Author: غنی محمود قصوری

قصور
گزشتہ دن پاک فوج سے اظہار یکجہتی کیلئے پاکستان زندہ باد ریلی پاکستان مرکزی مسلم قصور کی زیر قیادت نکالی گئی،ہزاروں افراد نے شرکت کی

تفصیلات کے مطابق حالیہ پاک بھارت جنگ کے باعث پاکستان کی فتح اور دشمن کی ذلت آمیز سکشت پر پاکستان مرکزی مسلم کی قیادت میں پاک فوج سے اظہار یکجہتی کیلئے
پاک فوج زندہ باد ریلی نکالی گئی
کچہری چوک قصور سے گنڈہ سنگھ بارڈر تک ریلی نکالی گئی جس میں ہزاروں لوگوں نے شرکت کی اور پاک فوج کے حق میں نعرے بازی کی
ریلی کی قیادت پاکستان مرکزی مسلم لیگ قصور کے صدر رانا محمد اشفاق پسروری،سینئر راہنما جاوید عثمان،بشیر وڑائچ و دیگر نے کی اور ریلی سے خطاب کیا
شرکاء نے بھارت کے خلاف اور پاک فوج کے حق میں نعرے بازی کی اور پاک فوج کے شانہ بشانہ دشمن سے لڑنے کا عزم کیا اور جرآت مندانہ انداز میں دشمن کو جواب دینے پر شکریہ ادا کیا

قصور
انڈین جارحیت میں مریدکے میں شہید ہونے والے قصور کہ رہائشی مدثر شہید کو فوجی گارڈ آف آنر پیش کیا گیا،ڈی پی او،ایم این اے،ایم پی اے اعلی افسران سمیت ہزاروں لوگوں کی نماز جنازہ میں شرکت،فوجی اعزاز کیساتھ سپرد خاک

تفصیلات کے مطابق بھارتی جارحیت میں مریدکے میں شہید ہونے والے قصور کی تحصیل چونیاں کے قصبہ الہ آباد کے نواحی گاؤں گہلن ہتھاڑ کے رہائشی مدثر طفیل شہید کو ان کے آبائی علاقے میں پورے فوجی اعزاز کیساتھ دفن کیا گیا
ان کی نماز جنازہ میں پاک فوج کے اعلی افسران،ڈی پی او قصور،مقامی ایم این اے و ایم پی اے کے علاوہ اعلی افسران کیساتھ ہزاروں شہریوں نے شرکت کی
مدثر شہید مریدکے مسجد ام القراء میں سیکیورٹی گارڈ کے فرائض سر انجام دے تھے
ان کا جسد خاکی آبائی گاؤں پہنچنے پر ہزاروں لوگوں نے والہانہ استقبال کیا
پاک فوج،پولیس و دیگر سیکیورٹی اداروں نے سیکیورٹی کے فول پروف انتظامات کئے تھے
شہید کے والد نے بات کرتے ہوئے بتایا کہ اس سے قبل میرا ایک بیٹا شہید ہوا تھا اب مدثر شہید ہوا ہے جس پر مجھے فخر ہے اور میرے 5 بیٹے اور ہیں جو شہادت کیلئے حاضر ہیں

قصور
بھارتی جارحیت کے باوجود قصور انٹرنیشنل بارڈر گنڈہ سنگھ کے دیہات و شہر قصور کے لوگ روزمرّہ کی زندگی میں مشغول،پاک فوج کے شانہ بشانہ کھڑے ہیں،غیور قصوریوں کا پیغام

تفصیلات کے مطابق کل رات بھارت کی طرف سے پاکستان پر ہوئے حملوں کے باوجود انٹرنیشنل بارڈر گنڈہ سنگھ قصور و شہر قصور میں معمولات زندگی روز مرہ کی بنیاد پر چل رہی ہیں
قصور کے غیور شہریوں نے بھارت کو پیغام دیا ہے کہ پچھلی دو جنگوں میں قصور کے باسیوں نے بھارتی شہر کھیم کرن و دیگر علاقوں کو مال غنیمت کے طور پر لوٹا تھا جس کی کچھ چیزیں اب بھی قصور کے لوگ استعمال کر رہے ہیں لہذہ بھارت کسی خوش فہمی میں نا رہے ہم اپنی افواج کے شانہ بشانہ کھڑے ہیں
واضع رہے کہ قصور شہر کا انٹرنیشنل بارڈر گنڈہ سنگھ سے محض 12 کلومیٹر ہے جبکہ دیگر بارڈر اس سے بھی قریب ہیں اس کے باوجود ہر طرف معمولات زندگی روزمرہ کی بنیاد پر چل رہی ہے

قصور
لین دین کے تنازعہ پر تلخ کلام پر ایک شحض قتل،علاقہ میں خوف و ہراس ،قاتل کو جلد پکڑنے کی استدعاء

تفصیلات کے مطابق قصور کے تھانہ بی ڈویژن کی حدود بستی ونیکا میں حافظ محمد احمد ولد جاوید اکرم رہائشی بستی ونیکا کو پیسوں کے لین دین کے معاملے پر شازیب نامی شخص نے گولی مار کر قتل کر دیا
گولی مقتول کو دائیں جانب چھاتی میں لگی اور بائیں جانب پار ہو گئی
قاتل آلہ قتل سمیت فرار ہو گیا
مقامی پولیس نے لاش تحویل میں لے کر بلھے شاہ ہسپتال منتقل کی اور قانونی کاروائی کا آغاز کیا
قتل پر علاقے میں خوف و ہراس پایا جا رہا ہے اور شہریوں نے قاتل کو جلد سے جلد گرفتار کرنے کی استدعا کی ہے

قصور
گزشتہ دن یکم مئی عالمی یوم مزدور پر فیکٹریوں،کارخانوں اور دفاتروں میں چھٹی تھی تاہم مزدور نے پھر بھی گندم کی کٹائی کی،گھروں میں کام کرنے والی عورتوں نے اپنے گھروں کو چھوڑ کر دوسروں کے گھروں میں کام کیا،آج بارش کے باعث مزدور گندم کٹائی سے چھٹی کرے گا

تفصیلات کے مطابق گزشتہ دن یکم مئی کے موقع پر دنیا بھر کی طرح عالمی یوم مزدور کے موقع پر ضلع قصور میں بھی بیشتر کارخانے،دفاتر اور فیکٹریاں بند رہیں تاہم ان میں سے بہت سے مزدور ایسے بھی ہیں جو ڈیلی ویجز بنیادوں پر کام کرتے ہیں اور کل کی چھٹی ان کی تنخواہ سے کاٹی جائے گی
اسی طرح عالمی یوم مزدور کے موقع پر سیمینارز منعقد کرنے والوں کے گھروں میں مزدور عورتوں نے اپنے گھر کا کام کام چھوڑ کر مزدوری کی تاکہ ان کے گھر کا چولہا جلتا رہے
گزشتہ دن یکم مئی عالمی یوم مزدور پر بھی مزدوروں نے کھیتوں میں گندم کی فصل کی کٹائی کی تاہم آج رات آنے والی شدید آندھی اور بارش کے باعث آج مزدور گندم کی کٹائی سے چھٹی کرے گا
غریب مزدوروں کا کہنا ہے اس عالمی یوم مزدور سے ہمیں کوئی فائدہ نہیں فائدہ صرف ان کا ہے جو سرکاری و نیم سرکاری ملازم ہیں ہم ڈیلی ویجز کے مزدور ہیں اس دن پر ہماری مزدوری کاٹی جاتی ہے
اگر گورنمنٹ کو اتنی ہی ہمدردی ہے مزدور سے تو اس دن کی مزدوری ہمیں خود دیا کرے تاکہ ہمارے گھروں کے چولہے جلتے رہیں

قصور
پولیس وارداتیں رکوانے میں مکمل ناکام،ڈکیتی میں مزاحمت پر شہری کو فائرنگ کرکے زخمی کر دیا،لاہور قصور روڈ بطور احتجاج بند کئے رکھا گیا
تفصیلات کے مطابق قصور پولیس ڈاکوؤں کو لگام ڈالنے میں مکمل ناکام رہی ہے
گزشتہ دن تھانہ مصطفیٰ آباد کی حدود دفتوہ روڈ پر ڈکیتی کی واردات میں ڈاکوؤں نے شہری سے گن پوائنٹ پر ڈکیتی کی اور مزاحمت پر فائرنگ کرکے شہری کو شدید زخمی کر دیا جس پر شہریوں نے لاہور قصور فیروز پور روڈ بلاک کر کے احتجاج کیا
احتجاجی مظاہرین نے ملزمان کی فوری گرفتاری کا مطالبہ
کیا
آئے دن کی سرعام وارداتوں کے پیش نظر علاقہ مکینوں میں خوف و ہراس پایا جا رہا ہے

قصور
24 سالہ مغوی بازیاب ،6 اغواء کار ملزمان گرفتار

تفصیلات کے مطابق قصور پولیس نے 24 سالہ مغوی نوجوان بازیاب کروا لیا اور 6 اغواء کار ملزمان کو گرفتار کر لیا گیا پولیس نے تھانہ سرائے مغل کے ایس ایچ او ملک جبار کی سربراہی میں کامیاب کاروائی کی
19 اپریل کو بلوکی سے اغوا ہونیوالا 24 سالہ نوجوان منیر احمد بازیاب ہوا اور الحمدللہ مکمل محفوظ رہا جبکہ 6 اغوا کار ملزمان دلشاد وغیرہ کو گرفتار کرکے تفتیش شروع کر دی گئی ہے
پولیس نے اغوا کے مقدمہ میں جرم 377 درج کر کے تحقیقات شروع کر دیں ہیں
ڈی پی او محمد عیسیٰ خاں نے مقدمہ میں ملوث ملزمان کی فوری گرفتاری کیلئے ڈی ایس پی پتوکی سجاد اکبر کو احکامات جاری کئے تھے

قصور
بے نظیر انکم سپورٹ کی کرپشن بے نقاب کرنا صحافی کو مہنگا پڑ گیا،صحافی کے خلاف جھوٹی ایف آئی آر درج کروا دی گئی،قصور کی صحافی برادری کا احتجاج اور ایف آئی ار ختم کروانے کا مطالبہ

تفصیلات کے مطابق رائل ٹی وی الہ آباد کے رپورٹر کے خلاف بے نظیر، انکم سپورٹ پروگرام میں لوٹ مار کرنے والوں کو بے نقاب کرنے اور سوشل میڈیا پر متاثرہ خاتون کی آواز بننے پر ایف آئی آر درج کرنا انتہائی غیر ذمہ دانہ اور قابل مذمت ہے
قصور کی صحافی برادری صحافی مشتاق عرف پپو کے خلاف ڈسٹرکٹ آفیسر کی طرف سے درج کروائی گئی ایف آئی آر کی شدید مذمت کرتی ہے اور فی الفور مقدمہ خارج کرنے کا مطالبہ کرتی ہے
واضع رہے کہ کئی روز سے نیشنل و انٹرنیشنل چینلز پر ڈیوائس ہولڈرز کے خلاف نیوز چل رہیں تھیں چائیے تو تھا کہ انکے خلاف مقدمات درج کئے جاتے الٹا صحافی کے خلاف ایف آئی ار درج کرنا انتہائی لمحہ فکریہ اور آزادی صحافت پر کاری وار ہے
قانون کا تقاضہ تو یہ ہے کہ متاثرہ خاتون کی درخواست پر 1500 روپیہ کٹوتی کرنے والے کے خلاف کارروائی کی جاتی جو بے نظیر انکم سپورٹ پروگرام کے افسران کی ملی بھگت اور کرپشن کا منہ بولتا ثبوت ہے
صحافی برادری کا کہنا ہے کہ جھوٹی ایف آئی ار درج کرنے سے حق سچ کی اواز کو نہی دبایا جا سکتا اب تو اپ نے جھوٹی ایف آئی ار دے کر ثابت کر دیا کہ کرپشن کو چھپانے کے لیے اوچھے ہتھکنڈے استعمال کرنے افسران اپنے ماتحتوں کے ساتھ ہیں
قصور کی پوری صحافی برادری ڈی پی او قصور سے جھوٹی ایف آئی آر ختم کرنے اور متعلقہ افسر کے خلاف انکوائری کا کرنے کا مطالبہ کرتی ہے بصورت دیگر پورے ضلع قصور کی صحافی برادری احتجاج کرے گی اور حق اور سچ کو ایک بار پھر سے پوری قوم کے سامنے لا کر رہے گی

قصور
آج بسلسلہ اظہار یکجہتی فلسطین مکمل شٹر ڈاؤن و پہیہ جام ہڑتال،اسرائیل کی بدمعاشی کے خلاف عوام پاکستان سراپا احتجاج

تفصیلات کے مطابق پاک بھارت کشیدگی کے باوجود
آج بروز ہفتہ قصور شہر میں بسلسلہ اظہار یکجہتی فلسطین،مکمل ہڑتال
ہے جس کا مقصد اپنے مظلوم اور بے سہارا فلسطینی بھائیوں سے اظہار یکجہتی کرنا اور اسرائیلی بدمعاشی کے خلاف احتجاج کرنا ہے
پاکستان مرکزی مسلم لیگ ،جماعت اسلامی،تحریک لبیک و دیگر سیاسی،سیاسی مذہبی و سماجی جماعتوں کی طرف سے مشترکہ طور پر آج کی ہڑتال ہے جس کی حمایت
ڈسٹرکٹ بار ایسوسی ایشن قصور نے بھی کی ہے
آج جگہ جگہ فلسطینی قوم سے اظہار یکجہتی کیلئے ریلیاں نکالی جائیں گیں اور اسرائیل کے خلاف نعرے بازی کی جائے گی
واضع رہے کہ پاک بھارت سخت ترین کشیدگی کے باوجود قصور کی غیور عوام اپنے فلسطینی بھائیوں کیساتھ اظہار یکجہتی کر رہی ہے اور لوگوں میں اسرائیلی مصنوعات کے بائیکاٹ کی مہم بھی زور پکڑ گئی ہے
بیشتر علاقوں میں کولا کولا و پیپسی کی گاڑیوں کو مقامی لوگوں نے اپنے علاقوں میں آنے سے منع کر دیا ہے