Baaghi TV

Author: عائشہ ذوالفقار

  • بھارتی طیارے کی کراچی ائیر پورٹ پر ایمرجنسی لینڈنگ

    بھارتی طیارے کی کراچی ائیر پورٹ پر ایمرجنسی لینڈنگ

    کراچی: نئی دہلی سے دبئی جانے والی بھارتی ائیر لائن کی پرواز ایس جی 11 نے کراچی ائیر پورٹ پر ایمرجنسی لینڈنگ کی-

    باغی ٹی وی : تفصیلات کے مطابق بھارتی ائیر لائن کی پرواز بوئنگ 737 نئی دہلی سے دبئی جا رہی تھی کہ دوران پرواز فنی خرابی پیدا ہوگئی جس کے باعث پرواز نے پاکستان کی فضائی حدود میں لینڈنگ کی اجازت مانگی۔

    ایران میں ریت کا طوفان،دفاتراور تعلیمی ادارے بند

    پائلٹ کی جانب سے ایمرجنسی لینڈنگ کی اجازت پر بھارتی پرواز کو کراچی میں ایمرجنسی لینڈنگ کرائی گئی۔

    ایوی ایشن ذرائع کا کہنا ہےکہ بھارتی طیارے کے پائلٹ کے رابطہ کرنے پر انسانی ہمدردی کی بناء پر لینڈنگ کی اجازت دی گئی جس کےبعد بوئنگ 737 نے کراچی ائیرپورٹ پر بحفاظت لینڈنگ کی۔

    مصر کو نہر سویز کی وجہ سے 7 بلین ڈالر سے زائد کی ریکارڈ سالانہ آمدنی

    ذرائع کے مطابق طیارے میں 150 مسافرسوار تھے جنہیں جہاز سے اترنے کی اجازت نہیں دی گئی وہ طیارے کے اندر ہی ہیں -انجینئیرز اور ائیر کرافٹرز طیارے کا معائنہ کر رہے ہیں طیارے میں فیول لیکیج کے باعث فنی خرابی پیدا ہوئی تاہم یہ واضح نہیں ہے کہ اسی طیارے کی خرابی دور کر کے روانہ کیا جائے گا یا کسی دوسرے طیارے کے ذریعے مسافروں کو دبئی پہنچایا جائے گا- ترجمان کا کہنا ہے کہ دوسرا طیارہ کراچی بھیجا جا رہا ہے جو مسافروں کو لے کر دبئی جائے گا

    اٹلی میں گلیشیئر گرنے سے سات افراد ہلاک ،متعدد زخمی

    واضح رہے کہ دوجولائی کو دہلی سے جبل پور جانے والے اسپائس جیٹ کے طیارے کی بھی ہنگامی لینڈنگ ہوئی تھی، اس طیارے کے کیبن میں دھواں نظرآنے کے بعد لینڈنگ کروائی گئی تھی، اسپائس جیٹ کے ترجمان کے مطابق جب طیارہ ٹیک آف کے بعد 5000 فٹ کی بلندی پر پہنچا تو پائلٹ کے کیبن میں دھواں دیکھا گیااس کے بعد طیارے کو واپس دہلی ایئرپورٹ پر اتارا گیا تھا

  • باپ کو گرفتار کیوں کیا؟ بیٹی نے توہین عدالت کی درخواست دائر کر دی

    باپ کو گرفتار کیوں کیا؟ بیٹی نے توہین عدالت کی درخواست دائر کر دی

    باپ کو گرفتار کیوں کیا؟ بیٹی نے توہین عدالت کی درخواست دائر کر دی
    ایم کیو ایم رہنما بابر غوری 7 روزہ جسمانی ریمانڈ پر پولیس کے حوالے کر دیئے گئے

    کراچی کی مقامی عدالت نے منگل کو ایم کیو ایم کے رہنما بابر غوری کا 7 روزہ جسمانی ریمانڈ منظور کرلیا۔ بابر غوری کو انسداد دہشت گردی کی عدالت میں پیش کیا گیا جہاں منتظم جج نے سابق وفاقی وزیر کا ریمانڈ منظور کیا بابر غوری پر اشتعال انگیز تقریر میں سہولت کاری کا الزام ہے، ملزم کے خلاف سائٹ سپر ہائی وے تھانے میں مقدمہ درج ہے

    اس موقع پر بابر غوری کا کہنا تھا کہ میں اپنی والدہ سے ملنے پاکستان آیا تھا یہ واقعہ جب ہوا تھا اس وقت میں پاکستان میں ہی نہیں تھا،جج صاحب کے پاس جارہے ہیں ،امید ہے انصاف ملے گا وطن واپسی کیلئے ضمانت کرائی تھی،مجھےاس مقدمہ کا پتہ نہیں تھا، نہ ہی کوئی نوٹس ملا، مقدمہ میرے پاکستان سے جانے کے بعد درج کیا گیا،میری والدہ شدید علیل ہیں، دل کے ہاتھوں مجبور ہو کر وطن واپس آیا ہوں

    قبل ازیں ایم کیو ایم رہنما، سابق وفاقی وزیر بابر غوری کی گرفتاری پر ان کی بیٹی نے عدالت میں درخواست دائر کر دی بابر غوری کی بیٹی نے سندھ ہائیکورٹ میں توہین عدالت کی درخواست میں عدالت سے استدعا کی کہ اسے فوری سماعت کے لئے منظور کیا جائے، عدالت نے استدعا تسلیم کر لی،بابر غوری کے وکیل کا کہنا ہے کہ بابر غوری نے حفاظتی ضمانت کروائی تھی، جو مقدمات سامنے نہیں ہیں انکے لئے عدالت میں درخواست دائر کریں گے،

    پولیس کا کہنا ہے کہ سابق وفاقی وزیر اور ایم کیو ایم رہنما بابر غوری کو ریاست کے خلاف مجرمانہ سر گر میوں کے مقدمے میں گرفتار کیا گیا ہے- پولیس ذرائع کے مطابق ایم کیو ایم رہنما بابر غوری کی انسداد دہشتگردی کے مقدمے میں باقاعدہ گرفتاری کی گئی ہے اور انہیں ریاست کے خلاف مجرمانہ سرگرمیوں کے مقدمے میں گرفتار کیا گیا ہے۔

    ایم کیو ایم رہنما بابر غوری وطن واپسی پرکراچی ایئر پورٹ سےگرفتار

    ذرائع کے مطابق بابر غوری کے خلاف ایف آئی آر سال 2015 میں ان کی ملک سے جلاوطنی کے دنوں کی ہے اور ایف آئی آر نمبر 354 سائٹ سپر ہائی وے تھانے میں درج ہے جب کہ مقدمے میں 120 اے بی / 121/122/505/123 ، ٹیلیگراف ایکٹ اور 6/7 ATA درج ہے بابر غوری نے22 جون کو سندھ ہائیکورٹ سے دو مقدمات میں پانچ جولائی تک حفاظتی ضمانت بھی لے رکھی تھی۔

    پولیس ذرائع کے مطابق مقدمے میں بانی ایم کیو ایم اور فاروق ستار سمیت ایم کیو ایم کے 29 رہنما نامزد ہیں پولیس بابر غوری کے ریمانڈ کے لیے انہیں آج سندھ ہائی کورٹ میں پیش کیا جائے گا۔انسداد دہشت گردی کی عدالت کے منتظم جج سابق وفاقی وزیر بابر غوری کا ریمانڈ دیں گے۔

    واضح رہے کہ ایم کیو ایم رہنما بابر غوری نجی ایئرلائن کی پرواز کے ذریعے کراچی پہنچے تھے کہ انہیں گرفتار کرلیا گیا۔ اعلیٰ پولیس حکام نے گرفتاری کی تصدیق کی تھی بابر غوری کے خلاف وارنٹ گرفتاری جاری تھے۔

    ضمنی انتخابات:حافظ سعد رضوی کے جلسوں کا شیڈول جاری

    سابق وفاقی وزیر بابر غوری کی گرفتاری پر ان کی بیٹی نے سندھ ہائیکورٹ سے رجوع کر لیا ہے بابر غوری کی گرفتاری پر توہین عدالت کی درخواست سندھ ہائیکورٹ میں دائرکی گئی ہےسندھ ہائیکورٹ نے درخواست فوری سماعت کے لیے استدعا منظور کرلی۔

    سابق ایم ڈی کےای ایس سی شاہد حامد کے قتل کے مرکزی کردار صولت مرزا نے بابر غوری پر سنگین الزامات عائد کیے تھے بابر غوری ایم کیوایم کے سرکردہ رہنما رہ چکے ہیں ۔ ان کا شمار ایم کیوایم کے مالی تعاون کرنے والی اہم شخصیات میں ہوتا تھا۔

    شہروز کاشف نے دنیا کی چوتھی بلند ترین چوٹی نانگا پربت سر کر لی

  • سعودی عرب میں رواں برس غلافِ کعبہ حج پر تبدیل نہیں کیا جائے گا

    سعودی عرب میں رواں برس غلافِ کعبہ حج پر تبدیل نہیں کیا جائے گا

    مکہ: سعودی عرب میں رواں برس غلافِ کعبہ حج پر تبدیل نہیں کیا جائے گا۔

    باغی ٹی وی : سعودی پریس ایجنسی (ایس پی اے) کے مطابق حرمین شریفین انتظامیہ کے سربراہ شیخ ڈاکٹرعبدالرحمٰن السدیس نے بتایا کہ ایوان شاہی سے ہدایت جاری کی گئی ہے کہ اس سال غلاف کعبہ 10 ذی الحجہ عید الاضحیٰ کو کلید بردار کعبہ کے سربراہ کے حوالے کیا جائے-

    ایوان شاہی نے اس سال نیا غلاف یکم محرم کو پرانے غلاف کی جگہ چڑھانے کی ہدایات جاری کی ہیں۔

    اس سے قبل خانہ کعبہ کا غلاف 9 ذی الحجہ کو ہر سال اس وقت تبدیل کیا جاتا تھا جب عازمین میدان عرفات میں وقوف کے لیے جمع ہوتے تھے اور مسجد الحرام میں زائرین کی تعداد نہ ہونے کے برابر ہوتی تھی۔

    واضح رہے کہ مناسک حج کا آغاز کل سے ہوگا کوویڈ کے بعد پہلی بار 10 لاکھ عازمین حج کریں گے دنیا بھر سے سعودی عرب میں عازمین حج کی آمد مکمل ہوچکی ہے جس میں دنیا کے مختلف ممالک سے آنے والے عازمین میں ساڑھے 8 لاکھ غیرملکی بھی شامل ہیں۔

    حکام کے مطا بق دوران حج مسجدالحرام کو دن میں 10 بار دھویا جائےگا اور ہر بار ایک لاکھ 30 ہزار لیٹرجراثیم کُش محلول بھی استعمال کیا جائےگا سعودی عرب نے 45 سال سے کم عمر کی خواتین کوبھی بغیر محرم حج کی اجازت دی ہے۔

    علاوہ ازیں صدارتِ عامہ برائےالحرمین الشریفین نے عازمینِ حج وعمرہ اور عام زائرین کی رہ نمائی کے لیے اپنے مُتَرجِمین کی تعداد میں اضافہ کردیا ہے اور اب اس کے مترجمین شرعی مسائل کے جوابات دینے کے لیے 24 گھنٹے موجودہوں گے۔

    صدارتِ عامہ کے شعبہ دعوت وارشاد اور زبان وترجمہ کے مطابق مختلف زبانوں کے 14 نئے مترجمین کا اضافہ کیا گیا ہے اوران کے تقرر کے بعد اب مترجمین کی کل تعداد 27 ہوگئی ہے۔وہ زائرین حرم کومختلف زبانوں میں ترجمے کے لیے دستیاب ہوں گے۔

    اس وقت صدارتِ عامہ کے تحت انگریزی، ترکی، اردو، فارسی، فرانسیسی، ہسپانوی، مالے، بنگلہ، انڈونیشی، تامل، پشتو اور ہاؤسا جیسی زبانوں میں مترجمین خدمات انجام دے رہے ہیں۔عربی زبان کے علاوہ دنیا کی چودہ زبانوں میں شرعی مسائل ومواد کا ترجمہ پیش کیا جارہا ہے اوراب مترجمین عازمین حج وعمرہ کے علاوہ عام زائرین حرم کے سوالات کے جوابات دیں گے۔

    عرب میڈیا کے مطابق وہ صدارتِ عامہ کے پروگرام ’’ہم آپ کی زبان میں آپ کی رہ نمائی کرتے ہیں‘‘ کے ذریعے سوالوں کے جواب دیتے ہیں۔اس پروگرام میں مفت فون کی سہولت کے ذریعے سائلین اپنے شرعی مسائل کا جواب حاصل کرسکتے ہیں۔اس کے علاوہ روبوٹ کے ذریعے بھی ان کی رہ نمائی کی جائے گی۔

  • شہروز کاشف نے دنیا کی چوتھی بلند ترین چوٹی نانگا پربت سر کر لی

    شہروز کاشف نے دنیا کی چوتھی بلند ترین چوٹی نانگا پربت سر کر لی

    لاہور: براڈ بوائے کے نام سے معروف پاکستانی کوہ پیما شہروز کاشف نے دنیا کی چوتھی بلند ترین چوٹی نانگا پربت سر کر کے ایک اور ورلڈ ریکارڈ قائم کر دیا-

    باغی ٹی وی : تفصیلات کے مطابق شہروزکاشف نے 8126 میٹر بلند چوٹی نانگا پربت سر کر لی 20 سالہ شہروز نے 8000 میٹر سے بلند آٹھویں چوٹی سرکی ہے، شہروز کاشف 8 ہزار میٹر بلند دنیا کی تمام 14 چوٹیاں سرکرنے کا عزم رکھتے ہیں۔

    پاکستانی کوہ پیما نے شمالی امریکا کی بلند ترین چوٹی سرکرلی

    شہروزکاشف نے پاکستانی وقت کے مطابق صبح 8:34 پر نانگاپربت چوٹی سرکی ہے اس عالمی اعزاز کے بعد شہروز کاشف نانگاپربت چوٹی سرکرنے والےدنیا کےکم عمرترین کوہ پیما بن گئے ہیں۔

    شہروز کاشف نیپال میں تین ہفتوں میں تین چوٹیاں سر کر چکے ہیں نہوں نے اب تک 8 ہزار میٹر سے بلند 8 چوٹیاں سر کرنے کا اعزاز رکھتے ہیں-

    کوہ پیما شہروز کاشف کو ایوان صدر کی جانب سے دعوت نامہ موصول

    شہروز کاشف براڈ پیک، ماونٹ ایوریسٹ، کے ٹو، لوہٹسے اور کنچن جونگا کی چوٹیاں سر کرنے کا اعزاز رکھتے ہیں۔شہروز 8 ہزار میٹر سے بلند چوٹیاں سر کرنے والے چوتھے پاکستانی ہیں دنیا کے کم عمر ترین کوہ پیما سے قبل محمد علی سدپارا، حسن سدپارا اور سرباز علی بھی 8، 8 ہزار میٹر سے بلند چوٹیاں سر کرچکے ہیں-

     

    خیرسگالی کا سفیر بننا میرے لیے اعزاز ہے،کوہ پیما شہروز کاشف

  • کورونا وائرس چین سے نہیں بلکہ امریکی لیبارٹری سے لیک ہوا،امریکی پروفیسر کا انکشاف

    کورونا وائرس چین سے نہیں بلکہ امریکی لیبارٹری سے لیک ہوا،امریکی پروفیسر کا انکشاف

    ایک امریکی پروفیسر نے عالمی وبا کورونا کے حوالے سے انکشاف کیا ہے کہ وائرس چینی لیبارٹری سے نہیں بلکہ امریکی لیبارٹری سے لیک ہوا۔

    باغی ٹی وی : امریکی پروفیسرجیفری ساکس کا کہنا ہےکہ کورونا وائرس چینی مرکز نہیں بلکہ امریکی لیبارٹری سے لیک ہوا اور یہ وائرس امریکا کی بائیوٹیکنا لوجی لیب میں تیار کیا گیا۔

    پروفیسر جیفری ساکس کورونا وبا کے ماخذ پر 2 برس سے تحقیقات کررہے تھے-

    کورونا وائرس کا پھیلاؤ،محکمہ داخلہ سندھ نے پابندیاں عائد کرنے کا حکم جاری کر دیا

    رواں برس 27 مئی کو جاری کی گئی پروفیسر جیفری ساکس اور نیل ایل ہیریسن نے اپنی ایک رپورٹ میں بتایا تھا کہ ووہان میں کورونا وبا کے پھیلاؤ کے لیے خصوصی طور پر چین کو موردِ الزام ٹھہراتے ہوئے، امریکی حکام نے وبائی امراض کے حالات پیدا کرنے میں امریکی سائنسی تحقیقی اداروں کی تحقیق کو شھپا دیا تھا پھر بھی اگر کورونا وائرس واقعی کسی لیب سے آیا ہے تو، امریکا کا قصوروار ہونا تقریباً یقینی ہے۔

    رپورٹ کے مطابق جب امریکی صدر جو بائیڈن نےریاستہائے متحدہ کی انٹیلی جنس کمیونٹی سے کورونا وبا کی اصلیت کا تعین کرنے کو کہا تو اس کے نتیجے کو غیر معمولی طور پر کم کیا گیا لیکن اس کے باوجود حیران کن تھا۔ ایک صفحے کے خلاصے میں، انٹیلی جنس کمیونٹی نے واضح کیا کہ وہ اس امکان کو رد نہیں کر سکتا کہ SARS-CoV-2 (وائرس جو COVID-19 کا سبب بنتا ہے) لیبارٹری سے نکلا ہے۔

    کورونا کیسز میں اضافہ: ڈومیسٹک پروازوں، ریلوے اور پبلک ٹرانسپورٹ میں سفر کےدوران…

    لیکن امریکیوں اور دنیا کے لیے اس سے بھی زیادہ چونکا دینے والا ایک اضافی نکتہ ہے جس پر آئی سی خاموش رہا: اگر یہ وائرس واقعتاً لیبارٹری کی تحقیق اور تجربات کے نتیجے میں سامنے آیا ہے، تو یہ تقریباً یقینی طور پر امریکی بائیو ٹیکنالوجی اور جانکاری کے ساتھ بنایا گیا تھا کہ اسے کس طرح دستیاب کیا گیا تھا۔

    ماہرین کا کہنا تھا کہ کوویڈ 19 کی ابتداء کے بارے میں مکمل سچائی جاننے کے لیے، ہمیں نہ صرف چین کے ووہان میں پھیلنے والی وباء کی مکمل، آزاد تحقیقات کی ضرورت ہے، بلکہ امریکہ کی متعلقہ سائنسی تحقیق، بین الاقوامی رسائی، اور ٹیکنالوجی کے لائسنسنگ کی بھی ضرورت ہے۔

    کورونا وبا ختم نہیں ہوئی ہجوم والی جگہوں پر شہری احتیاط کریں ،قومی ادارہ صحت

    کولمبیا یونیورسٹی میں یونیورسٹی کے پروفیسر جیفری ڈی ساکس، کولمبیا یونیورسٹی میں سنٹر فار سسٹین ایبل ڈویلپمنٹ کے ڈائریکٹر اور اقوام متحدہ کے پائیدار ترقی کے حل نیٹ ورک کے صدر ہیں۔

    وہ اقوام متحدہ کے تین سیکرٹری جنرل کے مشیر کے طور پر کام کر چکے ہیں، اور فی الحال سیکرٹری جنرل انتونیو گوٹیرس کے تحت SDG ایڈووکیٹ کے طور پر کام کر رہے ہیں۔

    انہوں نے کئی کتابیں بھی لکھی ہیں ان کی لکھی گئی کتابوں میں غربت کا خاتمہ، دولت مشترکہ، پائیدار ترقی کا دور، نئی امریکی معیشت کی تعمیر، ایک نئی خارجہ پالیسی: امریکی استثنیٰ سے پرے، اور حال ہی میں، عالمگیریت کا دور شامل ہیں جیفری ساکس کو ٹائم میگزین 2 بار دنیاکے 100بااثر افرادکی فہرست میں شامل کرچکا ہے۔

    موڈرنا ویکسین کے استعمال سے دل کے ورم کا خطرہ رہتا ہے:ماہرین صحت

  • ایران میں ریت کا طوفان،دفاتراور تعلیمی ادارے بند

    ایران میں ریت کا طوفان،دفاتراور تعلیمی ادارے بند

    ایران کے کئی شہروں میں ریت کا زبردست طوفان آنے سے کئی دفاتر اور تعلیمی ادارے بند ہو گئے ہیں۔

    باغی ٹی وی : سرکاری خبررساں ادارے ایرنا کی رپورٹ کے مطابق ایرانی دارالحکومت تہران سمیت کئی شہروں کو ریت کے طوفان کا سامنا کرنا پڑا، جس کے بعد ہنگامی کمیٹی برائے فضائی آلودگی نے شہر میں گردوغبار پھیلنے کی وجہ سے تمام انتظامی دفاتر اورسرکاری تعلیمی ادارے بند کرنے کا حکم دیا۔

    80 لاکھ سے زائد کی آبادی والے شہر تہران میں ہر طرف دھول ہی دھول ہونے کی وجہ سے حدِ نگاہ انتہائی محدود ہے، اگرچہ یہ خطہ ہمیشہ ریت کے طوفانوں سے متاثررہا ہے لیکن حالیہ برسوں میں دھول کے بادل عام اور شدید ہو گئے ہیں، ماہرین کا کہنا ہے کہ یہ طوفان موسمیاتی تبدیلوں کی وجہ سے زیادہ شدت اختیار کر رہے ہیں۔

    سرکاری ٹیلی ویژن نے بتایا کہ دارالحکومت کے مغرب میں واقع پڑوسی صوبہ البرز میں بھی حکام نے تمام دفاتر، بینکوں اور سائنسی اور تعلیمی مراکز کو بند کرنے کا اعلان کیا ہے۔انھوں نے فضامیں’’ماحولیاتی آلودگی اور دھول کے ارتکاز میں اضافے‘‘کی اطلاع دی ہے۔

    حکام نے اس پورے خطے کے مکینوں کو ہوا کے ناقص معیار کے خلاف خبردار کیا ہے۔ وسط اپریل سے اب تک یہ تہران اور اس کے نواحی علاقوں میں آنے والا اپنی نوعیت کا چوتھا طوفان ہے۔

    تہران کے محکمہ موسمیات نے خبردار کیا ہے کہ اگلے پانچ روز تک شہر کے کچھ حصوں میں دھول کے بادلوں کی لہریں پھیلنے کا امکان ہے۔

    قبل ازیں اپریل میں تہران کی ایئرکوالٹی کنٹرول سوسائٹی نے کہا تھا کہ دھول کے بادل ’’ایران کے مغرب میں واقع ممالک‘‘ سے شروع ہوئے ہیں۔ایران کا مغربی پڑوسی ملک عراق ریت کے شدید طوفانوں کا شکار ہے، حالیہ مہینوں میں فضائی آلودگی نے ہزاروں افراد کو سانس کے مسائل سے دوچار کیا ہے اور انھیں اسپتالوں میں لے جانا پڑا ہے۔

    ایرانی حکام نے تہران کے مغرب میں ریت کی کھدائی کی سرگرمیوں کو بھی موردالزام ٹھہرایا ہے جس کے بارے میں ان کا کہنا تھا کہ اس سے صورت حال مزید خراب ہورہی ہے۔

  • ضمنی انتخابات:حافظ سعد رضوی کے جلسوں کا شیڈول جاری

    ضمنی انتخابات:حافظ سعد رضوی کے جلسوں کا شیڈول جاری

    لاہور: ٹی ایل پی نے حافظ سعد رضوی کے عوامی اجتماعات کا اعلان کر دیا ہے-

    باغی ٹی وی : تحریک لبیک پاکستان (ٹی ایل پی) نے آج (منگل) سے شروع ہونے والے اپنے ٹی ایل پی کے سربراہ حافظ سعد رضوی کے عوامی اجتماعات کے شیڈول کا اعلان کر دیا ہے۔

    ٹی ایل پی کے سربراہ حافظ سعد رضوی اپنی پارٹی کے لیے ضمنی انتخابات کی مہم کا آغاز جھنگ سے کریں گےجہاں وہ شام 4 بجے پی پی 127 کے مائی ہیر ہاکی اسٹیڈیم میں ٹی ایل پی کے کارکنوں اور حامیوں سے خطاب کریں گے۔

    اسی روز وہ رات 8 بجے تحصیل اطہر ہزاری جھنگ میں پی پی 126 کے کارکنوں کے اجتماع سے خطاب کریں گے۔

    اس کے بعد رات 10 بجے حافظ سعد رضوی سٹیشن والی گراؤنڈ جھمرہ سٹی جھنگ میں پی پی -97 کے عوامی اجتماع سے خطاب کریں گے۔

    6 جولائی (بدھ) کو ٹی ایل پی کے سربراہ سعد رضوی پی پی -90 میں دوپہر 3 بجے ریلوے گراؤنڈ، دریا خان اور پھر رات 10 بجے پی پی 83 میں نیا لاری اڈا میں جلسے سے خطاب کے لیے بھکر پہنچیں گے۔

    شیڈول کے مطابق وہ 8 جولائی (جمعہ) کو پی پی 07 راولپنڈی کے کلر سیدیاں سپورٹس گراؤنڈ میں پی پی 07 کے عوامی اجتماع سے خطاب کریں گے۔

    اس کے بعد سعد رضوی 13 جولائی (بدھ) کو دن 11 بجے پی پی -02 ضلع ساہیوال میں 90 موڑ چیچہ وطنی سے خطاب کریں گے۔ شام 4 بجے پی پی 224 اور پی پی 228 لودھراں کے اڈہ پرمٹ پر خطاب کریں گے اور اس کے بعد رات 9 بجے ڈیرہ غازی خان میں پی پی 288 کے اپنے کارکنوں سے خطاب کریں گے۔

    13 جولائی (جمعرات) کو سعد رضوی ضمنی انتخاب کے لیے دوپہر ایک بجے پی پی 272 اور پی پی 273 کے لیے گورنمنٹ ہائی اسکول مظفر گڑھ میں عوامی اجتماع سے خطاب کریں گے۔

    اسی روز ضلع بہاولنگر کے علاقے مکلیوڈ گنج، منچن آباد میں رات 9 بجے پی پی 237 کے کارکنوں سے اپنے پارٹی منشور کے بارے میں گفتگو کریں گے۔

    ٹی ایل پی رہنما رضوی شام 4 بجے کمپنی باغ شیخوپورہ (پی پی -140) میں فائی پارٹی کے جلسے سے خطاب کریں گے جہاں ان کی پارٹی 2018 کے عام انتخابات میں تیسرے نمبر پر رہی تھی۔

    علاوہ ازیں حافظ سعد رضوی 15 جولائی (جمعہ) کو رات 8 بجے لاہور میں اپنی موجودہ سیاسی مہم کے آخری جلسے میں عوام سے مخاطب ہوں گے-

    پی پی 90 بھکر سے ٹی ایل پی کے امیدوار مفتی جمیل احمد نقشبندی نے آئندہ انتخابات میں کامیابی حاصل کرنے کے عزم کا اظہار کیا۔

  • مصر کو نہر سویز کی وجہ سے 7 بلین ڈالر سے زائد کی ریکارڈ سالانہ آمدنی

    مصر کو نہر سویز کی وجہ سے 7 بلین ڈالر سے زائد کی ریکارڈ سالانہ آمدنی

    مصر کو نہر سویز کی وجہ سے مالی سال 22-2021 کے دوران 7 بلین ڈالر سے زائد کی آمدنی ہوئی۔

    باغی ٹی وی: ” روئٹرز” کی رپورٹ کے مطابق مصر کوہونے والی یہ آمدنی ایک نیا ریکارڈ ہے۔ یہ سالانہ آمدنی ایک سال پہلے کے مقابلے میں تقریباﹰ 21 فیصد زیادہ رہی۔

    عالمی مارکیٹ میں تیل کی قیمت 380 ڈالر فی بیرل تک پہنچنے کا خدشہ ہے،امریکی تجزیہ کار

    کینال اتھارٹی کے چیئرمین اسامہ ربیعہ نے پیر کو کہا کہ مصر کی سوئز کینال کی آمدنی 30 جون تک مالی سال میں 7 بلین ڈالر کی ریکارڈ بلند ترین سطح پر پہنچ گئی، جو پچھلے سال کے مقابلے میں 20.7 فیصد زیادہ ہے۔

    سویز کینال اتھارٹی کے سربراہ کا کہنا ہے کہ 30 جون کو ختم ہونے والے مالی سال میں قاہرہ کو ہونے والی یہ ریکارڈ آمدنی ایک خوش کن پیش رفت ہے۔

    دوسری جانب اے ایف پی کے مطابق مصر کی سویز کینال اتھارٹی نے پیر کو ایک ہمہ وقتی آمدنی کے ریکارڈ کا اعلان کیاجس نےگزشتہ مالی سال کے دوران اہم آبی گزرگاہوں کو منتقل کرنے والےجہازوں کے ٹول میں اضافے کے سلسلے کے بعد 7 بلین ڈالر کمائے۔

    ایسےآثارمل رہےہیں کہ چین پہلےچاند پرقبضہ کرے گاپھردنیا پرحکمرانی:ناسا سربراہ

    جولائی 2021 اور جون 2022 کے درمیان مصر کا مالی سال تقریباً 1.32 بلین سویز کینال اتھارٹی (SCA) کے سربراہ اسامہ ربی نے کہا کہ نہر کے ذریعے ٹن کارگو بھیجا گیاآمدن پچھلے مالی سال کے $5.8 بلین ٹرانزٹ فیس کے مقابلے میں پانچ فیصد زیادہ ہے، اور اب تک ریکارڈ کی گئی سب سے زیادہ تعداد ہے۔

    ربی نے پیر کو کہا کہ عالمی بحرانوں نے عالمی سپلائی چین کی پائیداری کو یقینی بنانے کے لیے نہر سویز کی اہمیت کو ثابت کر دیا ہے-

    بحیرہ احمر اور بحیرہ روم کو جوڑنے والی، یہ نہر عالمی سمندری تجارت کا تقریباً 10 فیصد بنتی ہےیہ مصر کے لیے انتہائی ضروری غیر ملکی کرنسی کا ایک ذریعہ بھی ہے، جو یوکرین پر روس کے حملے کی وجہ سے مہنگائی اور کرنسی کی قدر میں کمی سے لڑ رہا ہے۔

    ایس سی اے نے اس سال دو بار ایندھن کے ٹینکروں سمیت نقل و حمل کے جہازوں کے گزرنے کے ٹولوں میں اضافہ کیا ہے اپریل میں، یوکرین پر روس کے حملے کی وجہ سے تیل کی قیمتوں میں اضافے کے باوجود آبی گزرگاہ نے اپنی اب تک کی سب سے زیادہ ماہانہ 629 ملین ڈالر کی آمدنی ریکارڈ کی۔

    چونکہ مصر جنگ سے بڑھتے ہوئے معاشی دباؤ کا شکار ہے، مارچ اور مئی کے درمیان غیر ملکی کرنسی کے ذخائر 5.5 بلین ڈالر گر کر 35.5 بلین ڈالر رہ گئے۔

    روس کا یورپ کو گیس سپلائی کرنیوالی پائپ لائن بند کرنے کا اعلان

    سرکاری اعداد و شمار کے مطابق، عالمی اجناس کی قیمتوں میں اضافے کی وجہ سے مصری افراط زر کو جون میں 15.3 فیصد کی تین سال کی بلند ترین سطح پر پہنچ گئی-

    مارچ کے آخر میں، مصر کے مرکزی بینک نے مصری پاؤنڈ کو ڈالر کے مقابلے میں گرنے کی اجازت دی، جس کی وجہ سے وہ راتوں رات اپنی قدر کا تقریباً 18 فیصد کھو بیٹھا۔

    قاہرہ اقتصادی بحران کو کم کرنے کے لیے جلدی کر رہا ہے، بین الاقوامی مالیاتی فنڈ سے نئے قرض کی درخواست کر رہا ہے اور سعودی عرب اور قطر سے اربوں ڈالر کی سرمایہ کاری کر رہا ہے۔

    سعودی عرب:تحقیق کے شعبے پر قومی پیداوار کا ڈھائی فیصد خرچ کرنے کا فیصلہ

    گزشتہ ہفتے مصر نے اعلان کیا تھا کہ وہ عالمی بینک سے 500 ملین ڈالر وصول کرے گا۔

    اس سال کے شروع میں، ایس سی اے نے ایک کیلنڈر سال کے لیے نہر کی سب سے زیادہ سالانہ آمدنی کی اطلاع دی، جس نے کورونا وائرس وبائی بیماری اور دیو ہیکل کارگو جہاز کی طرف سے چھ دن کی رکاوٹ کے باوجود 2021 میں 6.3 بلین ڈالر حاصل کیا-

    واضح رہے کہ سویز کینال مصر کے لیے زر مبادلہ کی کمائی کے اہم ترین قومی ذرائع میں سے ایک ہے۔ یہ آبی راستہ یورپ اور ایشیا کے مابین بحری مال برداری کے لیے مختصر ترین اور تیز ترین راستہ ہے۔

    ایک ہفتہ قبل جرائم کی پیش گوئی کرنیوالے مصنوعی ذہانت کے الگورتھم کا کامیاب تجربہ

  • اٹلی میں گلیشیئر گرنے سے سات افراد ہلاک ،متعدد زخمی

    اٹلی میں گلیشیئر گرنے سے سات افراد ہلاک ،متعدد زخمی

    اٹلی: اطالوی ایلپس کے ڈولومائٹس نامی علاقے میں مارمولڈا گلیشیئر ٹوٹنے سے 7 افراد ہلاک متعدد زخمی ہوگئے۔

    باغی ٹی وی : "بی ی سی ” کے مطابق شمالی اطالوی الپس میں ایک گلیشیئر کے گرنے سے پیدا ہونے والے برفانی تودے میں دب کر کم از کم سات افراد ہلاک ہو گئے ہیں۔

    پاکستان میں سعودی سفیر کا دورہ سوات، جڑواں بہنوں سے ملاقات

    ایمرجنسی حکام نے بتایا کہ گرنے سے آٹھ دیگر زخمی ہوئے، جن میں دو افراد کو شدید چوٹیں آئیں۔
    اٹلی کے وزیر اعظم ماریو ڈریگی نے کہا کہ یہ واقعہ "بلا شبہ” موسمیاتی تبدیلی سے منسلک ہے ہلاک ہونے والے سات میں سے چار کی شناخت امدادی کارکنوں نے کی ہے، جن میں سے تین اطالوی ہیں، جن میں دو پہاڑی رہنما بھی شامل ہیں۔

    ہنگامی خدمات کی ترجمان میشیلا کینووا نے کہا کہ برف اور چٹان کا ایک برفانی تودہ جو اپنے راستے میں اس وقت تک رسائی والی سڑک سے ٹکرا گیا جب وہاں کئی رسی والی پارٹیاں تھیں، جن میں سے کچھ بہہ گئیں۔” انہوں نے مزید کہا کہ "شامل ہونے والے کوہ پیماؤں کی حتمی تعداد ابھی تک معلوم نہیں ہے۔”

    ریسکیو حکام نے بتایا کہ زخمی پیدل سفر کرنے والے جن میں دو افراد بھی شامل ہیں جن کی حالت تشویشناک ہے، انہیں علاقے کے آس پاس کے متعدد اسپتالوں میں لے جایا گیا یہ فوری طور پر واضح نہیں ہے کہ گلیشیئر کا حصہ، جسے سیرک کہا جاتا ہے، کے گرنے کی وجہ کیا ہے۔

    عالمی مارکیٹ میں تیل کی قیمت 380 ڈالر فی بیرل تک پہنچنے کا خدشہ ہے،امریکی تجزیہ کار

    لیکن ریسکیو سروس کے ترجمان والٹر میلان نے سرکاری ٹی وی کو بتایا کہ علاقے میں حالیہ دنوں میں غیر معمولی حد تک درجہ حرارت بڑھ رہا ہے گرمی غیر معمولی ہےمسٹر میلان نے کہا، حالیہ دنوں میں گلیشیئر کی چوٹی پر درجہ حرارت 10C تک پہنچ گیا ہے یہ شدید گرمی ہے،واضح طور پر یہ کچھ غیر معمولی ہے۔

    مسٹر ڈریگی نے کہا، یہ ایک المیہ ہے جس میں یقینی طور پر ایک غیر متوقع عنصر موجود تھا لیکن اس کا تعلق ماحول کی خرابی اور آب و ہوا کی صورتحال سے بھی ہے۔”

    خطے کے دورے پر، انہوں نے یہ بھی کہا کہ حکومت اسی طرح کے ایک اور سانحے کو رونما ہونے سے روکنے کے لیے اقدامات کرے گی۔حادثے کے وقت خطے میں کوہ پیما یا سیاح موجود تھےلیکن تعداد کے بارے میں کوئی معلومات نہیں،تاہم امداد حکام کا کہنا ہے کہ مرنے والوں میں غیر ملکی باشندے شامل ہیں۔

    روس کا ایک اوریوکرینی شہر کا کنٹرول حاصل کرنے کا دعویٰ

    دوسری جانب ملک میں ہنگامی امدادی ادارے کی ترجمان کا کہنا ہے کہ کئی سیاح رسیوں کی مدد سے گلیشیئر کی چوٹی پر پہنچنے کے لیے درمیانی گزرگاہ پر موجود تھے، جب برفانی تودہ ٹوٹ کر ان پر آ گرا، ان میں سے کچھ برفانی تودے کے ساتھ نیچے گرتے ہوئے برف میں دب چکے ہیں۔

    ابتدائی امدادی کارروائیوں میں کئی ہیلی کاپٹرز نے حصہ لیا تاہم خراب موسم کے باعث امدادی کارروائیاں روکنا پڑیں حکام کے مطابق ان کو متاثرین کی مدد کرنے میں کافی مشکلات کا سامنا کرنا پڑا کیونکہ زیادہ تر لاشیں برفانی تودے کے نیچے دب گئیں تھیں۔

    ریسکیو حکام کی جانب سے ایک ٹول فری نمبر بھی جاری کیا گیا ہے، جس پر رابطہ کر کے لوگ معلومات حاصل کر سکتے ہیں۔

    اقوام متحدہ کی رواں سال جاری کردہ رپورٹ کے مطابق برف کا پگھلنا گلوبل وارمنگ اور ماحولیاتی نظام کو درہم برہم کرنے والی 10 بڑی وجوہات میں سے ایک ہے۔

    بھارت: بس کھائی میں گرنے سے اسکول بچوں سمیت 16 افراد ہلاک،متعدد زخمی

  • لاہور میں گرج چمک کے ساتھ بارش کا امکان

    لاہور میں گرج چمک کے ساتھ بارش کا امکان

    محکمہ موسمیات کے مطابق ملک بھر میں موسم گرم اور مرطوب رہے گا-

    باغی ٹی وی : اسلام آباد میں کالی گھٹائیں چھا گئیں،دن میں رات کا سما ں بن گیا راولپنڈی اور اسلام آباد کے مختلف علاقوں میں موسلا دھاربارش ہو رہی ہے محکمہ موسمیات کے مطابق اسلام آباد میں مذید بارش کا امکان ہے بارش سے حبس کم اور موسم خوشگوار ہو گیا ہے-

    محکمہ موسمیات کے مطابق سندھ ، بلوچستان، آزادکشمیر میں بھی تیز بارش متوقع ہے،بالائی پنجاب اور خیبر پختونخوامیں بارش کا امکان ہے ،سوا ت میں بعض مقامات پر تیز بارش بھی کا امکان ہے-

    محکمہ موسمیات کے مطابق کوئٹہ ،خضدار،قلات ، لسبیلہ،پنجگور اورآواران میں بارش متوقع ہے،تربت، خاران، ژوب ، بارکھان ، سبی ، کوہلو، ہر نائی اورچمن میں بارش متوقع ہے-

    محکمہ موسمیات کے مطابق زیارت ، نصیر آباد اور ساحلی پٹی میں گرج چمک کے ساتھ بارش کا امکان ہے،سیالکوٹ ،نارووال ، سرگودھا اور منڈی بہاؤالدین میں بارش متوقع ہے-

    محکمہ موسمیات کے مطابق خطۂ پوٹھوہار،گوجرانوالہ ، فیصل آباد، لاہور میں گرج چمک کے ساتھ بارش کا امکان ہے،بہاولنگر، بہاولپور،ملتان، رحیم یار خان ، راجن پور اور ڈیرہ غازی خان میں بھی بارش کا امکان ہے ،ما لاکنڈ اور کرم میں تیز ہواؤں اور گرج چمک کے ساتھ بارش کا امکان ہے-

    محکمہ موسمیات کے مطابق سکھر ،روہڑی ، لاڑکانہ ، جیکب آباد، بینظیر آباد ، ٹھٹھہ اوربدین میں بارش متوقع ہے ،تھرپارکر، عمر کوٹ،دادو، میر پور خاص ، حیدر آباد اورکراچی میں بارش کا امکان ہے دیر، سوات، مانسہرہ، ایبٹ آباد،پشاور، کوہاٹ، چارسدہ اور مردان میں بارش کا امکان ہے-

    دوسری جانب محکمہ تحفظ ماحولیات پنجاب نے آج کا ائیر کوالٹی انڈیکس جاری کردیا ہے-

    محکمہ تحفظ ماحولیات پنجاب کے مطابق ٹاون ہال لاہور میں ائیر کوالٹی انڈیکس 122 ریکارڈ کیا گیا ،ٹاون شپ سیکٹر ٹو میں ائیر کوالٹی انڈیکس81 ریکارڈ کیا گیا،داروغہ والا انڈسٹریل ایریالاہور میں ائیر کوالٹی انڈیکس 147 ریکارڈ کیا گیا جبکہ نیشنل ہاکی اسٹیڈیم میں ائیر کوالٹی انڈیکس 128ریکارڈ کیا گیا-

    محکمہ تحفظ ماحولیات پنجاب کے مطابق تمام ڈیٹا 24 گھنٹے کی بنیادپر مرتب کیا گیا ہے-