Author: غنی محمود قصوری

تھانہ سٹی پتوکی پولیس نے منشیات فروشوں کے خلاف ایک اور بڑی کارروائی کرتے ہوئے لاکھوں روپے مالیت کی ایک کلوگرام آئس برآمد کرلی۔ کارروائی ایس ایچ او آصف نذیر کی سربراہی میں کی گئی، جس کے دوران بدنام زمانہ منشیات فروش سلیم عرف ساجد شیخ کو گرفتار کیا گیا۔

پولیس کے مطابق ملزم سلیم عرف ساجد پتوکی اور گردونواح میں نوجوان نسل کو آئس کے زہریلے نشے کی لت میں مبتلا کر رہا تھا، جس کے باعث علاقے میں نشے کی لعنت تیزی سے پھیل رہی تھی۔ پولیس نے خفیہ اطلاع پر چھاپہ مار کر ملزم کو حراست میں لیا اور اس کے قبضے سے ایک کلوگرام آئس برآمد کی جس کی مالیت لاکھوں روپے بتائی جاتی ہے۔ملزم کے خلاف امتناعِ منشیات ایکٹ کے تحت مقدمہ درج کرلیا گیا ہے، جبکہ مزید تفتیش جاری ہے تاکہ اس کے دیگر ساتھیوں کا بھی سراغ لگایا جا سکے۔

ڈی ایس پی سجاد اکبر نے اس موقع پر گفتگو کرتے ہوئے کہا کہ پتوکی کو منشیات فروشوں سے پاک کرنے کے لیے پولیس ہر ممکن اقدامات کر رہی ہے۔ انہوں نے واضح کیا کہ آئندہ کسی بھی صورت میں منشیات کے کاروبار کو برداشت نہیں کیا جائے گا اور ایسے عناصر کے خلاف آہنی ہاتھوں سے نمٹا جائے گا۔پولیس حکام کے مطابق علاقے میں آئس اور دیگر منشیات کے خلاف خصوصی مہم جاری ہے، جس کے مثبت نتائج جلد سامنے آئیں گے۔

قصور شہرِ قصور میں غیر قانونی اور بے ہنگم سائن بورڈز کی بھرمار شہریوں کے لیے خطرے کی علامت بن چکی ہے۔ ٹی ایم اے قصور کی ملی بھگت سے مختلف کمپنیوں اور اداروں کے سائن بورڈز بغیر کسی منظوری کے شہر کی اہم شاہراہوں، چوکوں اور عمارتوں پر نصب ہیں جن میں سے کئی خستہ حال ہو چکے ہیں۔

شہریوں کا کہنا ہے کہ بارشوں اور تیز ہوا کے دوران یہ سائن بورڈز گرنے کا خطرہ رہتا ہے، جو کسی بھی وقت جانی و مالی نقصان کا باعث بن سکتے ہیں۔ اس کے باوجود ضلعی انتظامیہ اور محکمہ بلدیات کی خاموشی سوالیہ نشان بن چکی ہے۔

ذرائع کے مطابق ہائی کورٹ کی واضح ہدایات کے باوجود بااثر عناصر نے جگہ جگہ سائن بورڈ لگا رکھے ہیں جبکہ بعض سرکاری عمارتوں کے سامنے بھی غیر قانونی بورڈز لٹک رہے ہیں۔ شہریوں نے ڈپٹی کمشنر قصور عمران علی سے فوری نوٹس لینے اور ان سائن بورڈز کو ہٹانے کا مطالبہ کیا ہے تاکہ کسی بڑے سانحے سے بچا جا سکے۔

سی سی ڈی پولیس کا خوف بھی ڈاکوئوں کو نہ روک سکا ضلع بھر میں وارداتیں بدستور جاری گزشتہ روز ڈاکوئوں نے گن پوائنٹ پر نجی کمپنی کے سیل مین سے ہزار وں روپے کی نقدی موبائل فون، اے ٹی ایم کارڈ سمیت دیگر اشیا لوٹ کر فرار ہوگئے

تفصیلات کے مطابق نجی کمپنی کا سیل مین علی رضا تھانہ تھہ شیخم کی حدود میں سیل مینی کرکے واپس آرہا تھا کہ روسہ کے قریب دوکس نامعلوم ڈاکوئوںنے اسے اسلحہ کے زور پر روک لیا اور سائل سے مبلغ پنتالیس ہزار روپے کی نقدی رقم پچپن ہزار روپے کا سامسنگ کمپنی کا موبائل سمیت اے ٹی ایم کارڈ لوٹ لیااور جان سے ماردینے کی دھمکیاں دیتے ہوئے فرار ہوگئے شہریوںنے بڑھتی ہوئی وارداتوں کے پیش نظر آئی جی پنجاب ،وزیر اعلیٰ پنجاب سے نوٹس لینے کا مطالبہ کیاہے ۔

قصور تھانہ مصطفی آباد پولیس نے شراب فروش کے خلاف کارروائی کرتے ہوئے 50 لیٹر دیسی شراب برآمد کر لی۔

تفصیلات کے مطابق ایس آئی محمد امین معہ پولیس ملازمان نے بکہ واللہ پل شیر مصطفی آباد کے قریب کارروائی کرتے ہوئے ایک شخص طالب مسیح کو حراست میں لیا۔پولیس کے مطابق ملزم کے قبضہ سے 50 لیٹر دیسی شراب برآمد ہوئی جسے موقع پر قبضہ میں لے لیا گیا۔ملزم کے خلاف مقدمہ درج کر کے مزید تفتیش شروع کر دی گئی ہے۔پولیس ذرائع کا کہنا ہے کہ علاقے میں منشیات فروشوں کے خلاف کارروائیاں جاری رہیں گی۔

قصور، مدرسے کے 12 سالہ بچے کیساتھ بدفعلی کرنیوالا استاد اپنے پسٹل سے مخصوص اعضا پر فائر لگنے سے زخمی حالت میں گرفتارکر لیا گیا

تھانہ سٹی چونیاں کے علاقہ ہادی ٹاؤن میں 12 سالہ بچہ مسجد میں دینی تعلیم حاصل کرنے جاتا تھا، ملزم عمیر اسلم نے چھٹی کے بعد بچے کیساتھ نازیبا حرکات کیں اور بدفعلی کا نشانہ بنایا ،ھانہ سٹی چونیاں پولیس نے بچے کے والد کی درخواست پر مقدمہ درج کیا گیا اور ملزم کی تلاش شروع کی ، ایس ایچ او قربان نواز پر مشتمل ٹیم نے ملزم کی گرفتاری کیلئے ریڈ کیا تو ملزم نے جلد بازی میں نیفے سے پسٹل نکالتے ہوئے فائر کر دیا ، ملزم عمیر اسلم اپنے ہی پسٹل کا فائر لگنے سے مخصوص اعضا سے محروم ہو گیا ،تھانہ سٹی چونیاں پولیس نے ملزم کو برائے علاج معالجہ تحصیل ہسپتال چونیاں منتقل کر دیا ہے ،