Author: غنی محمود قصوری

قصور
رات گئے پولیس مقابلہ میں دو ڈاکو زخمی،دو فرار ہونے میں کامیاب

تفصیلات کے مطابق تھانہ صدر پھولنگر کے علاقہ خانکے موڑ کے قریب پولیس مقابلہ میں
زیر حراست دو ڈاکو شاہزیب اور امین مسیح سکنائے مشن کالونی رائونڈ ساتھیوں کی فائرنگ سے زخمی جبکہ فائرنگ کرنے والے حملہ آور ملزمان فرار
ہونے میں کامیاب ہو گئے
زخمی ڈاکو انتہائی خطرناک ہیں جو راہزنی کی 22 سے زائد وارداتوں میں ملوث تھے اور مزاحمت پر گولی مارنے سے بھی گریز نہیں کرتے تھے
انکشاف ہوا ہے کہ یہ دونوں ڈاکو موٹر سائیکل پر سوار ہو کر پھولنگر کے علاقوں نتھے خالصہ اور مدکے روڈ پر شہریوں سے لوٹ مار کرتے تھے
تین ماہ قبل نتھے خالصہ میں دکان پر ڈکیتی کرتے ہوئے مزاحمت پر ڈاکو عبید کو گرفتار کر لیا گیا تھا جبکہ امین مسیح فرار ہونے میں کامیاب ہو گیا تھا
گزشتہ شب تھانہ صدر پھولنگر زیر حراست دونوں ڈاکوؤں کو مقدمہ 866/24 بجرم 392 میں موٹر سائیکل ریکوری کر کے واپس آ رہی تھی کہ ڈاکوؤں کے دو ساتھی اپنے ساتھیوں کو پولیس حراست سے چھڑانے کی نیت سے خانکے موڑ کے قریب حملہ آور ہو گئے جن کی فائرنگ سے زیر حراست دونوں ڈاکو زخمی ہو گئے جبکہ حملہ آور ملزمان رات کی تاریکی کا فائدہ اٹھاتے ہوئے بھاگنے میں کامیاب ہو گئے
فرار ہونے والے حملہ آور ملزمان کی گرفتاری کیلئے ٹیمیں تشکیل دے دی ہیں

قصور
کتے کے کاٹنے کے ڈر سے کتے کو مارنا بچے کو مہنگا پڑ گیا،کتا مالکان نے بچے کو مار مار کر ہلکان کر دیا

تفصیلات کے مطابق شہر قصور میں پیرو والا روڈ پر شوکت نامی وکیل کے بیٹوں نے کتا پال رکھا ہے جو کہ دیکھنے میں کافی خطرناک لگتا ہے
شوکت کے بچ کتے سے ایک بچے کو ڈرا رہے تھے جس پر اس بچے نے محسوس کیا کہ کتا اسے کاٹ لے گا خود کو غیر محفوظ محسوس کرتے ہوئے اس
بچے نے اپنے دفاع میں بچنے کی خاطر کتے کو اینٹ ماری تو شوکت کے بیٹوں نے اس بچے کو اس کے گھر سے گھسیٹ کر باہر نکالا اور بچے پر لاتوں مکوں کی بارش کر دی جس سے بچے کا برا حال کر ہو گیا اور وہ شدید زخمی ہو گیا
متاثرہ بچے کو بلھے شاہ ہسپتال قصور داخل کروایا گیا ہے اور بچے کو خون کی الٹیاں آ رہی ہیں
اہلیان علاقہ و بچے کے ورثاء نے ڈی پی او قصور سے نوٹس لینے کی اپیل کی ہے

قصور پٹرولنگ پولیس نور پور چیک پوسٹ عوام کو تحفظ فراہم کرنے میں ناکام پٹرولنگ کرنے کی بجائے سارا دن ہوٹلوں اور روڈ پر ٹھنڈی جگہ پر بیٹھ کر وقت ضائع کرتے رہتے ہیں ڈی آئی جی پٹرولنگ سے نوٹس لینے کا مطالبہ تفصیلات کے مطابق پٹرول پولیس چیک پوسٹ نور پور کا اے ایس آئی مجید اورعملہ مبینہ طور پر رشوت لینے کا عادی ہو چکا ہے مسافر اور لوڈر گاڑیوں کے علاوہ ٹریکٹر ٹرالیوں اور موٹر سائیکل سواروں سے مبینہ طور پر نذرانہ وصول کیا جا رہا ہے گشت کرنے کی بجائے سارا دن مختلف ہوٹلوں دکانوں یا روڈ پر ٹھنڈی جگہوں پر آرام کرتے نظر آتے ہیں پٹرولنگ پولیس کے عملہ کی نااہلی کی وجہ سے جرائم میں اصافہ ہو چکا ہے اور مین قصور دیپالپور روڈ پر اکثر ٹریفک بلاک رہتی ہے پٹرولنگ پولیس کی نااہلی کی وجہ سے جگہ جگہ توڑی کے بھاری ٹرالو اور اوور لوڈ گاڑیوں کی وجہ سے اکثر ٹریفک بھی بلاک رہتی ہے کیونکہ ان سے مبینہ طور پر نذرانہ وصول کیا جاتا ہے مقامی شہریوں عرفان ملک، رشید احمد،باسط علی بھٹی احسان اللہ خان نے ڈی آئی جی پٹرولنگ پولیس سے اصلاح و احوال کا مطالبہ کیا ہے

قصور
برف کی تاحال کمی،منہ مانگی قیمتوں پر فروخت جاری،دیگر اشیاء ضروریہ کی بھی زائد قیمتیں وصول کی جاتی رہی

تفصیلات کے مطابق قصور میں عید کے دنوں سے اب عید کے ختم ہونے تک آئس فیکٹریوں کی من مانی جاری ہے
برف کی شدید قلت پیدا کی گئی ہے اور منہ مانگی قیمتوں پر برف کی فروخت جاری ہے
آئس فیکٹری مالکان نے برف کی قیمتوں میں دوگنا سے بھی زیادہ اضافہ کر دیا ہے جس کے باعث شہری سخت گرمی میں برف سے محروم ہیں
دوسری جانب گھریلوں ریفریجریٹروں میں قربانی کے گوشت کے باعث برف نا بننے سے بازاری برف کی ڈیمانڈ میں اضافہ ہوا ہے جس کے باعث برف بیچنے والوں کو اپنی من مانیاں کرنے کا موقع ملا ہے
نیز دیگر ضروریات زندگی کی اشیاء کی قیمتوں میں بھی من مانی کی گئی ہے جیسے،نان،روٹی،پھل و دیگر اشیاء وغیرہ
جبکہ سبزی مصالحہ جات میں بڑا اضافہ ہوا ہے اور سبزیوں کی مانگ نا ہونے کے باعث سبزیوں کی قیمتوں میں کچھ کمی واقع ہوئی ہے

قصور
احمد تھیلیسیمیا کئیر ہسپتال کنگن پور کے زیر اہتمام
ورلڈ بلڈ ڈونرز ڈے 2024 کے موقع پر خون عطیہ کرنے والے ڈونرز کو خراج تحسین پیش کرنے کے لیے ایک شاندار تقریب کا انعقاد کیا گیا جس میں
تھیلیسیمیا کے مریض بچوں نے بلڈ ڈونیٹ کرنے والے معزز ڈونرز کا استقبال کیا
اس موقع پر ڈی ایس پی سرکل چونیاں رانا زاہد علی خاں صاحب سمیت علاقہ بھر کی مذہبی سیاسی و سماجی شخصیات نے بھی شرکت کی

تقریب کے مقررین نے تھیلیسیمیا کے مریض بچوں کو بھرپور تعاون کا یقین دلایا اور اس عزم کا اعادہ کیا کہ ہم تھیلیسیمیا کے مریض بچوں کو خون کی کمی نہیں ہونے دیں گے

اس موقع پر ہسپتال انتظامیہ کی طرف سے بلڈ ڈونرز کا شکریہ ادا کیا گیا اور تھیلیسیمیا کے مریض بچوں کے لیے بلڈ ڈونیشن کیمپس کا انعقاد کروانے والے رضاکاروں میں اعزازی شیلڈز بھی تقسیم کی
تھیلیسیمیا کے مریض بچوں اور ان کے والدین نے بڑی تعداد میں تقریب میں شرکت کی تھیلیسیمیا کے مریض بچوں نے گفتگو کرتے ہوئے خون عطیہ کرنے والے بلڈ ڈونرز کا خصوصی شکریہ ادا کیا

تقریب کے اختتام پر وطن عزیز پاکستان کی سلامتی اور پاکستان سے تھیلیسیمیا کے خاتمے کے لیے خصوصی دعائیں بھی کرائی گئیں

قصور
ضلع بھر خاص کر چونیاں،الہ آباد اور کنگن پور میں بینظیر انکم سپورٹ پروگرام سے پیسے حاصل کرنے والی عورتوں سے رشوت لینے کا بازار گرم،وزیر اعلی سے نوٹس کی اپیل

تفصیلات کے مطابق قصور ضلع بھر میں اور خاص کر چونیاں،الہ آباد اور کنگن پور میں بینظیر انکم سپورٹ پروگرام سے پیسے لینے والی غریب عورتوں سے رشوت لینے کا انکشاف ہوا ہے
گزشتہ دن کنگن پور میں
ڈیوائس ہولڈرز نے ٹاون کمیٹی کنگن پور ،سی او روم آفس میں بیٹھ کر عورتوں سے پیسے لیکر انکے انگوٹھے لگائے اور بہانہ یہ بنایا کہ یہاں نیٹ ورک ٹھیک چلتا
ان مجبور محنت کش عورتوں سے 3000 سے 4000 روپیہ فی عورت سے رشوت وصول کی گئی اور یہ معمول بن چکا ہے کہ بینظیر انکم سپورٹ پروگرام سے پیسے لینے والی عورتوں کو بغیر رشوت لئے پیسے نکال کر نہیں دیئے جاتے
کل اس بات پہ کنگن پور میں عورتوں نے احتجاج کیا اور میڈیا نمائندگان سے بات چیت کرتے ہوئے بتایا کہ دور دراز سے آئی عورتوں کو سخت گرمی میں گھنٹوں لائنوں میں کھڑا کرکے ذلیل و رسو کیا جاتا ہے پھر اس کے بعد جو عورت بطور رشوت پیسے دے اسے پیسے نکال کر دیئے جاتے ہیں وگرنہ واپس بھیج دیا جاتا ہے
عورتوں نے احتجاج کرتے ہوئے وزیر اعلی پنجاب سے نوٹس لینے کی اپیل کی ہے

قصور
ڈپٹی کمشنر قصور کی طرف سے ڈسٹرکٹ پریس کلب قصور کے صدر سردار شریف سوہڈل کے خلاف بےبنیاد مقدمہ کی دھمکی،میڈیا نمائندگان کو بریفننگ،جلد وفد وزیر اعلی پنجاب سے ملاقات کرے گا

تفصیلات کے مطابق ڈسٹرکٹ پریس کلب قصور کے بانی و صدر معروف صحافی و وکیل سردار شریف سوہڈل نے میڈیا نمائندگان کو بتایا کہ
ڈپٹی کمشنر قصور میرے خلاف جھوٹا مقدمہ درج کروانا چاہتا ھے
میں جھوٹے مقدمات سے نہیں ڈرتا کرپٹ مافیا کے خلاف آواز بلند کی ھے اور کرتا رھوں گا جلد انسانی حقوق،عوامی سماجی،صحافتی اور وکلا تنظیموں کی نماٸندہ شخصیات کا وفد وزیر اعلیّ پنجاب سے ملاقات کرے گا جس میں ڈسٹرکٹ گورنمنٹ کی کارکردگی بمعہ ثبوت آگاہ کیا جاٸے گا
آٸی جی پنجاب پولیس اور ڈی پی او قصور جھوٹی درخواست پر اپنے فراٸض سر انجام دیں وہ ڈی سی قصور سے زیادہ اللہ کو جواب دہ ہیں
انہوں نے کہا کہ عوامی تکلیف پر کرپشن کی نشان دھی اپنا فرض سمجھتے ہیں اس لٸے ہمیشہ بلا خوف اپنی زمہ داری نبھاٸی ہے جس کی وجہ سے بوکھلاہٹ میں ڈپٹی کمشنر قصور نے مجھے ہراساں کرنے کے لٸے اپنے قریبی رشتہ دار اکرام انصاری کی مدعیت میں میرے خلاف جھوٹی کہانی بنا کر درخواست لکھی اور ایس ایچ او تھانہ بی ڈویژن کو اپنے دفتر بلوا کر مقدمہ درج کرنے کا حکم دیا
چونکہ ڈی پی او قصور اچھی شہرت کے حامل ھیں شاید اس لٸے تاحال انہوں نے اس جھوٹی درخواست پر مقدمہ درج نہیں کیا یاد رھے کہ اس درخواست کا مدعی چند سال پہلے ویزے کے چکر میں درجنوں لوگوں سے کروڑوں روپے ہتھیا کر غاٸب ھے ڈپٹی کمشنر قصور ان کی پشت پناھی کرتا ھے جس کی وجہ سے ابھی تک یہ قانون کی پکڑ سے باہر ھے حق اور سچ کہنے پر قبل ازیں بھی کچھ بیوروکریٹس اور سیاست دانوں نے مجھے ہراساں کرنے کے لٸے جھوٹے مقدمات میں پھنسانے کی کوشش کی مگر اللہ نے مجھے سرخرو کیا
سچ آخر سامنے آکر رہتا ھے اور مقدمات خارج ھوٸے
موجودہ ڈپٹی کمشنر بھی ہراساں کرنے کے لٸے اپنا شوق پورا کرلے مجھے ایماندار اور جراتمند پولیس افسران سے انصاف کی توقع ھے

قصور
کالعدم تنظیموں کو قربانی کی کھالیں اکھٹی کرنے سے روک دیا گیا،ڈی پی او قصور کی میٹنگ

تفصیلات کے مطابق ڈی پی او قصور محمد عیسیٰ نے پولیس افسران سے میٹننگ کرتے ہوئے احکامات جاری کئے کہ گورنمنٹ کے احکامات کی روشنی میں
قربانی کی کھالیں صرف گورنمنٹ آف پنجاب سے اجازت حاصل کرنیوالی تنظمیں ہی اکٹھی کر سکیں گی اور کسی کالعدم تنظیم کو کھالیں اکٹھی کرنے کی اجازت نہیں ہو گی
قصور ضلع بھر میں 7 مویشی منڈیوں پر 180 سے زائد پولیس افسران اور اہلکاروں کو تعینات کیا گیا ہے اور سیکورٹی کے فول پروف انتظامات کو یقینی بنایا گیا ہے
ڈی پی او قصور نے مویشی منڈیوں کے قریب پولیس گشت کو مزید بڑھانے کے احکامات جاری کئے تاکہ شہری ہر قسم کی واردات سے بچ سکیں اور عیدالاضحیٰ پر شہریوں کی جان و مال کی حفاظت کو صورت یقینی بن سکے

قصور
حق اور سچ کی آواز بلند کرنا صحافی کا جرم ٹھہرا،مقدمہ و دھمکیوں کا سامنا،صحافی برادری کا احتجاج،وزیر اعلی پنجاب سے نوٹس کی اپیل

تفصیلات کے مطابق قصور کے معروف صحافی و وکیل سردار شریف سوہڈل صدر ڈسٹرکٹ پریس کلب قصور نے ہمیشہ حق اور سچ کا ساتھ دینے کی کوشش کی اور بلا تفریق کرپشن کی نشاندھی کرنے کے لٸے اپنا کردار ادا کیا اور ذمہ دار پاکستانی شہری ہونے کے ناطے کرپشن کے خلاف کھل کر قلم اٹھایا
انہوں نے ڈسٹرکٹ گورنمنٹ کے دفاتر پٹوار خانے رجسٹری برانچ۔ڈومیساٸل برانچ وغیرہ میں رشوت کے بغیر عوام کے جاٸز کام نا ہونے پر ڈپٹی کمشنر کو کئی بار شکایت کی، اخبارات کے ذریعے و کھلی کچہریوں اور ان کے دفتر جا کر شکایات کیں جس پر چاہٸیے تھا کہ ڈپٹی کمشنر اس سلسلہ میں اپنا فرض ادا کرتے مگر وہ آگ بگولہ ھو گٸے اور سردار شریف سوہڈل کے کو جھوٹے مقدمات میں الجھانے کی دھمکیاں دینا شروع کر دیں اور اپنے ایک قریبی رشتہ دار اکرام انصاری کی مدعیت میں ان کے خلاف ایک جھوٹی کہانی بنا کر درخواست تیار کی اور ایس ایچ او بی ڈویژن انسپکٹر منیر حسین کو اپنے دفتر بلوا کر ان کے خلاف مقدمہ درج کرنے کا حکم دیا
اس سلسلہ میں عوامی نماٸندگان صدر مسلم لیگ ن لاھور ڈویژن اور سابق ایم این اے میاں وسیم اختر شیخ، ممبر پنجاب اسمبلی نعیم صفدر انصاری،حاجی صفدر علی انصاری نے بھی ڈی سی کو سمجھانے کی کوشش کی اور معاملے کو میرٹ پر بذریعہ پنچاٸت حل کرنے کا کہا مگر انہوں نے ان کے سامنے اقرار کیا کہ اس نے اپنے قریبی رشتہ دار کی مدعیت میں امانت میں خیانت کی درخواست دی ھے اور ڈی پی او قصور کو بھی مقدمہ درج کرنے کا حکم جاری کیا ھے
ایچ ایچ او نے درخواست پر کارواٸی کے لٸے ڈی ایس پی سٹی کو لیٹر لکھ دیا ھے
صدر ڈسٹرکٹ بار قصور فہد اکرم نے بھی متعلقہ افسران کو جھوٹا مقدمہ درج کرنے سے منع کیا ھے تاہم جونیٸر پولیس افسران ڈپٹی کمشنر قصور سے خاٸف نظر أتے ہیں جو کہ انصاف کا قتل ھے البتہ موجودہ ڈی پی او قصور اچھی شہرت کے حامل ہیں جن سے قصور کی صحافی برادری کی اپیل ہے کہ میرٹ پہ دو طرفہ فریقین کی بات سن کر کاروائی کی جائے اور کرپشن کے خلاف آواز بلند کرنے والے سینیئر ترین صحافی کے خلاف ذاتی انتظامی کارروائی کو رکوایا جائے
قصور کی صحافی برادری نے آزادی صحافت پہ شب خون مارنے والے افسران کے خلاف وزیر اعلی پنجاب سے نوٹس کی اپیل کی ہے

قصور
پاکستان مرکزی مسلم لیگ ضلع قصور کے زیر اہتمام
یوم تکبیر و یکجہتی فلسطین کانفرنس آج الہ آباد چونیاں میں ہوگی

تفصیلات کے مطابق آج مورخہ 27 مئی 2024 بروز سوموار شام 7 بجے پاکستان مرکزی مسلم لیگ قصور کے زیر اہتمام
چونیاں روڈ چوک الہ آباد میں یوم تکبیر و یکجہتی فلسطین کانفرنس ہو گی
جس میں ملک کے معروف مذہبی ، سیاسی و سماجی رہنما خطاب فرمائیں گے اور فلسطین سے خصوصی وفد کانفرنس میں شریک ہو گا
ضلع قصور کی تاریخ کی سب سے بڑی کانفرنس منعقد ہو گی جس میں ہزاروں لوگ شرکت فرمائیں گے نیز ملک بھر سے لوگ شرکت فرمائیں گے اور یوم تکبیر کے موقع پر فلسطینی وفد سے اظہار یکجہتی کرینگے