پاکستان میں عام طور پر دلہن والوں کو بیٹی سمیت ڈھیر سارا ’جہیز‘ بھی دولہا والوں کو دینا پڑتا ہےجس کے خلاف گزشتہ کچھ عرصے سے سماجی و فلاحی تنظیمیں عالمی تنظیموں کی مدد سے جہیز خوری کی حوصلہ شکنی کے لیے مہم چلاتی دکھائی دے رہی ہیں اس کے باوجود ملک بھر میں ’جہیز‘ دینے اور لینے کا سلسلہ جاری ہے۔
باغی ٹی وی : جہیز خوری کی حوصلہ شکنی کے لیے حال ہی میں فیشن ہاؤس علی ذیشان نے اپنا نیا ( bridal couture) برائیڈل کوچیور (عروسی لباس) متعارف کراتے ہوئے ’جہیز خوری‘ کی حوصلہ شکنی کے لیے منفرد مہم بھی چلائی۔
علی ذیشان نے 2021 کا برائیڈل کوچیور متعارف کراتے ہوئے علی ذیشان تھیٹر کی جانب سے ’جہیز خوری‘ کی حوصلہ شکنی کے لیے مختصر ویڈیو بھی جاری کی، جسے کافی سراہا جا رہا ہے۔
علی ذیشان تھیٹر اسٹوڈیو کی جانب برائیڈل کوچیور کو متعارف کرائے جانے اور ’جہیز خوری‘ کے خلاف جاری کی گئی ڈھائی منٹ دورانیے کی ویڈیو کو بھی کافی پسند کیا جا رہا ہے۔
بغیر ڈائیلاگ کے شئیر کی گئی ویڈیو میں دکھایا گیا ہے کہ دو بوڑھے والدین ایک خالی ریڑھے (گاڑی) کو کھینچ کر قریب لاکر کھڑا کر دیتے ہیں اور پھر اپنی دلہن بنی بیٹی کو وہ ریڑھا سونپ دیتے ہیں۔
ویڈیو میں دکھایا گیا ہے کہ والدین دلہن بنی بیٹی کو ریڑھا سونپنے سے قبل اسے ڈھیر سارے جہیز سے بھرتے ہیں اور پھر جہیز سے لدے ریڑھے کے اوپر دولہے کو بٹھایا جاتا ہے۔
ویڈیو میں دکھایا گیا ہے کہ نئی نویلی دلہن جیہز سے لدے ریڑھے اور جہیز کے اوپر بیٹھے دولہے کو کھینچ کر والدین کا گھر چھوڑتی ہیں۔
ویڈیو میں دیکھا جا سکتا ہے کہ جہیز سے لدے ریڑھے کو کھینچنے والی دلہن نے علی ذیشان فیشن ہاؤس کی جانب سے متعارف کرایا گیا برائیڈل کوچیور ’نمائش‘ پہن رکھا ہوتا ہے۔
پوسٹ میں ’جہیز خوری بند کرو‘ اور جہیز پر پابندی لگاؤ سمیت ’نمائش‘ لگانا بند کرو جیسے ہیش ٹیگز بھی استعمال کیے۔
’جہیز خوری‘ کے خلاف شعور اجاگر کرنے کی مذکورہ مختصر ویڈیو کو کافی سراہا گیا –
’نمائش‘ دراصل علی ذیشان کی جانب سے متعارف کرائے گئے برائیڈل کوچیور کا نام ہے، جسے جہیز سے لدے ریڑھے کو کھینچنے والی دلہن نے پہن رکھا تھا۔
علی ذیشان تھیٹر کو ’جہیز خوری‘ کے خلاف شعور اجاگر کرنے کے لیے اقوام متحدہ کے خواتین سے متعلق ذیلی ادارے نے معاونت فراہم کی جب کہ اس میں دلہن کے روپ میں اداکارہ و ماڈل کشف اسٹار دکھائی دے رہی ہیں۔
واضح رہے کہ حال ہی میں تین روز برائیڈل کیٹور ویک 2021 کی رنگا رنگ تقریب میں علی ذیشان نے اپنی کلیکشن کے ذریعے لوگوں کو ایک پیغام بھی دیا۔ر علی ذیشان نے اپنی کلیکشن ‘نمائش’ کے ذریعے جہیز خوری کے خلاف لوگوں کو پیغام دیا اور ان کی اس کلیکشن کا بنیادی مقصد نوجوانوں میں جہیز نہ لینے سے متعلق آگاہی فراہم کرنا ہے۔برائیڈل فیشن ویک کے آخر روز ڈیزائنر علی ذیشان کے ساتھ پہلی بار ان کی اہلیہ نے بھی ریمپ واک کر کے لوگوں کے دل موہ لیے ڈیزائنر علی ذیشان کی حاملہ بیوی مائرہ کو لیمن ییلو رنگ کے خوبصورت غرارے میں ملبوس دیکھا گیا۔
