Author: غنی محمود قصوری

قصور
آج یونین کونسل نمبر 11 اوراڑہ نو مدرسہ جامعہ صدیقیہ نعیمیہ المعروف مدرسہ حافظ نیاز میں 500 سرکاری تھیلوں کی مفت باعزت تقسیم کی گئی،اہلیان علاقہ کا ضلعی انتظامیہ کا شکریہ

تفصیلات کے مطابق قصور کی یونین کونسل 11 اوراڑہ نو میں آج صبح 500 سرکاری آٹا تھیلوں کی مفت تقسیم باعزت طریقے سے کی گئی
علاقہ پٹواری سعید احمد خان،سیکریٹری یونین کونسل 11 اوراڑہ نو محمود شاہ اور ضلعی انتظامیہ کے اہلکاروں سمیت،مہتمم جامعہ صدیقیہ نعیمیہ حافظ نیاز احمد رضا کی موجودگی میں حقداروں میں باعزت طریقے سے آٹا تقسیم کیا گیا
کسی بھی ناخوشگوار واقعے کے لئے پولیس چوکی اوراڑہ کے اہلکار موقع پہ موجود رہے
عملہ نے بتایا کہ 5 دن کے بعد آج دوسری مرتبہ آٹا تقسیم کیا جا رہا ہے نیز نئے سمارٹ کارڈ و پرانے شناختی کارڈ کا کوئی مسئلہ نہیں عملہ کارڈ کو سکین کرکے اہلیت شو ہونے پہ آٹا دے گا
اہلیان علاقہ نے باعزت طریقے سے آٹے کی تقسیم پہ موقع پہ موجود عملہ و مہتمم مدرسہ سمیت ضلعی انتظامیہ کا شکریہ ادا کیا

قصور
یوم پاکستان اور ماہ رمضان ایک ساتھ ،رمضان کا تاخیر سے اعلان،شہری سحری کے لئے دودھ دہی کی دکانوں پہ خوار ہوتے رہے

تفصیلات کے مطابق آج ماہ بابرکات رمضان کا پہلا روزہ اور یوم پاکستان ہے
گزشتہ رات دس بجے کے قریب شہریوں کو پتہ چلا کہ کل صبح ماہ رمضان کا پہلا روزہ ہے
بیشتر مساجد میں اعلانات کئے گئے کہ کل رمضان کا پہلا روزہ ہے لہذہ مسجد میں آکر نماز تراویح ادا کر لیں
اوقات سحر میں لوگ دودھ دہی کی دکانوں پہ خوار ہوتے رہے کیونکہ قوی امکانات چاند نظر نا آنے کے تھے جس کے بیشتر شہری دودھ دہی کا بروقت ن
انتظام نا کر پائے

یوم پاکستان 23 مارچ کے حوالے سے سکولوں میں فیسٹیولز منعقد کئے گئے ہیں اور بچوں کو ازبر کروایا جا رہا ہے کہ یوم پاکستان 1940 کو قرار داد پاکستان پیش کئے جانے والے اس دن کی کیا اہمیت ہے اور دو قومی نظریہ کیوں ضروری تھا کہ جس کے پیش ہونے کے بعد تحریک آزادی نے زور پکڑا اور آج ہم ایک الگ اسلامی ملک میں سانس لے رہے ہیں

قصور
دنیا بھر کے بیشتر ممالک کی طرح گزشتہ رات ضلع قصور میں بھی زلزلے کے شدید جھٹکے،لوگ کلمہ طیبہ کا ورد کرتے ہوئے گھروں سے باہر نکل ائے

تفصیلات کے مطابق گزشتہ رات تقریباً رات 9 بج کر 50 منٹ پر قصور میں زلزلے کے شدید جھٹکے محسوس کئے گئے
زلزلہ کی شدت سے در و دیوار ہل گئے اور لوگ کلمہ طیبہ کا ورد کرتے ہوئے گھروں سے باہر آ گئے
زلزلہ کے جھٹکے ایک منٹ سے کم وقت تک محسوس کئے گئے
واضع رہے کہ گزشتہ رات آنے والا شدید زلزلہ 7.7 شدت کا تھا جس سے ترکمانستان ، ہندوستان، قازقستان، پاکستان، تاجکستان، ازبکستان ، چین ، افغانستان اور کرغزستان و افغانستان متاثر ہوئے ہیں
ملک کے بیشتر حصوں سے کچھ نقصانات کی اطلاعات ہیں تاہم اللہ تعالی کے خاص فضل اور کرم سے ضلع قصور سے کسی بھی جانی نقصان کی اطلاع نہیں ہے
علماء کرام نے عوام سے اپیل کی ہے کہ رمضان سے قبل آنے والا زلزلہ ہمارے لئے آسمانی پیغام ہے کہ اللہ کو راضی کیا جائے اور آمد رمضان کا تقدس برقرار رکھتے ہوئے اس ماہ بابرکات میں اپنے رب کو زیادہ سے زیادہ راضی کرنے کے ساتھ غریب اور مستحق لوگوں کا سہارا بنا جائے
علماء کرام نے خاص زور تاجر حضرات پہ دیا کہ اس ماہ رمضان میں ذخیرہ اندوزی و بلیک مارکیٹنگ سے توبہ کرکے رب سے معافی طلب کی جائے بصورت دیگر اس ماہ مقدس ماہ رمضان میں 2005 کے آنے والے زلزلے کو یار رکھا جائے جب 17 سیکنڈ میں اربوں روپیہ کے مالک فقیر ہو گئے تھے

قصور
گورنمنٹ کی طرف سے دیئے جانے والے مفت آٹے سے اکثر لوگ محروم،بیس ہزار کی موٹر سائیکل اور سالوں پیسے جمع کرکے عمرہ کی نیت سے پاسپورٹ بنوانے والے بلا معاوضہ آٹا سے محروم،شہریوں میں تشویش،حکومت وقت سے انصاف کی اپیل

تفصیلات کے مطابق قصور میں گورنمنٹ کی طرف سے دیئے جانے والے مفت آٹے سے اکثر لوگ محروم رہ رہے ہیں
جن بیچاروں کے نام بیس ہزار روپیہ کی پرانی کھٹارا موٹر سائیکل ان کے نام پہ ہے یا پھر کئی سالوں سے اس نیت سے تھوڑے بہت پیسے جمع کرکے پاسپورٹ بنوا رکھا ہے کہ شاید دیدار حرم و مدینہ باسعادت عمرہ کر لیں گے، ان لوگوں کو صاحب حیثیت کی کیٹیگری میں شامل کیا گیا ہے جبکہ جن لوگوں نے کئی کئی پلاٹ خرید کر رکھے ہیں اور وہ پلاٹ کمپیوٹرائزڈ ریکارڈ میں نہیں وہ لوگ مفت آٹا لے رہے ہیں
گورنمنٹ کی طرف سے کی جانے والی اس بے انصافی پہ لوگ سخت حیران ہیں اور حاکم وقت سے مطالبہ کرتے ہیں کہ انصاف کے تقاضے پورے کئے جائیں تاکہ اصل حقداروں کو ان کا حق ملے نا کہ ان لوگوں کو آٹا مفت ملے نا کہ جن کے اچھے بھلے کاروبار ہیں اور وہ ٹیکس سے بچنے کے لئے اپنے کاروبار ، پلاٹس،گاڑیاں،موٹرسائیکلوں سمیت دیگر قیمتی اثاثے کسی اور کے نام پہ رکھے ہوئے ہیں

قصور
جماعت اسلامی ضلع قصور تحصیل چونیاں کا ورکرز کنونشن کل چونیاں میں ہو گا،انتخابی منشور کا اعلان کیا جائے گا,ضلع بھر سے کارکنان شرکت کریں گے

تفصیلات کے مطابق
جماعت اسلامی قصور تحصیل چونیاں کے زیر اہتمام ورکرز کنونشن کا انعقاد کل بتاریخ
21 مارچ 2023 بروز منگل سپہر 2 بجے
بیگ میرج ہال چھانگا مانگا روڈ چونیاں میں منعقد کیا گیا ہے جس میں ضلع بھر سے کارکن شرکت کریں گے
اس ورکرز کنونشن میں
جماعت اسلامی اپنے انتخابی منشور کا اعلان کرے گی

قصور
مایہ ناز استاد اور قصور شہر کا سرمایہ ،ہزاروں نامور شاگردوں کے استاد سر عبدالقیوم آہو اور سسکیوں کیساتھ سپرد خاک،ضلع بھر سے ان کے شاگردوں سمیت ہر مکتبہ فکر کے لوگوں کی نماز جنازہ میں شرکت اور مرحوم کے لئے دعائے مغفرت

تفصیلات کے مطابق گزشتہ دن قصور شہر کے نامور اور سینئیر ترین ٹیچر سر عبدالقیوم ایس ایس ٹی ٹیچر گورنمنٹ ماڈل ہائی سکول قصور وفات پا گئے تھے جن کی نماز جنازہ گزشتہ دن ریلوے اسٹیشن گراؤنڈ سٹی قصور میں ان کے ہزاروں شاگردوں و رفقاء کی موجودگی میں آہو سسکیوں کیساتھ ادا کی گئی
سر عبدالقیوم نے اپنی سر کا بیشتر وقت گورنمنٹ ٹیچرز ٹریننگ سکول ( موجودہ گورنمنٹ لیب سکول) میں گزارا اور اب گورنمنٹ ماڈل ہائی سکول قصور میں سپیشلسٹ سبجیکٹ ٹیچر تعینات تھے
ان کی زندگی انتہائی عاجزانہ اور شریفانہ تھی
ان کی بےپناہ شفقت اور محبت کے باعث طلباء ان کی انتہائی عزت کرتے تھے
سر عبدالقیوم ایک استاد ہونے کے ساتھ ایک اعلی پائے کے مبلغ و داعی بھی تھے انہوں نے ساری زندگی درس و تدریس کیساتھ اپنے شاگردوں کو دین اسلام سے روشناس کروایا جس کے باعث شہر قصور کے تمام معزز اساتذہ میں سے ان کو امتیازی حیثیت حاصل تھی

ان کے شاگردوں میں ہزاروں نامور ٹیچرز،پروفیسرز،ڈاکٹرز،وکلا،عالم دین اور صحافیوں کے علاوہ ہر مکتبہ فکر کے کامیاب ترین لوگ شامل ہیں
ان جنازے میں موجود ان کے شاگردوں نے رو رو کر رب سے ان کی مغفرت اور درجات کی بلندی کی دعا کی
یوں تو ضلع بھر کے تمام اساتذہ ہی شرافت و شرم و حیاء کا پیکر اور علم کا دریا ہیں مگر جو مقام سر عبدالقیوم کو تھا وہ شاید کسی اور کے حصے میں کم ہی ہے

قصور
رمضان سے قبل پیٹرولیم مصنوعات کی قیمتوں میں اضافہ باعث تشویش،بلیک مارکیٹنگ مافیا اور ناجائز منافع خور پہلے سے تیار بیٹھے تاجروں کو نیا بہانہ مل گیا

تفصیلات کے مطابق گورنمنٹ نے رمضان سے چند دن قبل پیٹرولیم مصنوعات کی قیمتوں میں اضافہ کرکے مہنگائی کے نئے طوفان کو دعوت دی ہے
بلیک مارکیٹنگ مافیا اور ناجائز منافع خور تاجر پہلے سے ہی رمضان کی امد کے پیش نظر چیزوں کی قیمتوں میں خودساختہ اضافہ کئے بیٹھے ہیں تاہم اب ان کو سرکار کی طرف سے ایک اور بہانہ مل گیا ہے جس کے باعث وہ اب اپنی من مانیاں مذید کرینگے اور ماہ رمضان برکات میں لوگوں کو تگنی کا ناچ نچائیں گے
گزشتہ رات گورنمنٹ نے پیٹرول کی قیمت میں 5 روپیہ فی لیٹر،ہائی سپیڈ ڈیزل کی قیمت میں 13 روپیہ فی لیٹر اور مٹی کے تیل کی قیمت میں 2 روپے 56 پیسے فی لیٹر اضافہ کیا ہے اور ابھی 31 مارچ تک کوئی پتہ نہیں کہ پیٹرولیم مصنوعات کی قیمتیں مذید بڑھا دی جائیں
عوام کا کہنا ہے کہ اشرافیہ کے خرچ کم کرنے کے دعوے بےبنیاد ہی نکلے نا تو سرکاری گاڑیوں میں کمی کی گئی ہے نا ہی پروٹوکول میں کمی ہوئی ، بس ایک عوام پہ ہی جینے کی تنگی کرنا ان حکمرانوں کا پسندیدہ مشغلہ ہے

قصور
مچھروں کی بہتات،شہری ملیریا سیمت کئی خطرناک بیماریوں کا شکار،انتظامیہ نے عرصہ دراز سے مچھر مار سپرے نہیں کیا،شہری پریشان،انتظامیہ سے مچھر مار سپرے کرنے کا مطالبہ

تفصیلات کے مطابق قصور میں مچھروں کی بہتات ہو گئی ہے
مچھروں کی افزائش میں بڑی تیزی سے اضافہ ہو رہا ہے جس کے باعث شہری ملیریا سمیت کئی خطرناک بیماریوں کا شکار ہو رہے ہیں
ملیریا کے باعث لوگ بیمار ہو کر گھروں میں پڑے ہیں
ضلعی انتظامیہ و ڈینگی سکواڈ کی بے حسی عروج پہ ہے
عرصہ دراز سے مچھر مار سپرے نہیں کیا گیا جس کے باعث مچھروں کی افزائش دن بدن بڑھتی جا رہی ہے

شہریوں نے ڈپٹی کمشنر قصور و سی ای او ہیلتھ سے مطالبہ کیا ہے کہ مچھر مار سپرے کیا جائے تاکہ مچھروں کی افزائش رکے اور لوگ مچھروں کے کاٹنے سے محفوظ رہ کر مختلف قسم کی بیماریوں سے بچ سکیں

قصور
پنجاب بھر کی طرح آج قصور میں بھی پنجاب کلچر ڈے منایا جا رہا ہے،سکولوں کالجوں میں فیسٹیولز کا انعقاد

تفصیلات کے مطابق آج 14 مارچ کو پنجاب بھر کی طرح پورے ضلع قصور میں بھی پنجاب کلچر ڈے سرکاری طور پہ منایا جا رہا ہے
سرکاری سکولوں کالجوں اور دفاتر میں پنجابی ثقافت کے لحاظ سے فیسٹیولز کئے جا رہے ہیں جس میں پنجاب کے ثقافتی ورثے بارے سیمینارز منعقد کئے جا رہے ہیں
سکولوں کالجوں کے طلباء و طالبات کو کہا گیا کے کہ اس دن بغیر یونیفارم کے اپنے ثقافتی ورثے میں آئیں تاکہ پنجاب کے کلچر کو اجاگر کیا جائے

قصور
طارق عزیز سندھو ڈی پی او قصور نے شہدائے پولیس قصور کے لواحقین اور بچوں کی دعوت خاص کی،شہداء کے بچوں سے پیار کیا اور ان کی تعلیم و تربیت پر خصوصی توجہ دینے کا عزم کیا

تفصیلات کے مطابق ڈسٹرکٹ پولیس آفیسر قصور طارق عزیز سندھو نے شہدائے قصور پولیس کے بچوں و فیملیوں کی دعوت خاص کی اور اپنا ٹائم شہداء کی فیملیوں کیساتھ گزارہ
ڈی پی او نے بچوں و فیملیوں کا خود استقبال کیا اور ان سے گپ شپ گپ کرتے ہسئے کہا کہ شہداء ہمارا قیمتی اثاثہ ہیں ہم ان شاءاللہ شہداء کی فیملیوں کو بے یار و مددگار نہیں چھوڑیں گے
ڈی پی او قصور نے اس عزم کا اعادہ کیا کہ شہداء کے بچوں کی تعلیم و تربیت کے پر خصوصی توجہ دی جائے گی اور ان کی ضروریات کا خاص خیال رکھا جائے گا