لنڈی کوتل(باغی ٹی وی رپورٹ)میرے لیے عمران خان ایک رول ماڈل اور عاشق رسول ہے، محمد عدنان قادری
لنڈی کوتل پریس کلب میں پی ٹی آئی رہنماء پی کے 69 کے امیدوار علامہ عدنان قادری نے اپنے ساتھیوں سمیت میٹ دی پریس سے خطاب کرتے ہوئے کہا کہ میں عمران خان کا سپاہی ہوں پی ٹی آئی اس وقت ملک میں مظلوم ترین پارٹی ہے کیونکہ یہاں پر تمام سیاسی جماعتوں کے امیدواروں کو جلسہ جلوس، سیکورٹی اور ریلی کرنے کی مکمل آزادی ہے لیکن افسوس کہ پی ٹی آئی امیدواروں کو لیول پلینگ فیلڈ کے مواقع میسر نہیں ہے،
حلقہ میں الیکشن کمپئین زور و شور سے جاری ہیں سابق وفاقی وزیر پیر نورالحق قادری اور سابق سینیٹر حافظ عبدالمالک قادری سمیت قومی اسمبلی امیدوار اقبال آفریدی گھر گھر ،گلی گلی مہم چلا رہے ہیں اور اس حوالے سے پی ٹی آئی ورکرز جذبہ قابل تحسین ہے ۔
انہوں نے کہا کہ عمران خان کسی کیلئے کرکٹ سٹار کسی کیلئے سیاسی لیڈر میرے لئے عاشق رسول ہیں جس نے ملک میں ریاست مدینہ اور علماء کرام کیلئے وظائف کا اجراء کیا اور اس کے ساتھ ساتھ غریب عوام کیلئے صحت کارڈ جس سے ہزاروں نہیں بلکہ لاکھوں کی تعداد میں لوگ مستفید ہو چکے ہیں اور ان کی عوام دوست پالیسیوں سے لوگ جوق درجوق پاکستان تحریک انصاف میں شامل ہورہے ہیں
انہوں نے کہا کہ منتخب ہو کر پی ٹی آئی چئیرمین کے اعتماد پر پورا اتریں گے ہم صرف وعدوں پر یقین نہیں رکھتے بلکہ یہاں کے خواتین جو دور دور سے سروں پر پانی لا رہے ہیں ان کا یہ بھی کہنا تھا کہ انتخابی نشان پیالہ ہے تمام عوام سے اپیل ہے کہ 8 فروری کو اپنا قیمتی ووٹ پیالے کو دیکر عمران خان کے ویژن کو کامیاب کریں
