ماضی کی معروف بھارتی اداکارہ ڈمپل کپاڈیا نے عالمی شہرت یافتہ پاکستانی گلوکارہ عابدہ پروین کی آواز میں گایا کلام ’یہ سب تمہارا کرم ہے آقا‘ کو بہترین کلام قرار دیا-
باغی ٹی وی : 1990 کی دہائی کے وسط سے کپاڈیا نے کم کام کیا ہے۔ انہوں نے فلم دل چاہتا ہے میں ایک معاون کردار ادا کیا تھا اور امریکی پروڈکشن لیلا میں پریشان حال درمیانی عمر کی بیوی کے کردار نے انہیں شہرت دی تھی-
اس کے بعد کے انہوں نےکچھ فلمون میں ہم کون ہے؟ ، پیار میں ٹوئسٹ ، پھر کبھی ، تم ملو تو سہی اور واٹ دی فش میں مرکزی کردار ادا کئے تھے جبکہ اداکارہ نے بائنگ سائرس ، لک بائے چانس ، دبنگ ، کاک ٹیل ، فائنڈنگ اور ٹینیٹ میں معاون کردارادا کئے تھے۔
ڈمپل کپاڈیا ، دونوں سابقہ اداکارہ ٹوئنکل کھنہ اور رنکی کھنہ کی والدہ ہیں۔
ڈمپل کپاڈیا کا آخری پروجیکٹ ٹیننٹ ہے- گزشتہ برس ہالی ووڈ کے کامیاب ہدایت کار کرسٹوفر نولن نے اپنی نئی تھرلر فلم ’ٹینٹ‘ بنانے کا اعلان کیا تھا اور اس میں اداکارہ ڈمپل کپاڈیا کو ایک اہم کردار کے لیے کاسٹ کیا تھا-
حال ہی میں برطانوی نشریاتی ادارے کو انٹرویو دیتے ہوئے انہوں نے ہالی وڈ فلم ٹینٹ میں کام اور تجربے کے حوالے سے بات چیت کی۔
انہوں نے کہا کہ اس فلم میں اداکاری کے جوہر دکھانے سے اُن کے بہت سے خوابوں کو تعبیر ملی، میں خود کو ایک سنڈریلا محسوس کررہی ہوں اور اپنے جذبات کو الفاظ میں بیان کرنے سے قاصر ہوں۔
انہوں نے بتایا کہ ’فلم ٹینٹ کے لیے انہیں آڈیشن دینے کے لیے ایک کال موصول ہوئی جس کے بعد انہوں نے آڈیشن دیا اور آخر کار منتخب ہوگئیں۔لیکن وہ تھوڑا نروس بھی تھیں-
انٹرویو کے دوران ڈمپل کپاڈیہ نے عابدہ پروین اور علی سیٹھی کے گائے گئے کلام ’یہ سب تمہارا کرم ہے آقا‘ کے بارے میں کہا کہ اس جملے میں اُن کی کل زندگی کو سمایا جاسکتا ہے۔
اپنے حالیہ انٹرویو میں ڈمپل کپاڈیہ نے عالمی شہرت یافتہ پاکستانی صوفی گلوکارہ عابدہ پروین کی تعریف کرتے ہوئے کہا کہ انہیں عابدہ پروین کی آواز میں گایا گیا کلام ’یہ سب تمہارا کرم ہے آقا‘ بہت پسند ہے۔
انہوں نے مزید کہا کہ جب بھی وہ یہ کلام سنتی ہیں تو ان پر وجد طاری ہوجاتا ہے ڈمپل کپاڈیہ نے کہا کہ اس جملے میں میری کل زندگی کو سمایا جا سکتا ہے-
