Author: عائشہ ذوالفقار

پاکستان تحریک انصاف (پی ٹی آئی) کے رہنما اور اینکر عامر لیاقت حسین کی سابقہ اہلیہ سیدہ بشریٰ اقبال نے طلاق کی تصدیق کردی- عامر لیاقت نے دوسری شادی طوبیٰ عامر سے کی۔

باغی ٹی وی :اینکر عامر لیاقت حسین دوسری شادی طوبیٰ عامر سے کی جس کی انہوں نے تصدیق دسمبر 2018 میں کی تھی تاہم اب عامر لیاقت کی پہلی اہلیہ بشریٰ اقبال کی جانب سے ایک ٹوئٹ سامنے آیا ہے جس میں انہوں نے تصدیق کی ہے کہ عامر لیاقت انہیں طلاق دے چکے ہیں۔

سماجی رابطے کی ویب سائٹ ٹوئٹر پر بشریٰ اقبال نے اپنے ٹوئٹ میں لکھا کہ میرے خیال میں یہ وقت میرے سابقہ شوہر عامر لیاقت حسین کے ساتھ میرے تعلقات کی وضاحت کا ہے، انہوں نے مجھے طلاق دے دی ہے۔

pic.twitter.com/Tx8noOg9Gi

— Dr Bushra Iqbal🇵🇰 (@DrBushraIqbal) December 31, 2020

بشریٰ اقبال نے کہا کہ مجھے طلاق دینا ایک الگ بات ہے لیکن طوبیٰ کو کال پر لے کر اس کی درخواست پر ایسا کرنا میرے اور بچوں کے لیے بہت تکلیف دہ اور صدمے کی بات تھی۔

سیدہ بشریٰ اقبال نے مزید لکھا کہ میں اپنا معاملہ اللہ پر چھوڑتی ہوں۔ بیشک اللہ بہترین کارساز ہے-

میزبان فرح سعدیہ نے ان کے ٹوئٹ پر جواب دیتے ہوئے لکھا کہ یہ انتہائی تکلیف دہ اور افسوسناک بات ہے-

It’s sad and painful to know, this is dilemma of our society that wives and kids have to go through pain and misery without any of their fault,you are a devoted mother and my prayers for your and kids strength and success, This too shall pass , stay strong my dear.

— Farah Hussain (@FarahSaadya) December 31, 2020

انہوں نے یہ بھی لکھا کہ یہ ہمارے معاشرے کا المیہ ہے کہ طلاق شدہ خواتین اور ان کے بچے بغیر کسی وجہ کے ایک تکلیف دہ عرصے سے گزرتے ہیں لیکن آپ ایک بہادر ماں ہیں آپ اور بچوں کی طاقت اور کامیابی کے لئے میری دعائیں ، یہ وقت بھی گزرجائے گا مضبوط رہو.

Bushra, Meri Behan. I was in tears last night. I called you, you wouldn’t pick up. My heart is with you and children my dear sister.

— Dr Shama Junejo (@ShamaJunejo) December 31, 2020

سوشل میڈیا ایکٹویسٹ سمع جونیجو نے لکھا کہ بشریٰ ، میری بہن۔ میں کل رات بہت پریشان تھی میں نے آپ کو فون کیا ، آپ نہیں اٹھایا۔ میں دل سے آپ اور بچوں کے ساتھ ہوں میری پیاری بہن ۔
https://twitter.com/mAsiddiquiES/status/1344526117236043777?s=20
ایک صارف نے لکھا کہ اللہ تمام مطلقہ اور بیوہ خواتین کو بہترین نعم البدل عطا کرے اور صبرِ جمیل دے۔آمین۔
ہوسکتا ہے اسی میں آپ کی اور آپ کے بچوں کی بہتری ہو۔

واضح رہے کہ میزبان فرح سعدیہ کی دوسری شادی بھی ناکام ہوگئی فرح سعدیہ نے 2012 میں خاموشی سے پاکستان کی معروف کاروباری شخصیت چوہدری توقیر احمد سے دوسری شادی کرلی تھی تاہم رواں برس توقیر احمد نے اپنے ایک انٹرویو میں میزبان فرح سے مکمل طورپر علیحدگی کی تصدیق کی تھی-

پاکستان شوبز انڈسٹری کی معروف اداکارہ بہنیں منال خان اور ایمن خان کے والد مبین خان انتقال کر گئے۔

باغی ٹی وی :اداکاراؤں کے والد کے انتقال کی خبر ایمن خان کے شوہر منیب بٹ نے اپنی انسٹاگرام اسٹوری میں شیئر کی۔

منیب بٹ کی جانب سے جاری پیغام میں بتایا گیا کہ ایمن خان اور منال خان کے والد انتقال کر گئے ہیں۔

انہوں نے لکھا کہ نمازِ جنازہ کے اوقات کار جلد بتادیے جائیں گے۔

اس سے قبل گزشتہ دنوں منال خان نے مداحوں سے اپنے والد کے لیے دعاؤں کی درخواست کی تھی منال خان کا اپنی انسٹاگرام اسٹوری میں کہنا تھا کہ برائے مہربانی میرے والد کے لیے دعا کریں وہ شدید بیمار ہیں-

پاکستان بھر میں مقبول ہونے والے ڈرامے ‘رانجھا رانجھا کردی’ میں بھولے کے کردار سے شہرت کی بلندیوں پر پہنچنے والے ادکار عمران اشرف کے حال ہی میں ‘رقصِ بسمل’ میں ان کے کردار موسیٰ کے بھی کافی چرچے ہیں۔

باغی ٹی وی : اداکار عمران اشرف نے انسٹاگرام پر ایک ویڈیو جاری کی جس میں انہوں نے ‘رقصِ بسمل’ کی شوٹنگ کے دوران سیٹ پر لگا دروازہ توڑدیا۔

عمران اشرف نے اپنی پوسٹ کردہ ویڈیو کے کیپشن میں لکھا کہ ‘ٹوٹ گیا، ٹوٹ گیا دروازہ ٹوٹ گیا، موسی کی کِک’۔

اداکار نے ساتھ ہی انہوں نے لکھا کہ ‘ میری شکل پر صاف لکھا ہے (اوہ نو)’۔

عمران اشرف کی جانب سے جاری کردہ ویڈیو میں اداکار کو پردہ ہٹاکر دروازے سے باہر آتے دیکھا جاسکتا ہے لیکن ان کے باہر آنے سے پہلے سیٹ پر لگا دروازہ ہی گر کر زمین بوس ہوگیا۔

اداکار کی پوسٹ کے کیپشن سے معلوم ہوتا ہے کہ انہیں اپنے جارح مزاج کردار کی مناسبت سے دروازے کو ٹھوکر مار کر کھولنا تھا لیکن لگتا ہے کہ عمران اشرف نے کچھ زیادہ ہی زوردار کِک ماری کہ دروازہ ٹوٹنے کے بجائے الگ ہی ہوگیا۔

قبل ازیں عمران اشرف نے اپنی ایک علیحدہ پوسٹ میں ہاشم ندیم کے لکھے گئے ڈرامے کا حصہ بننے پر ان کا شکریہ ادا کیا تھا۔

انہوں نے اکتوبر میں کہا تھا کہ شکر ہے وقت بدل چکا ہے، میں آپ کا تعارف اپنے اگلے کردارموسیٰ سے کرواتاہوں جس کا میں انتظارکررہا تھا، مجھے اپنے ماسٹرپیس اسکرپٹ کا حصہ بننے کا موقع دینے پر شکریہ ہاشم ندیم ۔

‘رقص بسمل’ ڈرامے کی کہانی پاکستان کے معروف مصنف ہاشم ندیم نے لکھی ہے جس میں اداکار عمران اشرف اور سارہ خان مرکزی کردار ادا کر رہے ہیں۔

سال 2020 میں کورونا وائرس کی وبا کے باعث کئی پاکستانی شوبز ستاروں نے لاک ڈاؤن کے دوران اچانک شادی کرکے مداحوں کو حیران کیا۔

باغی ٹی وی : پاکستانی ڈراما انڈسٹری کی ابھرتی ہوئی اداکارہ صرحا اصغر نے بھی سال کے آخری دنوں میں خاموشی سے نکاح کرکے مداحؤں کو حیران کر دیا ہے-

اداکارہ صرحا اصغر نے بھی اپنے انسٹاگرام اسٹوری پر اپنے نکاح کی تصاویر اور مختلف ویڈیوز شیئر کیں۔

صرحا اصغر کے نکاح کی تصاویر اور ویڈیوز سوشل میڈیا پر تیزی سے وائرل ہوئی ہیں جن میں انہوں سفید رنگ کا عروسی لباس زیب تن کیا ہے۔

انہوں نے اپنی نکاح کی تقریب کے لیے ڈیزائنر ہانیہ کامران کے تیار کردہ لباس کا انتخاب کیا تھا-

صرحا اصغر نے اپنے شوہر عمر کے ساتھ بھی تصویر شیئر کی اداکارہ کی شیئر کردہ تصویر میں دیکھا جاسکتا ہے کہ اُنہوں نے اپنے نکاح کے خاص دن پر سفید رنگ کا عروسی لباس زیب تن کیا جبکہ اداکارہ کے شوہر نے بھی سیاہ رنگ کا لباس اور میرون رنگ کی واسکٹ پہنی ہوئی ہے۔

قبل ازیں اداکارہ صرحا اصغر نے اپنی انسٹا اسٹوری میں مایوں کی سادہ سی تقریب کی تصویریں شیئر کی تھیں جنہیں دیکھ کر اندازہ لگایا جاسکتا ہے کہ اداکارہ نے انہتائی سادگی سے شادی کی ہے۔

ساتھی اداکاراؤں اور مداحوں کی جانب سے اداکارہ کی زندگی کے نئے سفر پر نیک خواہشات کا اظہار کیا جارہا ہے.

خیال رہے کہ صرحا اصغر نے 2015 میں شوبز انڈسٹری میں اپنے کیریئر کا آغاز کیا تھا اور انہوں نے ‘کھوٹ’ میں اداکاری کی تھی۔

صرحا اصغر نے رواں برس ڈراما ‘پیار کے صدقے’ میں مرکزی کردار ادا کرنے والے بلال عباس خان کی بہن کا کردار بھی ادا کیا تھا جس سے ان کی مقبولیت میں اضافہ ہوا۔

پاکستان شوبز انڈسٹری کے معروف اداکار و ماڈل شہباز شگری کا کہنا ہے کہ گلوکارہ آئمہ بیگ حیران کن، عالی ظرف اور مکمل طور پر ایک شاندار انسان ہیں-

باغی ٹی وی : سماجی رابطے کی ویب سائٹ انسٹاگرام پر شہباز شگری نے گلوکارہ آئمہ بیگ کے ساتھ لی گئی اپنی ایک تصویر شیئر کی اور کیپشن میں لکھا کہ زندگی میں جس خوبصورت ترین، حیران کن، عالی ظرف اور مکمل طور پر ایک شاندار انسان سے ملاقات ہوئی وہ گلوکارہ آئمہ بیگ ہیں۔

اداکار نے مزید لکھا کہ میں مذاق کر رہا ہوں جو وضاحتی الفاظ آئمہ بیگ کے لیے کہے جا سکتے ہیں وہ پھر بھی ناکافی ہیں۔

اداکار شہباز شگری نے انہیں برداشت کرنے پر آئمہ بیگ کا شکریہ بھی ادا کیا۔

واضح رہے کہ پاکستانی گلوکارہ آئمہ بیگ اور ماڈل شہباز شگری کی دوستی کی قیاس آرائیاں کافی عرصے سے جاری تھیں تاہم ماڈل و اداکار شہباز شگری کی جانب سے رواں برس اپنی انسٹاگرام پر شیئر کی گئی آئمہ بیگ تصویر کے کیپشن میں بھی آئمہ کے لیے ’بیٹر ہاف‘ کی اصطلاح استعمال کرنے پر مداحوں کی قیاس آرائیاں حقیقت میں بدل گئیں-

جبکہ اداکار شہباز شگری کی پہلی شادی اداکارہ عائشہ لینیا سے ہوئی تھی تاہم جون 2018 میں دونوں کے درمیان طلاق ہو گئی تھی۔

آئمہ بیگ کے انگریزی گانے کا ٹیزر جاری

علی ظفر اور آئمہ بیگ کے نئے پروجیکٹ ‘وے ماہیا’ کا ٹیزر جاری