Author: غنی محمود قصوری

قصور
سرکاری مال خانہ میں خورد برد کرنے والے پولیس اہلکاروں کے خلاف مقدمہ درج،تینوں ملزمان تاحال گرفتار نا ہو سکے

تفصیلات کے مطابق قصور کی تحصیل پتوکی کے سرکاری مال خانہ سے خورد برد کرنے پر تھانہ سٹی کے محرر رانا زاہد سمیت تین افراد کیخلاف مقدمہ درج تو ہو گیا مگر تینوں ملزمان کی گرفتاری تاحال نا ہو سکی ہے
پتوکی مال خانہ سے خورد برد پر تھانہ سٹی کے محرر رانا زاہد سمیت تین افراد کیخلاف مقدمہ درج ہے
مقدمہ تھانہ سٹی کے ایس ایچ او راحیل خاں کی مدعیت میں درج کیا گیا ہے
مقدمہ میں سابقہ محرر عارف، مال خانہ انچارج
سفیر احمد اور محرر رانا زاہد شامل ہیں
تینوں ملزمان میں سے تاحال کسی بھی ملزم کی گرفتاری عمل میں نہیں آئی ہے

قصور
پولیس حراست سے چھینا گیا ڈاکو دوسرے علاقے میں پولیس مقابلے میں جانبحق

تفصیلات کے مطابق تھانہ سٹی پھولنگر کی حراست سے چھینا گیا ڈاکو اللہ وارث جوئیہ کوٹرادھاکشن کے علاقہ میں دوران پولیس مقابلہ ہلاک ہو گیا
تھانہ کوٹرادھاکشن پولیس نے بستی لال شاہ ڈکیتی کی اطلاع پر مدکے پل نہر پر ناکہ بندی کی اور ناکہ بندی کے دوران ایک موٹر سائیکل پر سوار دو مشکوک افراد کو رکنے کا اشارہ کیا تاہم ملزمان نے رکنے کی بجائے پولیس پارٹی پر سیدھی فائرنگ کر دی
جس پر پولیس نے حق حفاظت خود اختیاری کے تحت جوابی فائرنگ کی
فائرنگ کا تبادلہ 30 منٹ تک جاری رہا
ملزمان کی طرف سے فائرنگ رکنے پر ایک ملزم پولیس کو زخمی حالت میں ملا
زخمی ڈاکو نے اپنا نام اللہ وارث جوئیہ سکنہ لمبے جاگیر بتایا اور بتایا کہ مجھے میرے ساتھیوں نے تھانہ سٹی پھولنگر کی حراست سے چھڑایا ہے
زخمی ڈاکو اللہ وارث جوئیہ کو زخمی حالت میں تحصیل ہسپتال کوٹرادھاکشن منتقل کیا جا رہا تھا کہ وہ راستہ میں ہی دم توڑ گیا
پولیس نے فرار ہونیوالے ملزمان کی گرفتاری کیلئے سپیشل ٹیمیں تشکیل دے دی ہیں

قصور ڈپٹی ڈائریکٹر آپریشنز باقر رسول انور کی صحت دشمن عناصر کیخلاف بڑی کاروائی‘فوڈ سیفٹی ٹیم کا چونیاں میں ملک یونٹ پر چھاپہ‘ 1000لیٹر کیمیکلز سے تیار جعلی دودھ تلف‘مالک کیخلاف مقدمہ درج‘دودھ برادر گاڑیاں اور مشینری کو ضبط کر لیا۔ ڈائریکٹر جنرل پنجاب فوڈ اتھارٹی محمد عاصم جاوید کی ہدایت پر ڈپٹی ڈائریکٹر آپریشنز باقر رسول انور کی صحت دشمن عناصر کے خلاف بڑی کاروائی‘فوڈ سیفٹی ٹیم کا چونیاں میں ملک یونٹ پر چھاپہ‘1000لیٹر کیمیکلز سے تیار جعلی دودھ تلف‘مالک کے خلاف مقدمہ درج۔ ڈپٹی ڈائریکٹر آپریشنز باقر رسول انور کی سربراہی میں فوڈ سیفٹی ٹیم نے تحصیل چونیاں کے علاقے میں واقع ملک یونٹ پر چھاپہ ماکر 1000لیٹر کیمیکلز سے تیار جعلی دودھ تلف کر کے مالک کے خلاف مقدمہ درج کروا دیا۔ دودھ بردار گاڑیاں،کوکنگ آئل، اور دودھ بنانے والی مشینری کو ضبط کر لیا گیا۔ ناقص پاؤڈر، کیمیکلز،آئل سے تیار دودھ بردار گاڑیاں نمبری CAM 482 اور AWG 6963 میں سپلائی کر کے لاہور بھیجا جارہا تھا۔ پانی میں پاؤڈر، کیمیکلز اور گندا گھی ڈال کر دودھ جیسا سفید گاڑھا محلول تیار کیا جا رہا تھا۔اس موقع پر ڈپٹی ڈائریکٹر آپریشنز باقر رسول انور کا کہنا تھا کہ جعلی یا ملاوٹی دودھ کا استعمال انسانی صحت کیلئے انتہائی مضر صحت ہے۔جعلی دودھ بنانے والے عناصر کا جڑ سے خاتمہ کرنے کے لیے عوام کا ساتھ انتہائی لازم ہے۔صحت دشمن عناصر کیخلاف فیس بک ایپلی کیشن، ٹال فری نمبر 1223 پر شکایات درج کروائیں۔

قصور
پولیس کی بروقت کاروائی شہریوں کو مردہ گوشت بھچنے کی نیت سے مردہ بھینس لیجاتے ملزمان گرفتار،شہریوں کی جانب سے پولیس کا شکریہ

تفصیلات کے مطابق قصور کی
تحصیل چونیاں کے تھانہ چھانگا مانگا کی پولیس نے شہریوں کو مردہ گوشت کھانے سے بچا لیا اور مردہ گوشت بیچنے کی نیت لیجاتے ہوئے ملزمان فیصل اور سہیل کو گرفتار کر کے منوں کے حساب سے مردہ گوشت برآمد کر لیا
چھانگا مانگا پولیس نے دین پور ڈوبہ کے قریب دوران گشت ایک رکشہ کو روکا جس میں بھینس مردہ حالت میں تھی
ذبح شدہ بھینس کا گوشت بذریعہ ویٹرنری ڈاکٹر معائنہ کیا گیا تو گوشت مضر صحت اور مردہ پایا گیا جس پر تھانہ چھانگا مانگا پولیس نے ویٹرنری ڈاکٹر کی مدعیت میں سلاٹر کنٹرول ایکٹ کی دفعات کے تحت مقدمہ درج کر لیا اور ملزمان سے تفتیش جاری ہے
شہریوں نے بروقت ملزمان کی گرفتاری پر پولیس کا شکریہ ادا کیا

قصور
بجلی کے بلوں میں اضافہ و سیلز ٹیکس کی آڑ میں تاجروں کا اشیاء ضروریہ کی قیمتوں میں خود ساختہ اضافہ،پرنٹڈ پرائس سے بھی زیادہ قیمتوں پر فروخت جاری ،شہریوں کا اے سی قصور سے پرنٹڈ پرائس پر چیزوں کی فروخت کا مطالبہ

تفصیلات کے مطابق قصور ضلع بھر اور خاص کر سٹی قصور میں تاجروں نے بجلی کی بڑھتی ہوئی قیمتوں اور سیلز ٹیکس کی آڑ میں ضروریات زندگی کی اشیاء پر پرنٹڈ پرائس کی بجائے اپنی من مانی قیمتوں پر شہریوں کو چیزوں کی فروخت شروع کی ہوئی ہے جس کی وجہ سے مہنگائی کی ماری عوام ایک طرف تو بجلی کے بلوں و دیگر اشیاء سے گورنمنٹ کی طرف سے مار کھا رہی ہے تو دوسری سمت تاجروں نے بھی عوام کو ہی مارنے کا تہیہ کر رکھا ہے
نا گورنمنٹ کم نفع پر راضی ہے اور نا ہی تاجر حضرات قربانی کا بکری عام عوام ہی بن رہی ہے
دو طرفہ مار کھانے والی عوام نے گورنمنٹ سے مطالبہ کیا ہے کہ خدارا بجلی کی قیمتوں میں کمی کی جائے اور سیلز ٹیکس کم کیا جائے تاکہ عوام کو کچھ سکون ملے
شہریوں نے اسے سی قصور سے مطالبہ کیا ہے کہ نوٹس لے کر پرنٹڈ پرائس سے زائد قیمت پر اشیاء بیچنے والے تاجروں کے خلاف کاروائی کی جائے

قصور
تحصیل پتوکی میں طالبات کو ہراساں کرنے سے منع کرنے پر وین ڈرائیور پر تشدد کرنے والے ملزمان گرفتار،مقدمہ درج

تفصیلات کے مطابق گزشتہ دنوں طالبات کو ہراساں کرنے سے روکنے پر وین ڈرائیور کو تشدد کا نشانہ بنانے والے 4 اوباش نوجوانوں کو سٹی پتوکی قصور پولیس نے گرفتار کرکے مقدمہ درج کر لیا ہے

گرفتار ملزمان طالبات کو کالج جاتے ہوئے ہراساں کر رہے تھے کہ ڈرائیور نے انہیں منع کیا جس پر ملزمان نے اسے تشدد کا نشانہ بنایا
سرعام ڈرائیور کو سڑک پر مارا پیٹا گیا اور جان سے مارنے کی دھمکیاں دی گئیں
معاملہ سوشل میڈیا و میڈیا پر گردش کرنے لگا تو ڈی پی او قصور نے سخت نوٹس لیا اور ملزمان کی جلد سے جلد گرفتاری کے احکامات جاری کئے

ایس ایچ او سٹی پتوکی کا کہنا ہے کہ واقعہ میں ملوث دیگر ملزمان کی گرفتاری کے لئے پولیس کی کارروائی جاری ہے اور انہیں بھی جلد پکڑ کر پابند سلاسل کیا جائے گا
آئی جی پنجاب ڈاکٹر عثمان انور کی سربراہی میں پولیس خواتین کے لئے ایک محفوظ اور پرامن معاشرے کے قیام کے لئے کوشاں ہے اس کاوش میں وین ڈرائیور کی طرح اپنا بھرپور کردار ادا کریں اور ہراسگی و دیگر ایسے واقعات سے متعلق بروقت پولیس کو آگاہ کریں

قصور
ڈسٹرکٹ ہیڈ کوارٹرز ہسپتال المعروف بابا بلہے شاہ ہسپتال میں ادویات کا سٹاک زیرو،پیناڈول،بروفن شربت تک لوگوں کو بازار سے خریدنے پڑ رہے ہیں،ایم ایس ہسپتال ہذا سب اچھا کی خبر دینے میں مصروف،شہریوں کا وزیراعلی پنجاب سے نوٹس لینے کا مطالبہ

تفصیلات کے مطابق قصور شہر اور قرب و جوار کی 10 لاکھ آبادی اور ضلع بھر کی 40 لاکھ آبادی کو صحت کی سہولیات دینے کا دعویدار ڈسٹرکٹ ہیڈ کوارٹرز ہسپتال المعروف بابا بلہے شاہ ہسپتال قصور کا سٹاک عرصہ دراز سے زیرو ہے
اگر ہے بھی تو لوگوں کو کچھ نہیں مل رہا
لوگوں کو دوائیوں کی بجائے دعاؤں سے نوازا جاتا ہے
گزشتہ دن شہری ڈائریا کی بیماری پر اپنی ڈیڑھ سال کی بچی کو لے کر ڈسٹرکٹ ہیڈ کوارٹرز ہسپتال کی ایمرجنسی وارڈ میں لے کر گیا جہاں اسے
Brufen,panadol
شربت کیساتھ
Enterogermina impiol
inflor sache
لکھ کر دے دیا گیا جو کہ اسے باہر کے میڈیکل سٹور سے خریدنا پڑا اور ایسا ہر مریض کیساتھ ہے
ہسپتال سے ایک گولی تک نہیں دی گئی
سہولیات کا فقدان اتنا ہے کہ پیناڈول و بروفن جیسا عام شربت تک لوگوں کو لکھ کر دیا جا رہا ہے جو وہ باہر میڈیکل سٹور سے خریدنے پر مجبور ہیں
جبکہ ہسپتال کا ایم ایس ہر روز نئے سے نئے دعوے کرتا ہے اور افسران کو سب اچھا کی رپورٹ پیش کرتا ہے
شہریوں کا کہنا ہے اگر ہسپتال میں ادویات آتی ہیں تو وہ کہاں جاتی ہیں ؟
شہریوں نے وفاقی وزیر صحت اور وزیر اعلیٰ پنجاب سے ازخود نوٹس لینے کی اپیل کی ہے

قصور
محکمہ زراعت و ضلعی انتظامیہ قصور کی طرف سے تنبیہی اعلانات،دھان کی فصل کی باقیات کو آگ لگانا جرم،سزا و جرمانہ

تفصیلات کے مطابق محکمہ زراعت و ضلعی انتظامیہ قصور نے سموگ کے تدراک اور فضائی آلودگی کی روک تھام کی خاطر ضلع بھر کی مساجد سے اعلانات کروائے ہیں جس میں دھان کی فصل کی باقیات کو آگ لگانے سے منع کیا گیا ہے اور تنبیہہ کی گئی ہے کہ اگر کوئی دھان کی فصل کی باقیات کو آگ لگاتے پکڑا گیا تو اسے
15 ہزار فی ایکڑ کے حساب سے جرمانہ ادا کرنا پڑے گا نیز
3 مہینے قید بھی ہو گی
ضلع بھر کے پٹواری،سپیشل برانچ پولیس و محکمہ زراعت کے ملازمین کو متحرک کر دیا گیا ہے

قصور
13 ستمبر سے لاپتہ ہونے والے بچے کا تاحال کوئی سراغ نا مل سکا،والدین شدت غم سے نڈھال،چائلڈ پروٹیکشن بیورو قصور اور ڈی پی او قصور سے نوٹس کی اپیل

تفصیلات کے مطابق قصور کے تھانہ صدر کے علاقہ ڈنگی پورہ کے رہائشی محنت کش فروٹ فروش عبدالمجید ولد محمد اصغر نے ایس ایچ او تھانہ صدر کو درخواست دی کہ اس کا بیٹا حیدر علی عمر تقریباً 8 سے 9 سال مورخہ 13 ستمبر دن گیاراں سے باراں بجے گھر سے لاپتہ ہے جس کے اغواء ہونے کا خدشہ ہے لہذا اس بابت ایف آئی آر درج کرکے کاروائی کی جائے تاہم آج 10 دن گزرنے کے باوجود گمشدہ بچے کا کوئی سراغ نہیں مل سکا
بچے کے والدین سخت پریشان ہیں اور ڈی پی او قصور اور چائلڈ پروٹیکشن بیورو قصور سے فریاد کرتے ہیں کہ ان کے بچے کو ڈھونڈ کر ان کے حوالے کیا جائے