Author: غنی محمود قصوری

قصور
کنگن پور میں موٹر سائیکل چور موقع پر گرفتار
تفصیلات کے مطابق کنگن پور میں شہری کی موٹر سائیکل ہنڈا 125 گھر سے چوری ہو گئی جس کی اطلاع پولیس تھانہ کنگن پور کو دی گئی تو ایس ایچ او ملک طارق محمود اعوان نے اطلاع ملنے پر خود کارروائی کی پولیس کے ملزم کا پیچھا کرنے پر چور سہیل احمد میئو عرف کڑکیکلی سکنہ ٹھٹھی ہٹھار جو کہ منشیات کے ساتھ ساتھ چوریاں کرنے کا بھی عادی مجرم ہے دھر لیا گیا
ایس ایچ او تھانہ کنگن پور ملک طارق محمود اعوان اور انکی ٹیم نے رنگے ہاتھوں چور کو گرفتار کر کے مقدمہ درج کر لیا اور ملزم کے ساتھیوں کی تلاش اور تفتیش شروع کر دی ہے عوام نے ایس ایچ او تھانہ کنگن پور کی بروقت کارروائی کرتے ہوئے موٹر سائیکل برآمد کرنے پر اطمینان کا اظہار کیا ہے

قصور
چونیاں میں کتوں کی لڑائی پر 10 لاکھ کا جواء

تفصیلات کے مطابق چونیاں میں بااثر افراد اور پولیس کی سربراہی میں نواحی گاؤں نینوال خالصہ میں کتوں کی لڑائی کا تماشہ ہوا جس پر پولیس نے پکڑنے کی بجائے شائقین اور جواریوں کو تحفظ اور پروٹوکول دیا اس کتوں کی لڑائی پر 10 لاکھ سے زائد کا جوا ہوا لڑائی میں ملتان،پاکپتن، عارف والا،اور پاکستان کے دیگر شہروں سے اعلی نسل کے سو سے زائد کتوں کو لایا گیا انٹرٹیمنٹ کیلئے 1 درجن سے زائد ساءوند سسٹم لگائے گئے کتوں کی لڑائی کو دیکھنے کیلئے اور جواء کھیلنے کیلے ہزاروں افراد آئے کتوں کی لڑائی اور جواء کرائے جانے کا علم مقامی ایس ایچ او قاسم جاوید کو پہلے سے علم تھا اور مبینہ طور پر اسکو اسکا حصہ پہلے سے مل چکا تھا ذرائع یہ بھی بتاتے ہیں کہ اس بات کا ڈی ایس پی چونیاں شمس الحق درانی کو بھی پہلے سے علم تھا اور اس نے بھی مبینہ طور پر بھاری رقم وصول کر رکھی تھی عوامی و سماجی حلقے پہلے ہی صدر تھانہ چونیاں میں بڑھتی ہوئی چوری اور ڈکیتی کی وارداتوں سے پریشان ہیں انہوں نے ڈی پی او قصور، آر پی او شیخوپورہ رینج،آئی جی پنجاب سے اس واقعے کا نوٹس لینے کا مطالبہ کیا ہے اور اس کرپٹ ایس ایچ او قاسم جاوید کو فوری معطل کرنے اور علاقہ بدر کرنے کا مطالبہ کیا ہے

قصور
پے در پے حادثات درجنوں اموات مگر پھر بھی ڈرائیور حضرات اپنی اور سواریوں کے جانوں سے کھلواڑ کرنے سے باز نا آئے
تفصیلات کے مطابق قصور میں رواں ماہ
کئی حادثات رونما ہوئے جس کے نتیجے میں درجنوں افراد جانبحق ہوئے اور سنکڑوں زخمی مگر اس کے باوجود قصور کے ڈرائیور حضرات اوور ٹیکنگ،اوور سپیڈنگ ،اوور لوڈنگ اور تیز رفتاری سے باز نہیں آئے
ویسے تو ان حادثات کی کئی وجوہات ہیں مگر سب سے بڑی وجہ ڈرائیور حضرات کا نشے کا عادی ہونا ہے
قصور میں سے بیشتر ڈرائیور حضرات چرس ،افیون اور دیگر نشہ کے عادی ہیں
اور اس نشے میں گاڑی چلاتے وقت وہ اپنے سے آگے نکلنے والی گاڑی کو برداشت نہیں کر پاتے اور دوسرے سے آگے نکلنے کی کوشش کرتے ہیں جس سے حادثات ہوتے ہیں اور لوگوں کی جانیں جاتی ہیں
اور تو اور ان ڈرائیوروں کو سٹی ٹریفک پولیس قصور کا بھی کوئی ڈر نہیں
کمزور چالان سسٹم کے باعث یہ ڈرائیو لوگوں کی زندگیوں سے کھیل رہے ہیں ایک ڈرائیور اپنی جان داءو پر تو نشے کی حالت میں لگاتا ہی ہے مگر اپنے پیچھے بیٹھے بچوں ،بوڑھوں اور عورتوں کی زندگیوں سے بھی کھلواڑ کرتا ہے
ابھی چند قبل ہی نقیب آباد بھلو سٹاپ کے قریب دو ڈرائیوروں کی غفلت اور ریس لگانے کے باعث گاڑیاں الٹنے سے 6 افراد جانبحق اور 43 زخمی ہوئے تھے

قصور
چونیاں میں چوری کی واردات نامعلوم چور گھر کا صفایا کر گئے 15پر کال کرنے پر بھی پولیس نا پہنچ سکی
تفصیلات کے مطابق چونیاں محلہ ظہیر آباد کالونی گجر چوک میں رانا مقصود کے گھر ان کی غیر موجودگی میں رات کو چوری کی واردات ہو گئی نامعلوم چور گھر کے مین گیٹ کے تالے توڑ کر گھر کا صفایا کر گئے جس کا بعد میں اہل محلہ کو علم ہوا تو اہل محلہ نے 15 پر کال کرکے پولیس کو اطلاع دی مگر پولیس نے سنی ان سنی کردی
یاد رہے چونیاں شہر بھر میں روزانہ کی بنیاد پر چوری و ڈکیتی کی وارداتوں میں اضافہ ہو چکا ہے مگر پولیس خواب خرگوش سے بیدار نہیں ہو رہی
لوگوں نے پولیس کے رویہ اور بڑھتی ہوئی وارداتوں کی شدید مذمت کی ہے

قصور
کوٹ رادہاکشن میں درجنوں مقدمات اور لاکھوں روپوں کے جرمانوں کے باوجود س عوام الناس کو اشیائے خوردونوش ریٹ لسٹوں کے مطابق نہیں مل رہیں
تفصیلات کے مطابق کوٹ رادہاکشن میں پھل سبزیاں دالیں گوشت گھی چینی دودھ دہی ابھی تک دکانداروں کے مقرر کردہ خود ساختہ ریٹوں پر فروخت ہو رہی ہیں اگر کوئی گاہک ریٹ لسٹ کے مطابق خریدداری پر اصرار کرے تو اسے کہا جاتا ہے کہ یہ اشیاء موجود نہیں ہیں جبکہ سرکاری مشینری کو بعض علاقوں جن میں پھل و سبزی منڈی بادامی والا پل مین بازار میں مزاحمت اور تاجروں کے احتجاج کا سامنا بھی کرنا پڑا ہے
دوسری طرف تاجر تنظیموں کے نمائندوں مرکزی انجمن تاجران کے چیئرمین ملک غلام محی الدین، شیخ شوکت اور انجمن تاجران الپاک بازار کے صدر ملک ارشاد کے مطابق سرکاری مشینری کی طرف سے مہیا کی جانے والی ریٹ لسٹیں ہول سیل مارکیٹ سے بھی مطابقت نہیں رکھتیں ہیں اور ان میں درج قیمتیں تھوک مارکیٹ کے ریٹوں سے بھی کم ہیں تو وہ کس طرح ان قیمتوں پر اشیاء مہیا کریں جبکہ ان اشیاء کو ہول سیل مارکیٹ سے دکانوں پر لانے کے اخرجات کے ساتھ انہیں دیگر اخرجات بھی برداشت کرنے پڑتے ہیں اگر انتظامیہ اسی طرح کا طرز عمل کرتی رہی تو وہ اپنے کاروبار بند کرنے پر مجبور ہو جائینگے

قصور
ٹی ایم اے کی نا اہلی کتوں کی بھرمار
کتے جانوروں کو کاٹنے لگے جس سے جانوروں میں ریبیسین کی بیماری بڑھنے لگی
تفصیلات کے مطابق قصور اور گردونواح میں آوارہ کتوں کی بھرمار ہو گئی ہے بلدیہ قصور نے کتوں کو مارنے کی دوائی کئی عرصے سے نہیں ڈالی جس سے آوارہ کتے ہر طرف منڈلاتے نظر آتے ہیں
یہ آوارہ کتے انسانوں کے علاوہ لوگوں کے جانوروں کو بھی کاٹ رہے ہیں جس سے جانوروں میں Rabicin اعصابی نظام کو مفلوج کرنے کی بیماری بہت تیزی سے بڑھ رہی ہے جس سے جانور باءولا ہو جاتا ہے
نمائندہ باغی ٹی وی قصور کو بستی جمال دین قصور کے کسانوں عبدالرحمن ولد عبدالکریم قوم میئو ،عباس ولد عبدالقیوم اور محمد شبیر نے بتایا کہ گزشتہ چار دنوں سے ہمارے 3 جانوروں کو آوارہ کتے کے کاٹنے سے باءولے پن کی بیماری ہو گئی ہے جس کا ہم نے پرائیویٹ ویٹرنری ڈاکٹر بلا کر علاج کروایا ہے اس مرض کی ویکسیںن بہت مہنگی ہے جو اس مہنگائی کے دور میں متاثرہ جانوروں کو لگوانی پڑتی ہے جس سے ہماری مالی پریشانیوں میں مذید اضافہ ہو رہا ہے لہذہ ٹی ایم اے قصور فوری طور پر آوارہ کتوں کو ختم کرے اور محمکہ ویٹرنری ہیلتھ قصور ہمارے جانوروں کو متعلقہ بیماری سے بچاؤ کی ویکسین مہیا کرے

قصور
ڈی سی قصور اور ڈی ڈی ایچ او کی غفلت سے ڈاکٹر قصائی بن گئے
تفصیلات کے مطابق الہ آباد میں معصوم کمسن ننھی پری کی ہلاکت صرف نجی کلینک کے مالک پر ڈال دی گئی ڈی ڈی ایچ او نے اپنے پیٹی بھائی ڈاکٹر کو بچا لیا
ڈی ڈی ایچ او چونیاں نے اتائیوں کو کھلی چھٹی دے رکھی ہے اور اپنا کلینک چلانے میں مصروف ہیں جبکہ اتائی ڈاکٹر لوگوں کی جانوں سے کھیل رہے ہیں انتظامیہ بھی تب ہی حرکت میں آتی ہے جب کوئی سانحہ رونما ہوتا ہے
ڈی ڈی ایچ او صاحب صرف لاکھوں روپے تنخواہ ہی لینے کے وارث بنے ہوئے ہیں افسوس کب تک غریب لوگوں کی جان سے کھیل جائیں گا
نماز جنازہ کے بعد نھنی طالبہ کو سپرد خاک کر دیا گیا ہے طالبہ کی موت ڈاکٹر کی غفلت کے باعث ہوئی ہے مگر ڈی ڈی ایچ او چونیاں ڈاکٹر کے خلاف کاروائی سے گریزاں ہے

قصور
الہ آباد کا رہائشی محنت کش عرصہ چار سال سے لاپتہ پولیس دھونڈنے سے قاصر
غریب ماں باپ غم کے مارے نڈھال
تفصیلات کے مطابق الہ آباد محلہ گلشن اقبال کا رہائشی 16 سالہ محمد عرفان شاہ عرصہ چار سال دو ماہ سے لاہور کوٹ لکھپت سے لاپتہ ہے عرفان لاہور محنت مزدوری کرنے گیا تھا مگر گھر نا پہنچ سکا عرفان کس حال میں ہے کس کے پاس ہے کسی کو کوئی خبر نہیں عرفان شاہ کے ماں باپ نے اپنے بیٹے کیلئے لاہور شہر کا چپہ چپہ چھان مارا تھانہ کوٹ لکھپت لاہور کے درجنوں بار چکر بھی لگا لئے مگر ہر بار صرف تسلیاں ہی ملیں
عرفان کے والدین نے میڈیا کا سہارا لیا اور ساری روداد سنائی تو میڈیا پر خبر آتے ہی ڈپٹی انسپکٹر جنرل آف پولیس انویسٹی گیشن لاہور سپریٹینڈنٹ آف پولیس انویسٹی گیشن ماڈل ٹاؤن لاہورنے مغوی کی بازیابی کے لیے خصوصی ٹیم تشکیل دے دی
عرفان شاہ کے والدین نے میڈیا ٹیموں کا شکریہ ادا کیا کہ ان کی آواز بلند کرنے کی بدولت اعلی حکام نے نوٹس لیا ورنہ تھانے سے ہی تسلیاں دے کر روانہ کر دیا جاتا تھا

قصور
لوگ مردہ جانور روہی نالوں میں پھینکنے لگے جس سے تعفن اور بدبو پیدا ہو کر بیماریاں جنم لینے لگیں
تفصیلات کے مطابق رائیونڈ قصور روڈ کھارا ڈرین پر لوگوں نے مردار جانور پھینکنا شروع کر دیئے ہیں کبھی پولٹری فارم والے مری ہوئی مرغیاں پھینک جاتے ہیں تو کبھی کسان اپنے مرے ہوئے جانور اس ڈرین میں پھینک جاتے ہیں جن کو آوارہ کتے کھا جاتے ہیں اور باقی بچنے والی ہڈیوں اور مردار گوشت سے شدید تعفن اٹھتا ہے جس سے ادھر سے گزرنے والے لوگوں کا گزرنا تو محال رہتا ہی ہے ساتھ ساتھ تعفن سے لوگوں کو کئی بیماریاں بھی گھیر رہی ہیں افسوس تو اس بات کا ہے کہ ایسا کئی سالوں سے ہو رہا ہے مگر پھر بھی ضلعی انتظامیہ اور محمکہ ماحولیات قصور آنکھیں بند کیئے ہوئے ہیں
لوگوں نے ڈی سی قصور اور محکمہ ماحولیات قصور سے نوٹس لیتے ہوئے اس جرم کے مرتکب افراد کے خلاف کاروائی کرنے کا مطالبہ کیا ہے

قصور
پتوکی میں انسانیت سوز واقعہ
تفصیلات کے مطابق پتوکی سول ہسپتال میں انسانیت سوز واقعہ پیش آیا جہاں
گزشتہ رات علاج کے لئے آیا ہوا نامعلوم نوجوان جانبحق ہو گیا تو نوجوان کی لاش کو جھاڑیوں میں چھپا کر رکھ دیا گیا
لوگوں نے صبح لاش دیکھی تو ہسپتال انتظامیہ اور پولیس کو اطلاع دی
لاش پر ساری رات بلیاں اور کیڑے مکوڑے پھرتے رہے
تاحال نامعلوم لاش کی شناخت نہیں ہو سکی
خیال کیا جا رہا ہے کہ ہسپتال انتظامیہ نے اپنی غلطی کی بدولت جانبحق ہونے والے نوجوان کی لاش کو جھاڑیوں میں چھپایا ہوگا
پتوکی پولیس مصروف کاروائی ہے