لبنانی نژاد امریکی سابق اداکارہ میا خلیفہ نے بھارتی کسانوں کے احتجاج پر اداکارہ پریانکا چوپڑا کی خاموشی پر سوال اٹھاتے ہوئے انہیں آڑے ہاتھوں لیا ہے۔

باغی ٹی وی : بھارت میں اس وقت کسانوں کا احتجاج جاری ہے بھارتی حکومت کسانوں کی آواز کو دبانے کے لیے تشدد تک سے گریز نہیں کررہی اور متنازع زرعی قوانین کے خلاف کسانوں کا مسئلہ اب بین الاقوامی مسئلہ بن چکا ہے امریکی گلوکارہ ریحا نہ اور سابق ایڈلٹ اداکارہ میا خلیفہ نے کسانوں کے حق میں ٹوئٹ کیاتھا جس کے بعد کسانوں کے احتجاج نے رخ اختیار کر لیا ہے۔

غیر ملکی فنکاروں کے ٹوئٹ سے قبل بھارتی فنکاروں نے اس معاملے پر خاموشی اختیار کی ہوئی تھی تاہم ریحانہ اور میا خلیفہ کی جانب سے آواز اٹھائے جانے کے بعد بالی وڈ انڈسٹری بھی جاگ گئی۔ تاہم اکشے کمار، اجے دیوگن، سنیل سیٹھی اور کرن جوہر سمیت متعدد فنکار کسانوں کی حمایت میں آواز اٹھانے کے بجائے حکومتی زبان بولتے نظر آئے جس پر انہیں شدید تنقید کا نشانہ بھی بنایا گیا۔

جبکہ خود کو امن کا سفیر کہنے والی اور دنیا بھر میں امن کا ڈھنڈورا پیٹنے والی اداکارہ پریانکا چوپڑا نے اس معاملے پر مکمل خاموشی اختیار کی ہوئی ہے۔ اور ان کی اس خاموشی کی جانب میا خلیفہ نے دنیا بھر کی توجہ دلائی۔

Is Mrs. Jonas going to chime in at any point? I’m just curious. This is very much giving me shakira during the Beirut devastation vibes. Silence.

— Mia K. (@miakhalifa) February 7, 2021

میا خلیفہ نے سماجی رابطے کی ویب سائٹ ٹوئٹر پر پریانکا چوپڑا کو ’مسز جونس‘ کہتے ہوئے ان کی خاموشی پر تجسس کاا ظہار کیا اور کہا کہ پریانکا کی خاموشی انہیں بیروت تباہی کے وقت شکیراکی خاموشی کی یاد دلارہی ہے۔

پریانکا چوپڑا نے تو میا خلیفہ کے ٹوئٹ کا کوئی جواب نہیں دیا لیکن پریانکا کے مداحوں نے پریانکا کی گزشتہ برس کی اس معاملے پر ٹوئٹ شئیر کی ہے-

Our farmers are India’s Food Soldiers. Their fears need to be allayed. Their hopes need to be met. As a thriving democracy, we must ensure that this crises is resolved sooner than later. https://t.co/PDOD0AIeFv

— PRIYANKA (@priyankachopra) December 6, 2020

ٹوئٹر صارفین نے پریانکا چوپڑا کا گزشتہ برس دسمبر 2020 میں کیا جانے والا ٹوئٹ شیئر کیا جس میں پریانکا نے کسانوں کی حمایت کرتے ہوئے کہا کہ ہمارے کسان بھارتی غذائی فوجی ہیں۔ ان کا خوف دور کرنا ضروری ہے۔ان کی امیدوں کو پورا کرنے کی ضرورت ہے۔ ایک فروغ پزیر جمہوریت کی حیثیت سے ہمیں اس بات کو یقینی بنانا ہوگاکہ یہ بحران جلد یا بدیر احسن طریقے سے حل ہوجائے گا۔

واضح رہے کہ بھارتی حکومت اور اس کے حامیوں نے ان غیر ملکی فنکاروں کو تنقید کی اور اس حوالے سے متعدد نامور بالی وڈ اداکاروں نے بھی اپنے سوشل میڈیا پیغامات میں کہا کہ ریحانہ سمیت دیگر غیر ملکی فنکاروں کو بھارت کے اندرونی معاملات میں مداخلت نہیں کرنی چاہیے جبکہ کنگنا رناوت نے ریحانہ کو بے وقوف کہتے ہوئے شدید تنقید کا نشانہ بنایا اور ایک بھارتی ٹی وی کو دیئے گئے انٹرویو کے دوران دعوی کیا کہ ریحانہ مذکورہ ٹوئٹ کرنے کے 100 کروڑ روپے وصول کئے ہیں-

واضح رہے کہ بھارت میں زرعی اصلاحات کے معاملے پر کسانوں کا احتجاج 5 ماہ سے جاری ہے اور ہزاروں کسانوں نے بھارتی دارالحکومت نئی دہلی کے مختلف علاقوں میں دھرنے دے رکھے ہیں جب کہ 26 جنوری کے روز کسانوں اور پولیس کے درمیان شدید تصادم بھی ہوا تھا، کسانوں کا دعویٰ ہے کہ 26 جنوری سے اب تک 100 سے زیادہ مظاہرین لاپتہ ہیں۔

کسانوں کے احتجاج نے اب بین الاقوامی توجہ حاصل کرلی ہے اور ان کے حق میں امریکی گلوکارہ ریحانہ اور اداکارہ میا خلیفہ سمیت دیگر نامور شخصیات بھی آواز اٹھارہی ہیں جس کے باعث مودی حکومت کی بدنامی میں اضافہ ہورہا ہے-

امریکی ریاست ٹینیسی میں ڈکیتی کی پرینک ویڈیو بنانے والے یوٹیوبر کو شہری نے اصل ڈاکو سمجھ کر گولی مار دی-

باغی ٹی وی : برطانوی خبررساں ادارے کے مطابق امریکی ریاست ٹینیسی کے دارالحکومت نیشول میں ٹموتھی ولکس نامی یوٹیوبر ہاتھ میں دو بڑے چاقو تھامے فیملی پارک کے باہر لوگوں کو ڈرا دھمکا رہے تھے جبکہ ان کا دوست ویڈیو بنا رہا تھا کہ اس دوران 23 سالہ نوجوان نے یوٹیوبر کو اصلی ڈاکو سمجھا اور گولی مار دی جس کے نتیجے میں یوٹیوبر موقع پر ہی دم توڑ گیا-

یوٹیوبر کو گولی مارنے والے نوجوان نے پولیس کو بتایا کہ مجھے بالکل اندازہ نہیں تھا کہ یہ ایک مذاقیہ ویڈیو ریکارڈ ہورہی ہے میں نے بس یہ دیکھا کہ چاقو بردار شخص لوگوں سے لوٹ مار کر رہا ہے اور اب میری جانب بڑھ رہا ہے تو میں نے اپنے دفاع میں فائرنگ کردی۔

یوٹیوبر کے دوست نے بھی پولیس کو بتایا کہ ہم یوٹیوب کے لیے ایک پرینک ویڈیو بنا رہے تھے جس میں لوگوں کو چاقو دکھا کر ڈرا رہے تھے اور ان کے ردعمل ریکارڈ کرکے پھر انہیں حقیقت بتاتے پولیس نے جائے وقوعہ سے کسی کو گرفتار نہیں کیا۔

خیال رہے کہ اس قسم کے واقعات سے بچنے کے لیے یوٹیوب نے پالیسی بھی وضع کی تھی تاہم ایسے واقعات تھم نہیں سکے۔ ماہرین ایسے خطرناک مذاق کی ویڈیوز پر پابندی کا مطالبہ کرتے ہیں۔

بالی وڈ اداکار سیف علی خان اور ماضی کی نامور اداکارہ امرتا سنگھ کی بیٹی سارہ علی خان نے والدہ کی سالگرہ کے موقع پر جذباتی پیغام شئیر کرتے ہوئے انہیں اپنی کُل کائنات قرارد یا-

باغی ٹی وی : امرتا سنگھ آج اپنی 63ویں سالگرہ منارہی ہیں اور اس موقع پر سارہ علی خان نے اپنے تصدیق شدہ انسٹاگرام اکاؤنٹ پر والدہ اور چھوٹے بھائی ابراہیم کے ہمراہ اپنی کچھ تصویریں شیئر کیں جس میں وہ اپنی والدہ امرتا سنگھ اور بھائی ابراہیم کے ہمراہ خوشگوار موڈ میں دکھائی دے رہی ہیں-

سارہ علی خان نے پوسٹ کے کیپشن میں والدہ سے مخاطب ہوتے ہوئے لکھا کہ میری کُل کائنات کو سالگرہ مبارک ہو۔

بالی ووڈ اداکارہ نے لکھا کہ ’میری طاقت اور آئینہ بننے کے لیے آپ کا بہت شکریہ۔

جبکہ دوسری جانب اس موقع پر بھارتی ویب سائٹ پر سارہ علی خان کا ایک پُرانا انٹرویو شائع کیا گیا ہے کہ جس میں اُنہوں نے کہا تھا کہ وہ والدین کی علیحدگی کے بعد بھی اپنی والدہ کے ساتھ ہی رہی ہیں اسی لیے وہ شادی کے بعد بھی اپنی والدہ کے ساتھ ہی رہنا پسند کریں گی۔

سارہ علی خان نے کہا کہ وہ جب بھی اپنی والدہ سے اس بارے میں کہتی ہیں تو اُن کی والدہ ناراض ہوجاتی ہیں اور کہتی ہیں کہ تُم شادی کے بعد میرے ساتھ نہیں بلکہ اپنے شوہر کے ساتھ رہنا۔

سارہ علی کا کہنا تھا کہ اُنہیں اپنی والدہ کے ساتھ گھومنا اور وقت گُزارنا بہت اچھا لگتا ہے اگر کام کی وجہ سے وہ والدہ سے دور ہوجاتی ہیں تو اُنہیں اپنی والدہ کی بہت زیادہ یاد ستاتی ہے۔

سارہ علی خان نے مزید کہا کہ وہ اپنی والدہ سے کوئی بات نہیں چھپاتیں اور اس دنیا میں سب سے زیادہ پیار بھی ان سے ہی کرتی ہیں لیکن اس کے باوجود بھی اُنہیں والدہ سے بہت ڈر لگتا ہے۔‘

واضح رہے کہ سارہ علی خان ان دنوں اپنی نئی آنے والی فلم ’اترنگی رے‘ کی شوٹنگ میں مصروف ہیں جس میں وہ اکشے کمار کے ساتھ مرکزی کردار ادا کریں گی۔

بگ باس 14 کے کنٹسٹنٹ اعجاز خان کا ساتھی امیدوار پویترا پونیا سے شادی کا فیصلہ

تحفظ کے لئے سلمان خان سے شادی کرنا چاہتی تھی، پاکستانی نژاد سابق بالی وڈ اداکارہ سومی علی

بھارت میں ہندو دیوتاؤں پر لطیفے سنانے کے جھوٹے الزام میں گرفتار ہونے والے نوجوان مسلم کامیڈین منور فاروقی نے جیل سے رہائی کے بعد انسٹاگرام پر انسٹاگرام پر اپنا پہلا پیغام شئیر کیا ہے-

باغی ٹی وی : منور فاروقی نے سماجی رابطے کی ویب سائٹ انسٹاگرام پر اپنی تصویر شیئر کی اور انہوں نے اپنی تصویر کو شئیر کرتے ہوئے ایک معنی خیز اور شاعرانہ طرز کا کیپشن لکھا:

میرے اندر کے اندھیروں کو کرنے دو شکایت
ہنسا کر لاکھ چہروں کو روشن کیا ہے میں نے

ساتھ ہی اپنی پوسٹ میں منور فاروقی نے اُن کے مشکل وقت میں ساتھ دینے والے مداحوں کا شکریہ بھی ادا کیا۔

واضح رہے کہ بھارتی ریاست جوناگڑھ سے تعلق رکھنے والے مسلم مزاح نگار منور فاروقی کو اس جرم کی پاداش میں گرفتار کیا گیا تھا جو اس نے کیا ہی نہیں تقریباً ڈیڑھ ماہ قبل منور فاروقی کو مدھیا پردیش کے شہر اندور میں ایک پروگرام سے گرفتار کیا گیا تھا اور اس کی وضاحت یہ دی گئی تھی کہ منور ہندو دیوتاؤں پر لطیفے سنانے والے تھے۔

علاوہ ازیں منور فاروقی نامی اس نوجوان پر ہندو دیوتا سمیت بھارت کے وزیر داخلہ اور حکمراں جماعت بھارتیہ جنتا پارٹی (بی جے پی) کے صدر امیت شاہ کی تضحیک کا بھی الزام تھا۔

مسلمان کامیڈین کے خلاف درخواست ایم ایل اے مالیانی لکشمن سنگھ گور کے بیٹے اکلاویا سنگھ گور نے جمع کروائی اور اپنی درخواست میں کہا تھا کہ منور فاروقی نے اپنے ایک شو کے دوران ہندو دیوتاؤں اور امیت شاہ کی تضحیک کی ہے۔

درخواست گزار نے کہا تھا کہ اس نے خود اس شو کی ویڈیو بنائی ہے، جبکہ وہ ویڈیو پولیس کے حوالے بھی کردی بعد ازاں بھارتی پولیس نے بھی تسلیم کیا تھا کہ انہیں منور فاروقی کے خلاف توہینِ مذہب کے کوئی شواہد نہیں ملے۔

بھارتی پولیس کی انتہا پسندی عروج پر،ہندو دیوتاؤں پر لطیفے سنانے کےجھوٹے الزام میں مسلمان کامیڈین گرفتار

بالی وڈ کے آنجہانی اداکار رشی کپور کے بھائی اداکار راجیو کپور دل کا دورہ پڑنے کے باعث چل بسے-

باغی ٹی وی : بھارتی میڈیا رپورٹس کے مطابق رشی کپور کو انتقال کئے ایک برس بھی نہیں ہوا کہ ان کے چھوٹے بھائی راجیوکپور 58 برس کی عمر میں ممبئی میں دل کا دورہ پڑنے کے باعث انتقال کر گئے-

میڈیا رپورٹس میں یہ بھی کہاجارہا ہے کہ راجیوکپور کو دل کادورہ پڑنے کے فوراً بعد اسپتال لے جایاگیا تاہم وہاں پہنچتے ہی انہیں مردہ قرار دے دیا گیا۔

راجیوکپور کی موت کی خبر کی تصدیق ان کے بڑے بھائی رندھیر کپور نے کی۔ انہوں نے کہا میں نے اپنے چھوٹے بھائی کو کھودیا۔ پوری کوشش کرنے کے باوجود ڈاکٹر میرے بھائی کو بچا نہیں سکے

رندھیر کپور نے مزید کہا کہ وہ ابھی اسپتال میں ہی ہیں اور لاش ملنے کا انتظار کررہے ہیں۔

آنجہانی اداکار رشی کپور کی اہلیہ نیتو کپور نے راجیوکپور کی تصویر سوشل میڈیا پر شیئر کرتے ہوئے انہیں خراج تحسین پیش کیا ہے۔

واضح رہے کہ راجیو کپور 1983 میں ریلیز ہوئی فلم ’ایک جان ہیں ہم‘ اور 1985 میں ریلیز ہوئی ’رام تیری گنگامیلی‘ فلموں کے باعث جانے جاتے ہیں۔

اداکار کے علاوہ وہ پروڈیوسر اور ڈائریکٹر بھی تھے انہوں نے 1996 میں فلم’پرم گرانتھ‘ ڈائریکٹ کی تھی اور اس فلم کے پروڈیوسر بھی وہی تھے راجیو کپور کی آخری فلم ’آ اب لوٹ چلیں‘ 1999 میں ریلیز ہوئی تھی۔