Author: ڈاکٹرغلام مصطفی بڈانی

دولتالہ،باغی ٹی وی (نامہ نگار ملک تصور)سابق صدر پریس کلب راجہ محمد اسحاق کی والدہ محترمہ نمازجنازہ کے بعد سپرد خاک
تفصیل کے مطابق سابق صدر پریس کلب دولتالہ راجہ محمد اسحاق اور راجہ محمد سعید کی والدہ محترمہ کو ان کے آبائی گاؤں کبیل راجگان میں سپرد خاک کردیا گیا ،
نماز جنازہ میں مسلم لیگ(ن) کےراہنما سابق وفاقی پارلیمانی سیکرٹری راجہ جاوید اخلاص،انجمن تاجران گوجرخان کے صدر راجہ محمد جواد،امیدوار ایم پی اے چودری خرم زمان ،سابق چئیرمین یوسی دیوی راجہ شبیر ،سابق چئیرمین یوسی کونتریلہ راجہ کاظم،سابق چئرمین موہڑہ نوری راجہ عرفان عزیز،سابق چئرمین نڑالی طاہر اشفاق ،سابق امیدوار چئیرمین اہدی چوہدری ابوذر،سابق امیدوار چئیرمین دیوی راجہ شیر افضل،مسلم لیگی راہنما راجہ حسن اختر ،چوہدری شاہد لودے، چوہدری لیاقت،صدر یوتھ ونگ پی پی 9 عمر صغیر-

پرنسپل بوائز ڈگری کالج پروفیسر حمید اصغر، پروفیسر ضیاء الرحمن،معروف ماہر تعلیم چوہدری وقار احمد،گوجرخان سے سینئر صحافی ارباب شہزاد،صدر پریس کلب دولتالہ راجہ حاجی احمد,جنرل سیکرٹری رانا ابرار،سینئر صحافی سید منور نقوی، نوید افسر راجہ،چوہدری محمد نوازکسانہ ،محمد اشفاق انجم،ملک تصور،راجہ آفتاب،سیاسی اور سماجی شخصیات پریس کلب دولتالہ وگوجرخان کی صحافتی برادری کے علاوہ علاقہ بھر سے کثیر تعداد میں لوگوں نےشرکت کی-

کوئٹہ،باغی ٹی وی (نامہ نگار زبیرخان)کا کا شہید فاؤنڈیشن کے نام سے ایک ایمبولینس سروس شروع کی ہے- احمد خان غبیزئی
تحصیل گلستان میں احمد خان غبیزئی نے کہا کہ گزشتہ 32 سالوں سے ہمارے علاقے میں نہ تعلیم کی سہولیات تھی اور نہ ہی صحت کی اور اب بھی نہ ہونے کے برابر ہے ۔ اب ہم اپنی مدد آپ کے تحت کچھ کام کررہے ہیں ۔ تحصیل گلستان میں مختلف قومیں آباد ہیں جن میں سید ، ترین ، کاکڑ اور اچکزئی کے علاوہ اوردوسری کئی قومیں شامل ہیں ۔ صحت ، تعلیم اور ترقیاتی منصوبوں میں پسماندہ ترین علاقہ ہے ۔ پہلے ہم لوگوں کو تعلیم کے لئے باہر بھیجتے تھے پاکستان میں اور پاکستان سے باہر بھی ۔

پھر میں نے گزشتہ تین چار سالوں میں سکول بناۓ اور حال ہی میں کالج کا بھی سنگ بنیاد رکھا ۔ جن میں 600 کے قریب لڑکیاں اور لڑکے تعلیم حاصل کررہے ہیں ۔ احمد خان پبلک ایجوکیشن سسٹم میں ہم نے نہ کسی سے مدد لی ہے نہ لینے کا ارادہ ہے اور نہ گورنمنٹ نے کوئی مدد کی ہے ۔ اس ایجوکیشن سسٹم کو میں خود اکیلا دیکھ رہا ہوں ۔ یہ کام میں صرف اپنی قوم کے لئے نہیں بلکہ اس علاقے کے لوگوں کے لئے کررہا ہوں جس میں مختلف قومیں آباد ہیں ۔ اب ہم ٹرانسپورٹ کا بندوبست بھی کررہے ہیں تاکہ قرب و جوار میں جو لوگ آباد ہیں ان کے بچے بھی ہمارے سکول میں تعلیم حاصل کر سکیں ۔ سکول میں بچوں اور بچیوں کی تعداد مساوی ہے ۔ سکول میں دنیاوی تعلیم کے ساتھ ساتھ دینی تعلیم بھی دی جارہی ہے ۔

اس کے علاوہ انہوں نے کہا کہ صحت کی سہولیات کے لئے ہم نے کا کا شہید فاؤنڈیشن کے نام سے ایک ایمبولینس سروس شروع کی ہے جو بغیر کسی معاوضے کے ایمرجنسی اور زچہ بچہ کے لئے استعمال ہوتی ہے ۔ اور مریض کے تمام اخراجات فاؤنڈیشن ادا کرتی ہے ۔

میرپور،باغی ٹی وی (نامہ نگار شاہ زیب شاہ) آئی جی سندھ غلام نبی میمن کی سربراہی میں میرپورخاص رینج میں محرم الحرام کے حوالے سے ویڈیو لنک اجلاس منعقد ہوا ،اجلاس میں ڈی آئی جی میرپورخاص رینج ذوالفقار علی مہر ، ایس ایس پی میرپورخاص کیپٹن (ر)اسد علی چوہدری اور میرپورخاص ڈویژن سے تعلق رکھنے والے اہل تشیع علماء، ذاکرین اور منتظمینِ جلوس و مجالس پر مشتمل سات رکنی وفد جن میں سید حمزہ نقوی منتظم اعلیٰ درگاہ مکھن شاہ وممبر پیس کمیٹی میرپورخاص ، ڈاکٹر ثاقب کاظمی صوبائی نائب صدر سندھ تحریک نفاذ فقہ جعفریہ و ممبر پیس کمیٹی میرپورخاص ، سید ذوالفقار علی شاہ متولی بخاری امام بارگاہ سامارو وممبر ڈسٹرکٹ پیس کمیٹی عمرکوٹ ، عباس علی شاہ متولی مرکزی امارم بارگاہ پنج پیر عمرکوٹ ، غضنفر علی متولی کہری امام بارگاہ عمرکوٹ، فقیر صابر علی صوبائی نائب صدر شیعہ علماء کونسل و انچارج عزاداری سیل مٹھی ، ذیشان حیدر عزاخانہ زہرا مٹھی نے شرکت کی،اجلاس میں یکم تاعاشورہ محرم اور بعدازاں سوئم حضرت امام حسینؓ کے موقع پر ترتیب دیئے جانیوالےکنٹی جینسی پلان پر تفصیلی تبادلہ خیال کیا گیا اور مزید ضروری تجاویز اور سفارشات پیش کیں۔

وفد کے اراکین نے رواں سال یکم تا دس محرم پولیس کی جانب سے فول پروف کنٹی جینسی پلان کی ترتیب اور اسکے تحت اختیارکردہ مجموعی سیکیورٹی اقدامات پر اپنے مکمل اطمینان کا اظہار کیا اور اپنی جانب سے پولیس کو مکمل تعاون کی یقین دہانی کرائی۔اس موقع پر اجلاس میں شریک وفد نے یہ بھی یقین دلایا کہ وہ باہمی محبت اخوت اوربھائی چارگی کی فضاء کو نہ صرف پروان چڑھائیں گے بلکہ باہمی روابط کو مزید تقویت دیتے ہوئے ضلعوں کی سطح پر بین المسالک/مکاتب ہم آہنگی کے فروغ جیسے اقدامات کو اسکی روح کے مطابق انفرادی اوراجتماعی کاوشوں سے بھی یقینی بنائیں گے۔

آئی جی سندھ نے ڈی آئی جی میرپورخاص کو ہدایات دیں کہ کنٹی جینسی پلان میں یکم تا عاشورہ سیکیورٹی اقدامات سمیت چہلم حضرت امام حسینؓ کے موقع پر بھی تمام جلوسوں،مرکزی جلوس،مجالس ودیگر اجتماعات کی سیکیورٹی کو فول پروف بنایا جائے اور اس حوالے سے رینجرز سندھ وقانون نافذ کرنیوالے دیگر اداروں/انٹیلی جینس ایجنسیوں سے مربوط روابط پر خصوصی فوکس رکھا جائے جبکہ محرم کنٹی جینسی پلان کی ترتیب میں اہل تشیع اور اہلسنت علماء/ذاکرین کی جانب سے پیش کردہ تجاویز اور مشاورت کو بھی شامل کیا جائے۔اجلاس کے اختتام پر وفد کے شرکاء نے ملک وقوم کی ترقی خوشحالی اور سالمیت کی مشترکہ طور پر دعا کی۔

میرپورخاص،باغی ٹی وی( نامہ نگارسید شاہزیب شاہ کی رپورٹ ) نیشنل پریس کلب میرپورخاص کے صدر آفاق خان حج کی سعادت پالینے کے بعد وطن واپس لوٹ آئے ،مختلف شعبہء ہائے زندگی کے لوگ انہیں حج کی مبارک باد دینے انکی رہائشگاہ مہاجر کالونی پہنچے،باغی ٹی وی کے نامہ نگار سید شاہزیب شاہ نے بھی میڈیا ٹیم کے ساتھ انکی رہائشگاہ پہنچ کر حاجی آفاق خان کو پھولوں کے ہار پہنائے اور حج کی مبارک باد دی، مبارکباد دینے والوں میں نیشنل پریس کلب میرپورخاص سے وابستہ میرپورخاص کے صحافی حیات قریشی صحافی محمد علی بھرگڑی شامل تھے ۔۔اس موقع پر سینئر ترین صحافی سلیم شیخ اور ایم اے رحمانی بھی موجود تھے ۔