Author: ڈاکٹرغلام مصطفی بڈانی

سیالکوٹ ، باغی ٹی وی( بیوروچیف شاہد ریاض سے) ڈپٹی کمشنر سیالکوٹ محمد ذوالقرنین کا نجی سکول علامہ اقبال پبلک سکول عزیز شہید روڈ میں قائم بورڈ آف انٹرمیڈیٹ اینڈ سیکنڈری ایجوکیشن گوجرانوالہ کے قائم امتحانی مرکز کا اچانک دورہ، دورہ کے دورہ ڈپٹی کمشنر نے غیر قانونی، بے قاعدگیوں پر نوٹس،

ڈپٹی کمشنر کے حکم پر ایگزمینیشن ہال کے سامنے بلا جواز کھڑے عرفان یوسف بھٹی نامی مشتبہ شخص کو حراست میں لے لیا گیااور اس سے موبائل فون برآمد کرلیا برآمد شدہ موبائل فون کی میموری فون سے گذشتہ پرچہ کی بابت پیغامات بھی تھے۔

ڈپٹی کمشنر نے کہا کہ بورڈ،یونیورسٹی ایکٹ کے تحت ایگزمینیشن ہال میں موبائل فون لانے اور پیپر کی فوٹو بنانے کی کسی کو بھی اجازت نہ ہے۔ ڈپٹی کمشنر نے سوالیہ پرچے پر اسٹوڈنٹس کی جانب سے رول نمبر نہ لکھنے پر سپرینٹنڈنٹ جو سوالیہ پرچے پر رول نمبر درج کروانے کا پابند ہے کو ہدایت کی کہ وہ رول نمبر لکھوائے۔

ڈپٹی کمشنر نے سپرینٹنڈنٹ مشہود الرحمن اور ریذیڈنٹ انسپکٹر عبدالواسع کو امتحانی مرکز پر ہونے والی مشتبہ سرگرمیوں کے ذمہ دار قرار دیتے ہوئے بورڈ آف انٹرمیڈیٹ اینڈ سیکنڈری ایجوکیشن گوجرانوالہ کو عرفان یوسف بھٹی کے خلاف ایف آئی آر درج کروانے اور امتحانی مرکز پر سپرنٹینڈنٹ ، ڈپٹی سپرنٹینڈنٹ اور دیگر سٹاف کو فوری تبدیل کرکے فرض شناس اور ایماندار عملہ کی تعیناتی کی سفارش کی تاکہ امتحانات کے شفاف اور پُرسکون انعقاد کو یقینی بنایا جاسکے۔

بعد ازاں ڈپٹی کمشنر محمد ذوالقرنین نے مظفر پور ریلوے پھاٹک پر زیر تعمیر ہے فلائی اوور کے منصوبے پر جاری کام کی رفتار اور معیار کا بھی تفصیلی جائزہ لیا اور اس ضمن میں متعلقہ حکام کو ہدایات جاری کیں۔

سیالکوٹ،باغی ٹی وی (بیورورپورٹ)فائرنگ سے نوجوان زخمی،گیس ری فلنگ کرنیوالا ملزم گرفتار،15سالہ لڑکی اغواء، کارچورلے گئے

تھانہ سٹی کے علاقہ چونگی نمبر6 پر نامعلوم ملزمان کی مبینہ فائرنگ سے نوجوان زخمی،زخمی کی شناخت 19سالہ مجیب خان سکنہ مندرانوالہ کے نام سے ہوئی ،نوجوان مجیب کو زخمی حالت میں ہسپتال منتقل کردیا گیا، واقعہ کے بعد ملزمان جائے وقوعہ سے فرار ہوگئے، تھانہ سٹی پولیس نے کاروائی کا آغاز کرتے ہوئے ملزمان کی تلاش شروع کردی۔

پابندی کے باوجود گیس ری فلنگ کرنیوالا ملزم رنگے ہاتھوںگرفتار پولیس کو مخبرخاص نے اطلاع دی کہ لاری اڈا میں دوکاندار نبیل پابندی کے باوجود گیس ری فلنگ کررہاہے پولیس نے چھاپہ مار کر ملزم کو سرعام گیس ری فلنگ کرتے ہوئے گرفتارکرکے مقدمہ درج کرلیاہے

نامعلوم مرد اور عورت نے پندرہ سالہ لڑکی کواغواکرلیا نواحی گائوں وڈالہ سندھواںکے ثناء اللہ کی پوتی کو اس کی کلاس فلونے باہربلایا جب وہ گھرسے باہرگئی تو اسی دوران نامعلوم مرد اور عورت اس کی پوتی کو زبردستی کیری ڈبہ میں ڈال کر اغوا کرکے لے گئے پولیس نے مقدمہ درج کرلیاہے

نامعلوم چور کاراور موٹرسائیکلیں چوری کرکے لے گئے ڈسکہ کا نعمان اپنی کار نمبری ایل ای اے 1760گھرکے باہرکھڑی کرکے گیاجس کونامعلوم چور چوری کرکے لے گئے ڈسکہ کا فراز اور سفیان اپنی اپنی موٹرسائیکلیں گھروں کے باہرکھڑی کرکے گئے جنہیں نامعلوم چورچوری کرکے لے گئے پولیس نے مقدمہ درج کرلیاہے

سیالکو (باغی ٹی وی)ڈسکہ وگردونواح میں نوجوان بھکارنوں کی یلغار، علاقہ مکین پریشان بھیک مانگنے والے بچے، بچیوں نے شہریوں کے ناک میں دم کر رکھا، علاقہ مکین پر یشان، اعلیٰ حکام نوٹس لیں

علاقہ کی سیاسی وسماجی حلقوں کی دہائی گزشتہ کئی ماہ سے علاقہ میں بھیک مانگنے والوں کی تعداد میں دن بدن اضافہ ہورہا ہے جس میں زیادہ تعداد نو جوان لڑکیوں اور چھوٹے چھوٹے بچے بچیوں کی ہے۔

جنہوں نے سودا سلف خریدنے والے شہریوں کے ناک میں دم کر رکھا ہے مانگنے والے بچے بچیاں زبردستی ہر آنے جانے والے خریداروں کو کپڑوں سے پکڑ کر بھیک مانگتے نظر آتے ہیں ان مانگنے والوں میں کچھ جرائم پیشہ عناصر بھی ہوتے ہیں جو مانگنے کیساتھ چوریاں بھی کرتے ہیں

جبکہ نوجوان لڑکیاں بھیک کے ساتھ ساتھ غلط کاریوں میں بھی مصروف ہو تی ہیں علاقہ کی سیاسی وسماجی حلقوں نے اعلیٰ حکام سے اصلاح واحوال کا مطالبہ کیا ہے۔