قصور
انٹرنیٹ سلو،انٹرنیٹ صارفین خاص کر سیلولر ڈیٹا صارفین سخت پریشان،
تفصیلات کے مطابق قصور شہر و قرب و جوار کے دیہات میں گزشتہ کئی روز سے انٹرنیٹ بہت سلو ہے خاص کر سیلولر انٹرنیٹ کی سپیڈ بہت کم ہے جس کے باعث صارفین سخت پریشان ہیں
LTE اور VoLT
نا ہونے کے برابر ہے بینڈوتھ تک رسائی سست ہے جس کے باعث شہریوں کے انٹرنیٹ پیکج بے مقصد ہی ختم ہو رہے ہیں اور طالب علموں کیساتھ ساتھ کاروباری لوگوں کو بھی سخت مشکلات کا سامنا ہے
شہریوں نے ضلعی انتظامیہ سے نوٹس لینے کا مطالبہ کیا ہے
قصور
انسداد پولیو مہم جاری،سینکڑوں انسداد پولیو ٹیمیں گھر گھر جا کر بچوں کو حفاظتی قطرے پلا رہی ہیں
تفصیلات کے مطابق قصور ضلع بھر میں کل 26 فروری سے انسدادِ پولیو مہم شروع ہے جو کہ 1 مارچ تک جاری رہے گی جس میں ہر گلی محلے و دیہات میں سینکڑوں پولیو ٹیمیں گھر گھر جا کر چھوٹے بچوں کو پولیو سے بچاؤ کے حفاظتی قطرے پلائیں گیں
پولیو ورکرز کی سیکیورٹی کیلئے قصور پولیس کے 600 جوان تعینات کئے گئے ہیں جو پولیو ورکرز کے ہمراہ سیکیورٹی کے فرائض سر انجام دیں گے
ضلعی انتظامیہ قصور،سی ای او ہیلتھ قصور نے والدین سے اپیل کی ہے کہ اپنے کم عمر بچوں کو لازمی پولیو کے قطرے پلائیں اور ڈیوٹی پہ موجود پولیو ورکرز سے مکمل تعاون کریں
قصور
آمد رمضان کے پیش نظر دکانداروں نے اشیاء کی قیمتوں میں خود ساختہ اضافے کرنے شروع کر دیئے،انتظامیہ سے نوٹس کی اپیل
تفصیلات کے مطابق قصور ضلع بھر میں آمد رمضان کے پیش نظر دکانداروں نے اشیاء کی قیمتوں میں خودساختہ اضافہ کرنا شروع کر دیا ہے
حسب سابق کی طرح اس بار بھی رمضان سے قبل ہی دکانداروں نے ماہ رمضان میں زیادہ استعمال ہونے والی چیزوں مثلاً کجھور،گھی،شربت، چینی،دودھ،دھی،پھل و سبزیوں کی قیمتوں میں اضافہ کرنا شروع کر دیا ہے جس کے باعث مہنگائی کے مارے عام غریب لوگ سخت مشکلات کا شکار ہیں
شہریوں نے ضلعی انتظامیہ سے استدعا کی ہے کہ پرائس کنٹرول مینجمنٹ پہ عمل درآمد کروانے کے لئے رمضان سے پہلے ہی کاروائی کی جائے اور گراں فروشوں کو مذموم مقاصد سے روکا جائے تاکہ مہنگائی کی پسی ہوئی عوام آرام سے رمضان کے روزے رکھ سکیں
قصور
گزشتہ روز قصور پولیس میں نئی بھرتی کیلئے جسمانی پیمائش کا و دیگر ٹیسٹ عمل میں لائے گئے
ڈسٹرکٹ پولیس لائنز قصور میں کانسٹیبلز، لیڈی کانسٹیبلز، ڈرائیور کانسٹیبلز اور ٹریفک اسسٹنٹس کے جسمانی پیمائش کی گئی اور
ریکروٹمنٹ بورڈ میں شامل سینئر افسران کی زیر نگرانی امیدواروں کے فزیکل ٹیسٹ مکمل کئے گئے
جسمانی پیمائش مرحلے کے پہلے روز 02 ہزار کے قریب امیدواروں نے شرکت کی اور قد و چھاتی کی پیمائش کروائی
فزیکل ٹیسٹ کے تمام مراحل کی ویڈیو بنائی گئی تاکہ شفافیت اور میرٹ کو یقینی بنایا جا سکے
ڈی پی او قصور کا کہنا ہے کہ ملک و قوم کی خدمت کا جذبہ رکھنے والے نوجوان اور خواتین امیدواروں کو پولیس فورس کا حصہ بنایا جارہا ہے
پولیس فورس میں بھرتی کا عمل مکمل شفافیت اور جاری کردہ ایس او پیز کے مطابق مکمل کیا جا رہا ہے
قصور
سرعام پتنگ بازی و پتنگ سازی جاری،پولیس مکمل ناکام،شہریوں کی آئی جی پنجاب سے اپیل
تفصیلات کے مطابق ضلع قصور میں پتنگ بازی جیسا خونی کھیل جاری ہے جسے کنٹرول کرنے میں قصور پولیس مکمل طور پر ناکام ہے
پتنگ بازی سے بجلی کی تاروں کے جڑنے سے ٹرانسفارمرز کا بھی نقصان ہو رہا ہے جو کہ واپڈا کی بجائے عوام کو خود اپنے پلے سے ٹھیک کروانا پڑتا ہے نیز پتنگ بازی کے باعث آئے روز لڑائی جھگڑے بھی جنم لے رہے ہیں
شہر قصور میں سرعام پتنگ بازی و پتنگ سازی کی جا رہی ہے جس پہ پولیس کی جانب سے چند ایک افراد کو پکڑا گیا تاہم مکمل کاروائی عمل میں نہیں لائی جا رہی جس کے باعث سرعام پتنگ بازی کی ہو رہی ہے
شہریوں نے ڈی پی او قصور آر پی او شیخوپورہ ریجن اور آئی جی پنجاب سے نوٹس لے کر نہ صرف پتنگ بازی کی روک تھام کا مطالبہ کیا ہے بلکہ اس کام میں معاونت کرنے والے اور سست روی کا شکار پولیس اہلکاروں کے خلاف کاروائی کا بھی مطالبہ کیا گیا ہے
قصور
ایک ہی دن مذہبی جماعتوں کے دو کارکنان قتل،تحقیات کرنے اور ملزمان کو جلد سے جلد گرفتار کرنے کا مطالبہ
تفصیلات کے مطابق پرسوں ایک ہی دن میں دو جوان کارکنان مذہبی جماعت کو بیدردی سے قتل کیا گیا جس پہ علاقے میں سخت خوف و ہراس پایا جا رہا ہے
پرسوں عبدالرحمن ناصر ولد مولانا شکیل الرحمن ناصر راہنما مرکزی جمیعت اہلحدیث پاکستان کو پتوکی کے علاقے بھائی کوٹ کے نزدیک قتل کیا گیا جبکہ دوسرا واقعہ قصور کے نواحی قصبے کھڈیاں کے نزدیک پیش آیا جس میں پاکستان مرکزی مسلم لیگ کے کارکن امجد علی
کو گولی مار کر قتل کیا گیا
واضع رہے کہ قتل ہونے والے دونوں جوانوں کا تعلق مذہبی جماعتوں سے تھا
گزشتہ سال سے ابتک مذہبی جماعتوں کے کئی کارکنان کو قتل کیا گیا ہے جس پہ لوگوں میں سخت تشویش پائی جا رہی ہے
لوگوں نے آئی جی پنجاب ڈاکٹر عثمان اور ڈی پی اور قصور طارق عظیم سندھو سے ملزمان کی جلد سے جلد گرفتاری اور اصل حقائق سامنے لانے کی استدعا کی ہے
قصور
انسپیکٹر نے سرعام ایک شحض کو تھپڑ مارے،ویڈیو سوشل میڈیا پہ وائرل،عوام کا انسپیکٹر کے خلاف سخت کارروائی کا مطالبہ
تفصیلات کے مطابق گزشتہ دن قصور کی تحصیل پتوکی کے تھانہ سٹی پتوکی میں تعینات اے ایس آئی لیاقت علی نے شہری کو سرعام تھپڑ مارے جس کی ویڈیو سوشل میڈیا پہ وائرل ہوئی اور لوگوں نے اے ایس آئی کے خلاف سخت سے سخت کاروائی کا مطالبہ کیا
جس پہ ڈی پی او قصور نے نوٹس لیتے ہوئے ڈی ایس پی پتوکی کو میرٹ پہ کاروائی کرنے کا حکم جاری کیا اور کہا کہ
کسی بھی شہری سے بدتمیزی اور تشدد ہرگز برداشت نہیں کیا جائے گا جو پولیس اہلکار اس کا مرتکب ہو گا اسے قانونی کاروائی کا سامنا کرنا پڑے گا
عوام کی جانب سے مطالبہ ہے کہ ملزم پولیس اہلکار کے خلاف سخت کاروائی کی جائے تاکہ کوئی بھی شحض خود کو قانون سے بالاتر نا سمجھے اور لوگوں کو قرار واقعی احساس ہو کہ پولیس عوام کی محافظ ہے
شہریوں کا کہنا ہے کہ اگر محض باتوں تک بیان محدود رہا تو لوگوں کا پولیس سے اعتبار اٹھا اعتبار بحال نا ہو سکے گا
قصور
گزشتہ سال سیلاب میں بہہ کر آنے والا 20 فٹ لمبا مگرمچھ لوگوں کیلئے خطرہ
تفصیلات کے مطابق قصور گنڈا سنگھ بارڈر کے قریب واقع دریائے ستلج میں 20 فٹ لمبا مگرمچھ لوگوں کیلئے خوب کی علامت بنا ہوا ہے
مقامی رہائشیوں کا کہنا ہے کہ یہ مگرمچھ گزشتہ سال 6 ماہ قبل آنے والے سیلاب کے باعث انڈین علاقے سے آیا ہے جس کے باعث مقامی لوگ میں خوف ہراس پایا جاتا یے
مقامی لوگ اس سے پریشان ہیں جس کے باعث اس مگرمچھ کو بھی خطرہ ہے کہ کوئی اسے مار نا دے تاہم لوگوں کو اس سے اپنی جانوں کا زیادہ خطرہ رہتا ہے
اس ساری صورتحال کے باعث لوگوں نے وائلڈ لائف ڈیپارٹمنٹ قصور سے مطالبہ کیا ہے کہ اس کا سدباب کیا جائے اسے پکڑ کر کسی چڑیا گھر منتقل کیا جائے یا پھر اس کا کوئی اور سدباب کیا جائے تاکہ لوگوں کی جانیں بھی محفوظ رہیں اور مگرمچھ بھی محفوظ رہے
قصور
غنڈہ گرد عناصر کا خاتون ٹیچرپر پر تشدد ،خاتون ٹیچر کے چہرے پر تھپڑوں کی بارش کر دی،ملزمان کو پکڑنے کا مطالبہ
تفصیلات کے مطابق قصور کے نواحی قصبے مصطفی آباد للیانی کے نواحی گاؤں تھہ دیال سنگھ میں تعینات خاتون ٹیچر اسرا حفیظ نے میڈیا سے بات کرتے ہوئے بتایا کہ گورنمنٹ گرلز سکول تھہ دیال سنگھ میں تعینات ہوں۔آج زوہیب اپنی بہن زیبا کی سکول سے چھٹی لینے کیلئے بغیر اجازت گرلز کلاسز میں چلا گیا جس پر میں نے اسے اپنے پاس بلایا اور بتایا کہ بچی پہلے ہی بہت زیادہ چھٹیاں کرتی ہے اور پیپرز کے دوران چھٹی دینے سے بچوں کے رزلٹ پر بھی برا اثر پڑتا ہے۔جس پر زوہیب غصے میں آگیا کر دھمکیاں اور گالم گلوچ کرتے ہوئے وہاں سے چلا گیا
چھٹی کے وقت جب میرے والد صاحب مجھے لینے کیلئے آئے تو زوہیب اپنے چار،پانچ ساتھیوں سمیت دوبارہ آگیا اور آتے ہی مجھ سے اور میرے والد سے گالم گلوچ شروع کر دی اس کے بعد زوہیب نے مجھے زدوکوب کیا، مجھے اور میرے بوڑھے والد کو بے تحاشا تھپڑ مارے
علاقہ مکینوں نے بڑی مشکل سے میری اور میرے والد کی جان چھڑوائی
پرنسپل گورنمنٹ سکول تھہ دیال سنگھ سے اعلیٰ حکام سے کاروائی اور تحفظ کی اپیل کی ہے
علاوہ ازیں پولیس نے مقدمہ درج کر کے ملزمان کی تلاش شروع کر دی
قصور
الیکشن گیا تو بجلی بھی گئی،الیکشن دنوں میں مہمان کی طرح آرام پہنچانے والی بجلی نے جانا اور آنا شروع کر دیا،الیکشن سدا ہی رہے تو اچھا ہے معصوم عوام کی خواہش
تفصیلات کے مطابق قصور ضلع بھر میں الیکشن سے قبل لوڈشیڈنگ نے لوگوں کی چیخیں نکلوا رکھی تھیں سخت سردی کے دنوں میں جب لوڈ نا ہونے کے برابر تھا،تب گھنٹوں بجلی بند رکھی جاتی تھی جس پہ عوام نے پرزور مطالبے کئے تاہم کوئی شنوائی نا ہوئی مگر جیسے جیسے الیکشن کے دن قریب آتے گئے غیبی امداد کی طرز پہ لوڈشیڈنگ میں کمی ہوتی گئی حتی کہ الیکشن سے ایک ہفتہ قبل سے الیکشن دن سے دو چار روز بعد تک بجلی مہمان کی طرح لوگوں کو آرام پہنچاتی رہی اور عوام نے گمان کرنا شروع کر دیا کہ شاید اب لوڈشیڈنگ نا ہوگی تاہم دو تین دن سے جب کہ الیکشن کی بازگشت بہت کم رہ گئی ہے،لوڈشیڈنگ نے لوگوں کو یاد کروا دیا کہ مہمان کبھی بھی جا سکتا ہے
سو اب ایک بار پھر سے بجلی جانے اور آنے کا سلسلہ شروع ہو گیا جس کے بابت گمان ہے کہ گرمی کیساتھ لوڈ بڑھنے سے 24 گھنٹوں میں شاید دو چار گھنٹے ہی بجلی ملا کرے گی
معصوم اور سادا لوح عوام نے سوچنا شروع کیا ہے کہ اگر بجلی الیکشن دنوں میں رہنا لازم ہے تو سدا الیکشن ہی رہنے دیں تاکہ لوگ بجلی سے محروم تو نا رہیں