پاکستان میوزک انڈسٹری کے عالمی شہرت یافتہ گلوکار راحت فتح علی خان کا ایک اور گانا ’نشہ‘ ریلیز کردیا گیا ہے۔

باغی ٹی وی : تفصیلات کے مطابق بین الاقوامی شہرت یافتہ میوزک پروڈیوسر سلمان احمد کا پروڈیوس کردہ سپر ہٹ رومانٹک سونگ ’غم عاشقی‘ کے بعد ایک اور دھماکہ خیز پارٹی سونگ ’نشہ‘ عالمی شہرت یافتہ گائیک استاد راحت فتح علی خان کی کانوں میں رس گھولنے والی آواز میں دنیا بھر میں ریلیز کردیا گیا ہے۔

اس گیت کی کمپوزنگ کرتے ہوئے موسیقار استاد راحت فتح علی خان نے نئی نسل کی پسند کو سامنے رکھا اس گانے کو نئے انداز اور منفرد رنگ میں تیار کیا گیا ہے اس سونگ کے پروڈیوسر سلمان احمد نے گانے کی ویڈیو کو دل کش انداز میں بنایا ہے-

گانے کے بارے میں عالمی شہرت یافتہ گلوکار استاد راحت فتح علی خان نے میڈیا سے گفتگو کرتے ہوئے بتایا کہ سلمان احمد کا پروڈیوس کیا ہوا سونگ ’نشہ‘ ضروری تھا اور غم عاشقی کی طرح نوجوان نسل کے دلوں کو چھوئے گا۔

اس گانے کے بول جاوید علی نے بہت خوب صورت انداز میں لکھے ہیں اُن کا کہنا ہے کہ لاک ڈاؤن کی وجہ سے جو وقت ملا اس میں انہوں نے کئی نئے گیت تخلیق کیے ہیں۔

دنیا بھر کی شوبز انڈسٹریز میں بہترین کام کرنے پرفنکاروں کی خدمات کو سراہنے اور ان کی حوصلہ افزائی کرنےکے لیے انہیں ایوارڈز سے نوازا جاتا ہے جس کے لئے ہر سال ایوارڈز شوز منعقد کیے جاتے ہیں لیکن کیا واقعی ایوارڈز فنکاروں کو منصفانہ طریقے سے دئیے جاتے ہیں۔

باغی ٹی وی :دنیا بھر میں کئی بڑے فنکار ایوارڈز شوز کے معیار پر نہ صرف سوال اٹھاتے ہیں ایوارڈز قابلیت پر نہیں بلکہ پسندیدگی پر دئیے جاتے ہیں اور یہی وجہ ہے کہ کئی بڑے اداکار ایوارڈ شوز کی تقریب میں بھی شرکت نہیں کرتے پاکستان میں بھی کئی فنکار ایوارڈ شوز کی تقریب کو ایک شوپیس سمجھتے ہیں جن میں اداکار صبا قمر ،فائزہ حسن،بدر خلیل و دیگر شامل ہیں-

اداکارہ و ماڈل صبا قمر ایوارڈز اور ایوارڈ شوز کے خلاف ہیں۔ 2017 میں جب صبا قمر کو لکس اسٹائل ایوارڈ کے لیے نامزد کیا گیا تھا تو انہوں نے یہ نامزدگی قبول کرنے سے انکار کردیا تھا ایک انٹرویو کے دوران انہوں نے کہا تھا اگرچہ میں تین مختلف ڈراموں کے لیے نامزد ہوئی ہوں لیکن میں احتجاج کے طور پر ایوارڈ کی تقریب میں شرکت نہیں کروں گی۔

صبا قمر کا کہنا تھا کہ گزشتہ 12 برسوں میں ان لوگوں نے مجھے کبھی عزت دینے کی زحمت گوارا نہیں کی۔ اور اب جب مجھ پر بالی وڈ کا اسٹیمپ لگ گیا ہے تو سب نے اچانک مجھے تسلیم کرنا شروع کردیا ہے۔ میں پاکستان انٹرٹینمنٹ انڈسٹری میں سال 2004 سے کام کررہی ہوں لیکن کسی ایوارڈ شو یا برانڈ نے مجھ سے رابطہ نہیں کیا لیکن اب جب کہ میں بھارت سے واپس آگئی ہوں تو ہر برانڈ اور ہر ایوارڈ شو میرے پیچھے بھاگ رہا ہے۔

صبا قمر نے اپنے طور پر ایوارڈ شوز میں ہونے والی نامزدگیوں پر بھی سوال اٹھایا تھا اور کہا تھا کہ وہ اس سسٹم سے زیادہ خوش نہیں ہیں۔

اداکارہ فائزہ حسن بھی ایوارڈ شوز کے خلاف ہیں انہوں نے احسن خان کے شو میں ایوارڈز کی تقریبات میں نہ جانے کی وجہ بتاتے ہوئے کہا وہ ایک ایوارڈ شو میں مدعو تھیں جہاں وہ نامزد بھی تھیں لیکن جب وہ ایوارڈ کی تقریب میں گئیں تو کسی نے بھی انہیں نہیں پہچانا اور بہت مشکل کے بعد جب انہوں نے اپنی سیٹ ڈھونڈی تو اس پر کوئی اور بیٹھا ہوا تھا۔

انہوں نے کہا کہ ایوارڈ شوز کی انتظامیہ بہت بدتمیز تھی جس کی وجہ سے انہیں بہت برا تجربہ ہوا اور اسی لیے وہ ایوارڈ شو میں نہیں جاتیں۔

اسی شو میں اداکار شمعون عباسی بھی موجود تھے انہوں نے بھی ایوارڈ شوز کے دوران ہونے والا برا تجربہ بتاتے ہوئے کہا کہ ایک تو وہ ان ایوارڈ شوز کے برے انتظامات سے ناخوش ہیں دوسرا انہیں وہاں موجود لوگوں کے رویوں سے پریشانی ہوتی ہے اسی لیے وہ ایورڈز کی تقریبات میں نہیں جاتے۔

انہوں نے کہا کہ جب آپ کوکسی ایوارڈ کے لیے نامزد کیا جاتا ہے تو یہ آپ کے لیے خاص رات ہوتی ہے لیکن ایوارڈ تقریب میں موجود ہر شخص آپ کے لیے خوش نہیں ہوتا ۔

شمعون کو لگتا ہے کہ نامزد ہونے والے اداکار کے ساتھی اداکار اُن سے حسد کرنے لگتے ہیں اور آپ کے آس پاس کے ماحول کو متاثر کرتے ہیں۔ اس کے علاوہ انہوں نے مزید کہا کہ ایوارڈ شو کبھی بھی مناسب طریقے سے منعقد نہیں ہوتا ہے جو واقعی مایوس کن بھی ہوسکتا ہے۔

اداکار محسن عباس حیدر بھی ان فنکاروں میں شامل ہیں جو ایوارڈ شوز پر یقین نہیں رکھتے۔ انہوں نے ایوارڈ شوز پر اس وقت عدم اطمینان کا اظہار کیا تھا جب ان کے ڈرامے ’’میری گڑیا‘‘ کو لکس اسٹائل ایوارڈ میں کوئی بھی نامزدگی نہیں ملی تھی۔

انہوں نے سوشل میڈیا پر اپنی مایوسی کا اظہار کرتے ہوئے کہا تھا میرے گانے ’نا جا‘کو نامزد کرنے کے لیے شکریہ۔ لیکن میں ڈرامے ’میری گڑیا‘کو ایک بھی نامزدگی نہ ملنے سے سخت مایوس ہوا ہوں۔ جس کی وجہ سے ڈرامے کی پوری ٹیم کو بہت برا لگا ہے۔

ان کا کہنا تھا کہ ڈرامہ سیریل ’میری گڑیا‘ کو نامزد نہ کیے جانے کی وجہ سے میرا یقین اور بھی پختہ ہوگیا ہے کہ صرف پیسے کماؤ اور گھر چلاؤ شکریہ۔

یہ بات سب ہی جانتے ہیں کہ جب سینئر اداکارہ بدر خلیل کو اپنی سیٹ سے اُٹھنے اور کہیں اور بیٹھنے کو کہا گیا تھا تواُن پر کیا گزری تھی۔ ایسا ایک نجی چینل کی تقریب کے دوران ہوا تھا جب سلطانہ صدیقی نے بدر خلیل کواپنی سیٹ سے اُٹھنے اور اُن کی جگہ فواد خان کو بیٹھنے کے لیے کہاتھا۔

یہ واقعہ ایک بڑے تنازعہ میں بدل گیا تھا اور عوام نے بدر خلیل کی حمایت کی۔اس کے بعد بدر خلیل نے کبھی بھی ایوارڈ شوز میں شرکت نہ کرنے اور اداکاری چھوڑ دینے کا فیصلہ کیا تھا۔

اپنے ایک حالیہ انٹرویو میں انہوں نے کہا کہ ایوارڈز کا کوئی مطلب نہیں اگر آپ اُس شخص کو عزت نہیں دے سکتے جسے آپ ایوارڈ دے رہے ہیں۔

اس سے قبل پاکستان شوبز انڈسٹری کے نامور اور ورسٹائل اداکار نعمان اعجاز کا کہنا تھا کہ میں نہیں سمجھتا کہ ایوارڈز قابلیت پر دئیے جاتے ہیں بلکہ پسندیدگی پر دئیے جاتے ہیں اور صرف پاکستان میں نہیں بلکہ دنیا بھر میں یہی رواج قائم ہے۔

ثمینہ پیرزادہ کے آن لائن شو میں انٹرویو دیتے ہوئے پاکستان کے ورسٹائل اور باصلاحیت اداکار نعمان اعجاز کا کہنا تھا کہ میں نے کبھی ایوارڈز کے لیے کام نہیں کیا کیونکہ میں نہیں سمجھتا کہ ایوارڈز قابلیت پر دئیے جاتے ہیں بلکہ پسندیدگی پر دئیے جاتے ہیں اور صرف پاکستان میں نہیں بلکہ دنیا بھر میں یہی رواج قائم ہے۔

55 سالہ اداکار نعمان اعجاز نے مزید کہا ان ایوارڈز کا نقصان یہ ہوتا ہے کہ جس نے محنت کی اور اسے ایوارڈ نہیں دیا گیا تو اس کے اندر نفرت بھر جاتی ہے۔ نعمان اعجاز نے سوال اٹھاتے ہوئے کہا کون لوگ ہیں جو اس بات کا تعین کررہے ہیں کہ اس نے اچھا کام کیا ؟ یا کتنے ججز ہیں جو بیٹھ کے پوری پوری پرفارمنسز دیکھتے ہیں؟ بدقسمتی سے ان ایوارڈز کے معیار کی جانچ کرنے کا کوئی سسٹم موجود نہیں ہے

انہوں نے اپنی مثال دیتے ہوئے کہا بس یہی دیکھ کر ایوارڈ دے دیاجاتا ہے چلو یہ اداکار سینئر ہے اسے ایوارڈ دے دیتے ہیں چاہے اس نے کتنا ہی برا کام کیا ہو۔ یہی وجہ ہے کہ میں ایوارڈز شوز میں بھی نہیں جاتا۔ لیکن کبھی کبھی آپ کو مجبوری میں جانا پڑتا ہے کیونکہ آپ جس ادارے یا چینل کے لیے کام کرتے ہیں وہ آپ کو زبردستی چلنے پر مجبور کرتے ہیں تو میں نے جب بھی ایوارڈ شوز میں شرکت کی ہے بلیک میل ہوکر کی ہے۔

نعمان اعجاز نے کہا ایک فنکار کے لئے اس کا سب سے بڑا ایوارڈ یہ ہوتا ہے کہ سڑک پر آپ کو کوئی عزت دے دے آپ کو دیکھ کر ہنس پڑے آپ کی تعریف کرے یا پھر آپ کے لیے اچھی بات کہہ دے۔ ایک فنکار کے لیے یہی ایوارڈ ہے باقی تو کچھ بھی نہیں۔

ایوارڈز شوز میں صداقت نہیں ہوتی جب بھی ایورڈز شو میں شرکت کی بلیک میل ہو کر کی نعمان اعجاز

بھارتی فلم میں جنون بینڈ کا مشہور گیت ’سیونی‘ کا ریمیک بنانےپر سلمان احمد کا کہنا ہے کہ ’سیونی‘ اب تک برصغیر میں کئی مختلف انداز کے ساتھ کاپی کرکے گائے جانے والا گیت ہے۔

باغی ٹی وی :90 کی دہائی کے پاکستان کے مقبول ترین بینڈ ’جنون‘کا گایا ہوا مشہور گیت سیونی آج بھی ہر کسی کا پسندیدہ گیت سمجھا جاتا ہےاس گیت کی مقبولیت کا اندازہ اس بات سے لگایا جا سکتا ہے کہ اسے نہ صرف بیرون ملک میں گوروں نے گایا بلکہ بھارت کے کئی گلوکاروں نے بھی اسے اپنے انداز میں گانے کی کوشش کی۔

اس گیت کو ایک بار پھر ارجیت سنگھ کی آواز میں بھارتی فلم سیونی میں شامل کیا گیا ہے لیکن جس طرح انہوں نے ماضی کے اس مشہور گیت کا حال کیا اس پر نہ صرف پاکستانی بلکہ بھارتی بھی احتجاج کر ر ہے ہیں۔ سوشل میڈیا پر نئے انداز سے پیش کئے جانے والے گیت پر تنقید کی جارہی ہے-

اس حوالے سے اس گانے کی گلوکار علی عظمت تو خاموشی اختیار کئے ہوئے ہیں یہاں تک کہ انہوں نے اپنے آفیشل اکاونٹ پر بنا کوئی تنقید کیے صرف اصل گیت کی ویڈیو شیئر کی ہے تاہم جنون کے رُکن اور علی عظمت کے کولیگ سلمان احمد خاموش نہ رہے سماجی رابطے کی ویب سائٹ ٹوئٹر پر اپنا پیغام جاری کیا-

Sayonee – Junoon (Azadi) https://t.co/9BgSPFG5sL When I was in college, most everyone in 🇵🇰 was singing Bollywood & western tunes on campus. Now #Bollywood is singing #Junoon. #Sayonee has become the most covered, most performed #Pakistani song in the Subcontinent #Tabdeeli

— Salman Ahmad (@sufisal) November 1, 2020

سلمان احمد نے اپنی ٹوئٹ میں تنقید تو نہیں کی لیکن سیونی گیت کی اصل ویڈیو کا لنک شیئر کیا اور لکھا کہ جب میں کالج میں ہوا کرتا تھا تو کیمپس میں ہر کسی کی زبان پر مغربی یا بالی وڈ کی موسیقی ہوتی تھی لیکن اب تبدیلی آگئی ہے۔ اب بالی ووڈ میں ’جنون‘ کے گیت گائے جا رہے ہیں۔

سلمان احمد نے یہ بھی کہا کہ ہمارا گیت ’سیونی‘ اب تک برصغیر میں کئی مختلف انداز کے ساتھ کاپی کرکے گائے جانے والا گیت ہے۔

اس سے قبل سلمان احمد نے سینئیر اینکر پرسن مبشر لقمان سے بھی اس حوالے سے گفتگو کرتے ہوئے بتایا تھا کہ اس گیت کو متعدد مرتبہ ہزاروں لوگوں نے ری میک کیا میرے سے لائنسنس لے لیتے ہیں اس کو ریکارڈ کرنے کے لئے-

انہوں نے مزید کہا کہ کا ایک انڈیا کا سردار ہے گلوکاراریجیت سنگھ وہ مجھے پچھلے 5 سال سے کہہ رہے ہیں کہ سلمان جی آپ نے مجھے اس گانے کو ریکارڈ کرانے کا موقع دینا ہے- لیکن لائیو کنسرٹ میں وہ گاتے رہتے ہیں سلمان کے مطابق ارجیت نے کہا کہ اس کا ریمیک بنانا چاہتے ہیں جس کی میں نے اجازت دے دی لیکنکہا کہ اس میں دو چیزیں ہیں ایک تو کسی بھی کمیونٹی کے جذبات مجروح نہیں ہوں گے اور اس سے محبت کا پیغام دیا جائے گا انہوں نے کہا ٹھیک ہے میں نے 4 سال پہلے لائسنس دے دیا لیکن کچھ بھی نہیں ہوا ایک دم پچھلے ہفتے پیغام آیا کہ ٹریلر آ رہا ہے تو جو حالات ہیں اس وقت انڈیا پاکستان کے لیکن میں نے کہا آنے دیں کیونکہ ہم کرتار پور کوریڈور ہے یہاں تو سب سے بڑی بات جو ہیرو ہے اس میں تنمے سنگھ وہ بھی سردار ہے –

سیونی کا انتہائی بُرا ریمیک بنانے کے حوالے سے سلمان احمد نے کہا کہ جب کسی رئیل گانے کو ریمیک کے لئے اٹھاتے ہیں تو کچھ اچھے لگ لگتے ہیں کچھ برے لگتےہیں کچھ آوازاچھی ہے کچھ نہیں ہے-

خیال رہے کہ ٹی سیریز نے دو دن قبل ہی ʼسیونی‘ کے ریمیک کی ویڈیو جاری کی تھی، جسے اگرچہ اب تک 32 ل لاکھ 4 ہزار 3 سو سے زائد بار دیکھا جا چکا ہے تاہم اس پر سخت تنقید کی جا رہی ہے۔ ’سیونی ‘کے ریمیک کو اسی نام سے بننے والی بھارتی فلم کا حصہ بنایا گیا ہے جو رومانٹک تھرلر فلم ہے۔گانے کا ریمیک جوئے انجن نے بنایا ہے تاہم اس کے باوجود گانے کی دھن پرانے پاکستانی گانے جیسے ہی رکھی گئی ہے۔

اگرچہ ٹی سیریز نے ریمیک کی ریلیز میں پاکستانی گانے اور جنون گروپ کو کریڈٹ دیا ہے تاہم اس کے باوجود ریمیک پر پاکستانیوں کے علاوہ بھارتی افراد بھی ٹی سیریز پر تنقید کر رہے ہیں-

واضح رہے کہ صوفی راک بینڈ جنون کی جانب سے 1997 میں ریلیز کئے جانے والا گیت سیونی کو علی عظمت نے گایا تھا جب کہ اس گیت کی شاعری بینڈ کے مرکزی گٹارسٹ سلمان احمد اور صابر ظفر نے لکھی تھی۔

بھارتی فلمسازوں نے پاکستانی گلوکاروں کے سامنے گھٹنے ٹیک دیئے

پاکستانی گانے سیونی کا انتہائی برا ریمیک بنانے پر بھارتی میوزک کمپنی ٹی سیریز کو سخت تنقید کا سامنا

پاکستان شوبز انڈسٹری کی ناموراداکارہ مہوش حیات نے مداحوں سے سول پوچھا کہ 59 واں امریکی صدارتی انتخاب کون جیتے گا جس پر مداحوں نے دلچسپ جواب دیئے-

باغی ٹی وی :امریکی صدارتی انتخابات پر پوری دنیا کی نظریں ٹکی ہوئی ہیں اور لوگ جاننے کے لیے بے تاب ہیں کہ امریکہ کا اگلا صدر کون بنے گا اور ڈونلڈ ٹرمپ اور جوبائیڈن میں سے کون اگلے چار سال تک وہائٹ ہاؤس کی چابی سنبھالے گا مہوش حیات بھی ان لوگوں میں شامل ہیں –

اداکارہ نے گزشتہ روز انسٹاگرام پرٹرمپ اور بائیڈن کی صدارتی الیکشن مہم کی تصاویر شیئر کیں اور لکھا جب امریکہ چھینکتا ہے تو پوری دنیا میں ٹھنڈ بڑھ جاتی ہے۔ مہوش حیات نے کہا دوستوں کے ذریعے میرے علم میں یہ بات آئی ہے کہ امریکہ کے بہت سے اہم شہر بند ہورہے ہیں جبکہ امریکہ میں افرا تفری کا خطرہ نظر آرہا ہے۔

مہوش حیات نے لکھا کہ صرف ہم ہی نہیں جس کی دلچسپ انتخابات پر اجارہ داری ہو تاہم دیکھنا یہ ہے کہ وائٹ ہاؤس کی چابی کس کے ہاتھ میں آتی ہے اور اگلے چار سال تک امریکہ کی صدارت کون سنبھالتا ہے۔

مہوش حیات کے سوال پر ان کے مداحوں نے دلچسپ جوابات دئیے کسی نے کہا 100 فیصد جیت جوبائیڈن کی ہوگی تو کسی نے ٹرمپ کا نام لیا۔

زینب نامی خاتون نے کہا اس میں کوئی شک نہیں کہ ایک بار پھر امریکی صدارتی الیکشن میں جیت ٹرمپ کی ہی ہوگی کیونکہ وہ امریکہ کے نواز شریف ہیں۔ میں امید کرتی ہوں امریکا میں ایک اچھا لیڈر آئے ٹرمپ کی طرح نہیں۔

کچھ لوگوں نے اس سوال کا جواب دیتے ہوئے کہا ہمیں اس سے کوئی غرض نہیں کوئی بھی جیتے۔ جب کہ ایک صارف نے کہا اپنا میک اپ سنبھالو امریکا سنبھل جائے گا ایک صارف نے کہا کہ میرے خیال میں آپ کو ریاست ہائے متحدہ امریکہ کی صدر بننے کے لئے موقع ملنا چاہئے-

سیونتھ اسکائی پروڈکشن کا نیا ڈرامہ سیریل فطرت جیو ٹی وی سے آن ایئر ہوگیا ہےڈرامے کی پہلی دونوں اقساط کو شائقین کی طرف سے بھر پور پذ یرائی ملی-

باغی ٹی وی: سیونتھ اسکائی پروڈکشن کا نیا ڈرامہ سیریل فطرت جیو ٹی وی سے آن ایئر ہوگیا ہےڈرامے کی پہلی دونوں اقساط کو شائقین کی جانب سے بے حد پسند کیا جا رہا ہے-

فطرت کی کہانی ایک نوجوان لڑکی فاریہ کے گرد گھومتی ہے جو متوسط طبقے کی فیملی سے تعلق رکھتی ہے اور اپنے خواب اورمقاصد کو شارٹ کٹ کے ذریعہ حاصل کرنا چاہتی ہے۔فاریہ کے برخلاف اس کا بھائی حارث اور بہن رفیعہ سخت محنت اور ایمانداری پر یقین رکھتے ہیں۔

تاہم فاریہ اپنے خوابوں کی تعبیر پانے کیلئے ارباز سے شادی کرلیتی ہے جس کا تعلق ایک دولت مند گھرانے سے ہے۔ آخر میں سب چیزیں بدل جاتی ہیں جب یہ پتہ چلتا ہے کہ ارباز کا بڑا بھائی شہباز فاریہ کا پہلا پیارہے-

ڈرامے کی ہدایات مشہور ڈائریکٹر اسد جبل نے دی ہیں اس کے پروڈیوسر عبداللہ کادوانی اور اسد قریشی ہیں۔

فطرت کی کاسٹ میں ستاروں کا ایک جھرمٹ ہے جس میں صبورعلی، علی عباس، مرزا زین بیگ، زباب رانا، صبیحہ ہاشمی ، سیمیں پاشا، سیفی حسن ، فضیلہ قاضی، فرحان علی آغا، عادلہ خان، عائشہ گل، کامران جیلانی اور مریم نفیس شامل ہیں۔