پاکستان میوزک انڈسٹری کے عالمی شہرت یافتہ گلوکار علی حیدر نے اپنئ نئے گانے کی جھلک مداحوں کے ساتھ شئیر کر دی-
باغی ٹی وی : گلوکار علی حیدر جو کہ گزشتہ 5 برسوں سے امریکہ میں اپنی فیملی کے ساتھ رہائش پذیر ہیں اور وہاں پر اپنے میوزک کنسرٹ کرتے ہیں اور ساتھ ساتھ نئے گانے بھی ریلیز کرتے ہیں-
عالمی شہرت یافتہ گلوکار آج کل اپنے نئے گانے ’تم سے کچھ کہنا ہے‘ کی ریلیز کی تیاریوں میں مصروف ہیں-
خیال رہے کہ علی حیدر نے 90 کی دہائی میں شہرت کی بلندیوں کو چھوا ان کے سپر ہٹ گانوں میں پرانی جینز اور گٹار، چاند سا مکھڑا، سیونی میرا ماہی اور دیگر شامل ہیں۔
واضح رہے کہ انہوں نے گلوکاری کے علاوہ پاکستانی فلم اور ڈراموں میں اداکاری بھی کرچُکے ہیں۔
پاکستان تحریک انصاف کے رہنما، رکن قومی اسمبلی،مذہبی سکالر اور میزبان عامر لیاقت حسین نے عالمی وبا کورونا وائرس کو شکست دے دی-
باغی ٹی وی :عامر لیاقت نے اپنی چاہنے والوں کو کورونا کو شکست دینے کی اطلاع سماجی رابطے کی ویب سائٹ ٹوئٹر پر دی عامر لیاقت نے اپنے ٹوئٹ میں دعاؤں اور نیک تمناؤں کا اظہار کرنے والوں کا شکریہ ادا کرتے ہوئے لکھا کہ وہ ہسپتال سے ڈسچارج ہو کرگھر واپس آگئے ہیں-ٕ
انہوں اس مشکل وقت میں دعاؤں اور محبت کے لئے مداحوں کا شکریہ ادا کیا اور دعا کی کہ اللہ تعالیٰ سب کو اس مہلک اور دکھائی نہ دینے والے مرض سے محفوظ رکھے-(آمین)
اس سے قبل ڈاکٹر عامر لیاقت کی اہلیہ طوبیٰ عامر نے بھی ٹوئٹر پر اپنے کورونا ٹیسٹ کے نیگیٹیو آنے کی اطلاع دی تھی اور کہا تھا کہ عامر لیاقت بھی جلد صحت یاب ہو رہے ہیں-
علاوہ ازیں عامر لیاقت حسین کے اکاؤنٹ سے بھی ٹوئٹ کی گئی جس میں انہوں نے کہا کہ ہاتھ جوڑ کر دعاؤں کی گزارش ہے کیونکہ میں کورونا سے لڑ نہیں رہا بلکہ پناہ مانگ رہا ہوں-
واضح رہے کہ رواں ماہ 5 نومبر کو عامر لیاقت حسین نے سماجی رابطے کی ویب سائٹ ٹوئٹر پر کی گئی ایک ٹوئٹ میں کورونا وائرس کا شکار ہونے کی تصدیق کی تھی۔
رکن قومی اسمبلی نے اپنی ٹوئٹ میں لکھا تھا کہ وہ اور ان کی اہلیہ سیدہ طوبیٰ عامر کووڈ-19 کے حملے کی زد میں ہیں۔
اس کے ساتھ ہی انہوں نے بیماری اور صحت سے متعلق قرآن شریف کی آیت شیئر کرتے ہوئے اسے وائرس کا علاج قرار دیا تھا۔
بعد ازاں عامر لیاقت کی اہلیہ طوبیٰ عامر نے سماجی رابطے کی ویب سائٹ ٹوئٹر پر عامرلیاقت کی ہسپتال سے لی گئی تصاویر شئیر کیں اور ٹوئٹ میں بتایا کہ گزشتہ ہفتے ہم دونوں میں کورونا وائرس کی تصدیق ہوئی تھی۔
طوبیٰ عامر نے بتایا تھا کہ اب عامر لیاقت حسین کی طبعیت اس قدر بگڑ گئی ہے کہ انہیں سانس لینے میں دشواری کا سامنا ہے۔
طوبیٰ عامر کا کہنا تھا کہ میری سالگرہ ہے لیکن ہم سیلیبریٹ نہیں کرسکتے کیونکہ عامر لیاقت شدید بیمار ہیں اور ہسپتال میں داخل ہیں-
ان کا کہنا تھا کہ برائے کرم ہمارے لیے دعا کریں یہ مشکل وقت ہے میں انہیں ایسے نہیں دیکھ سکتی۔
معروف برطانوی نشریاتی ادارے ’بی بی سی‘ نے ہر سال کی طرح اس سال بھی دنیا بھر کی 100 بااثر خواتین کی فہرست جاری کردی ہے-
باغی ٹی وی : بی بی سی نے ہر سال کی طرح اس سال بھی دنیا بھر کی 100 بااثر خواتین کی فہرست جاری کردی ہے جس میں 2 پاکستانی خواتین بھی شامل ہیں فہرست میں شامل خواتین کا انتخابات مختلف شعبہ جات سے کیا گیا ہے رواں برس علم، تخلیقی صلاحیت، شناخت اور قیادت جیسی 4 اہم کیٹیگریز میں خواتین کو تقسیم کیا گیا ہے۔
مذکورہ فہرست کا مقصد دنیا کے مختلف ممالک میں سماجی تبدیلی، خواتین کے تحفظ اور آئیڈیل معاشرے کے لیے کوششیں کرنے والی خواتین کی خدمات کا اعتراف کرنا ہے۔
بی بی سی ہر سال مذکورہ فہرست جاری کرتا ہے گزشتہ سال اس فہرست میں پاکستان کی صرف ایک ہی خاتون بلوچستان کی انسانی حقوق کی کارکن اور وکیل جلیلہ حیدر کو شامل کیا گیا تھا۔
اس سال دنیا کی 100 بااثر خواتین کی فہرست میں پاکستانی اداکارہ و اقوام متحدہ (یو این) کی سفیر برائے خیر سگالی ماہرہ خان اور پاکستان سے غربت کے خاتمے کے حکومتی پروگرام کی سربراہ ڈاکٹر ثانیہ نشتر کو شامل کیا گیا ہے۔
فہرست میں بھارت سے 4 خواتین کو شامل کیا گیا ہے، جن میں ایک عمر رسیدہ مسلمان خاتون بلقیس بانو بھی ہیں، جنہیں احتجاجی رہنما کے طور پر پہچانا جاتا ہے۔
اسی طرح بھارت سے ایک موسیقار، ایک ایتھلیٹ اور ماحولیاتی تحفظ کے لیے کام کرنے والی کارکن کو بھی فہرست کا حصہ بنایا گیا ہے
ہر سال کی طرح اس سال بھی فہرست میں امریکا اور برطانیہ سے زیادہ خواتین کومنتخب کیا گیا ہے جب کہ بنگلہ دیش سے بھی اس سال 2 خواتین کو فہرست کا حصہ بنایا گیا ہے۔
فہرست میں بنگلہ دیش کی سابق سیکس ورکر رینا اختر کو بھی شامل کیا گیا ہے جنہوں نے کورونا کی وبا کے دوران جسم فروش خواتین کے 400 خاندانوں کو راشن اور کھانے پینے کی اشیا فراہم کیں۔
اسی طرح بنگلہ دیش سے ایک استانی کو بھی فہرست کا حصہ بنایا گیا ہے افغانستان اور ایران سے بھی دو دو خواتین کو فہرست کا حصہ بنایا گیا ہے۔
فہرست میں یورپی ملک فنڈ لینڈ کی نوجوان ترین خاتون وزیر اعظم سانا مارین کو بھی شامل کیا گیا ہے۔
فہرست میں مشرق وسطیٰ ممالک شام، متحدہ عرب امارات (یو اے ای) مصر اور مراکش سے بھی خواتین کو شامل کیا گیا ہے تاہم سعودی عرب، قطر، کویت اور بحرین جیسے ممالک کی کوئی خاتون فہرست میں شامل نہیں کی گئی۔
پاکستان شوبز انڈسٹری کی معروف اداکارہ صبا قمر کا اپنی بیماری کے حوالے سے کہنا ہے کہ انہیں کسی نے گندی نظر لگادی ہے۔
باغی ٹی وی : اداکارہ صبا قمر کی ایک ویڈیو سوشل میڈیا پر وائرل ہو رہی ہے جس میں وہ اسپتال کے بستر پر لیٹی ہوئی ہیں اور انہیں ڈرپ بھی لگی ہوئی ہے۔
ویڈیو بنانے والی خاتون اداکارہ سے پوچھتی ہیں کہ صبا قمرآپ کو کیا ہوا ہے کیسی فیلنگ محسوس کر رہی ہیں تو جواباً صبا قمر کہتی ہیں کہ ایسی فیلنگ آ رہی ہے کہ جیسے کسی نے گندی والی نظر لگا دی ہے۔
اداکارہ نے یہ نہیں بتایا کہ انہیں کیا بیماری لاحق تھی جس کے باعث انہیں اسپتال میں داخل ہونا پڑا۔
پاکستان شوبز انڈسٹری کی قابل اور باصلاحیت اداکارہ و ماڈل صبا قمر ڈراموں اور فلموں کے بعد یوٹیوب پر بھی چھاگئی ہیں اداکارہ کی یو ٹیوب پر شئیر کی گئیں ویڈیوز کو صارفین کی جانب سے خوب سراہا جا تا ہے-
پاکستان کے مقبول ترین یوٹیوبر عمر خان المعروف یوخانو بھی شادی کے بندھن میں بندھ گئے-
باغی ٹی وی : یوٹیو بر نے اپنی شادی کی خبر اپنے انسٹاگرام پر پوسٹ کے ذریعے دی، عمر خان نے شادی میں کوٹ پینٹ جبکہ دلہن نے انگوری رنگ کا لہنگا زیب تن کیا۔
انہوں نے شادی کی تقریب کی تصویریں شیئر کرتے ہوئے لکھا کہ آخر کار 2020 میں کچھ اچھا کام ہوا، میں نے زندگی کے نئے سفر کا آغاز کردیا ہے۔
عمر خان نے مداحوں سے دعاؤں کی درخواست بھی کی اور یہ بھی لکھا کہ یہ اپنی خوشی کے لمحات آپ سب کے ساتھ شیئر کررہا ہوں۔
یوٹیوبر کی شادی کی تصاویر تیزی سے سوشل میڈیا پر گردش کر رہی ہیں اور مداحوں کی جانب سے مبارکباد اور نیک تمناؤں کا اظہار بھی کیا جا رہا ہے-
خیال رہے کہ عمر خان کی شادی کی تقریب وفاقی دارالحکومت اسلام آباد میں منعقد ہوئی جس میں قریبی رشتہ داروں اور اہل خانہ نے شرکت کی۔
پاکستان شوبز انڈسٹری کی عالمی شہرت یافتہ اداکارہ ماہرہ خان نے پاکستان میں موجود افغان پناہ گزینوں کے لیے آواز بلند کردی۔
باغی ٹی وی : اداکارہ ماہرہ خان نے پاکستان میں موجود افغان پناہ گزینوں کے لیے آواز بلند کردی اس حوالے سے ماہرہ خان نے سماجی رابطے کی ویب سائٹ انسٹاگرام پر افغان مہاجرین کے ساتھ اپنی تصاویر شیئر کیں اور ان کے بنیادی حقوق پر زور دیا۔
ماہرہ خان نے اپنے پیغام میں لکھا کہ افغان مہاجرین کے خواب کسی طرح دوسروں کے خوابوں سے علیحدہ نہیں ہیں۔
انہوں نے کہا کہ ان کے خواب گھر لینا، اپنے بچوں کو اسکول بھیجنا، اپنے اہلِ خانہ کے لیے سہولیات دینا ہے جبکہ انھیں اپنے خوابوں کو پورا کرنے کے لیے امن کی ضرورت ہے۔
ماہرہ نے کہا کہ میرا یقین ہے کہ تعلیم ہر معاشرے کی کامیابی کی کنجی ہے عالمی سطح پر سب کے لئے معیاری تعلیم کا ہدف مقرر کیا گیا ہے۔ جن میں مہاجرین بھی شامل ہیں-
اپنی تصویر کے عنوان میں انھوں نے لکھا کہ افغانستان 2020 میں ایجوکیشن کے معیار پر ہونے والی بات چیت ان افغان مہاجرین کے بچوں کے مستقبل کو محفوظ بنائے گی۔
پاکستان میوزک انڈسٹری کی معروف گلوکارہ میشا شفیع نے کپتان قومی کرکٹ ٹیم بابراعظم سے ملاقات کی خواہش سے متعلق خبروں کی تردید کی ہے۔
باغی ٹی وی : سماجی رابطے کی سائٹ انسٹاگرام اسٹوری پر گلوکارہ میشا شفیع نے قومی کرکٹ ٹیم کے کپتان بابراعظم سے متعلق ایک پوسٹ شیئر کی جس میں کہا گیا تھا کہ جب بھی بابراعظم بیٹنگ کرتے ہیں تو میں ٹی وی کے سامنے بیٹھ جاتی ہوں اور جیسے ہی وہ آؤٹ ہوتے ہیں میں ٹی وی بند کردیتی ہوں میں بابراعظم سے پیار کرتی ہوں اور ملاقات کرنا چاہتی ہوں۔
میشا شفیع نے بابر اعظم کے ساتھ ملاقات کی خواہش اور اظہار محبت سے متعلق پوسٹ کو جھوٹی قرار دیتے ہوئے کہا کہ مجھے بالکل بھی اندازہ نہیں کہ یہ کیا ہے اور کس نے لکھا ہے جس نے یہ لکھا ہے اسے زیرو فیصد بھی سینس نہیں ہے-
میشا شفیع نے کہا کہ میں نے ایسا کبھی نہیں کہا جب کہ ایسی باتوں کا بھی کوئی مطلب نہیں یہ پوسٹ جعلی ہے ساتھ ہی میشا شفیع نے انسٹاگرام انتظامیہ سے پوسٹ ہٹانے کی درخواست بھی کی۔
پاکستان شوبز انڈسٹری کے معورف اداکار حمزہ علی عباسی نے اپنی اہلیہ اداکارہ نیمل خاور کی سالگرہ پر سوشل میڈیا پر خوبصورت پیغام شئیر کیا ہے۔
باغی ٹی وی : اداکارحمزہ علی عباسی نے سماجی رابطے کی ویب سائٹ انسٹا گرام پر ایک تصویر شیئر کی جس میں وہ اہلیہ نیمل خاور کے ہمراہ اپنے بیٹے محمد مصطفیٰ عباسی کو گود میں اُٹھائے خوش گوار موڈ میں نظر آرہے ہیں۔
تصویر کے کیپشن میں انہوں نے نیمل خاور کو سالگرہ کی مبارکباد پیش کی اور کہا کہ میں سفر کے دوران مزید وقت ضائع نہیں کرنا چاہوں گا اس لئے میں کہنا چاہتا ہوں کہ اس دنیا کا سب سے بہترین تحفہ ملنے پر میں روز اللہ پاک کا شکر ادا کرتا ہوں۔ میں نیمل سے بے حد محبت کرتا ہوں اور یہ بھی اللہ تعالیٰ کا تحفہ ہی ہے کہ میں اپنی باقی زندگی بھی آپ کے ساتھ گزاروں گا۔
حمزہ عباسی نے لکھا کہ میرے بیٹے کی بہترین ماں ہونے پر بھی میں آپ کا شکریہ ادا کرتا ہوں اور آپ سے بطور شوہر اور بطور بیٹے کا والد ہونے پر بے انتہا محبت کرتا ہوں۔
حمزہ علی عباسی کی پوسٹ پر نیمل خاور نے ردعمل دیتے ہوئے لکھا کہ دنیا کا سب سے بہترین والد اور شوہر ہونے پر آپ کا شکریہ ادا کرتی ہوں۔
اس سے قبل بھی حمزہ علی عباسی نے اہلیہ اور بیٹے کے ہمرای ایک دلکش تصویر شئیر کرتے ہوئے کیپشن میں اللہ تعالیٰ کا شُکر ادا کیا تھا-
لاہور:سینئیر اینکر پرسن مبشر لقمان نے انکشاف کیا ہے کہ عرب امارات(یو اے ای) اور پاکستان کے تعلقات وہ والے نہیں ہیں جو آج سے دو مہینے پہلے تھے یو اے ای اور پاکستان کے تعلقات میں سرد مہری ہے اور یو اے ای اور پاکستان کے درمیان کچھ چیزوں کے اوپر غیر یقینی صورتحال بن چُکی ہے اس کی ایک بڑی وجہ ہندوستان ہے –
باغی ٹی وی: سینئیر اینکر پرسن مبشر لقمان جھوٹی افواہیں پھیلانے والوں پر پھٹ پڑے کہا کہ وہ دو تین دن سے سوشل میڈیاپر بڑی خبرہں سن اور دیکھ رہے ہیں اور لوگ بھی انہیں بتا رہے ہیں کہ یو اے ای نے پاکستان کے ویزے بند کر دیئے ہیں اورپتہ نہیں کون سے ویزے بند کئے ہیں وزٹ کے ٹرانزٹ کے لیکن انہوں نے دو تین دن پہلے کسی سے درخواست کی کہ ایک دو لوگوں کے ذرا ویزے اپلائی کر دیں ابھی تھوڑی دیر پہلے انہیں پتہ چلا ہے کہ ان لوگوں کو ویزے مل گئے ہیں-
مبشر لقمان نے برہمی کا اظہار کرتے ہوئے لکھا کہ یہ کس نے خبر اڑا دی ہے کہ یو اے ای نے پاکستان کے ویزے بند کر دیئے ہیں میں نے وی لاگز سن لئے ہیں یہاں تک کہ دو تین مشہور معروف اینکرز کے وی لاگ سنے ہیں اور ایک ڈائریکٹر نیوز صاحب کا وی لاگ سنا انہوں نے پوری تمہید باندھی امریکہ یہ امریکہ برطانیہ میں اتنے مر گئے انڈیا میں اتنے مر گئے یہاں پر ہم کورونا وبا میں 28 ویں نمبر پر ہیں تو ہمیں بین کر دیا –
سینئیر اینکر پرسن کا کہنا تھا کہ نہیں بین کیا آپ کو آپ سنی سنائی خبروں کو بغیر کسی تحقیق کے آگے پھیلا دیتے ہیں یو اے ای میں لاکھوں پاکستانی ہیں جو روزگار کا حصول کر رہے ہیں آپ ان کی نوکریاں کیوں پیک اپ کرانے کے خواہشمند ہیں کہ میرے اور آپ کے پروگرام بن جائیں اور وی لاگز بن جائیں- وہاں پر ایسا کچھ نہیں ہے جو خبریں پھیلائی جا رہی ہیں بے بنیا د ہیں-
مبشر لقمان نے مزید کہا کہ تاہم یہ میں آپ کو ضرور بتاتا ہوں کی یو اے ای اور پاکستان کے تعلقات وہ والے نہیں ہیں جو آج سے دو مہینے پہلے تھے یہ میں آپ کو بتا دوں کہ یو اے ای اور پاکستان کے تعلقات میں سرد مہری ہے اور یو اے ای اور پاکستان کے درمیان کچھ چیزوں کے اوپرغیر یقینی صورتحال بن چُکی ہے اس کی ایک بڑی وجہ ہندوستان ہے جو یو اے ای کے ہندوستان سے تعلقات ہیں جو یو اے ای کے سعودی عرب سے تعلقات ہیں-
انہوں نے جھوٹی افواہیں پھیلانے والوں سے برہمی کا اظہار کرتے ہوئے مزید کہا کہ تو ٹھنڈ پڑگئی آپ کو یہ سن کے کہ فلسطین نے کہہ دیا کہ ہم اب دوبارہ یو اے ای کے ساتھ تعلق قائم کریں گے اور وہاں پر اپنا سفیر بھی بھیجیں گے آپ کو ٹھنڈ پڑ گئی یہ سن کر کہ فلسطین اب دوبارہ اسرائیل کے ساتھ اب بات چیت لگا ہے –
انہوں نے مزید کہا کہ اور سب سے بڑھ کر آپ کو ٹھنڈ پڑ گئی کی ترک صدر طیب اردگان جس کے متعلق میں نے بتایا تھا تو آپ ساروں نے مجھے برا بھلا کہنا شروع کر دیا تھا کل ان کو سعودی کنگ نے فون کیا تو بھائی جان نے انہیں فوراً جی اے 20 کی مبارکبادیں بھی دینا شروع کر دیں اور انہیں یقین دہانی کرا دی کہ اب ہم ملاقات بھی کریں گے اور اپنے تعلقات کو بہتر کریں گے-
مبشر لقمان نے کہا کہ ترکی اور سعو دیہ کے درمیان یہ ٹینشن اس وقت شروع ہوئی تھی جب جمال کشوگی کا مرڈر ہوا تھا اور اس مرڈر کے بعد ترکی نے اس کی ویڈیو ریلیز کرا دیں تھی تب سعودی ولی عہد محمد بن سلمان کی اور ان کے تعلقا خراب ہو گئے تھے لیکن کل کنگ سلمان کی ایک فون کال نے وہ ساری برف پگھلا دی اور پاکستان ترکی کے سر چڑھ کر ان کو آنکھیں دکھا رہا تھا اورپاکستان ملائیشیا کے ٹرک پر بیٹھ کر جو دوسروں کی ٹرینوں پر چاند ماری کر رہا تھا اب اس کو اچانک پتہ چل جائے گا کہ دوستیاں ذاتی نہیں ہوتیں دوستاں ملکی مفاد کے لئے ہوتی ہیں نہ کہ ذاتی-
انہوں نے کہا کہ چین کا صدر شی نہ آصف علی زرداری کا دوست ہے نہ عمران خان کا اور نہ ہی نواز شریف کا وہن اپنے لوگوں کے لئے مخلص ہے امریکہ کا صدر اپنے لوگوں کے لئے انڈیا کا صدر اپنے لوگوں کے لئے یو اے ای کا صدر اپنے لوگوں کے لئے اور سعودیہ کا کنگ اپنے لوگوں کے لئے مخلص ہے-
مبشر لقمان نے کہا کہ صرف ہم نے دیکھنا ہے کہ ہم اپنے ملک کے لئے کتنے مخلص ہیں اور اس کا حساب بڑا سادہ ہے کہ کتنوں کی جائیدادیں اور بزنس ملک سے باہر ہیں لیکن آج جب انڈیا سے یو اےای کا موازنہ کرتے ہیں نا تو یہ ضرور سوچ لیجیئے گا کہ انڈیا کے وہاں پر تیس سے پینتیس لاکھ لوگ کام کرتے ہیں اور آپ کے بھی پندرہ سے اٹھارہ لاکھ لوگ کام کرتے ہیں وہاں-
انہوں نے کہا کہ لیکن ان کی بہت بڑی تعداد ہے جو وہاں پر کاروبار کرتے ہیں اور نوکریاں کری ایٹ کرتے ہیں بہت ہی چھوٹی سی تعداد ہے جو وہاں پر کاروبار کرتے ہیں لیکن ہم زیادہ تر جاب سیکرز کو بھیجتے ہیں ایک اکانومی کو پروموٹ کر رہا ہے اور ایک اکانومی کو ایکسچینج کر رہا ہے –
انہوں نے کہا کہ میرے کہنے کامطلب یہ نہیں کہ ہم غلط ہیں میرے کہنے کا مطلب یہ نہیں کہ وہ بہت بہتر ہیں میں یہ کہہ رہا ہوں کہ جو بھی
ملک ہو گا اپنے معیار کو سامنے رکھ کر اپنے ملک کے حوالے سے ویسی پالیسیز بنائے گا لیکن ہم لوگوں نے ملکوں کو ذاتیات پر لے لیا ہے اردگان نے اگر ایک مرتبہ اسرائیل کے اوپر بات کر دی تو ہم نے کہہ دیا کہ وہ امت مسلمہ کا ہیرو ہے یہ نہیں پتہ کے اس نے اس جگہ کو پہچانا ہوا ہے اس کا اپنا سفارت خانہ ہے وہاں یہ نہں پتہ کہ یہ ان سے ٹرینڈ کر رہا ہے یہ نہیں پتہ کا یہ دنیا کا پہلا اسلامی ملک ہے ان کو ماننے والا یہ نہیں پتا کہ یہ خود بھی وہاں کا وزٹ کر چکا ہے یہ نہیں پتہ کہ اسرائیل کا صدر بھی ترکی کا وزٹ کر چکا ہے اور وہاں جوائنٹ پارلیمنٹ سے خاطب بھی کر لیا ہے اور ہو سکتا ہے وہ آج دوبارہ مان لے انہیں اور کیوں مان لے میں اس کو بُرا نہیں کہوں گا وہ اس لئے کہ وہ وہی کرے گا جو اس کے ملک کے لئے اچھا ہوگا ور یہی کرنا چاہیئے-
مبشر لقمان نے کہا کہ ملکوں کی سیاست ملکوں کے تعلقات دوروس اور دیرپا اور عوام کی فلاح و بہبود کے لئے ہونے چاہیئں وہ اپنے نیوگرافیکل حدود کی حفاظت کے لئے ہونے چاہیئں وہ ذاتیاتپر نہیں ہوتے کہ مجھے شیخ نیان نے گھڑی دے دی تھی اور وہ میرے بیسٹ فرینڈ ہو گئے انہوں پاکستان کے وزیر اعظم یا پاکستان کے صدر کو گھڑی دی تھی انہوں نے کسی فرد کو نہیں دی تھی اپ نے جو تحفہ دیا آپ نے ان کے خلیفہ کو دیا تھا کسی دوسرے فرد کو نہیں دیا باقیوں کو کیوں نہیں دے دیا جو اتنی آبادی ہے وہاں پر اس لئے ہمیں جو یو اے ای کی نمائنگی کر رہا ہے ہم اس سے تعلقات کریں-
مبشر لقمان نے پاکستانیوں سے اپیل کرتے ہوئے کہا کہ مہربانی کر کے ان باتوں کو سمجھ لیں اور پاکستان کی فارن پالیسیز کو ری وزٹ کر لیں اور بہت ارجنٹلی وزٹ کر لیں مجھے حیرانی ہے کہ فارن آفس نے بھی عجیب اور مبہم سا بیان اس پر دے دیا کہ یو اے ای نے پاکستان کے ویزے بند کئے ہوئے ہیں –
انہوں نے حیرانی کا مظاہرہ کرتے ہوئے کہا کہ خدا کے لئے کچھ تو کلئیرٹی لاؤ بغیر سوچے سمجھے بات کر رہے ہو پاکستان کے ہائی کمیشن کو ہی نہیں پتہ کہ کیا ہو رہا ہے کیا نہیں ہو رہا پہلے کلئیرک کرو کہ فارن آفس نے یہ اعلان کر دیا اگر نہیں تو ضرور اپنی غیر ضروری بات کی وجہ سے کوئی پابندی لگوانی ہے-
سینئیر اینکر پرسن نے کہا کہ پاکستان کو اللہ تعالی ہمیشہ سلامت رکھے اور پاکستانیوں کو خوش رکھے اور پاکستانیوں کو جھوٹی افواہیں پھیلانےوالوں کے شر سے بھی محفوظ رکھے-
پاکستان کے معروف اور نامور گلوکار اور پی ٹی آئی کارکن ابرار الحق کی سوشل میڈیا پر بیٹی کے ہمراہ تصویروائرل ہو رہی ہےجسے مداحوں کی جانب سے خوب پسند کیا جا رہا ہے-
باغی ٹی وی کی رپورٹ کے مطابق گلوکار ابرار الحق نے سماجی رابطے کی ویب سائٹ ٹوئٹر پر اپنی ننھی بیٹی کے ساتھ ایک تصویر شیئر کی جسے ٹوئٹر صارفین کی جانب سے خوب پسند کیا جا رہا ہے۔
ابرارالحق کی جانب سے شیئر کی گئی تصویر میں دیکھا جا سکتا ہے کہ وہ اپنی بیٹی کے ساتھ ایک گاڑی میں موجود ہیں اور دھوپ سے بچنے کے لیے اپنے ماتھے پر ہاتھ رکھے ہوئے ہیں اور مسکر رہے ہیں اسی طرح اُن کی بیٹی بھی اپنے ہاتھ کے ذریعے اپنی آنکھوں کو دھوپ سے بچا رہی ہے۔
ابرارالحق نے یہ خوبصورت تصویر ٹوئٹ کرتے ہوئے ساتھ میں والدین کے لیے ایک بہت اہم اور معنی خیز پیغام بھی شیئر کیا ہے۔
ابرارالحق نے اپنی ٹوئٹ میں والدین کو مخاطب کرتے ہوئے کہا کہ والدین ہوشیار رہیں بچے وہی سیکھتے ہیں جو وہ دیکھتے ہیں بچے وہ ہر گز نہیں سیکھتے ہیں جو اُنہیں بتایا جاتا ہے۔
