سیالکوٹ،باغی ٹی وی (بیوروچیف شاہد ریاض سے)شہری سے رشوت وصول کرتے بدنام زمانہ سوشل ویلفیئر افسر ملک عدنان گرفتار
تفصیل کے مطابق شہری سے رشوت وصول کرتے بدنام زمانہ سوشل ویلفیئر افسر ملک عدنان گرفتار ، سوشل ویلفیئر افسر اسپیشل پرائس کنٹرول مجسٹریٹ تعینات ہے ۔
سیالکوٹ سرکل آفیسر اینٹی کرپشن ملک ندیم منور نےمجسٹریٹ کے ہمراہ کارروائی کرتے ہوئے ملزم کو رنگے ہاتھوں گرفتارلیا،مجسٹریٹ نے نشان لگے نوٹ بھی برآمد کر لئے
ملزم نے شہری عثمان اقبال سے 50 ہزار روپے رشوت کے طور پر وصول کئے تھے
سیالکوٹ،باغی ٹی وی( بیوتوچیف شاہد ریاض سے) پتنگ بازی خونی کھیل کی بھینٹ سینکڑوں انسان چڑ چکے اب اس کھیل کو مکمل طور پر بند ہونا چاہئے، چیئر مین ایچ ڈبلیو او شہزاد اکبر بٹ ایڈووکیٹ
تفصیلات کے مطابق چیئر مین ہیو مین ویلفیئر آرگنائزیشن(پاکستان) شہزاد اکبر بٹ ایڈووکیٹ نے کہا کہ فیصل آباد میں دھاتی ڈور سے گردن کٹنے کی وجہ سے نوجوان کی موت نے پوری قوم و جنجوڑ کر رکھ دیا ہے جب بھی کو ئی حادثہ رونما ہوتا ہے تو چند روز ادارے Active رہتے جس وجہ سے انسانی جانوں کے ضیاء کا سلسلہ تھمنے کا نام نہیں لیتا حادثہ کے انتظار کی بجائے ان کو جڑ سے ختم کرنے کی ضرورت ہے سینکڑوں انسان اس خونی کھیل کی نظر ہو چکے ہیں
تقریباً دودہائیوں سے اس خونی کھیل کو بند کروانے کیلئے آگاہی مہم پرنٹ،الیکٹرانک،سوشل میڈیا،سیمینار،پروگرامز،بینرز،فلیکس کو Public Place پر آویزاں کرنے،پمفلٹ وغیرہ کے ذریعے سلسلہ جاری ہے اور بیشمار درخواستیں دی گئیں
4 اپریل2022 کو پانچ سالہ طلحہ شہبازگردن پر ڈور پھرنے سے موت کی آغوش میں چلا گیانا معلوم ملزمان کیخلاف تھانہ نیکا پورہ میں مقدمہ نمبر376/22 درج ہوا 26فروری 2023کو 22 سالہ نوجوان شمس علی دھاتی ڈور گردن پر پھرنے سے زندگی کی بازی ہار گیا جس پر مقدمہ نمبر 236/23تھانہ نیکا پورہ میں درج ہو ا ان جیسے مزید واقعات کو روکنے کیئے درخواستیں دی گئیں
اس شیطانی کھیل کو بند کرنے کیلئے سخت اور مستقل بنیادوں پر حکمت عملی بنانے کی ضرورت ہے کیمیکل ڈور پتنگیں بنانے اور فروخت کرنے والے اڈوں کو مستقل طور بند کیا جائے پتنگیں اور ڈور ہی نہیں ملے گی تو خونی کھیل کو کنٹرول کرنے میں آسانی ہو گی مریم نواز وزیر اعلیٰ پنجاب پتنگ بازی کو مکمل طور پر بند کروانے کیلئے سخت اقدامات اٹھائے.
میرپور ماتھیلو ،باغی ٹی وی (نامہ نگار مشتاق علی لغاری) گھوٹکی پولیس کا جرائم پیشہ افراد کے خلاف کریک ڈاؤن،متعدد گرفتار
گھوٹکی پولیس کی جاری کردہ پریس ریلیز کے مطابق ایس ایس پی گھوٹکی ڈاکٹر سمیر نور چنہ کی ہدایت پہ گھوٹکی پولیس کا جرائم پیشہ افراد کے خلاف کریک ڈاؤن۔
تھانہ اباڑو پولیس نے دورانِ گشت خفیہ اطلاع پر کارروائی کرتے ہوئے،نصیر دوندھو لنک روڈ نزد صوفی محمد علی پل سے ایک ملزم غلام حسین ولد چھٹو ملک سکنہ گوٹھ بانہو ملک تعلقہ ڈھرکی کو بغیر لائسنس ایک پسٹل اور دو عدد گولیوں سمیت گرفتار کر لیا۔
پولیس گرفتار ملزم کو برآمد اسلحہ سمیت تھانہ میں لے آئی اور اس کے خلاف بغیر لائسنس پسٹل رکھنے کے جرم میں کرائم نمبر 73/2024 دفعہ 24 سندھ آرمز ایکٹ کے تحت مقدمہ درج کر دیا گیا.
اسکے علاوہ تھانہ اباڑو پولیس نے دورانِ گشت خفیہ اطلاع پر کارروائی کرتے ہوئے، نیشنل ہائی وے روڈ نزد راٹھہ آباد سے ایک ملزم محسن علی ولد خالق ڈنو میرانی سکنہ گوٹھ چھٹی میرانی تعلقہ و ضلع گھوٹکی کو 100 عدد گٹکا پان پراگ کی پڑیوں اور نقد رقم سمیت گرفتار کر لیا۔
پولیس گرفتار ملزم کو برآمد پان پراگ سمیت تھانہ میں لے آئی اور اس کے خلاف کرائم نمبر 72/2024 دفعہ 4/8 گٹکا مین پڑی ایکٹ کے تحت مقدمہ درج کرکے پابند سلاسل کردیا.
تھانہ اے سیکشن پولیس نے خفیہ اطلاع پہ کاروائی کرتے ہوئے،نزد چاکی ہوٹل گھوٹکی سے تاش کے پتوں پہ جواء کھیلتے ہوئے ملزمان/جواریوں پہ چھاپہ مارکر 06 جواریوں معشوق عاربانی،منظور عاربانی،منصور عاربانی اور راجہ مقصود کولاچی والوں کو 52 پتے تاش اور 5000 نقد رقم سمیت گرفتار کرلیا۔
جبکہ دو نامعلوم جواری/ملزمان فرار ہو گئے۔
پولیس گرفتار ملزمان/جواریوں کو تھانہ پر لے آئی،گرفتار ملزمان اور فرار ملزمان کے خلاف کرائم نمبر 122/2024 دفعہ 5 سندھ جواء ایکٹ کے تحت مقدمہ درج کر دیا گیا۔
اسکے علاوہ تھانہ خانپور مہر پولیس نے دورانِ گشت خفیہ اطلاع پہ کارروائی کرتے ہوئے،تاش کے پتوں پرجواء کھیلتے ہوئے ملزمان پر چھاپہ مارکر 05 جواریوں سائینداد ملک،لعل محمد ملک،محمد جیئل ملک،عرض محمد ملک اور شوکت علی شیخ کو ایک عدد تاش،تین موبائل فونز اور نقدی سمیت تحویل میں لے لیا.
میرپورماتھیلو،باغی ٹی وی (نامہ نگارمشتاق علی لغاری)بے نظیر انکم سپورٹ پروگرام رقوم کٹوتی،حبیب بنک ماسٹرمائنڈ نکلا
تفصیل کے مطابق بے نظیر انکم سپورٹ پروگرام کٹوتی کی اصل وجہ سامنے آگئی ہے کچھ ریٹیلر نے نام ظاہر نہ کرنے کی شرط پر بتایا ہے کہ ہمیشہ ہی ریٹیلرز پر الزام لگایا جاتا ہے کہ یہ کٹوتی کرتے ہیں جب اس کٹوٹی اور کرپشن کی وجہ ریٹیلرز نہیں بلکہ حبیب بینک خود ہے کیونکہ کے بینک ہر ریٹیلرز سے ہر مہینے تقریباً 30000 ہزار روپے بنڈل کی صورت میں وصول کرتا ہے جب کہ جو ریٹیلرز کو بینک کمیشن دیتا ہے وہ تقریباً 14 روپے ہے
ے نظیر انکم سپورٹ پروگرام کی قسط ہر 3 مہینے بعد جاری کی جاتی ہے جبکہ HBL بینک ہر مہینے ریٹیلرز سے 30000 ہزار بنڈل کی صورت میں وصول کرتا ہے،ڈیوائس جب دی جاتی ہے توبنک کے کرتادھرتا ڈھائی سے تین لاکھ روپے ایڈوانس میں لیتے ہیں اور ایچ بی ایل بینک کے ارباب اختیارریٹیلرز کا کمیشن بھی ہڑپ کرجاتے ہیں
ذرائع کابتانا ہےبنک عملے کو ریٹیلرکوعلیحدہ سے خرچہ پانی بھی دینا ہوتا ہےجو خرچہ یاکمیشن نہ دے اس پر ناجائزکٹوٹی کالزام لگاکراس کی ڈیوائس بلاک کردی جاتی ہے ،اس بناپر ریٹیلر زبنک کے ارباب اختیارکے ہاتھوں بلیک میل ہوکر مجبوراََ کرپشن کرنےکیلئے کٹوتی کرتا ہے
ذرائع کاکہناہے کہ حبیب بنک نےریٹیلرزسے سیکورٹی کی مد تقریباً جودو لاکھ روپے لئے ہوئے ہیں ،وہ رقم بھی رٹیلر کوواپس کرنے کی بجائے بینک کاکرپٹ عملہ ہضم کر جاتاہے،
عوامی وسماجی حلقوں نے وزیراعظم شہبازشریف سے بینظیرانکم سپورٹس پروگرام میں مبینہ ہونے والی کرپشن اورحبیب بنک کے ملوث افسران کے خلاف تحقیقات کامطالبہ کیا ہے
سندھ کے تین اضلاع ڈاکوؤں کی ریاست بن گئے
تحریر : ڈاکٹر غلام مصطفیٰ بڈانی
ڈاکوؤں کی یہ ریاست سندھ ، پنجاب اور بلوچستان کے سنگم پر واقع سندھ کے ضلع کشمور میں واقع ہے،ڈاکوئوں کی یہ ریاست گبلو ، درانی مہر ، کچو کیٹی ، میانی ، حاجی خان شر ، گڑھی تیغو ، ناپر کوٹ ، ڈیرا سرکی سمیت کئی چھوٹے چھوٹے علاقوں پر مشتمل ہے،اس وقت سندھ کے تین اضلاع عملاََ ڈاکوئوں کے قبضے میں ہیں، ان اضلاع میں کشمور ، شکارپور اور گھوٹکی شامل ہے،یہ ڈاکوسٹیٹ صدرپاکستان آصف علی زرداری،وزیراعظم پاکستان میاں شہبازشریف اور آرمی چیف جنرل سیدعاصم منیر کیلئے کھلاچیلنج بن کر سینہ تانے کھڑی ہے،ڈاکوئوں کی اس ریاست میں نوجوان نسل برسر روزگار ہورہی ہے، جن کا عزم امن کو برباد کرنا ہے،ان ڈاکوئوں نے لوگوں سے لاکھوں کروڑوں لوٹنے کے نت نئے طریقے ایجاد کئے ہوئے ہیں
لوگ مہنگائی اور بے روزگاری سے پریشان ہونے کے ساتھ ساتھ بدامنی کی سنگینیت سے بھی دو چار ہیں، ہر آدمی اپنا تحفظ کرنے کے لیے اسلحہ استعمال کرنے پر مجبور ہوگیا ہے۔چند روز قبلسکول ٹیچر ا اللہ رکھیو نندوانی نے سکول جاتے ہوئے بندوق ہاتھوں میں لیے ایک وڈیو بیان جاری کیا تھا جسے ایک ہفتے کے اندر ڈاکوئوں نے سر عام قتل کردیا۔
اسی طرح آج گذشتہ رات تنگوانی کے قریب تنگوانی غوث پور لنک لنک روڈ گائوں لشکر خان کے نزدیک لاڑو پولیس کی گشت پرمامورموبائل پر نامعلوم ڈاکوئوں نے حملہ کر دیا ،اس حملے کے نتیجے میں پولیس اہلکار شہید ہو گیا۔شہید پولیس اہلکار کی شناخت محمد اسماعیل ڈاہانی کے نام سے ہوئی ہے،اس قبل بھی اسی شہید پولیس اہلکارجوپولیس ملازم تھا اسے بھی ڈاکوئوں نے شہید کردیا تھا،ان ڈاکوئوں سے جہاں پولیس محفوظ نہیں وہاں عوام کے کیا حالات ہوں گے ،اس کااندازہ لگانا مشکل نہیں ہے
ان علاقوں میں ماہ رمضان میں اغوا، ڈکیتی اور قتل کے واقعات میں ریکارڈ اضافہ ہوا۔ اغوا ہونے والوں کی تعداد 20 سے تجاوز کر گئی،اکثرشادی کاجھانسہ دیکر لوگوں کو اغوا ء جاتا ہے۔اغوا ء ہونے والوں میں بی سیکشن تھانہ کی حدود سے در محمد گولو ، علی بہارسہریانی ، شمن علی سہریانی ، ذیشان سہریانی ، صدر الدین میرانی ، خالد علی میرانی کو اغوا کیا گیا۔تھانہ غوث پور کی حدودسے جاوید شیخ ، محمد رافع سمیجو ، گل محمد گولو ، منور علی چنو، مجید ٹانوری کو اغوا کیا گیا۔تھانہ تنگوانی کی حدود سے عباس جعفری اور تھانہ میانی سے شیر محمد بھٹو نا می شخص کو اغوا کیا گیا۔تھانہ کشمور سے علی داد کلوڑ ، تھانہ کرم پور سے عبید اللہ سمیجو ، علی شیر شیخ ، سہراب شیخ ، میر خان شیخ کو اغوا ء کیا گیا۔اور تھانہ بخشاپور سے محمد ظہیر عرف ننڈو جکھرانی کو جبکہتھانہ ای سیکشن سے شاہ محمد چاچڑ کو اغوا ء کیا گیا۔
ان مغویوں میں محمد رافع سمیجو سے ڈاکوئوں نے ایک کروڑ تاوان طلب کیا اور نہ ملنے کی صورت میں 07 مارچ کے صبح جنگن تھانہ کی حدود میں بے دردی سے قتل کرکے لاش پھینک دی۔
گذشتہ دو ماہ سے کچے اورپکے کے علاقوں میں پولیس اور رینجرز کا آپریشن ڈاکوئوں کا بال بیکا تک نہ کرسکااور ڈاکو دیدہ دلیری دکھاتے ہوئے کچے سے پکے میں آکر لوگوں کا اغواء اور لوٹ مار جاری رکھے ہوئے ہیں۔
مغویوں کے ورثا غم سے نڈہال ہیں، پولیس ان مغویوں میں سے خالد میرانی ، صدر الدین میرانی اور منور علی چنو کو بازیاب کراسکی ہے۔استاد اللہ رکھیو کے قاتلوں کی گرفتاری کے لیے شبیر آباد کے علاقے میں چھٹے روز بھی آپریشن میں قاتلوں کی گرفتاری ممکن نہ ہوسکی ہے، تاہم 40 سے زائد مشتنہ افراد کو گرفتار کیا گیا ہے۔ایس ایس پی بشیر احمد بروہی کے ترجمان کے مطابق رواں ماہ 26 پولیس آپریشن ہوئے ہیں، جن میں دو ڈاکو ہلاک اور 12 زخمی ہوئے، پولیس ریکارڈ میں 39 افراد کو بازیاب کرانے کا دعوی کیا گیا۔
گزشتہ ایک سال میں پانچ پولیس اہلکار، تین سکول ٹیچر، سمیت 10 افراد کو ڈاکوئوں نے تاوان نہ ملنے پر قتل کردیا،قتل ہونے والوں میں ہیڈ محرر مقصود احمد بنگوار، ہیڈ محرر حاندل ڈومکی، اہلکار صابر علی، ہیڈ کانسٹیبل ادب علی جکھرانی، اہلکار روشن الدین، استاد جمن جکھرانی، استاد مراد علی بنگوار، استاد اللہ رکھیو نندوانی، محمد رافع سمیجو اور حاجی محمد پناہ شامل ہیں۔
اب عوام مہنگائی بے روزگاری کو بھول گئے ہیں وہ اپنے بچوں کا تحفظ چاہتے ہیں،ان علاقوں ریاست اپنی رٹ کھوچکی ہے ڈاکواتنا طاقت ور بن گئے ہیں اور انہوں نے اپنی ریاست قائم کرلی ،ان کے خلاف پولیس اور رینجرزکامشترکہ اپریشن ناکامی سے دوچارہوچکا ہے ،ان تینوں اضلاع کشمور،شکار پوراور گھوٹکی میں اندھیر نگری چوپٹ راج ہے، کوئی آواز اٹھاتا ہے تو اسی کو قتل کردیا جاتا ہے، پولیس اوررینجرزسے بدامنی کنٹرول نہیں ہو رہی ہے، اب عوام کاصرف ایک ہی مطالبہ ہے کہ ڈاکوئوں کے خاتمہ کیلئے پاک فوج کااپریشن ناگزیرہوگیا ہے ، صدرپاکستان آصف علی زرداری ،وزیراعظم میاں شہبازشریف اورچیف آف آرمی سٹاف جنرل سیدعاصم منیر سندھ کے ان تینوں اضلاع میںپاک فوج کے ذریعے امن دشمنوں کا صفایا کرکے ان علاقوں کو امن کا گہوارہ بنایا جائے۔
تنگوانی،باغی ٹی وی (نامہ نگارمنصوربلوچ)پولیس موبائل پرنامعلوم مسلح ڈاکوؤں کا حملہ ،پولیس اہلکارشہید،عوام کی طرف سے پاک فوج کے ذریعے بےرحم آپریشن کامطالبہ
تفصیل کے مطابق رات دیر سےتنگوانی کے قریب تنگوانی غوث پور لنک لنک روڈ گاؤں لشکر خان کے نزدیک لاڑو پولیس گشت پرمامورموبائل پر نامعلوم ڈاکوؤں نے حملہ کر دیا ،اس حملے کے نتیجے میں پولیس اہلکار شہید ہو گیا۔
شہید پولیس اہلکار کی شناخت محمد اسماعیل ڈاہانی کے نام سے ہوئی ہے،شہید اہلکار لاش کو ہسپتال منتقل کردیا گیا،پولیس کی بھرپور جوابی کارروائی پر ڈاکو فرار ہو گئے
شہید اہلکار کی میت کو جب سول ہسپتال تنگوانی میں پوسٹ مارٹم کے لیےلایا گیا وہاں پر ہر آدمی کی انکھ اشکبار ہوگئی ،دوسری طرف شہید اہلکار کے گھر میں ماتم جیسا ماحول چھایا گیا
بتایاگیا ہے کہ شہید اہلکار SHO تھانہ جمال کابھتیجا ہے،اس سے قبل بھی شہید اہلکار کا بھائی پولیس ملازم پہلے شہید ہو چکا تھا اس طرح ڈاکوؤں کے ہاتھوں میں دوسرا بھائی پولیس اہلکار شہید ہو ا ہے
عوامی وسماجی حلقوں نے صدرپاکستان آصف علی زرداری،وزیراعظم پاکستان میاں شہبازشریف اور پاک فوج کے سپہ سالار سیدعاصم نے سے ان ڈاکوؤں کیخلاف پاک فوج کے ذریعے بے رحم اپریشن کرنے کامطالبہ کیا ہے
سیالکوٹ، باغی ٹی وی (بیوروچیف شاہد ریاض سے)ڈسکہ میں نیکی ویلفیئر فاؤنڈیشن نے مسافروں کے لیے بوفے ڈنر دسترخوان لگا دیا ، 26 ڈش کے ساتھ مسافروں اور مستحق لوگوں کے لیے بوفے ڈنر دسترخواں کا اہتمام کیا گیا
ہمیں یہ نہیں لگا کہ ہم کسی فری دسترخوان سے کھانا کھا رہے ہیں بلکہ ایسا محسوس ہوا کہ کسی بڑے ریسٹورنٹ سے کھانا کھا رہے ہے۔ انسانیت کی خدمت کر کے دلی سکون ملتا ہے اس لیے ہم نے کرونا میں بھی مستحق لوگوں کے گھر گھر کھانا اور راشن پہنچانے میں بھرپور کردار ادا کیا۔ حافظ جہانزیب صدر نیکی فاؤنڈیشن حافظ ذیشان بخاری ڈائریکٹر نیکی فاؤنڈیشن (ڈسکہ نمائندہ خصوصی) نیکی ویلفیئر فاؤنڈیشن نے پورے رمضان میں خوشیاں تقسیم کرنے کے لیے مسافروں کا روزہ افطار کروانے کے لیے کالج چوک ڈسکہ میں بوفے ڈنر کا اہتمام کیا ہے۔
جہاں 26 سے زائد ڈش دی جاتی ہے ۔عوام کی رائے نیکی ویلفیئر کی پوری ٹیم کے لیے بہت دعائیں روزے داروں کا یہی بیان تھا کہ ہمیں ایسا محسوس ہوا کہ ہم کسی دسترخوان پر نہیں بلکہ کسی ہوٹل پر کھانا کھا رہے ہیں اہل ڈسکہ نے بھی نیکی ویلفیئر کے کاموں کو خوب سراہا۔
میڈیا سے گفتگو کرتے ہوئے چیئرمین نیکی فاؤنڈیشن فیصل لیاقت واہلہ ،صدر نیکی فاؤنڈیشن حافظ جہانزیب اور ڈائریکٹر نیکی فاؤنڈیشن حافظ ذیشان بخاری نے کہا کہ لوگوں کو کھانا کھلانے اور لوگوں کی خدمت کرنے میں دلی سکون ملتا ہے نیکی فاؤنڈیشن ڈسکہ کا واحد دسترخوان ہے جو 5 سال سے ہر رمضان منفرد انداز میں لگایا جاتا ہے اس کے علاوہ بھی نیکی فاؤنڈیشن کے بہت سارے فلائی کام اور سات پراجیکٹ جاری ہیں ہم اللہ تعالیٰ کے شکر گزار ہیں کہ اللہ نے ہمیں اس نیک کام کے لیے چنا اور ہم مخیر حضرات کا بھی شکریہ ادا کرتے ہیں جنہوں نے ہمارے اس نیک کام میں ہمارا ساتھ دیا۔
منڈی بہاؤالدین ،باغی ٹی وی س ( افنان طالب نامہ نگار )آئی جی پنجاب نے ضلع گجرات اور ضلع منڈی بہاؤالدین کے ایک ایک پٹرولنگ سنٹر پر ڈرائیونگ سکول کی منظوری دے دی۔
ضلع گجرات میں بھمبھر روڈ نزد کوٹلہ ارب علیخان جبکہ ضلع مندی بہاؤالدین میں پی ایچ پی موجیانوالہ میں ڈرائیونگ سکول اور ڈرائیونگ ٹیسٹ سنٹر قائم کیا جائیگا۔
آئی جی پنجاب نے دونوں سنٹرز کو جلد ازجلد آپریشنل کرنے کی ہدایت کی ہے۔موجیانوالہ پٹرولنگ پوسٹ پر ڈرائیونگ سکول اور ٹیسٹ سنٹر کے قیام سے ڈنگہ کے باسیوں کوآسانی ہوجائیگی اور وہ جلد از جلدڈرائیونگ سیکھ اور اپنا ڈرائیونگ لائسنس بنواسکیں گے جس کے لئے انہیں زیادہ دور بھی نہیں جانا پڑے گا۔
سیالکوٹ،باغی ٹی وی( بیوروچیف شاہد ریاض سے)صوبائی وزیر بلدیات پنجاب میاں ذیشان رفیق نے کہا ہے کہ حکومت پنجاب کے پنجاب سٹیز پروگرام کے تحت ڈسکہ شہر میں 1 ارب روپے کی لاگت سے نکاسی آب کے جامع منصوبے پر کام تیزی سے جاری ہے ، جنوری 2025 میں 26 ہزار فٹ طویل آرسی سی ڈرین کی تعمیر کے تمام منصوبے پایہ تکمیل کو پہنچ جائیں گے جس سے ڈسک سٹی میں نکاسی آب کے درینہ مسائل کا خاتمہ ہوگا۔ یہ بات انہوں نے آج اپنے حلقہ انتخاب پی پی 51 ڈسکہ میں پی سی پی کے تحت جاری ترقیاتی منصوبے پر کام کے رفتار اور معیار کا جائزہ لینے کے دوران بتائی۔
صوبائی وزیر بلدیات پنجاب میاں ذیشان رفیق نے بتایا کہ پی سی پی کے ڈسکہ میں سیوریج کے منصوبے میں نئی آر سی سی ڈرینز کے علاؤہ 31 ہزار 507 فٹ پرانی ڈرین کی بحالی، 282 فٹ ڈرین کلوٹ، 4ںہزار 739 فٹ ڈرینز کی ری ماڈلنگ اور 36 ہزار فٹ میونسپل کمیٹی ڈسکہ کی پرانی ڈرینز کی ڈی سلٹنگ بھی اس منصوبے کا حصہ ہے۔
صوبائی وزیر بلدیات نے کہا کہ منصوبہ کو مقررہ ٹائم کے اندر پایہء تکمیل تک پہنچانا اور معیار کو یقینی بنانا میونسپل کمیٹی ڈسکہ کا انجینئرنگ ونگ کی ذمہ داری ہے۔ انہوں نے کہا کہ ترقیاتی منصوبوں کی تکمیل میں تاخیر ہرگز برداشت نہیں کی جائے گی اور مفاد عامہ میں منصوبے مقرر ٹائم لائن کے اندر مکمل کئے جائیں گے۔
قبل ازیں صوبائی وزیر بلدیات پنجاب میاں ذیشان رفیق نے ریسٹ ہاؤس ڈسکہ میں کھلی کچہری میں شہریوں کے مسائل سنے۔ انہوں نے موقع پر ڈپٹی ڈائریکٹر لوکل گورنمنٹ کو ہدایت کی کہ صوبائی حلقہ پی پی 51 میں شامل 12 دیہی یونین کونسل میں کوڑا لفٹنگ اور صفائی ستھرائی آئندہ دو روز میں مکمل کروائی جائے۔ انہوں نے کہا کہ یونین کونسلز میں ڈیلی ویجز پر کام کرنے والے سینٹری ورکرز کی حاضری اور کام کی تھرڈ پارٹی ویری فیکیشن کروائی جائے گی اور اس سلسلہ میں غفلت یا کوتاہی پر ذمہ دار افسران اور ملازمین کا سختی سے محاسبہ کیا جائے گا۔
شہریوں کی جانب سے سیوریج کے مسائل کے حل کیلئے درخواستوں پر انہوں نے میونسپل کمیٹی ڈسکہ کے مقامی حکام کو ہدایت کی کہ وہ شکایات کا بلا تاخیر ازالہ کریں اور اس ضمن میں انہیں رپورٹ پیش کریں۔
صوبائی وزیر بلدیات پنجاب میاں ذیشان رفیق نے کہا کہ وزیر اعلی پنجاب مریم نواز شریف صوبے کی عوام کو معیاری میو نسپل سروسز جس میں صفائی ستھرائی، پینے کا صاف پانی، سیوریج کے نظام کی اپ گریڈیشن ، تجاوزات کے خاتمہ اور بھرپور شجر کاری شامل ہے فراہم کرنے کیلئے ایکشن پلان ترتیب دیا ہے جس پر عملدرآمد کو یقینی بنانے کیلئے لوکل گورنمنٹ کے افسران اور ملازمین کو اپنے فرائض منصبی ایمانداری اور جانفشانی سے انجام دینے ہونگے۔
سیالکوٹ ،باغی ٹی وی (بیوروچیف شاہد ریاض سے)سیالکوٹ طلباء وطالبات کیلئےوفاقی وزیر دفاع خواجہ آصف نے اپنے شہر میں "ٹیکنیکل یونیورسٹی” کے قیام کے حوالے سے نوید سنادی
گذشتہ ماہ وفاقی وزیر دفاع خواجہ آصف سے انکی رہائش گاہ پر ہونے والی پریس کانفرنس میں صحافی عمران صادق نے طلباء وطالبات کے لئے یونیورسٹی کے قیام کامطالبہ کیا تھا۔
گذشتہ روز جی ون مارکی میں افطار ڈنرسے خطاب کرتے ہوئے وفاقی وزیر دفاع خواجہ آصف کے کہا کہ ٹیکنیکل یونیورسٹی کے قیام کے لئے حکام سے بات چیت کرلی گئی ہے اور اسکے لئے زمین بھی موجود ہے۔
بہت جلد سیالکوٹ میں ٹیکنیکل یونیورسٹی کا قیام عمل لایا جارہاہے.