Author: غنی محمود قصوری

قصور
خطرناک ڈکیت گینگ ساتھیوں سمیت گرفتار،مال مسروقہ و ناجائز اسلحہ برآمد

تفصیلات کے مطابق قصور پولیس نے ڈکیتی راہزنی کی درجنوں وارداتوں میں ملوث خطرناک ڈکیت گینگ کا سرغنہ ساتھیوں سمیت گرفتار کر لیا ہے
تھانہ صدر پتوکی کے ایس ایچ او عاطف نذیر کی سربراہی میں ڈکیت گینگ کے خلاف کامیاب کاروائی کرتے ہوئے پولیس نے پتوکی ملتان روڈ اور لنک روڈ پر راہزنی میں ملوث ڈکیت گینگ علی شیر عرف دونا مسلی گینگ کے سرغنہ کو ساتھیوں سمیت گرفتار کیا ہے
جن کے قبضہ سے لوٹی گئی 2 لاکھ کی نقدی رقم 8 موبائل فونز اور ناجائز اسلحہ برآمد ہوا ہے
گرفتار ملزمان موٹر سائیکل پر سوار ہو کر ملتان روڈ پتوکی اور لنک راستوں پر وارداتیں کرتے تھے
ملزمان نے دوران تفتیش پتوکی اور گردونواح میں 27 وارداتوں کا انکشاف کیا ہے
ملزمان سے مزید تفتیش جاری ہے جس میں مذید وارداتوں کا انکشاف متوقع ہے
ڈی پی او قصور طارق عزیز سندھو نے بہترین کارکردگی پر تھانہ صدر پتوکی پولیس کو شاباش دی

قصور
پودوں کو خوراک،پانی کی بجائے کورا کرکٹ سے ڈھانپ دیا گیا،پودے سوکھنے لگے،
ڈپٹی کمشنر سے ازخود نوٹس لینے کا مطالبہ

تفصیلات کے مطابق ضلعی انتظامیہ کی عدم توجہی کے باعث گرین بیلٹ پر لگے پودوں کو پانی و خوراک دینے کی بجائے
کوڑا کرکٹ دیا جا رہا ہے
کورے کرکٹ سے بھری ٹرالیاں پورے شہر سے اکٹھی کرکے پودوں کی جڑوں میں سٹاک کی جا رہی ہیں جس سے گرین اینڈ کلین پنجاب کی دھجیاں بکھر کر رہ گئی ہیں اور پودے سوکھنا شروع ہو گئے ہیں
شہریوں نے ڈپٹی کمشنر قصور سے از خود نوٹس لینے کی اپیل کی ہے اور مطالبہ کیا ہے کہ سخت گرمی کے موسم میں پودوں کی اچھے طریقے سے دیکھ بھال کی جائے تاکہ گرمی کی سخت میں سڑکوں پہ مسافروں کو گرمی سے بچنے میں مدد ملے

قصور
گزشتہ دنوں اجلاس میں ٹرانسپورٹ کرایوں میں کمی کا اعلان محض اعلان عملاً ناکام،شہری پریشان

تفصیلات کے مطابق گزشتہ دنوں ایڈیشنل ڈپٹی کمشنر جنرل کی زیر صدارت اجلاس ہوا جس میں ضلع بھر میں چلنے والی ٹرانسپورٹ کے کرایوں میں کمی کے حوالے سے جائزہ لیا گیا تھا جبکہ اجلاس میں ضلع بھر سے ٹرانسپورٹرز نے بھی شرکت کی تھی اور پٹرولیم مصنوعات کی قیمتوں میں کمی کے ثمرات عوام تک پہنچانے کے لیے کرایوں میں کمی کا اعلان کیا گیا تھا تاہم وہ اعلان اعلان ہی رہا اس پہ عمل درآمد بلکل نا ہوا ہے
ٹرانسپورٹرز پرانے کرائے ہی وصول کر رہے ہیں
شہریوں نے ڈپٹی کمشنر قصور سے نوٹس لینے کی اپیل کی ہے

قصور
سالانہ تکمیل صحیح البخاری کی تقریب آج مرکز ابن الخطاب الاسلامی الہ آباد چونیاں میں ہو گی،تقریب کا آغاز بعد نماز مغرب ہو گا

تفصیلات کے مطابق قصور ضلع کی معروف دینی درسگاہ مرکز ابن الخطاب الاسلامی چونیاں روڈ الہ آباد میں آج بروز ہفتہ بعد نماز مغرب سالانہ تکمیل صحیح بخاری کی پروقار تقریب ہو گی
تقریب بانی درسگاہ حضرت علامہ اکبر سلیم کے صاحبزادگان رئیس مرکز علامہ احسان اکبر ظہیری فاضل کنگ سعود یونیورسٹی سعودیہ عربیہ اور مولانا سلمان اکبر کی زیر قیادت ہو گی
جس میں بخاری شریف مکمل کرنے والے طلباء میں اسناد و انعامات تقسیم کئے جائیں گے جس کے مہمانان گرامی معروف عالم دین حضرت مولانا قاری محمد حنیف ربانی صاحب،اور معروف عالم دین قاری صہیب میر محمدی صاحب ہونے گے
جن کا درس قرآن بھی ہو گا
جس میں دور دراز علاقوں سے لوگ شرکت فرمائیں گے

قصور
ورلڈ بلڈ ڈونیشن ڈے کے موقع پہ احمد تھیلیسیمیا کئیر ہسپتال کنگن پور قصور میں پروقار تقریب کا انعقاد کیا گیا

تفصیلات کے مطابق 14 جون 2023 ورلڈ بلڈ ڈونرز ڈے کے موقع پر احمد تھیلیسیمیا کیئر ہسپتال کنگن پور تحصیل چونیاں ضلع قصور کی طرف سے بلڈ ڈونیشن کیمپ لگایا گیا اور ایک پر وقار تقریب کا انعقاد کیا گیا جس میں بطور مہمان خصوصی اسسٹنٹ کمشنر چونیاں محمد عامر بٹ ،صدر رائس ملز ایسوسی ایشن قصور محسن نزیر ملک ،میاں ندیم احمد جتالہ انسپکٹر ریسکیو 1122 دیپالپور اوکاڑہ، ابو معاذ انجئنیر عمران، میاں شہزاد احمد ڈولہ، نے شرکت کی
اس پروقار تقریب کے موقع پر احمد تھیلیسیمیا کئیر ہسپتال کی جناب سے تھیلیسیمیا کی روک تھام کیلئے حفاظتی اقدامات اور بلڈ ڈونیٹ کرنے کی ضرورت پر زور دیا گیا
اسسٹنٹ کمشنر چونیاں محمد عامر بٹ نے ہسپتال کے لئے بلڈ ڈونیشن کیمپس منعقد کروانے اور دیگر ضروریات پوری کرنے میں مدد کا وعدہ کیا اور بلڈ ڈونرز میں تعریفی اسناد تقسیم کیں جبکہ
رائس ملز ایسوسی کی طرف سے احمد تھیلیسیمیا کئیر ہسپتال کے لئے ڈونیشن کی گئی اور ضلع بھر کی ملز میں بلڈ ڈونیشن کیمپس کروانے کا وعدہ کیا گیا
احمد تھیلیسیمیا کئیر ہسپتال کنگن پور کی ٹیم
احسن جمال،پروفیسر عبدالستار،ابتسام الہی و دیگر عہدیداران نے تمام مہمانوں، بلد ڈونرز اور منتظمین کا شکریہ ادا کیا

قصور
ضلعی انتظامیہ کی طرف سے فی سبیل اللہ قربانی کی کھالیں اکھٹی کرنے کی درخواست وصول کرنے کی آخری تاریخ 20 جون مقرر کی گئی،

تفصیلات کے مطابق ضلعی انتظامیہ قصور کی طرف سے مسجد ،مدارس اور تنظیموں کے لئے فی سبیل اللہ قربانی کی کھالیں اکھٹی کرنے کی آخری تاریخ 20 جون 2023 مقرر کی گئی ہے
مساجد،مدارس و مراکز کے لئے قربانی کی کھالیں اکھٹی کرنے کے کئے ڈپٹی کمشنر قصور کو تحریری درخواست دینی ہو گی اس کے بعد ضلعی انتظامیہ جانچ پڑتال کے بعد این او سی جاری کرے گی
کالعدم تنظیموں کے قربانی کی کھالیں اکھٹی کرنے پہ پابندی ہو گی

قصور
محکمہ اوقاف نے دربار بابا شاہ کمال چشتی کی تین کنال جگہ تین سالہ لیز پہ 1 ہزار فی کنال ماہوار لیز پہ دے دی،شہریوں میں تشویش

تفصیلات کے مطابق چیف ایڈمنسٹریٹر محکمہ اوقاف پنجاب نے ڈسٹرکٹ مینیجر اوقاف قصور کے ذریعے دربار بابا شاہ کمال چشتی 3 کنال سرکاری جگہ فی کنال ایک ہزار روپیہ ماہوار لیز پر دے دی کل جگہ 3 کنال ہے جو کہ لیز پر 3 سال کے لئے دی گئی ہے جس کی ماہانہ آمدن 3000 روپیہ ماہوار بنتی ہے
جس حساب سے سرکاری زمین لیز پہ دی گئی ہے اس حساب سے کوئی دکاندار اپنی دکان سامنے کسی ریڑھے والے کو ریڑھی نہیں لگانے دیتا ریڑھی بان بھی دکانداروں کو 5 سے 10 ہزار ماہانہ دے کر ریڑھی لگاتے ہیں
اس غفلت پہ شہریوں میں سخت تشویش پائی جا رہی ہے

قصور
ڈی ایس پی ٹریفک قصور ظفر عباس نقوی کی قصور سے ٹرانسفر،ڈی پی او آفس میں الوداعی تقریب

تفصیلات کے مطابق ڈی ایس پی ٹریفک ظفر عباس نقوی کی ضلع قصور سے ٹرانسفر کے موقع پرڈی پی او آفس قصور میں الوداعی تقریب کا انعقاد کیا گیا جس میں ڈی پی او قصور طارق عزیز سندھو اور انچارج برانچز دفتر ڈی پی او نے شرکت کی
تقریب سے خطاب کرتے ہوئے ڈی پی او قصور طارق عزیز سندھو نے کہا کہ ڈی ایس پی ظفر عباس نقوی نے ضلعی پولیس میں قابل فخر کام کیا اور انتظامی امور کو بھی احسن طریقہ سے سرانجام دیا جو کہ انتہائی اہم ذمہ داری ہے
ڈی پی او قصور نے کہا کہ قصور پولیس کیلئے ان کی خدمات کو ہمیشہ یاد رکھا جائے گا

تقریب کے اختتام پہ ظفر عباس نقوی کو قصور پولیس کی طرف سے تحفہ بھی دیا اور نیک تمناؤں کا اظہار کیا

قصور
آنے والی عید قربان پہ
جانوروں کی قربانی سے پہلے ہی غریب عوام کی قربانی کا سلسلہ شروع ہو گیا،سبزی مصالحہ جات بلخصوص ادرک کی قیمت انتہاء کو پہنچ گئی,ادرک 800 روپیہ فی کلو تک فروخت

تفصیلات کے مطابق قصور میں آنے والی عید قربان سے پہلے ہی غریب عوام کی قربانی کی جا رہی ہے
عید سے قبل ہی سبزی مصالحہ جات انتہائی مہنگے ہو گئے ہیں جبکہ ادرک کی قیمت انتہاء کو پہنچ چکی ہے
اس وقت قصور میں ادرک 800 روپیہ فی کلو تک فروخت ہو رہی ہے جو کہ سخت ناانصافی ہے
اس کے علاوہ دیگر سبزی مصالحہ جات بھی مہنگے کئے جا رہے ہیں جس سے مہنگائی کے مارے شہری سخت پریشان ہو کر رہ گئے ہیں
شہریوں نے ضلعی انتظامیہ سے استدعا کی ہے کہ سبزیوں پھلوں و مصالحہ جات کی قیمتیں کنٹرول کی جائے