Author: عائشہ ذوالفقار

معروف بھارتی شاعراورنغمہ نگار جاوید اختر نے توہین آمیز تبصرے کرنے پر بالی وڈ کی متنازع کوئین کنگنا رناوت کے خلاف ہتک عزت کا مقدمہ درج کروادیا۔

باغی ٹی وی : بھارتی خبر رساں ادارے انڈیا ٹوڈے کی رپورٹ کے مطابق جاوید اختر نے ممبئی کی ایک عدالت میں بالی ووڈ کوئن کے خلاف بے بنیاد الزامات لگانے پر مقدمہ دائر کیا مقدمے میں کہا گیا ہے کہ کنگنا نے ایک ٹی وی انٹرویو کے دوران ان پر بے بنیاد اور توہین آمیز تبصرے کیے۔

جاوید اخترنے اندھیری میٹرو پولیٹن مجسٹریٹ کے سامنے یہ شکایت درج کرائی جس میں انہوں نے ان کی بدنامی کرنے کے لیے آئی پی سی کی متعلقہ دفعات کے تحت اداکارہ کے خلاف کارروائی کا مطالبہ کیا۔

جاوید اختر کی جانب سے درج کی جانے والی شکایت میں کہا گیا ہے کہ کنگنا رناوت نے سوشانت سنگھ کی موت کے بعد ان کا نام بالی وڈ میں ایک ڈرگزگروپ میں گھسیٹا ہے لہذا کنگنا کی جانب سے لگائے گئے ان بے بنیاد تبصروں کی باعث ان کی ساخت متاثر ہوئی ہے۔

جاوید اخترکی جانب سے مزید کہا گیا کہ کنگنا رناوت نے دعویٰ کیا ہے کہ جاوید اختر نے انہیں دھمکایا تھا کہ وہ اپنے اور اداکار ہرتھیک روشن کے مبینہ تعلقات کے حوالے سے اپنا منہ بند رکھیں اداکارہ کنگنا رناوت کی جانب سے دئیے جانے والے یہ تمام بیانات لاکھوں لوگوں نے دیکھے جس کی وجہ سے جاوید اختر کی ساخت متاثر ہوئی۔

واضح رہے کہ آنجہانی اداکار سوشانت سنگھ راجپوت کی موت نے بالی وڈ میں منشیات کے استعمال اور اس میں موجود ڈرگ مافیا کی قلعی کھول کے رکھ دی تھی۔

اس حوالے سے کنگنا رناوت نے بھی ساتھی اداکاروں اور فلم سازوں پر ڈرگز مافیا کا حصہ ہونے کے الزامات لگائے تھے کہا تھا کہ بالی ووڈ میں 99 فیصد افراد منشیات استعمال کرتے ہیں جبکہ ایک مرتبہ بالی ووڈ میں ڈرگز مافیا کے گروپ کے بارے میں بات کرتے ہوئے انھوں نے جاوید اختر کا نام بھی لیا تھا علاوہ ازیں کنگنا رناوت بالی وڈ میں اقربا پروری پر بھی انڈسٹری کے مخصوص طبقے کو تنقید کا نشانہ بناتی رہتی ہیں۔

روینہ ٹنڈن نے اپنے نام سے منسوب جعلی ٹوئٹر اکاؤنٹ پر مقدمہ کر دیا

بالی وڈ کے سینئیر اور لیجنڈری اداکار اور کوئز شو کون بنے گا کروڑ پتی کے میزبان امیتابھ بچن کے خلاف شو کے دوران ایک سوال پوچھنے پر مقدمہ درج کرلیا گیا ہے جبکہ سوشل میڈیا پر بہت سے صارفین نے دعوی کیا ہے کہ اس سے ہندووں کے جذبات مجروح ہوئے ہیں۔

باغی ٹی وی :انڈیا ٹو ڈے کی رپورٹ کے مطابق امیتابھ بچن کا پروگرام اس وقت تنازع کا شکار ہوا جب انھوں نے ایک ہندو مذہب سے متعلق ایک کتاب کے حوالے سے سوال کیا کے بی سی 12 کا اس متنازع سوال سے متعلق یہ شو 30 اکتوبر کو کرم ویر ایپیسوڈ میں نشر کیا گیا تھا۔

اس سوال سے متعلق انتہا پسندوں کا ماننا ہے کہ اس کی وجہ سے ہندو برادری کے جذبات مجروح ہوئے ہیں جس پر امیتابھ بچن کے خلاف ایف آئی آر درج کروائی گئی۔

پروگرام کی اس خصوصی قسط کے دوران ہاٹ سیٹ پر سماجی کارکن بیزواڈا ولسن اور اداکار انوپ سونی موجود تھے اس دوران امیتابھ نے سوال کیا 6 لاکھ 40 ہزار روپے کا سوال یہ تھا کہ: 25 دسمبر 1927 کو کہ ڈاکٹر بی آر امبیڈکر نے کس کتاب کے اوراق کو جلایا تھا؟

اس سوال کے جواب کے لیے امیتابھ نے انتخاب کے لیے 4 آپشنز بھی دیے جو ہندو مذہب سے جڑی اہم کتابوں کے نام تھے۔

جب ہاٹ سیٹ پر بیٹھے ان دونوں شخصیات نے صحیح جواب دے دیا تو امیتابھ بچن نے اس کی معاملے کی تفصیل بتائی کہ ڈاکٹر بی آر امبیڈکرنے "1927 میں ، قدیم ہندو کتاب منوسمرتی کے اس نظریے کے خلاف تھے جو ذات پات کے فرق اور اچھوت ہونے کی بات کرتی ہے جبکہ انہوں نے اسے نذرآتش بھی کردیا تھا۔

کے بی سی میں اس سوال اور پھر اس کے جواب پر آنے والی تفصیل کے بعد نہ صرف امیتابھ بچن پر مقدمہ درج ہوگیا بلکہ اس کی وجہ سے سوشل میڈیا صارفین بھی بگ بی پر برس پڑے جبکہ بہت سے سوشل میڈیا صارفین نے کے بی سی کا بائیکاٹ کرنے کا مطالبہ کیا-

KBC has been hijacked by Commies. Innocent kids, learn this is how cultural wars are win. It’s called coding. https://t.co/uR1dUeUAvH

— Vivek Ranjan Agnihotri (@vivekagnihotri) October 31, 2020

لتور ضلع کے آسا سے تعلق رکھنے والے بی جے پی کے ممبر اسمبلی ، ابیمانیو پوار نے امیتابھ بچن اور سونی انٹرٹینمنٹ ٹیلی ویژن کے خلاف کارروائی کا مطالبہ کیا۔ انہوں نے پولیس کو اپنی شکایت میں کہا ،”چاروں آپشن ہندو مذہب سے متعلق ہیں۔ یہ واضح ہے کہ اس سوال کے پیچھے کا مقصد ہندوؤں کے جذبات کو ٹھیس پہنچانا تھا۔

ابیمانیو نے پولیس کو اپنے خط کی ایک کاپی ٹویٹر پر شیئر کی۔ انہوں نے لکھا ، "ہندوؤں کی توہین کرنے اور ہندوؤں اور بدھسٹوں کے مابین تفریق پیدا کرنے کی کوشش کی جارہی ہے جو ہم آہنگی میں رہ رہے ہیں۔”

कौन बनेगा करोडपती या कार्यक्रमाद्वारे हिंदू धर्मीयांची भावना दुखावल्याबद्दल तसेच अत्यंत सलोख्याने राहणार्‍या हिंदू व बौद्ध धर्मीयांमध्ये जाणीवपूर्वक तेढ निर्माण करण्याचा प्रयत्न केल्याबद्दल महानायक श्री अमिताभ बच्चन व सोनी टेलिव्हिजन नेटवर्क विरोधात तक्रार नोंदवली.
1/6 pic.twitter.com/PWnUoWxM2M

— Abhimanyu Pawar (@AbhiPawarBJP) November 3, 2020

روینہ ٹنڈن نے اپنے نام سے منسوب جعلی ٹوئٹر اکاؤنٹ پر مقدمہ کر دیا

بولی وڈ مسٹر پرفیکشنٹ عامر خان کی نوجوان بیٹی ایرا خان نے انکشاف کیا ہے کہ انہیں انتہائی کم عمری میں اپنے ہی رشتہ داروں نے جنسی ہراسانی کا نشانہ بنایا-

باغی ٹی وی : بالی وڈ سُپر اسٹارعامر خان کی نوجوان بیٹی ایرا خان نے انکشاف کیا ہے کہ انہیں انتہائی کم عمری میں اپنے ہی رشتہ داروں نے جنسی ہراسانی کا نشانہ بنایا- اور جب ان کا استحصال کیا گیا اس وقت انہیں پتا ہی نہیں تھا کہ ان کے ساتھ کیا ہو رہا ہے۔

ایرا خان نے سماجی رابطے کی ویب سائٹ انسٹاگرام پر شئیر کی گئی 9 منٹ اور 22 سیکنڈ کی ویڈیو میں اپنی زندگی کے بارے میں کھل کر بات کی اور بتایا کہ وہ کس طرح کی پرسکون زندگی گزار رہی ہیں-

ایرا نے اپنی زندگی میں ملنے والی آسائشوں پر بات کی اور اعتراف کیا کہ انہیں تمام آسائشیں اور خوشیاں اپنے والدین کی وجہ سے ہی ملیں۔

انہوں نے امیر والدین اور دوستوں کو زندگی کا بہت بڑا سرمایہ اور غنیمت قرار دیتے ہوئے بتایا کہ بہت سارے لوگ یہ جانتے ہیں کہ عامر خان کی بیٹی ایک پرسکون خوشیوں بھری زندگی گزار ر ہی ہیں تاہم درحقیقت ایسا نہیں۔

ایرا نے بتایا کہ وہ انتہائی کم عمری میں ذہنی پریشانیوں کے شکار رہی ہیں اگرچہ ان کی کم عمری میں ہی ان کے والدین کی طلاق ہوگئی تھی تاہم اس واقعے نے ان کی ذہنی صحت متاثر نہیں کی۔

انہوں نے بتایا کہ جب وہ محض 6 سال کی تھیں تو انہیں ٹی بی لاحق ہوگیا اور ان کا پھیپھڑا متاثر ہوا لیکن خوش قسمتی سے وہ ٹی بی جان لیوا نہیں تھا۔

ان کے مطابق ٹی بی کے باعث بھی انہیں ذہنی پریشانی کا سامنا کرنا نہیں پڑا لیکن اس باوجود وہ ہمیشہ ڈپریشن کا شکار رہتی تھیں اور انہیں سمجھ نہیں آتا تھا کہ ان کے ساتھ ایسا کیوں ہوتا ہے؟

ایرا خان نے بتایا کہ وہ کلاس روم سے نکل کر باتھ روم چلی جاتی تھیں جہاں وہ رو کر دل کا بار ہلکا کر لیتی تھیں تاہم کم عمری کے باعث انہیں کبھی یہ سمجھ نہیں آیا کہ ان کے ساتھ ایسا کیوں ہوتا ہے اور وہ کیوں ذہنی انتشار کا شکار رہتی ہیں۔

عامر خان کی بیٹی نے ویڈیو میں انکشاف کیا کہ جب وہ محض 14 سال کی تھیں تو ان کے قریبی رشتہ داروں نے انہیں جنسی طور پر ہراساں کیا لیکن اس وقت کم عمری کی وجہ سے وہ اس استحصال کو سمجھ نہیں پائی تھیں۔

ایرا خان کے مطابق جن رشتے داروں نے ان کا استحصال کیا انہیں بخوبی علم تھا کہ وہ ان کے ساتھ کیا کر رہے ہیں لیکن انہیں ان کی نیت اور عمل کو سمجھنے میں دیر لگی۔

انہوں نے بتایا کہ جب انہیں دیر سے سمجھ آگئی تو وہ اپنے رشتہ داروں سے دور ہوگئیں اور اس واقعے کو بھول گئیں لیکن خود سے سوال کرتی رہیں کہ انہوں نے رشتے داروں کو ایسا کیوں کرنے دیا؟

ایرا خان نے کہا کہ مذکورہ واقعے کے گزرنے کے کچھ عرصے بعد وہ اس ڈپریشن سے نکل گئیں لیکن پھر بھی ہمیشہ ان کے ذہن میں انتشار رہا اور انہیں آج تک سمجھ نہیں آیا کہ ان کے ذہنی انتشار کا سبب کیا تھا؟

انہوں نے ویڈیو میں یہ بات بھی واضح نہیں کہ انہیں جنسی ہراسانی کرنے والے قریبی رشتے دار کون تھے؟

واضح رہے کہ ایرا خان بالی وڈ مسٹر پرفیکشنسٹ عامر خان کی بڑی بیٹی ہیں اور وہ سوشل میڈیا پر متحرک رہتی ہیں۔

ایرا خان کی والدہ سابق اداکارہ رینا دتا ہیں جن سے عامر خان نے 1986 میں شادی کی تھی اور انہیں پہلی اہلیہ سے بیٹا جنید خان بھی ہے اور ارا خان اپنے بھائی سے کم عمر ہیں عامر خان اور رینا دتا کے درمیان 2002 میں طلاق ہوگئی تھی –

عامر خان نے دوسری شادی فلم ساز کرن راؤ سے 2005 میں شادی کی عامر خان اور کرن راؤ کے ہاں 2011 میں بیٹا پیدا ہوا جس کا نام آزاد راؤ خان رکھا گیاعامر خان کے مجموعی طور پر تین بچے ہیں دو بیٹے اور ایک بیٹی –

عامر خان کے بیٹے جنید خان ملیالم فلم کے ہندی ری میک کے لیے دیئے گئے اوڈیشن میں…

عامر خان کی بیٹی ایرا خان بھی گزشتہ 4 سال سے ڈپریشن کا شکار

دنیا بھر کے بچوں میں مقبول ترین گیت ’بے بی شارک‘ نے یوٹیوب پر 7 ارب ویوز کے ساتھ تمام ویڈیوز کے ریکارڈ توڑ دیئے-

باغی ٹی وی :جنوبی کورین کمپنی کی جانب سے سن 2016 میں بنائی جانے والی بچوں کی ویڈیو ’ بے بی شارک ‘ منفرد میوزک کے باعث دیکھتے ہی دیکھتے وائرل ہوگئی اسے اب بچوں کا پسندیدہ گیت کہا جاتا ہے۔ اسی مقبولیت کی وجہ سے اس گیت نے سب سے زیادہ دیکھے جانے والی ویڈیوز کا اعزاز اپنے نام کرلیا ہے۔

یوٹیوب پر اب تک اس ویڈیو کو 7 ارب سے زائد بار دیکھا جا چکا ہے۔ جس کی وجہ سے اس گیت نے دیگر ویڈیوز کو پیچھے چھوڑتے ہوئے کئی ریکارڈ اپنے نام کرلیے ہیں۔

واضح رہے کہ جنوبی کوریا کی کمپنی پنک فونگ کی جانب سے بنائی جانے والی ’ بے بی شارک ‘ سے قبل یو ٹیوب پر سب سے زیادہ دیکھے جانے والی ویڈیو کا اعزاز امریکی گلوکار لوئیس فونسی کے گانے ’ ڈیسپاسیٹو ‘ کو حاصل تھا لیکن اب یہ ویڈیو دوسرے نمبر پر آ گئی ہے۔

خاتون ادکارہ کے ساتھ چھیڑ چھاڑ کرنے والے بھارتی اداکار کو پولیس نے گرفتار کرلیا۔

باغی ٹی وی :بھارتی خبررساں ادارے ٹائمز آف انڈیا کی رپورٹ کے مطابق مہارشٹرا کی پولیس نے خاتون کی شکایت پر ایک روز قبل اداکار وی جے راز کو گوندیا کے علاقے سے گرفتار کیا۔ٕ

ٹائمز آف انڈیا نے اے این آئی کا حوالہ دیتے ہوئے بتایا کہ بالی ووڈ اداکار وجے راز کو 2 نومبر کو عملے کے ایک خاتون رکن کی بدتمیزی کرنے کے الزام میں گرفتار کیا گیا تھا۔ نیوز ایجنسی اے این آئی نے ٹویٹر پر بھی اسی بات کی تصدیق کی تھی ، اداکار وجے راز کو گذشتہ روز گوندیا سے ایک خاتون عملے کی رکن سے بدتمیزی کرنے کے الزام میں گرفتار کیا گیا تھا۔ ایک مقدمہ درج کیا گیا ہے-
https://twitter.com/ANI/status/1323606939767504896?s=20
ایڈیشنل ایس پی اٹل کلکرنی گوندیا کے مطابق خاتون کی شکایت کے بعد اداکار کے خلاف مقدمہ درج کیا گیا اور جب انہیں تفتیش کے لیے طلب کیا گیا تو وہ پیش نہ ہوئے۔

پولیس حکام کے مطابق وی جے راز کے خلاف ساتھی اداکارہ نے درخواست دائر کی جس میں انہو ں نے مؤقف اختیار کیا کہ مدھیا پردیش میں فلم ’شیرنی‘ کی شوٹنگ کے دوران اداکار نے چھیڑ چھاڑ کی۔

بھارتی میڈیا رپورٹ کے مطابق وی جے راز پچاس سے زائد بالی وڈ فلموں میں کام کرچکے ہیں۔ انہوں نے ’ویلکم دہلی بیلی، دید عشقیہ، ممبئی ایکسپریس، بمبئی ٹو گوا اور مون سون ویڈنگ جیسی نامور فلموں میں کام کیا۔

وجے راز نے 2014 میں ریلیز ہونے والی فلم ’’ کیا دلی کیا لاہور ‘‘ کے ساتھ ہدایتکاری کی شروعات کی تھی۔ اطلاعات کے مطابق وہ سنجے لیلا بھنسالی کی اگلی فلم ’گنگوبائی کاٹھیا واڑی‘ میں بھی دکھائیں گے ، جس میں عالیہ بھٹ ٹائٹل رول میں شامل ہے۔