عثمان مختار کے بعد ڈرامہ سیریل ثبات کے ایک اور اداکار امیر گیلانی بھی کورونا کو شکست دینے میں کامیاب ہوگئے۔
باغی ٹی وی : امیر گیلانی میں رواں ماہ 2 نومبر کو کورونا کی تشخیص ہوئی تھی اور انہوں نے خود کو قرنطینہ کرلیا تھا۔تاہم اب 13 دن بعد اپنی سوشل میڈیا پوسٹ کے ذرعیے مداحوں کو خوشخبری دی کہ وہ ان کا کورونا کا ٹیسٹ پوزیٹیو آیا ہے اور انہوں نے کورونا جیسی موذی بیماری کو شکست دے دی ہے-
اداکار نے خود میں کورونا کی تشخیص ہونے کے بعد ویڈیو پیغام میں مداحوں کو بتایا تھا کہ میرا کورونا وائرس ٹیسٹ مثبت آگیا ہے جس کے بعد اُنہوں نے گھر میں ہی خود کو آئسولیٹ کرلیا ہے ان کا کہنا تھا کہ میرے لیے یہ وقت بہت مشکل ہے اور اس مشکل گھڑی میں مجھے اپنے تمام چاہنے والوں کی دُعاؤں کی بہت ضرورت ہے۔
اداکار نے اپنے ایک ویڈیو پیغام کہا تھا کہ میں نے اپنے کمرے میں خود کو آئسولیٹ کرلیا ہے کیونکہ میرے کورونا وائرس ٹیسٹ کے نتائج مثبت آئے ہیں۔
اداکار نے مداحوں کو کورونا وائرس علامات کے بارے میں بتاتے ہوئے کہا تھا کہ مجھے کھانے کا ذائقہ محسوس نہیں ہو رہا ہے اور میرے سونگھنے کی صلاحیت بھی ختم ہوگئی ہے-
امیر گیلانی نے مداحوں سے دُعا کی اپیل کرتے ہوئے کہا تھا کہ میرے اہلخانہ اور میری جلد صحتیابی کے لیے دُعا کریں کیونکہ آپ کی دُعاؤں میں بہت طاقت ہے آخر میں اُنہوں نے کہا کہ آپ سب اپنا خیال رکھیں اور میں سوشل میڈیا پر آپ سے رابطے میں رہوں گا۔
تاہم قرنطینہ میں رہنے کے دوران امیر گیلانی نے اپنے والدین کے ہمراہ کھچوائی گئی پرانی تصویر بھی انسٹاگرام پر شیئر کی تھی اور بتایا تھا کہ وہ تنہائی میں اپنے اہل خانہ کو بہت یاد کر رہے ہیں۔
اور اب اداکار نے 13 دن بعد 15 نومبر کو اپنی انسٹاگرام پوسٹ میں بتایا کہ ان کا دوسرا کورونا ٹیسٹ منفی آیا ہے اور وہ بیماری کو شکست دینے میں کامیاب ہوگئے-
امیر گیلانی نے اپنی پوسٹ میں بتایا کہ گزشتہ 15 دن ان کے لیے خوفناک تھے اور انہوں نے یہ مدت پریشانی میں رہ کر گزاری لیکن اب وہ کورونا کو شکست دینے کے بعد خود کو بہتر محسوس کر رہے ہیں۔
اداکار نے مداحوں کو بتایا کہ وہ ان کی دعاؤں کی وجہ سے ہی صحت یاب ہوئے ہیں۔
واضح رہے کہ کورونا کی دوسری کہر میں متعدد فنکار کورونا وبا کا شکار ہو چکے ہیں جن میں عثمان مختار، فروا علی کاظمی، گلوکار جواد احمد ، صحیفہ جبار ،میزبان و رکن قومی امبلی ڈاکٹر عامر لیاقت اور ان کی اہیلیہ طوبیٰ عامر شامل ہیں جبکہ عثمان مختار بھی کورونا کو شکست دینے میں کامیاب ہو گئے ہیں جس اعلان انہوں نے بھی اپنی سوشل میڈیا پوسٹ کے ذریعے کیا تھا –
