Author: غنی محمود قصوری

قصور
کھڈیاں خاص میں چوری ڈکیتی کی وارداتیں نا رک سکیں
تفصیلات کے مطابق قصور کے قصبے کھڈیاں خاص میں دن دھاڑے نامعلوم چور موٹرسائیکل چرا کر لے گئے
جنازگاہ روڈ گلی عاشق ڈوگر کے رہائشی محمد یونس رحمانی کی گھر سے باہر کھڑی موٹرسائیکل نمبری ایل ای زیڈ 1603 دن دھاڑے نامعلوم چور موٹرسائیکل کا تالہ توڑ کر لے گئے
پولیس مصروف کاروائی ہے
اس سے قبل بھی کھڈیاں سے کئی موٹرسائیکل چوری ہو چکی ہیں جن کا ابھی تک کوئی سراغ نہیں مل سکا

قصور پولیس میں تبادلے
تفصیلات کے مطابق قصور پولیس میں ڈی پی او قصور زاہد نواز مروت کی طرف سے کئی پولیس افسران کے تبادلے کر دئیے گئے ہیں
انسپیکٹر محمد رمضان کو ایس ایچ او الہ آباد
انسپیکٹر طارق محمود کو ایس ایچ او کنگن پور
انسپیکٹر ناصر عباس کو ایس ایچ او کوٹ رادہاکشن
سب انسپیکٹر کفایت حسین کو انچارج سٹی سرکل
سب انسپیکٹر رانا سہیل کو ایس ایچ او تھانہ چھانگا مانگا
سب انسپیکٹر عابد محمود کو انچارچ سی آئی اے صدر سرکل
سب انسپیکٹر آصف نزیر کو انچارج سی آئی اے پتوکی
سب انسپیکٹر محمد اشرف کو انچارج سی آئی اے چونیاں
انسپیکٹر شوکت کو ہومیسائیڈ انویسٹیگیشن آفیسر تھانہ پھولنگر، تھانہ سرائے مغل
اور انسپیکٹر رشید سلیم کو ہومیسائیڈ انویسٹیگیشن تھانہ کوٹ رادہاکشن مقرر کیا گیا ہے

قصور
حبیب آباد پچھلے چند ماہ سے چوروں اور ڈاکوؤں کے رحم و کرم پولیس بھی لوگوں کی فریاد سننے سے عاجز
تفصیلات کے مطابق جاوید نگر حبیب آباد میں ایک گھر میں چوری ہوئی جسکی ایف آئی آر کاٹنے کی بجائے الٹا پولیس اہلکاروں نے ان سے ایف بی آر کیطرح قیمتی اشیاء کی رسیدیں مانگنا شروع کر دیں
غلہ منڈی لالہ زار کالونی شیر گڑھ روڑ پر یکے بعد دیگر چوری کی وارداتیں ہوتی رہی جاوید نگر بک شاپ پر ڈکیتی کی واردات ہوئی جس کی سی سی ٹی وی فوٹیج میں چوروں کی تصویریں واضح بھی ہو گئیں مگر پھر بھی چور قانون کی گرفت سے میں نا آ سکے
اسی طرح پچھلے ماہ چونیاں روڑ پر ٹرک ڈرائیور کو مزاحمت پر ڈاکوؤں نے فائر مار کر قتل کر دیا تھا
حبیب آباد پولیس ان تمام واقعات ہونے کے بعد بھی خواب خرگوش کے مزے لیتی رہی اس واقعے کے دو دن بعد ہی ڈاکوؤ چونیاں روڑ پر سرعام ڈکیتی کی وارداتوں میں مشغول تھے کہ ایک موٹر سائیکل سوار کو روکا جس کے مزاحمت کرنے پر اسے مار مار کر شدید زخمی کردیا متاثرہ شخص ابھی بھی زندگی اور موت کی جنگ لڑ رہا ھے
لوگوں نے ڈی پی او قصور سے حبیب آباد میں بڑھتی ہوئی چوری ، ڈکیتی کی وارداتوں کا نوٹس لینے کی اپیل کی ھے

قصور
ڈی ایچ کیو ہسپتال سفارشی لوگوں کیلئے ہی رہ گیا
تفصیلات کے مطابق قصور کا ڈسٹرکٹ ہیڈ کوارٹرز ہسپتال پرچی بنوانے سے ٹیسٹ کروانے تک اور دوائی لینے سے ہسپتال میں داخلہ لینے تک صرف سفارشی لوگوں کیلئے ہی رہ گیا ہے غریب اور بغیر سفارش کے مریض پرچے بنوانے میں ہی 4 گھنٹے گنوا دیتے ہیں اس کے بعد جب ڈاکٹر کے پاس جانے کی باری آتی ہے تب بھی سفارشی ٹولہ سب سے آگے ہوتا ہے جس کی بدولت غریب اور مستحق لوگ دوائی لینے سے رہ جاتے ہیں خاص طور پر کتے کاٹے کی ویکسین پر معمور عملہ کہتا ہے کہ ویکسین ختم ہو گئی ہے مگر 500 روپیہ پر فوری کتے کاٹے کا انجیکشن لگا دیتے ہیں
لوگوں نے اس صورت حال پر وزیر صحت اور ڈی سی قصور سے نوٹس لینے کی اپیل کی ہے

قصور
5 دن قبل چوری ہونے والی بھینس کا سراغ لگ گیا
تفصیلات کے مطابق اوراڑہ نو تھانہ راجہ جھنگ سے صفی اللہ گجر ولد عارف گجر کی بھینس 29 تاریخ کو چور رات کی تاریکی میں چرا کر لے گئے تھے جس پر اہلیان دیہہ نے چوروں کا پیچھا شروع کیا مگر چور بھینس لے کر فرار ہونے میں کامیاب ہو گئے تھے جس کے بعد دن کو صفی اللہ نے ماہر کھوجی کی خدمات حاصل کیں جس کے کھوج لگانے پر بھینس کا سراغ تھانہ صوا آصل موضع پانڈوکی کے ساتھ حویلی میئووانولی میں طفر عرف طفری میئو کے گھر تک پہنچا جس پر صفی اللہ اور اہلیان دیہہ نے ظفر سے پوچھا تو اس نے لاعلمی کا اظہار کیا مگر اس سے اگلے دن صفی اللہ گجر نے جاسوس کتوں کی مدد لی تو حیرت انگیز طور پر کتے بھی سراغ رسانی کرتے ہوئے ظفر عرف ظفری میئو کے گھر تک پہنچے جس پر ظفر نے کہا مجھ سے قسم لے لو مگر اس کے محلے سے اس کی قسم کسی نے نا دی جس پر ظفری نے کہا کہ میں یہاں نیا آباد ہوا ہوں لہذہ میری قسم میرے سابقہ گاؤں موضع نند کا تکیہ تھانہ شیخم سے لے لو اور 17 تاریخ تک وعدہ کر لیا مگر حیرت تب ہوئی کہ جب پتہ چلا کہ ظفری کو حویلی میئووانولی میں مقیم ہوئے کافی عرصہ گزر گیا ہے اور نند کا تکیہ سے اس کے نکلنے کی وجہ بھی یہی چوری چکاری ہی تھی

قصور
مولانا فضل الرحمن کا دھرنا جمہوریت کی بقاء کیلئے ہی ہے
تفصیلات کے مطابق سابق ایم این اے قصور و راہنماہ پی پی پی ملک منظور نے میڈیا نمائندگان سے گفتگو کرتے ہوئے کہا کہ مولانا فضل الرحمن کا دھرنا جمہوریت کی بقاء کیلئے ہے جس سے حکمران گھبرائے ہوئے ہیں اور ہواس باختہ ہو چکے ہیں لوگ مہنگائی اور بے روزگاری سے تنگ آ کر خود کشیاں کر رہے ہیں جبکہ حکمرانوں کو کوئی پرواہ نہیں غریب خط غربت سے نیچے آ گیا ہے جبکہ امیر مذید امیر تر ہو رہا ہے اور حکومتی طبقہ اپنے رشتہ داروں کو عہدوں اور مراعات سے نواز رہا ہے یہ گورنمنٹ بلکل ناکام ہو چکی ہے اب اسے گھر جانا ہی ہوگا

قصور
رائیونڈ تبلیغی اجتماع کی دعا کے بعد شدید ٹریفک جام
تفصیلات کے مطابق آج رائیونڈ تبلیغی اجتماع میں آخری دن پر دعا تھی دعا کے بعد اجتماع میں ملک بھر سے شریک افراد اپنے اپنے گھروں کی راہ لیتے ہیں کچھ لوگ اپنی ذاتی سواریوں پر آتے ہیں اور زیادہ تر افراد قافلے کی شکل میں بسیں کروا کر آتے ہیں دعا کے بعد ہر ایک جلدی جلدی پنڈال سے نکلنے کی کوشش کرتا ہے اور اپنی سواری والے سواری پر نکلتے ہیں جس سے یکدم پورے رائیونڈ کی ٹریفک تو جام ہوتی ہی ہے ساتھ ہی قصور کے مختلف راستے بھی ٹریفک کی بدولت بند ہو جاتے ہیں زیادہ تر لاہور جانے والے افراد قصور رائیونڈ روڈ سے گزرتے ہیں ایسے ہی دیپال پور ،پاکپتن عارف والا اور دیگر شہروں سے آئے لوگ بھی قصور کے راستے سفر کرتے ہیں جس سے قصور رائیونڈ روڈ،کوٹ رادہاکشن قصور روڈ،رائیونڈ براستہ کوٹ رادہاکشن تا پتوکی روڈ ٹریفک کی بدولت مکمل بند ہو چکے ہیں گاڑیوں کی اتنی زیادہ تعداد کی بدولت ٹریفک کا سارا نظام مفلوج ہو کر رہ گیا ہے جس سے مقامی لوگوں کو سخت کوفت اٹھانی پڑ رہی ہے

قصور
بھلو ڈرین پر واقع گھتہ فیکٹری میں دن 10 بجے لگنے والی آگ تاحال نا بجھ سکی
تفصیلات کے مطابق قصور فیروز پور روڈ پر کھارا ڈرین پل کی مشرقی نزد لکھنیکے گاؤں والی سائیڈ پر واقع گھتہ فیکٹری میں دن 10 بجے شارٹ سرکٹ کی بدولت لگنے والی آگ تاحال نا بجھ سکی ریسکیو ٹیمیں آگ بجھانے میں مصروف ہیں مگر خوشی قسمتی سے کوئی بھی جانی نقصان نہیں ہوا مگر فیکٹری کا گودام جو کہ گھتے سے بھرا ہوا تھا مکمل جل کر خاکستر ہو گیا ہے اور آگ مذید پھیل رہی ہے جس پر ریسکیو ٹیمیں قابو پانے کی بھرپور کوشش کر رہی ہیں

قصور
الہ اباد میں 4 لاکھ ہیڈ منی والا خطرناک اشتہاری مجرم گرفتار

تھانہ الہ آباد پولیس کی بڑی کاروائی خطرناک اور انتہائی مطلوب مجرم اشتہاری ادریس ماچھی گرفتار
مجرم اشتہاری ادریس ضلع قصور اور اوکاڑہ میں ڈکیتی اور راہزی کی متعدد وارداتوں میں ملوث ہے
ادریس ماچھی سال 2012 سے مفرور چلا آ رہا تھا
گورنمنٹ آف پنجاب نے ادریس ماچھی کی 4 لاکھ روپے ہیڈ منی مقرر کر رکھی تھی
لوگوں نے قصور پولیس کی اس بڑی کاروائی کی بے حد تعریف کی