٹ لگایا جو کامیابی سے چل رہا ہے اب ایس ایچ اومرا لہ کاشف علی بٹ کی درخواست پر پولیس تھانہ ہیڈ مرالہ میں پلانٹ کا افتتاح کر کے انہیں دلی خوشی ہو رہی ہے۔
ایس ایچ اومرا لہ کاشف علی بٹ نے مدینہ ٹرسٹ کے چیئرمین انجینئر محمد یونس مرزا، ٹرسٹی عبدالشکور مرزا، چودھری محمد نواز کا فلٹریشن پلانٹ لگانے پر شکریہ ادا کیا۔
صدرگرینڈ اوورسیز کلب یو کے نے مدینہ ٹرسٹ کی طرف سے صاف پانی کی فراہمی کے منصوبے کی بھر پور مالی اور اخلاقی معاونت کرنے کی یقین دہانی کروائی۔
اس موقع پر صوفی عبدالجلیل چاچا کرکٹ، عبدالشکور مرزا، ملک راشد پرویز اعوان، زاہد شریف،عمران چودھری اور صوفی محمد یونس چودھری بھی موجود تھے
سرگودھا،باغی ٹی وی ( ادریس نواز چدھڑ سے ) عید الفطر کے موقع پر سرگودھا پولیس کی جانب سے حتمی سیکیورٹی پلان تشکیل دے دیا گیا،ضلع بھر میں چاند رات اور عید الفطر کے موقع پر سیکیورٹی کے فول پروف انتظامات کیئے جائیں گے ۔
ترجمان پولیس کے مطابق ضلع بھر میں 500 سے زائد مقامات پر عید الفطر کے اجتماعات منعقد کیئے جائیں گے ۔ چاند رات اور عید الفطر پر 1600 سے زائد اہلکار سیکیورٹی ڈیوٹی کے فرائض سر انجام دیں گے ۔
ٹریفک کی روانی کو برقرار رکھنے کے لیے علیحدہ پلان مرتب کیا گیا ہے ۔ سی سی ٹی وی کیمروں اور واک تھرو گیٹس سے سیکیورٹی انتظامات کو فول پروف بنایا گیا ہے ۔ ضلع بھر میں تمام پولیس اہکاروں کی چھٹیاں منسوخ کر دی گئی ہیں ۔
اہم شاہراہوں پر خصوصی ناکہ بندی پوائنٹس قائم کیئے گئے ہیں ۔ چاند رات پر بازاروں میں پولیس پکٹس قائم کر کے اضافی نفری تعینات کی جائے گی ۔
عید کے تمام اجتماعات کی نماز سے قبل حساس اداروں سے سرچنگ سویپنگ کروائی جائے گی ۔ عید گاہوں اور دیگر عبادت گاہوں کی سیکیورٹی کے لیے منتظمین کو بھی آن بورڈ لیا گیا ہے ۔ چاند رات اور عید کے موقع پر ضلع بھر میں تمام شاہراہوں پر پولیس موبائلز ، محافظ اسکواڈ اور ایلیٹ کی ٹیمیں گشت کناں رہیں گی ۔
عید پر پارکس اور دیگر تفریحی مقامات پر بھی سیکیورٹی فراہم کی جائے گی ۔ ہلڑ بازی ، ہوائی فائرنگ اور ون وہیلنگ کرنے والوں کے خلاف قانونی کارروائی کی جائے گی ۔
اس موقع پر ڈی پی او سرگودھا نے کہا کہ امن وامان کو یقینی بنایا جائے گا ۔ کسی بھی شرپسندی کو برداشت نہیں کیا جائے گا ۔ ہوائی فائرنگ کرنے والوں سے آہنی ہاتھوں نمٹا جائے گا ۔
پرامن رمضان کے بعد پرامن عید کے لیے تمام وسائل بروئے کار لائے جا رہے ہیں ۔ پرامن رہ کر ذمہ دار شہری ہونے کا ثبوت دیں ۔
اپنے بچوں پر خصوصی نظر رکھیں، ون ویلنگ جیسے خطرناک کھیل سے اجتناب کریں، امن و امان قائم رکھنے میں پولیس کا ساتھ دیں ۔
سرگودھا،باغی ٹی وی( ادریس نواز چدھڑ سے ) تھانہ سٹی پولیس کی بڑی کارروائی ،مختلف ممالک میں گاڑیاں چوری کر کے بیچنے والے بین الاقوامی گروہ کا سرغنہ گرفتا ر، کروڑوں روپے کی گاڑیاں برآمد
تفصیلات کے مطابق ڈی پی او سرگودھا کی ہدایت پر تھانہ سٹی پولیس نے کارروائی کرتے ہوئے مختلف ممالک میں گاڑیاں چوری کرکے بیچنے والے بین الاقوامی گروہ کا سرغنہ گرفتار کر کے ملزم کے قبضہ سے کروڑوں روپے کی گاڑیاں برآمد کر لیں
پولیس ذرائع کے مطابق مختلف ناموں سے پہچان رکھنے والا ملزم گلفام پاکستان اور افغانستان کے مختلف شہروں سے گاڑیاں چوری کر کے فروخت کرتا تھا ۔
ملزم نے دوران تفتیش انکشاف کیا کہ وہ سرگودھا، اسلام آباد، راولپنڈی، کراچی اور افغانستان سے گاڑیاں چوری کر کے سستے داموں فروخت کرتا تھا ۔ تھانہ سٹی پولیس نے ملزم سے 1 کروڑ 20 لاکھ روپے مالیت کی 3 گاڑیاں برآمد کر لیں ۔
برآمدہ مال مسروقہ بعد از قانونی کارروائی اصل مالکان کے حوالے کیا جائے گا ، ایس ایچ او تھانہ سٹی کے مطابق ملزم کے خلاف قانونی کارروائی عمل میں لائی جا رہی ہے ۔
بہترین کارروائی پر ڈی پی او سرگودھا نے ایس ایچ او تھانہ سٹی منظور احسن اور ان کی ٹیم کو شاباش دی ہے.
سیالکوٹ،باغی ٹی وی( بیوروچیف شاہدریاض)قصابوں کی تیز چھریاں دیکھ کر انتظامیہ دُم دبا کر بھاگ گئی،گوشت کا من مرضی نرخ مقرر
سیالکوٹ اور گرد نواح میں بڑا گوشت 1000 روپے سے1200 روپے جبکہ چھوٹا گوشت 2000 روپے کلو سے لیکر 2200 روپے کلو اور چکن 700روپے کلومیں فروخت ہونے لگا شہریوں نے متعلقہ حکام ڈپٹی کمشنر سیالکوٹ سے فوری نوٹس لینے کا مطالبہ کیا ہے
قصابوں نے حکومتی ریٹ لسٹیں ہوا میں اڑا دیں ، جس کے بعد بڑا گوشت ایک ہزار سے بارہ سو روپے جبکہ چھوٹا گوشت بائیس سو روپے کلو اور مرغی فارمی 700روپے میں فروخت ہونے لگی
قصابوں نے کہا ہے عید کے دن ریٹ بارہ سو سے زیادہ میں فروخت کریں گے غربت اور حالات کی ستائی عوام نے متعلقہ حکام ڈپٹی کمشنر سیالکوٹ سے نوٹس لینے کا مطالبہ کیا ہے
شہریوں کا مزید کہنا ہے کہ اگر گوشت کے ریٹ کم نہ ہوئے تو بہت سے گھروں میں عید کے دن بھی دال پکے گی
حکومتی مشینری سرکاری ریٹ لسٹ پر اشیا خوردونوش فروخت کروانے میں مکمل طور پر ناکام ہوچکی ہے، پرائس کنٹرول مجسٹریٹ اپنی دیہاڑیوں کے چکر میں بند کمروں بیٹھ کر سب أچھا کی رپورٹ حکام بالا تک پہنچا رہے ہیں
سیالکوٹ ،باغی ٹی وی (بیوروچیف شاہدریاض) گورنمنٹ گرلز ڈگری کالج چونڈہ میں کلرک طالبات کی داخلہ فیسیں لیکر فرار ،سٹوڈنٹس رولنمبر سلپس کی منتظر ،بچیوں کا سال ضائع،والدین سراپا احتجاج
تفصیلات کے مطابق کالج میں زیر تعلیم 192 بچیوں نے داخلہ فیسیں جمع کروائیں ، جن میں سے 133 بچوں کا داخلہ بھیجا گیا ۔ باقی طالبات اپنی رولنمبر سلپس کی منتظر ۔ بچیوں کے والدین کا کہنا تھا کہ کلرک حسیب نے فی کس 2500 روپیہ داخلہ فیس وصول کی لیکن داخلہ نہ بھیجا ۔
اب جب ہم نے رولنمبر سلپ کا مطالبہ کیا تو کالج انتظامیہ نے بتایا کہ آپکا داخلہ ہی نہیں گیا ۔ لہذا آپ لیٹ فیس کے مطابق فی کس 33 ہزار روپیہ جمع کروائیں تاکہ آپکی رولنمبر سلپ جاری کیجائے ۔
والدین کا حکومت پنجاب اور محکمہ ایجوکیشن سے فوری نوٹس لینے کا مطالبہ کیا ہے