Author: غنی محمود قصوری

قصور
پولیس نے خطرناک اشتہاری مجرم گرفتار کر کیا،جدید ٹیکنالوجی کی مدد سے ٹریس کیا گیا

تفصیلات کے مطابق قصور پولیس نے خطرناک اشتہاری مجرم کو گرفتار کر لیا
پولیس نے تھانہ سرائے مغل کے ایس ایچ او غلام صابر کی سربراہی میں کامیاب کاروائی کرتے ہوئے راہزنی کی متعدد وارداتوں میں مطلوب اے کیٹگری کا خطرناک مجرم گرفتار کیا جو کہ
ضلع وہاڑی کا رہائشی ہے
اشتہاری مجرم یوسف عرصہ ایک سال سے اشتہاری ہے اور مفرور چلا آ رہا تھا اور تھانہ سرائے مغل پولیس کو راہزنی کے متعدد مقدمات میں مطلوب تھا
پولیس نے جدید ٹیکنالوجی کو بروئے کار لاتے ہوئے گرفتار کیا جس سے مذید تفتیش جاری ہے

قصور
گزشتہ ماہ سے ابتک سرکاری سکولوں کے بچے تاحال کتابوں سے محروم،کلاسیں بغیر کتابوں کے جاری،والدین پریشان

تفصیلات کے مطابق قصور ضلع بھر میں سرکاری سکولوں کے بچے گزشتہ ماہ رزلٹ آؤٹ ہونے سے اگلی کلاسوں میں بیٹھنے سے اب تک کتابوں سے محروم ہیں گورنمنٹ کی طرف سے کتابیں مہیا نہیں کی گئیں
بچے کلاسوں میں بغیر کتابوں کے جا رہے ہیں
ماضی کی طرح اس بار بھی اتنا عرصہ گزرنے کے بعد بھی بچوں کو بروقت کتابیں نا ملی سکی ہیں جس پہ والدین میں سخت تشویش پائی جا رہی ہے
نیز ماضی میں ہر سال بچوں کو گورنمنٹ کی طرف سے انگلش میڈیم نصاب مہیا کیا جاتا ہے جب کہ بیشتر سرکاری سکولوں میں اردو میڈیم نصاب پڑھایا جاتا ہے جس کے باعث والدین اپنے بچوں کو بازار سے کتابیں خرید کر دینے پہ مجبور ہیں
بچوں کے والدین نے موجودہ گورنمنٹ سے اپیل کی ہے کہ بچوں کو بروقت کتابیں مہیا کی جائیں اور اس بار اُردو میڈیم کتابیں مہیا کی جائیں تاکہ والدین کو کتابیں بازار سے نا خریدنی پڑیں
واضع رہے کہ ماہ جون میں گرمیوں کی چھٹیوں کے باعث سکول بند ہو جاتے ہیں جس کے باعث ابتک بچوں کو کتابیں نا ملنا باعث تشویش ہے

چونیاں
تحصیل ہیڈ کوارٹر ہسپتال، کارڈیک سنٹر سمیت دیگر سرکاری ہسپتالوں میں ادویات کا فقدان پیدا ہوگیا جس سے علاج معالجے کیلئے آنے والے مریض پریشانی میں مبتلا ہو رہے ہیں۔ تحصیل ہیڈکوارٹر ہسپتال، کارڈیک سنٹر چونیاں کے سرکاری ہسپتالوں میں 30 قسم کی بنیادی ادویات جس میں شوگر کی انسولین بھی ناپید ہوگئیں سرکاری ہسپتالوں میں علاج معالجے کیلئے آنے والے مریض اور انکے لواحقین خواری کا شکار ہیں۔ محمد زین، سردار رضوان، محمد اشفاق، اسماعیل اکرم و دیگر شہری کہتے ہیں کئی کلومیٹر کا سفر تحہ کرکے ہسپتال آنے کے بعد ڈاکٹروں کی جانب سے ادویات کی فراہمی کی بجائے محض ادویات کا نسخہ ہاتھ میں تھما دیا جاتا ہے۔ پنجاب حکومت جتنا روٹی، نان کا ریٹ کم کرنے اور فوٹو سیشن میں لگی ہے عملی طور پر عوامی مسائل پر توجہ دی جائے اور ہسپتالوں میں ادویات مہیا کی جائیں شہری کہتے ہیں کہ سرکاری ہسپتالوں میں ادویات سمیت دیگر سہولیات کی فراہمی کو فوری طور پر یقینی بناتے ہوئے انہیں سہولت فراہم کی جائے, معاملے پر تحصیل ہیڈ کوارٹرز ہسپتال کے فوکل پرسن کہتے ہیں کہ ادویات کی مرکزی خریداری میں تاخیر کی وجہ سے فقدان پیدا ہوا تاہم جلد فراہمی یقینی بنا دی جائے گی۔ شہریوں نے وزیر اعلیٰ پنجاب ، وزیر صحت سیکرٹری صحت اور دیگر حکام سے مطالبہ کیا ہے کہ فوری طور پر سرکاری ہسپتالوں میں ادویات مہیا کی جائیں

قصور
مچھروں کی آمد،شہریوں کی شامت،ملیریا کے وار،شہری بیمار،انتظامیہ خاموش تماشائی

تفصیلات کے مطابق قصور ضلع بھر میں اور خاص کر سٹی قصور و گردونواح میں موسم تبدیل ہوتے ہی مچھروں کی آمد ہو چکی ہے جس کے باعث شہریوں کی شامت آگئی ہے
اس بار مچھروں کی بہتات ہے جس کی وجہ سے لوگوں کا جینا دو بھر ہو گیا ہے
اوپر سے بار بار کی لوڈ شیڈنگ سے مچھروں کو شہریوں پہ خوب وار آزمائی کا موقع ملتا ہے
مچھروں کے کاٹنے سے ملیریا کی بیماری بہت بڑھ گئی ہے
مچھروں کی بہتات کی وجہ گزشتہ کئی سالوں سے محکمہ کی جانب سے مچھر مار سپرے نا کرنا ہے
ڈینگی بریگیڈ قصور کو شاید ہی کسی نے مچھر مار سپرے کرتے دیکھا ہو،پورا عملہ عرصہ دراز سے مفت کی تنخواہیں لے کر عوام پہ بوجھ ہے اور اس محکمے کی کارکردگی صفر ہے

اس ساری صورتحال پہ ضلعی انتظامیہ خاموش تماشائی ہے اور عوام بیماریوں کا شکار ہو رہی ہے
شہریوں نے ڈپٹی کمشنر قصور سے درخواست کی ہے کہ ضلع بھر میں مچھر مار سپرے کروائی جائے تاکہ مچھروں میں کمی واقع ہو اور شہری بیماریوں سے محفوظ رہیں

قصور
پیٹرولیم مصنوعات کی قیمتوں میں اضافے پر عوام میں تشویش،مہنگائی کا نیا طوفان

تفصیلات کے مطابق
گورنمنٹ نے پیٹرول کی قیمت میں 4 روپے 53 پیسے فی لیٹر اضافہ کیا ہے جس کے بعد پیٹرول کی نئی قیمت 293 روپے 94 پیسے فی لیٹر مقرر کی گئی ہے
اسی طرح ڈیزل کی قیمت میں 8 روپے 14 پیسے فی لیٹر اضافہ کیا گیا ہے جس کے بعد ڈیزل کی نئی قیمت 290 روپے 38 پیسے فی لیٹر مقرر کی گئی ہے
اس ساری صورتحال پہ عوام میں سخت تشویش پائی جا رہی ہے
لوگوں کا کہنا ہے کہ پہلے ہی بہت مہنگائی ہے اوپر سے پیٹرولیم مصنوعات کی قیمتوں میں اضافہ کرکے مہنگائی کا نیا طوفان لایا جا رہا ہے جس کے باعث شہریوں کا جینا مشکل ہو جائے گا

تفصیلات کے مطابق قصور کے نواحی گاؤں اوراڑہ نو کے رہائشی معروف شاعر منظور شاھد اوراڑہ ،جو کہ اے ٹی ایس سینتھیٹک پرائیویٹ لمیٹڈ کاہنہ لاہور میں بطور لفٹر ڈرائیور کام کرتے ہیں، نے اپنی کمپنی اور مینجنگ ڈائریکٹر میاں سعد سہیل,میاں سہیل نثار صاحب کے لئے ایک پنجابی نظم لکھی اور ان کو پیش کی جس پر میاں صاحبان نے بہت خوشی کا اظہار کیا اور شاعر کے اس کام کی بہت تعریف کی اور خوب داد و تحسین اور دعاؤں سے نوازا اور بہت کارکردگی پہ سرٹیفکیٹ دیا

قصور
روٹی و نان کی قیمتوں میں کمی کا اعلان،عوام ایک روٹی خریدنے پر دکاندار سے 4 روپیہ واپس اور 2 روٹی خریدنے پہ کھلے 2 روپیہ کہاں سے لائے گی،عوام کا سوال

تفصیلات کے مطابق قصور ضلعی انتظامیہ نے پنجاب حکومت کی ہدایات پر عمل کرتے ہوئے روٹی کی قیمت چار روپے کم کر دی جس کے باعث روٹی کی قیمت 20 روپے سے کم کر کے 16روپے فی روٹی مقرر کی گئی ہے
ڈپٹی کمشنر قصور محمد ارشد بھٹی کا کہنا ہے کہ قصور ضلع میں آج سے 100 گرام روٹی کی قیمت 16 روپیہ ہو گی جبکہ 120 گرام نان کی قیمت 20 روپے مقرر کی گئی ہے
تمام اسسٹنٹ کمشنرز، پرائس کنٹرول مجسٹریٹس کو روٹی اور نان کی قیمت کو سختی سے مانیٹر کرنے کی ہدایت کی گئی ہے اور روٹی اور نان کی زاہد قیمت پر فروخت کرنے والوں کے خلاف بلا تفریق کاروائی عمل میں لائی جائے گی
تاہم شہریوں کا کہنا ہے کہ اگر ایک روٹی خریدیں تو دکاندار 4 روپیہ واپس کیسے کرے گا اور اگر 2 روٹیاں خریدیں تو عوام کھلے 2 روپیہ کیسے ادا کرے گی؟

قصور
غریب نجی سیکیورٹی گارڈز عید پہ بھی اپنی تنخواہوں ،بقایا جات اور چھٹیوں سے محروم،ڈی جی لیبر سے کاروائی کی استدعا

تفصیلات کے مطابق قصور کے غریب نجی سکیورٹی گارڈز نے اپنی کسمپری پہ
ڈی جی لیبر اور اسسٹنٹ لیبر قصور سے نوٹس لینے کی اپیل کی ہے
یہ غریب نجی سیکیورٹی گارڈز عید پہ بھی اپنی تنخواہوں،بقایا جات اور چھٹیوں سے محروم ہیں
نجی سیکورٹی ادارے نجی سیکورٹی گارڈوں کو نہ چھٹی دیتے ہیں اور نہ تنخواہیں پوری دیتے ہیں اگر کوئی چھٹی کرے تو اس کی تنخواہ کاٹ لی جاتی ہے اور بیشتر جگہوں پہ ڈیوٹی بھی 12 گھنٹے لی جاتی ہے
نجی سکیورٹی گارڈز کا کہنا ہے کہ کیا یہ سکیورٹی ادارے لیبر قانون کے شکنجے میں نہیں آتے ہسپتالوں،انڈسٹری ایریا، ہاوسنگ سکیموں کے مالکوں، مینجروں، سپروائزروں کے خلاف کیوں کاروائی نہیں جاتی جو سرعام لیبر ایکٹ کی خلاف ورزی کرتے ہیں
واضع رہے کہ بیشتر سیکورٹی کمپنیاں کئی کئی ماہ سیکیورٹی گارڈ کو تنخواہ نہیں دیتی ہیں جس پہ کئی بار احتجاج بھی ہو چکا ہے اور گورنمنٹ کی طرف سے نوٹیفیکیشن بھی جاری کیا گیا ہے کہ جلد سے جلد بقایا جات ادا کئے جائیں تاہم ابھی تک بقایا جات نا مل سکے ہیں

قصور
عید الفطر پہ اندھیر نگری چوپٹ راج ،بڑا گوشت 1000 روپیہ اور چھوٹا گوشت 2200 روپیہ فی کلو تک فروخت،انتظامیہ خاموش تماشائی

تفصیلات کے مطابق قصور ضلع بھر میں گراں فروشوں نے حکومتی دعوے بے نقاب کر دیئے ہیں
گراں فروشوں نے عید الفطر کی آمد سے قبل ہی تمام ضروریات زندگی کی قیمتوں میں خودساختہ اضافہ کر دیا تھا
جس کو کنٹرول کرنے میں ضلعی انتظامیہ مکمل ناکام نظر آ رہی ہے اور انتطامیہ کے دعوے بے نقاب ہو رہے ہیں
عیدالفطر پہ قصابوں نے گراں فروشی کرتے ہوئے بڑا گوشت 900 سے 1000 روپیہ فی کلو اور چھوٹا گوشت 2100 سے 2200 روپیہ فی کلو تک فروخت کیا
مہنگائی کی ماری غریب عوام نے مجبور ہو کر مہنگے داموں گوشت خریدا
اس کے علاوہ تمام اشیاء من مانی قیمتوں پہ فروخت کی گئیں
عید الفطر کے موقع پہ کسی نے بھی پرائس کنٹرول نا تو عمل کیا اور نا ضلعی انتظامیہ نے کروایا