Baaghi TV

Author: عائشہ ذوالفقار

  • ٹیکس نہ دینے والوں کو جائیداد خریدنے پر ڈھائی سو فیصد اضافی ٹیکس دینا ہوگا

    ٹیکس نہ دینے والوں کو جائیداد خریدنے پر ڈھائی سو فیصد اضافی ٹیکس دینا ہوگا

    حکومت نے ٹیکس نہ دینے والوں کیخلاف شکنجہ کس لیا،ٹیکس نہ دینے والوں کو جائیداد خریدنے پر ڈھائی سو فیصد اضافی ٹیکس دینا ہوگا۔

    باغی ٹی وی : مالی سال 2022-23 کے بجٹ کا کل تخمینہ 9 ہزار 502 ارب روپے ہے، نیا بجٹ3ہزار 798ارب روپے خسارے کےساتھ ہے،نئے بجٹ میں دفاع کے لیے 1523 ارب روپے مختص کرنے کی تجویزدی گئی ،سالانہ ترقیاتی پروگرام کے لیے 800 ارب روپے مختص کرنے کی تجویزدی گئی-

    غیرقانونی فیلڈنگ، ایمپائرنے ویسٹ انڈیزکو پاکستان کیخلاف 5 رنزانعام میں دے دیئے

    اگلے مالی سال ٹیکس وصولی کا ہدف 7004 ارب روپےرکھا گیا،نئے بجٹ میں مہنگائی کی شرح کا ہدف 11.5 فیصد رکھا گیا جبکہ سرکاری ملازمین کی تنخواہوں میں 15 فیصد اضافہ ،پنشن میں 5 فیصد اضافہ رکھا گیا-

    نئے بجٹ میں تنخواہ دار طبقے کے لیے کتنا ٹیکس ہوگا؟

    قرض و سود کی ادائیگی کے لیے3ہزار950ارب روپےمختص کرنے کی تجویز دی گئی جبکہ تنخواہ دار طبقے کے لیے ٹیکس چھوٹ 6لاکھ سے بڑھا کر 12 لاکھ روپے کر دی گئی ساڑھے 3 لاکھ روپے ماہانہ آمدن والو ں کو 28ہزار 250روپے ٹیکس دیناہوگا،4لاکھ روپے ماہانہ آمدن والوں کو37ہزار روپے کا ٹیکس دینا ہوگا،تین لاکھ ماہانہ آمدن والو ں کو19ہزار 500روپے ٹیکس دینا ہوگا،ڈھائی لاکھ روپے ماہانہ آمدن والوں کو13ہزار 250روپےٹیکس دیناہوگا،ڈیڑھ لاکھ روپے ماہانہ آمدن والوں کو 3ہزار 500روپےٹیکس دیناہوگا،ایک لاکھ روپے ماہانہ آمدن کا سالانہ انکم ٹیکس 100 روپے ہو گا،50ہزارماہانہ آمدن والوں کو کوئی انکم ٹیکس نہیں دینا ہو گا،12لاکھ روپے سے کم سالانہ آمدن والوں سے ٹیکس نہیں لیا جائے گا-

    سیلزٹیکس نہ دینے والےتاجروں اور دکانداروں کے بجلی و گیس کے کنکشن منقطع کرنے کی تجویز

    نئے بجٹ میں گاڑیوں پر ٹیکس:

    1600سی سی سے زائد کی گاڑیوں پر ٹیکس بڑھانے کی تجویز دی گئی،نان فائلرز کے لیے ٹیکس کی شرح بڑھا کر 200 فیصد کرنے کی تجویز دی گئی گاڑی کی خریداری پر دو سو فیصد اضافی ٹیکس عائد ہوگا،ڈھائی کروڑ مالیت کی ایک سے زائد جائیداد رکھنے والوں پر بھی ٹیکس لگے گا جائیداد کی مارکیٹ ویلیو کا پانچ فیصد کرایہ یا فکس آمدن تصور ہوگا اور اس پر ایک فیصد ٹیکس لگے گا۔

    بجٹ میں موبائل فونز پر ٹیکس کی شرح بڑھا دی گئی،6 ہزار روپے کے موبائل فون کی خریداری پر 100 روپے ٹیکس لگایا جائے گا،6 سے 20 ہزار روپے کے موبائل فون کی خریداری پر200 روپے ٹیکس لگایا جائےگا،20 سے40 ہزارروپے کے موبائل فون کی خریداری پر 600 روپے ٹیکس لگایا جائے گا-

    70ہزارسے ایک لاکھ کے موبائل فون کی خریداری پر 4000 روپے ٹیکس لگایا جائے گا،اایک لاکھ 40 ہزار کے موبائل فون کی خریداری پر 8000 روپے ٹیکس لگایا جائے گا،ایک لاکھ 40 ہزار سے زیادہ کے موبائل فون کی خریداری پر16ہزار روپے ٹیکس عائد ہوگا-

    اے این ایف کی بڑی کاروائی ،100 کلو سے زائد منشیات برآمد کرلی

    نادرا کسی شخص کی آمدن اور اثاثوں کاحساب لگا کر واجبات کا تعین کرے گاایف بی آر نادرا کے تعین کردہ واجبات وصول کرے گا واجبات ادا نہ کرنے والے کے خلاف ایف بی آر کارروائی کرےگاایف بی آر اور نادرا معلومات کا تبادلہ کریں گے،نادرا اور ایف بی آر معلومات کے محفوظ طریقے سے استعمال کا معاہدہ کریں گے-

    ایف بی آر نادرا کی معلومات کو اپنے متعلقہ حکام کے ساتھ شئیر کر سکے گا۔نادرا اس بات کا تعین کرے گاکہ کسی شخص کی آمدن یا اثاثوں کا درست تعین کیاگیا یا نہیں نادار اس بات کابھی تعین کرےگا کہ اثاثوں کی مالیت سرکاری ریٹس سےمختلف تو نہیں نادرا مارکیٹ کے مطابق اس کی اصل مالیت کا تعین بھی کرے گا۔نادرا کسی بھی شخص کی آمدن اور ٹیکس کا حساب لگائے گا۔

    نادرا ، آرٹیفشل انٹیلیجنس یا کسی بھی جدید طریقے کا استعمال کر سکے گا۔ایف بی آر متعلقہ شخص کو نادرا کے تعین کردہ ٹیکس سے آگاہ کرے گا۔

    ملک میں مہنگائی 23.98 فیصد کی بلند شرح پر پہنچ گئی

  • پاپ اسٹار جسٹن بیبرخطرناک اعصابی بیماری کا شکار ہو گئے،مداحوں سے دعاؤں کی اپیل

    پاپ اسٹار جسٹن بیبرخطرناک اعصابی بیماری کا شکار ہو گئے،مداحوں سے دعاؤں کی اپیل

    نیویارک: پاپ اسٹار جسٹن بیبر اعصابی بیماری ریمسے ہنٹس کا شکار ہو گئے۔

    باغی ٹی وی : ہالی ووڈ گلوکار جسٹن بیبر نے سماجی رابطے کی ویب سائٹ انسٹاگرام پر اپنی بیماری کے بارے میں مداحوں کو آگاہ کیا اور بتایا کہ بیماری کی وجہ سے انہوں نے تمام کانسرٹس منسوخ کر دیئے ہیں انہوں نے مداحوں سے جلد صحتیابی کے لئے دعاؤں کی اپیل کی-

    واضح رہے کہ یہ بیماری چکن پاکس پھیلانے والے وائرس سے ہوتی ہے چکن پاکس پھیلانے والا وائرس کئی سال بعد جسم میں دوبارہ فعال ہو سکتا ہے اور اعصابی نظام پرحملہ کرتا ہے لقوے سےملتی جلتی اس بیماری میں نصف چہرہ فالج زدہ ہو جاتا ہےچہرے کے نصف حصے پر آنکھ جھپکنا، مسکرانا یا چہرے کی تاثرات دینا ممکن نہیں رہتا ریمسے ہنٹس ناقابل علاج مرض ہےاوراس سے ہونےوالے اعصابی نقصان سے مکمل طور پر بحال ہونا ممکن نہیں۔

    رمسے ہنٹ سنڈروم (RHS) ایک نایاب اعصابی عارضہ ہے جس کی خصوصیات چہرے کے اعصاب کے فالج (چہرے کا فالج) اور کان یا منہ کو متاثر کرنے والے خارش سے ہوتی ہے۔ جیسے کانوں میں گھنٹی بجنا (ٹنائٹس) اور سماعت کا نقصان بھی ہو سکتا ہے۔ رامسے ہنٹ سنڈروم ویریلا زوسٹر وائرس (VZV) کی وجہ سے ہوتا ہے، وہی وائرس جو بچوں میں چکن پاکس اور بڑوں میں شنگلز (ہرپس زوسٹر) کا سبب بنتا ہے۔ رامسے ہنٹ سنڈروم کے معاملات میں، پہلے سے غیر فعال (غیر فعال) ویریلا زوسٹر وائرس دوبارہ متحرک ہو جاتا ہے اور چہرے کے اعصاب کو متاثر کرنے کے لیے پھیل جاتا ہے۔

    طبی لٹریچر میں اس خرابی کو ظاہر کرنے کے لیے کئی مختلف نام استعمال کیے گئے ہیں جو اکثر الجھن کا باعث بنتے ہیں۔ اس عارضے کا نام جیمز رمسے ہنٹ کے نام پر رکھا گیا ہےایک معالج جس نے پہلی بار 1907 میں اس عارضے کو بیان کیا۔ Ramsay-Hunt syndrome اب اس رپورٹ میں بیان کردہ خرابی کی نشاندہی کرنے کے لیے استعمال کیا جاتا ہے۔ اس عارضے کو بعض اوقات کان کے خارش کی وجہ سے ہرپس زوسٹر اوٹکس کے نام سے بھی جانا جاتا ہے تاہم، کچھ معالج ہرپس زوسٹک اوٹکس کا استعمال صرف کان کے خارش کے لیے کرتے ہیں اور رمسے ہنٹ سنڈروم کو کان کے خارش اور چہرے کے فالج کے امتزاج کے لیے استعمال کرتے ہیں۔

    علامات
    رامسے ہنٹ سنڈروم کی علامات مختلف ہوتی ہیں۔ متاثرہ افراد عام طور پر چہرے کے اعصاب کے فالج (فالج) اور کان کو متاثر کرنے والے خارش کا تجربہ کرتے ہیں۔ یہ دونوں علامات ہمیشہ ایک ساتھ نہیں ہوتیں۔ زیادہ تر معاملات میں، چہرے کا صرف ایک رخ متاثر ہوتا ہے-

    اعصابی فالج سے متاثرہ چہرے کے پٹھے کمزور ہو سکتے ہیں یا سخت محسوس ہو سکتے ہیں اوراس کے نتیجے میں متاثرہ افراد مسکرا نے، پیشانی پر شکنیں پڑنے یا متاثرہ طرف سے آنکھ بند کرنے سے معذور ہو سکتے ہیں۔ کچھ معاملات میں، تقریر دھندلا ہو سکتی ہے.

    رمسے ہنٹ سنڈروم کے زیادہ تر معاملات میں سرخی مائل (اریتھیمیٹس)، تکلیف دہ، چھالے (ویسیکولر) دانے ہوتے ہیں جو کان کے بیرونی حصے (پننا) اور اکثر بیرونی کان کی نالی کو متاثر کرتے ہیں۔ بعض صورتوں میں، دردناک چھالوں سمیت ددورا منہ، نرم تالو، اور گلے کے اوپری حصے کو بھی متاثر کر سکتا ہے۔ رامسے ہنٹ سنڈروم والے کچھ افراد کو ٹیسٹنگ (مثلاً خون کے ٹیسٹ) کے ذریعے ویریلا زوسٹر وائرس کے ثبوت کے ساتھ چہرے کا فالج ہو سکتا ہے،ان معاملات کو زوسٹر سائن ہرپیٹ کہا جا سکتا ہے۔

    کان کو متاثر کرنے والی اضافی علامات میں کان میں گھنٹی بجنا (ٹنائٹس) اور کان میں درد (اوٹلجیا) شامل ہیں۔ بعض صورتوں میں، کان میں درد شدید ہو سکتا ہے درد گردن کو متاثر کرنے کے لیے پھیل سکتا ہے۔ کچھ متاثرہ افراد میں حسی قوت سماعت کی کمی پیدا ہوتی ہے، ایسی حالت جس میں اندرونی کان یا سمعی اعصاب کی خرابی کی وجہ سے صوتی کمپن دماغ میں صحیح طریقے سے منتقل نہیں ہوتی، جس کے نتیجے میں سماعت ختم ہوتی ہے۔ سماعت کا نقصان عام طور پر عارضی ہوتا ہے، تاہم، شاذ و نادر صورتوں میں یہ مستقل ہو سکتا ہے۔

    بعض صورتوں میں، متاثرہ افراد ہائپراکوسس کا تجربہ کر سکتے ہیں، ایسی حالت جس میں آوازیں معمول سے زیادہ (اکثر ڈرامائی طور پر) آتی ہیں۔ یہ متاثرہ افراد کے لیے زبردست تکلیف کا باعث بن سکتا ہے۔

    اضافی علامات جو موجود ہو سکتی ہیں ان میں متلی، الٹی، اور یہ احساس شامل ہے کہ کسی کے گرد گھوم رہا ہے (سر چکرانا)۔ شاذ و نادر صورتوں میں، ذائقہ کا نقصان، خشک منہ، اور خشک آنکھیں بھی ہوسکتی ہیں.

    اسباب
    رامسے ہنٹ سنڈروم ویریلا زوسٹر وائرس کی وجہ سے ہوتا ہے، جو وہی وائرس ہے جو چکن پاکس اور شنگلز کا سبب بنتا ہے۔ یہ وائرس ایسے شخص میں کئی دہائیوں تک غیر فعال رہ سکتا ہے جسے بچپن میں چکن پاکس ہوا ہو۔ ویریلا زوسٹر وائرس کے دوبارہ فعال ہونے کے نتیجے میں شنگلز ہوتے ہیں اور بعض صورتوں میں یہ رامسے ہنٹ سنڈروم میں تبدیل ہو جاتا ہے۔ رامسے ہنٹ سنڈروم میں وائرس کے دوبارہ متحرک ہونے اور چہرے کے اعصاب کو متاثر کرنے کی وجہ معلوم نہیں ہے۔

    تشخیص
    رمسے ہنٹ سنڈروم کی تشخیص مکمل طبی تشخیص، مریض کی تفصیلی تاریخ اور خصوصیت کی علامات کی شناخت (یعنی چہرے کا فالج اور خارش) پر مبنی ہے۔ وائرل اسٹڈیز تھوک، آنسو اور خون میں ویریلا زوسٹر وائرس کا پتہ لگاسکتے ہیں لیکن رامسے ہنٹ سنڈروم کی تشخیص کے لیے ضروری نہیں ہیں۔

    رمسے ہنٹ سنڈروم کی تشخیص مشکل ہو سکتی ہے کیونکہ اس عارضے کی مخصوص علامات (اوٹلجیا، چہرے کا فالج اور مخصوص دانے) ہمیشہ ایک ہی وقت میں پیدا نہیں ہوتے-

  • اے این ایف کی بڑی کاروائی ،100 کلو سے زائد منشیات برآمد کرلی

    اے این ایف کی بڑی کاروائی ،100 کلو سے زائد منشیات برآمد کرلی

    اسلام آباد: اینٹی نارکوٹکس فورس کی بڑی کاروائی ، 100 کلو سے زائد منشیات برآمد کرلی گئی۔

    باغی ٹی وی : تفصیلا ت کے مطابق موٹروے ٹول پلازہ اسلام آباد کے قریب اے این ایف نے کاروائی کرتے ہوئے منشیات قبضہ میں لی ذرائع اے این ایف کے مطابق منشیات گاڑی کے فرش میں بنائے گئے خفیہ خانوں میں چھپائی گئی تھی۔

    پولیس مقابلہ،اجتماعی زیادتی مقدمہ میں ملوث ملزمان اپنے ساتھیوں کی فائرنگ سے ہلاک

    اے این ایف ذرائع کے مطابق مشکوک کار میں سوار 3 خواتین سمیت 4 ملزمان کو گرفتار کرلیاگیا، جن میں اوکاڑہ کے رہائشی محمد اسحاق، فضا نیاز، ماریہ اور زیرش فاطمہ شامل ہیں چاروں ملزمان کے خلاف انسدادِ منشیات ایکٹ کے تحت مقدمہ درج کرکے تحقیقات شروع کردی گئی ہے۔

    ناجائز تعلقات کا شک،والد اور بھائی کے ہاتھوں لڑکی کو ذبح کر دیا گیا

    قبل ازیں اینٹی نارکوٹکس فورس نے کراچی میں نجی کورئیر کمپنی کے دفتر پرکاروائی کی جس میں آسٹریلیا کے لیے بک کروائے گئے پارسل سے 12 کلو گرام مشکوک مواد قبضے میں لے لیا گیا، مشکوک مواد انتہائی مہارت سے کتابوں میں جذب کیا گیا تھا جبکہ ملزمان کے خلاف مقدمہ درج کرکے مزید تفتیش کی جارہی ہے۔

    علاوہ ازیں ایک اور کاروائی میں ائرپورٹ کارگو اورنجی کورئیر کمپنی کے دفتر میں ملائشیا کے لیے بک کرائے گئے پارسل سے نشہ آور گولیاں اور منشیات قبضے میں لے لی جن میں 13 کلوگرام ڈائزافارم، 48 ہزار اسٹل نوکس، 4 ہزار زول فیام ٹیبلیٹس شامل ہیں کارروائی کے دوران 4 ملزمان شوکت سلیمان، سید نسیم حسین،اورنگزیب علی اور سید اسناد احمد کوگرفتار کرلیا گیا-

    جنرل ہسپتال سے اغواء ہونیوالے نومولود بچے کو قصور سے بازیاب کروا لیا گیا ہے ۔ڈی آئی جی انویسٹی گیشن

    قتل کیس میں گائے گرفتار،مقدمہ درج

    دوسری جانب ملائیشیا کی حکومت نے منشیات کی اسمگلنگ اور دہشت گردی جیسے جرائم کے لیے سزائے موت کو ختم کرنے کا فیصلہ تین سال سے زائد عرصے بعد کرلیا گیا حکومت کی جانب سے ان جرائم کے خلاف متبادل سزاؤں کا تعین کیا جارہا ہے۔

    ملائیشیا کے وزیر قانون وان جنیدی ٹوانکو جعفر نے بتایا کہ کابینہ ان تمام جرائم جن کے خلاف سزائے موت دی جاتی ہے، کے لیے متبادل سزاؤں کا تعین کر رہی ہے حکومت نے متبادل سزاؤں کے حوالے سے بنائی گئی خصوصی کمیٹی کی جانب سے دی جانے والی تجاویز کو بھی قبول کرلیا ہے حکام کسی نتیجے پر پہنچنے سے قبل حکومتی کمیٹی کی جانب سے متبادل سزاؤں کے متعلق دی گئی تجاویز کا جائزہ لے رہے ہیں۔

    کار پر گولیاں چلا دی گئیں، چار افراد کی موت ،وزیراعلیٰ کا نوٹس

    واضح رہے کہ جنوب مشرقی ایشیائی ممالک کی طرح ملائیشیا میں بھی منشیات کی اسمگلنگ اور قتل جیسے جرائم کے خلاف سزائے موت دی جاتی ہے۔ ملائیشین حکومت نے 2018 میں سزائے موت معطل کرنے کا فیصلہ کیا تھا لیکن تھوڑے ہی عرصے بعد اانہوں نے ناگزیر و صوابدیدی سزائے موت کو ختم کرنے کے فیصلہ تبدیل لیا تھا حکومت نے اعلان کیا کہ آئندہ سالیہ سزا ختم کردے جائے گی لیکن عدالت کو اس بات کا اختیار ہوگا کہ وہ کسی مجرم کو پھانسی کی سزا دینے کا فیصلہ کرے۔

    ایس ایس پی انویسٹی گیشن لاہورنے کراچی طیارہ حادثے کی رپورٹ پیش کر دی

  • غیرقانونی فیلڈنگ، ایمپائرنے ویسٹ انڈیزکو پاکستان کیخلاف 5 رنزانعام میں دے دیئے

    غیرقانونی فیلڈنگ، ایمپائرنے ویسٹ انڈیزکو پاکستان کیخلاف 5 رنزانعام میں دے دیئے

    پاکستان نے گزشتہ روز ویسٹ انڈیز کو 3 ایک روزہ میچز کی سیریز کے دوسرے میچ میں 120 رنز سے شکست دے کر سیریز میں 0-2 کی فیصلہ کن برتری حاصل کی،لیکن میچ میں ویسٹ انڈیز کو 5رنز اضافی دیئے گئے۔

    باغی ٹی وی : ملتان کے انٹرنیشنل کرکٹ اسٹیڈیم میں کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 8 وکٹوں پر 275 رنز بنائے پاکستان کے 276 رنز کے ہدف کے تعاقب میں ویسٹ انڈیر کی پوری ٹیم 33ویں اوور میں 155 رنز بنا کر آؤٹ ہوگئی تاہم ویسٹ انڈیز کی اننگز کے دوران ایک حیرت انگیز واقعہ ہوا –


    ہوا کچھ یوں کہ 276 رنز کے ہدف میں ویسٹ انڈیز کی بیٹنگ جاری تھی کی 29 ویں اوور میں اچانک امپائر کی جانب سے مہمان ٹیم کو 5 رنزپنالٹی میں دیئےگئ پاکستا ن کو 5 رنز کا نقصان اس لئےاٹھانا پڑا کیونکہ ویسٹ انڈیز کی اننگز کے29 ویں اوور کی پہلی گیند پر پاکستان کرکٹ ٹیم کے کپتان بابر اعظم کو وکٹ کیپر رضوان کا گلوز پہنے گیند کو پھینکتے ہوئے دیکھا گیا۔

    جبکہ انٹرنیشنل کرکٹ کونسل کےقوانین کے مطابق میچ کے دوران وکٹ کیپر کے علاوہ کوئی بھی کھلاڑی گلوز پہن کر فیلڈنگ نہیں کرسکتا تاہم بابر کی غیر قانونی فلیڈنگ کی وجہ سے ویسٹ انڈیز کو 5 رنز انعام میں مل گئے-

    واضح رہے کہ پاکستان اور ویسٹ انڈیز کے درمیان سیریز کا آخری ون ڈے 12 جون کو ملتان میں کھیلا جائے گا۔

  • موسمیاتی تبدیلی: نیوزی لینڈ کا گائے اور بھیڑوں کی ڈکار پر ٹیکس لگانے کا منصوبہ

    موسمیاتی تبدیلی: نیوزی لینڈ کا گائے اور بھیڑوں کی ڈکار پر ٹیکس لگانے کا منصوبہ

    نیوزی لینڈ نے گائے اور بھیڑوں کی ڈکار پر ٹیکس عائد کرنے پر غور شروع کردیا ہے۔

    باغی ٹی وی : بی بی سی کے مطابق نیوزی لینڈ نے ملک کے گرین ہاؤس گیسوں کے سب سے بڑے ذرائع میں سے ایک سے نمٹنے کے لیے بھیڑوں اور مویشیوں کے ڈکارنے پر ٹیکس لگانے پر غور شروع کیا ہے اس کی وجہ یہ ہے کہ گائے اور دیگرمویشیوں کے ڈکارنے سے میتھین گیس فضا میں داخل ہوتی ہے جو کاربن ڈائی آکسائیڈ کی طرح ایک بدنامِ زمانہ گرین ہاؤس گیس اور فضائی حدت یا گلوبل وارمنگ کی وجہ بن رہی ہے۔

    ملک بھر میں موسم کی صورتحال

    اس طرح 50 لاکھ آبادی والی یہ وہ پہلی قوم بن جائےگی جو کسانوں سےمیتھین کے اخراج کے لیے ان کے پالے ہوئے جانوروں سے وصول کرے گی اور یہ کسانوں سے گرین ہاؤس ٹیکس کی صورت میں لئے جائیں گے نیوزی لینڈ میں تقریباً 10 ملین مویشی اور 26 ملین بھیڑوں کے ساتھ صرف 50 لاکھ سے زیادہ افراد رہتے ہیں ملک کی کل گرین ہاؤس گیسوں کے اخراج کا تقریباً نصف زراعت سے آتا ہے، خاص طور پر میتھین گیس کا-

    ماہرین کے مطابق غلہ بانی اورزراعت کے شعبے سے تعلق رکھنے والے یہ مویشی غیرمعمولی طور پر آب و ہوا میں تبدیلی کی وجہ بن رہے ہیں اور یوں درجہ حرارت بھی بڑھ رہا ہے۔

    تاہم، اس سے قبل زرعی اخراج کو نیوزی لینڈ کی ایمیشن ٹریڈنگ اسکیم میں شامل نہیں کیا گیا تھا، جس پر ان لوگوں نے تنقید کی تھی جو حکومت سے گلوبل وارمنگ کو روکنے کے لیے مزید اقدامات کرنے کا مطالبہ کرتے ہیں۔

    نیوزی لینڈ کے موسمیاتی تبدیلی کے وزیر جیمز شا نےکہا کہ اس میں کوئی سوال نہیں ہے کہ ہمیں میتھین کی مقدار کوکم کرنے کی ضرورت ہےجو ہم فضا میں ڈال رہے ہیں، اور زراعت کےلیے اخراج کی قیمتوں کا ایک موثر نظام اس میں کلیدی کردار ادا کرے گا کہ ہم اسے کیسے حاصل کر سکتے ہیں۔”

    تجویز کے تحت کسانوں کو 2025 سے اپنے گیس کے اخراج کی ادائیگی کرنی ہوگیناس منصوبے میں کسانوں کے لیے مراعات بھی شامل ہیں جو فیڈ ایڈیٹیو کے ذریعے اخراج کو کم کرتے ہیں، جب کہ کھیتوں میں درخت لگا کر اخراج کو کم کرنے کے لیے استعمال کیا جا سکتا ہے۔

    ملک میں مہنگائی 23.98 فیصد کی بلند شرح پر پہنچ گئی

    بی بی سے کے مطابق اینڈریو ہوگارڈ جو ایک ڈیری فارمر ہیں اور فیڈریٹڈ فارمرز آف نیوزی لینڈ کے قومی صدر ہیں نے بتایا کہ انہوں نے ان تجاویز کی وسیع پیمانےپرمنظوری دی ہےہم برسوں سے حکومت اور دیگر تنظیموں کےساتھ اس پر کام کر رہے ہیں تاکہ ایک ایسا نقطہ نظر حاصل کیا جا سکے جو نیوزی لینڈ میں کاشتکاری کو بند نہیں کرے گا، لہذا ہم نے بہت سی چیزوں پر دستخط کیے ہیں جس سے ہم خوش ہیں۔”

    انہوں نے مزید کہا، "لیکن آپ جانتے ہیں، بہت سے فریقوں کے ساتھ ان تمام قسم کے معاہدوں کی طرح، ہمیشہ ایک دو مردہ چوہے ہوتے ہیں جنہیں آپ کو نگلنا پڑتا ہے۔”

    مسٹر ہوگارڈ نے اس بات پر بھی روشنی ڈالی کہ منصوبے کے رول آؤٹ کی عمدہ تفصیلات پر ابھی تک اتفاق نہیں ہوا ہے”ابھی بھی نٹ اور بولٹ کو ختم کرنا باقی ہے، جیسے کہ اصل میں اس اسکیم کو کون لاگو کرتا ہے، لہذا حکومت کے ساتھ کام کرنے کے لیے ابھی بھی چیزیں باقی ہیں۔”

    ملک کی وزارت ماحولیات نے کہا کہ اس اسکیم سے حاصل ہونے والی رقم کسانوں کے لیے تحقیق، ترقی اور مشاورتی خدمات میں لگائی جائے گی۔

    گزشتہ ماہ، نیوزی لینڈ کے وزیر خزانہ نے موسمیاتی تبدیلیوں سے نمٹنے کے لیے اقدامات کے لیے NZ$2.9bn (£1.5bn; $1.9bn) کا عہد کیا، جس کی مالی اعانت ایک اخراج تجارتی نظام کے ذریعے کی جائے گی جس پر آلودگی پر ٹیکس عائد ہوتا ہے۔

    دریں اثناء جمعرات کو، 14 ٹریلین ڈالر کے اثاثوں کا انتظام کرنے والے سرمایہ کاروں نے اقوام متحدہ پر زور دیا کہ وہ زراعت کے شعبے کو پائیدار بنانے کے لیے ایک عالمی منصوبہ بنائے۔

    سینما اور پروڈیوسرز کی آمدن انکم ٹیکس سے استثنیٰ قرار

    بی بی سے نے روئٹرز کے حوالے سے بتایا کہ اقوام متحدہ کے فوڈ اینڈ ایگریکلچر آرگنائزیشن کے ڈائریکٹر جنرل کو لکھے گئے خط میں ایف اے آئی آر آر انیشیٹو نے کہا کہ ایجنسی کو سب سے بڑے میں سے ایک کو روکنے کے لیے روڈ میپ بنانے کے لیے سب سے بہتر مقام حاصل ہے –

    کاربن ڈائی آکسائیڈ (CO2) کے بعد میتھین دوسری سب سے عام گرین ہاؤس گیس ہے یہ انسانی سرگرمیوں سے موجودہ گرمی کے ایک تہائی کے لئے سب سے زیادہ طاقتور اور ذمہ دار ہے۔ انفرادی میتھین مالیکیولز کا ماحول پر واحد CO2 مالیکیولز کے مقابلے زیادہ طاقتور وارمنگ اثر ہوتا ہے۔

    گزشتہ سال گلاسگو میں COP26 ماحولیاتی کانفرنس میں امریکہ اور یورپی یونین نے 2030 تک گیس کے اخراج میں 30 فیصد کمی کرنے پر اتفاق کیا۔ نیوزی لینڈ سمیت 100 سے زائد ممالک نے بھی اس اقدام پر دستخط کیے ہیں۔

    میتھین کیسے خارج ہوتی ہے؟
    تقریباً 40% CH4 قدرتی ذرائع سے آتا ہے جیسے کہ گیلے علاقوں سے لیکن اب بڑا حصہ انسانی سرگرمیوں کی ایک حد سے آتا ہے، جس میں زراعت، جیسے مویشی اور چاول کی پیداوار، کوڑے کے ڈھیر تک شامل ہیں۔

    سب سے بڑے ذرائع میں سے ایک قدرتی گیس کی پیداوار، نقل و حمل اور استعمال ہے اور 2008 کے بعد سے میتھین کے اخراج میں ایک بڑا اضافہ ہوا ہے، جس کے بارے میں محققین کا خیال ہے کہ امریکہ کے کچھ حصوں میں گیس کے لیے فریکنگ میں تیزی سے منسلک ہے2019 میں، فضا میں میتھین ریکارڈ سطح تک پہنچ گئی، جو کہ صنعتی دور سے پہلے کے مقابلے میں ڈھائی گنا زیادہ تھی۔

    سیلزٹیکس نہ دینے والےتاجروں اور دکانداروں کے بجلی و گیس کے کنکشن منقطع کرنے کی تجویز

    سائنسدانوں کو جو چیز پریشان کرتی ہے وہ یہ ہے کہ جب سیارے کو گرم کرنے کی بات آتی ہے تو میتھین میں حقیقی عضلات موجود ہوتے ہیں۔ 100 سال کی مدت میں یہ CO2 کے مقابلے میں 28-34 گنا زیادہ گرم ہے 20 سال کے عرصے میں یہ کاربن ڈائی آکسائیڈ کے مقابلے میں 84 گنا زیادہ طاقتور ہے تاہم، فضا میں میتھین سے کہیں زیادہ CO2 موجود ہے اور اس کے انفرادی مالیکیول وہاں سینکڑوں سال تک رہ سکتے ہیں۔

  • کرپشن ثابت ہوتی تو یہاں کھڑا نہ ہوتا بلکہ منہ چھپا کر کسی جنگل میں پھر رہا ہوتا ،وزیراعظم

    کرپشن ثابت ہوتی تو یہاں کھڑا نہ ہوتا بلکہ منہ چھپا کر کسی جنگل میں پھر رہا ہوتا ،وزیراعظم

    اسپیشل سینٹرل کورٹ لاہورمیں آج منی لانڈرنگ کیس کی سماعت ہوئی
    شہباز شریف اور حمزہ شہباز سمیت دیگر ملزمان کی ضمانتوں پر محفوظ فیصلہ سنا دیا گیا وزیراعظم شہبازشریف ، وزیر اعلیٰ حمزہ شہباز سمیت تمام ملزمان کی ضمانتیں منظورکر لی گئیں عدالت نے شہباز شریف ،حمزہ شہباز سمیت دیگر کی عبوری ضمانتوں کی توثیق کردی عدالت نے شہباز شریف اور حمزہ شہباز کو 10،10 لاکھ روپےکے مچلکے جمع کرانے کی ہدایت کردی عدالت نے شریک ملزمان کو 2،2 لاکھ روپے کے مچلکے جمع کرانے کی ہدایت کردی اسپیشل سینٹرل کورٹ لاہور نے تمام ملزمان کو 7روز میں مچلکے جمع کرانے کی ہدایت کر دی

    وزیراعظم شہباز شریف اسپیشل سینٹرل کورٹ لاہور میں پیش ہو گئے-عدالت نے شہباز شریف ،حمزہ شہباز سمیت دیگر کی حاضری لگانے کا حکم دیا ،عدالت نے کہا کہ ملک مقصود کی خبرمیڈیا پر چل رہی ہے وہ فوت ہو گیا ہے، ایف آئی اے حکام نے عدالت میں کہا کہ ابھی تک ملک مقصود کی وفات کی تصدیق نہیں ہوئی، ہم نے تصدیق کے لیے انٹر پول کو لکھا ہے، عدالت نے استفسار کیا کہ ہم پھرملک مقصود کواشتہاری کیسے قرار دیں گے؟ ایف آئی اے حکام نے کہا کہ ہمیں آفیشل طور پر تصدیق نہیں ہوئی کہ ملک مقصود مر چکا ہے،

    دوران سماعت وزیراعظم شہباز شریف روسٹرم پر آ گئے ،شہباز شریف کا کہنا تھا کہ میرا حق میں اپنی ضمانت سے متعلق عدالت کو حقائق بتاوں،ایف آئی اے کا وہی کیس ہے جو نیب نے بنا رکھا ہے ،میرے اوپر آشیانہ اور رمضان شوگر مل کیس بنائے گئے ، جج نے وزیراعظم شہباز شریف سے سوال کیا کہ ان میں آپکا کوئی شیئر نہیں ہے ؟شہباز شریف نے جواب دیتے ہوئے کہا کہ میرا کوئی شئیر نہیں ہے،آشیانہ کیس میں اختیارات کے ناجائز استعمال کا الزام لگایا گیا میرے کیسز میں لاہور ہائیکورٹ مفصل فیصلہ دے چکی ہے نیب والے میرے خلاف سپریم کورٹ گئے اور نعیم بخاری پیش ہوئے جب نیب عقوبت خانے میں تھادو مرتبہ ایف آئی اے نے تحقیقات کیں،میں نے ایف آئی اے سے کہا کہ وکلا کی مشاورت کے بعد جواب دوں گا ،میں نے ایف آئی اے سے کہا کہ زبانی میں جواب نہیں دوں گا ،عدالت میں جب ضمانت کا معاملہ گیا تو 4 ججز نے میرے حق میں فیصلہ دیا،4ججز نے کہا کہ کرپشن منی لانڈرنگ اور بے نامی اثاثوں کے کوئی شواہد نہیں ملے،میرے لیے عزت کی اور کیا بات ہو گی کہ میرٹ پر بری ہوا،پراسیکیوشن نے کہا کہ یہ منی لانڈرنگ اور کرپشن کا کیس نہیں ہے جب میں اپوزیشن میں تھا تو نیب اس فیصلے کیخلاف سپریم کورٹ گیا ہی نہیں اس عدالت میں کیس ٹرانسفر ہونے سے پہلے درجنوں بار پیش ہوا،آپ سے پہلے جج نے سختی کی کہ چالان مکمل کیوں نہیں کرتے یہ 99 اعشاریہ 99 فیصد وہی الزمات ہیں جو نیب نے لگائے میں تنخواہ نہیں لیتا، سی ای او نہیں ہوں، شئیر ہولڈر نہیں ہوں،

    وزیراعظم شہباز شریف نے عدالت میں مزید کہا کہ بطور وزیراعظم پاکستان بھی کچھ گزارشات عدالت کے سامنے رکھنا چاہتا ہوں مشتاق چینی والے معاملے پر عدالت کو کچھ بتانا چاہتا ہوں،پنجاب اور سندھ میں گنے کا ریٹ مختلف ہوتا ہے جو حقائق عدالت میں بیان کروں گا دودھ کا دودھ اور پانی کا پانی ہو جائے گا گنے کی قیمت سندھ میں یکایک کم کر دی گئی قیمت کم کرنے سے پنجاب میں کہرام مچ گیا کہ سندھ میں قیمت کم ہو گئی ہے پنجاب شوگر ملز نے مطالبہ کیا کہ سبسڈی دی جائے، میرے خاندان کی بھی ملیں ہیں میں نے کہا کہ آپ ہر بار کماتے ہیں اس بار نقصان کر لیں،میرے وکیل نے ضمانت کے حوالے سے تمام دلائل دے دیئے ہیں میرے خلاف کرپشن کا کوئی کیس ثابت نہیں ہوا ،عزت ہی انسان کا خاصہ ہوتا ہے ،اللہ نے وزارت عظمٰی کی ذمہ داری دی ،اللہ سے دعا ہے یہ ذمہ داری خوش اسلوبی سے نبھاؤ کرپشن ثابت ہوتی تو یہاں کھڑا نہ ہوتا بلکہ منہ چھپا کر کسی جنگل میں پھر رہا ہوتا ،کیس میں درجنوں پیشیاں بھگتیاں ہیں ، ایک سال تک چالان پیش نہیں کیا گیا ،چالان پیش اس لیے نہیں کیا گیا کہ کہ کسی طرح مجھے گرفتار کر لیں میرا کسی شوگر ملز سے کوئی تعلق نہیں ہے ،میں شئیر ہولڈر نہیں ہوں

    وزیراعظم شہباز شریف اور وزیراعلیٰ پنجاب حمزہ شہباز عدالت سے روانہ ہو گئے،ایف آئی اے پراسیکیوٹر فاروق باجوہ نے دلائل دیتے ہوئے کہا کہ ضمانت کے دوران ملزمان کا رویہ مثبت رہا،شہباز شریف کا ڈائریکٹ رمضان شوگر مل سے کوئی تعلق نہیں، شہباز شریف ڈائریکٹر ہیں نہ ہی سی ای او ہیں، شہباز شریف کے ذاتی اکاونٹ میں 4 مشکوک ٹرانزیکشن ہوئی ،رمضان شوگر مل میں حمزہ شہباز اس وقت ایم این اے تھے اور سی ای او تھے، حمزہ شہباز نے سالانہ آڈٹ رپورٹ میں دستخط کیے ہوئے ہیں،ایڈوکیٹ امجد پرویز نے کہا کہ کسی قانون کے تحت سی ای ہونا کوئی جرم تو نہیں ہے،

    عدالت نے وزیر اعظم شہباز شریف اور حمزہ شہباز سمیت دیگر ملزمان کی ضمانتوں پر فیصلہ محفوظ کرلیا گیا تھا جو اب عدالت نے سنا دیا ہے، عدالت نے ملزمان کی ضمانتیں منظور کر لی ہیں

    نواز شریف کو سرنڈر کرنا ہو گا، اگر ایسا نہ کیا تو پھر…عدالت کے اہم ریمارکس

    نواز شریف حاضر ہو، اسلام آباد ہائیکورٹ نے طلبی کی تاریخ دے دی

    نواز شریف کو فرار کروانے والے پروفیسر محمود ایاز کے نئے کارنامے،سنئے مبشر لقمان کی زبانی

    شریف فیملی منی لانڈرنگ مقدمے میں پیش ہونے والا پراسکیوٹرعدالت میں بیہوش

  • ایف بی آر کو سیلز ٹیکس ادا نہ کرنیوالے دکانداروں کی بجلی وگیس کے کنکشن کٹوانےکا اختیارمل گیا

    ایف بی آر کو سیلز ٹیکس ادا نہ کرنیوالے دکانداروں کی بجلی وگیس کے کنکشن کٹوانےکا اختیارمل گیا

    اسلام آباد:وفاقی بجٹ میں چھوٹے تاجروں پربڑا ٹیکس لگا دیا گیا جبکہ وفاقی حکومت نےآئندہ مالی سال کےبجٹ میں فنانس بل کے ذریعے فیڈرل بورڈ آف ریونیو(ایف بی آر) کو سیلز ٹیکس نہ دینے والے چھوٹے تاجروں اور دکانداروں کے بجلی و گیس کے کنکشن منقطع کرنے کے اختیارات دینے کی تجویز دی تھی-

    باغی ٹی وی : تفصیلات کے مطابق 30 ہزار روپے ماہانہ بجلی کا بل آنے پر دکاندار کو3 ہزار روپے فکسڈ ٹیکس دینا ہوگا 30 سے 50 ہزار روپے ماہانہ بجلی کا بل آیا تو دکاندار5 ہزار روپے ٹیکس دے گا۔

    جیمز ویب ٹیلی اسکوپ سے خلائی چٹان کا ایک ٹکڑا ٹکرا گیا

    50 ہزار سے ایک لاکھ روپے ماہانہ بل پر 10 ہزار روپے ٹیکس لگے گا مہنگی گھڑیاں اور بڑی کاریں بیچنے والوں پر 50ہزار روپے ماہانہ ٹیکس کی تجویز ہے۔

    وزیرخزانہ کا کہنا ہے کہ فکسڈ ٹیکس دینے والوں کو ایف بی آر تنگ نہیں کرے گا ایف بی آر کو سیلز ٹیکس ادا نہ کرنے والے دکانداروں کی بجلی اور گیس کے کنکشن کٹوانے کا اختیار دے دیا گیا۔

    دوسری جانب حکومت نے ایف بی آر کوسیلز ٹیکس میں رجسٹرڈاور پوائنٹ آف سیلز سسٹم سے منسلک نہ ہونے والے ٹیئر ون میں شامل چھوٹے تاجروں و دکانداروں کے بجلی و گیس کے کنکشن منقطع کرنے کے اختیارات دینے کی تجویز د ی ہے۔

    سینما اور پروڈیوسرز کی آمدن انکم ٹیکس سے استثنیٰ قرار

    اس کیلئے فنانس بل کے ذریعے ٹیکس قوانین میں ترامیم کی گئی ہیں جن میں کہا گیا ہےکہ ٹیئر ون میں شامل دکاندارسیلز ٹیکس میں رجسٹرڈ نہیں ہوتے اور ایف بی آر کے پوائنٹ آف سیلز سسٹم کے ساتھ خود کو منسلک نہیں کرتے تو ایف بی آر سیلز ٹیکس جنرل آرڈر کے ذریعے بجلی و گیس کی تقسیم کار کمپنیوں کو ایسے تاجروں کےکنکشن منقطع کرنے کی ہدایات جاری کرسکے گا۔

    واضح رہے کہ گزشتہ روز وزیر خزانہ مفتاح اسماعیل نے مالی سال 23-2022 کا 95 کھرب 2 ارب روپے کا وفاقی بجٹ پیش کیا جو گزشتہ مالی سال سے 10 کھرب 15 ارب روپے زیادہ ہے۔

    مالی سال 23-2022 میں وفاقی حکومت کے کل اخراجات کا تخمینہ 9 ہزار 502 ارب روپے ہے، پروگرامز کیلئے 800 ارب، دفاع کیلئے 1523 ارب، پنشن کی مد میں 530 ارب، ایچ ای سی کیلئے 65 ارب روپے کی رقم مختص کی گئی ہے۔

    ملک میں مہنگائی 23.98 فیصد کی بلند شرح پر پہنچ گئی

    جس کے بعد ملک کے مختلف چیمبرز آف کامرس کا ملاجلا ردعمل سامنے آیا ہے اسلام آباد چیمبرز آف کامرس کے صدر نے کہا کہ جٹ متوازن ہے تاہم انہوں نے مطالبہ کیا کہ حکومت زرعی زمین پر ہاؤسنگ سوسائٹیاں بنانے پر پابندی لگائے لاہور چیمبرز آف کامرس کے صدر نے ود ہولڈنگ ٹیکس سے مہنگائی بڑھنے کا امکان ظاہر کر دیا-

    فیصل آباد چیمبرزآف کامرس کے صدر نے کہا کہ آئی ایم ایف کی لٹکتی تلوار کے باوجود متوازن بجٹ پیش کیا گیا،حکومتی اعلانات پر عمل ہوا تو برآمدات میں اضافہ ہوگا جبکہ سرحد چیمبرآف کامرس کے صدرنے صنعتی شعبے میں لوڈشیڈنگ کے خاتمے کے اعلان کا خیر مقدم کیا لیکن انہوں نے صنعتوں کے لیے 14 سو 23 ارب کو نا کامی قرار دے دیا۔

    ملک بھر میں موسم کی صورتحال

    کراچی چیمبرز آف کامرس کے صدر کے مطابق بجٹ برا نہیں، سولر پینل پر ڈیوٹی ختم کرنے کی سفارش ماننے پرحکومت کا شکریہ ادا کرتے ہیں علاوہ ازیں کراچی چیمبر آف کامرس نے وفاقی بجٹ کو موجودہ حالات کے تناظر میں مناسب بجٹ قراردیتے ہوئے خدشہ ظاہر کیا ہے کہ روس یوکرین جنگ طول اختیار کرنے سے چند ماہ بعد ایک اور بجٹ پیش ہوسکتا ہے۔

    کراچی چیمبر میں بعداز بجٹ پریس کانفرنس سے خطاب کرتے ہوئے بزنس مین گروپ کےچئیرمین زبیرموتی والا نے کہا کہ جب تک عالمی مارکیٹ میں خام تیل کی فی بیرل قیمت 70سے 75ڈالرکی سطح پر نہیں آئیں گی اس وقت تک ملک میں غیریقینی حالات برقراررہیں گے سارا پاکستان سوچ رہا تھا کہ سخت بجٹ پیش ہوگامگر ایسا نہیں ہے، ایف بی آر کےٹیکس وصولی بڑھائی ہے بجٹ اسی لیے زیادہ سخت نظر نہیں آرہاہےکیونکہ قبل از بجٹ ہی بجلی، گیس، پیٹرول، ڈیزل شرح سود بڑھادی گئی ہےاورڈالر کی قدر میں بھی اضافہ کردیا گیاتھاانہوں تنازعات کےتصفیوں کے لئے اے ڈی آر سی میں 2 ٹیکس دھندہ نمائندوں کی شمولیت مستحسن اقدام قراردیا-

    حمزہ شہبازکی سی ٹی ڈی کیلئے نئی پوسٹوں پر بھرتی کی منظوری

  • ملک میں مہنگائی 23.98 فیصد کی بلند شرح پر پہنچ گئی

    ملک میں مہنگائی 23.98 فیصد کی بلند شرح پر پہنچ گئی

    اسلام آباد: حالیہ ایک ہفتے کے دوران ملک میں میں مہنگائی کی شرح 2.67 فیصد اضافے کے ساتھ 23.98 فیصد کی بلند شرح پر پہنچ گئی ہے۔

    باغی ٹی وی : وفاقی حکومت کی جانب سے پیٹرولیم مصنوعات کی قیمتوں میں اضافے کے بعد مہنگائی کو مزید پر لگ گئے جس کے بعد ملک میں ایک ہفتے کے دوران مہنگائی میں ریکارڈ اضافہ ہوگیا ہے۔

    سینما اور پروڈیوسرز کی آمدن انکم ٹیکس سے استثنیٰ قرار

    وفاقی ادارہ شماریات کی طرف سے جاری کردہ مہنگائی کی ہفتہ وار رپورٹ میں بتایا گیا ہے کہ حالیہ ہفتے کے دوران 33 اشیاء ضروریات مہنگی ہوئیں صرف 5 اشیائے ضروریہ کی قیمتوں میں کمی اور 13 اشیاء کی قیمتوں میں استحکام رہا ہے۔

    رپورٹ کے مطابق مہنگائی کے ہفتہ وار اعدادوشمار کے مطابق ملک میں مہنگائی کی شرح 2.67 فیصد اضافے کے ساتھ 23.98 فیصد کی بلند شرح پر پہنچ گئی ہے-

    ملک بھر میں موسم کی صورتحال

    رپورٹ میں کہا گیا کہ ایک ہفتے میں آلو کی فی کلو قیمت 3 روپے 10 پیسے اور ٹماٹر کی فی کلو قیمت میں 4 روپے سے زائد کا اضافہ ہوا اس کے علاوہ گھی فی کلو 28 روپے اور کوکنگ آئل کی فی لیٹر قیمت میں37 روپے تک اضافہ ہوا۔

    اعدادو شمار کے مطابق ایک ہفتے کے دوران دالیں، نمک، بیف، مٹن، چینی، پیاز، دودھ بھی مہنگے ہونے والے آئٹمز میں شامل ہیں جبکہ پیٹرولیم مصنوعات کی قیمتوں میں 30 روپے کا اضافہ ہوا۔

    بجٹ میں نئے ٹیکس ؟ عام شہری کتنے متاثر ہوں گے؟مبشر لقمان نے اصلیت بتا دی

  • سینما اور پروڈیوسرز کی آمدن انکم ٹیکس سے استثنیٰ قرار

    سینما اور پروڈیوسرز کی آمدن انکم ٹیکس سے استثنیٰ قرار

    گزشتہ روز پیش کئے گئے بجٹ 2022-23 میں سینما اور پروڈیوسرز کی آمدن کو انکم ٹیکس سے استثنیٰ قرار دے دیا گیا-

    باغی ٹی وی : اپریل سے جون کے درمیان 214 ارب روپے کی سبسڈی ادا کی گئی،آئندہ مالی سال پیٹرولیم کے شعبے کو 71 ارب روپے کی سبسڈی مہیا کریں گے،حکومت کی جانب سے جلد گیس کے نئے نرخوں کا اعلان کیا جائے گا،صنعتوں کو خطے کے دیگر ممالک کے ریٹ کے مطابق گیس فراہم کی جائے گی،نئے مالی سال میں ہائی ایجوکیشن کے لیے 65 ارب روپے مختص کی گئی،ہائی ایجوکیشن کے لیے 44 ارب روپے اضافی رکھے گئے،نئے مالی سال فصلوں اور مویشیوں کی تعداد بڑھانے کے لیے 21 ارب روپے مختص کئے گئے،فصلوں اور مویشیوں کی پیداوار کے لیے 3 سالا پروگرام مرتب کیا گیا ،موسمیاتی تبدیلوں کے اثرات، اسمارٹ زرعات کا فروغ اور ایگرو پرسیسنگ منصوبے میں شامل ہیں ،یوتھ امپلائمنٹ پالیسی کے تحت 20 لاکھ روزگار کے مواقع فراہم کیے جائیں گے،گرانٹ کی صورت میں 1242 ارب روپے رکھے گئے،نوجوانوں کو کاروبار کے لیے 5 لاکھ تک بلا سود قرض فراہم کیا جائے گا،نئے بجٹ میں ڈھائی کروڑ روپے تک آسان اقساط پر قرض دیا جائے گا،نئے بجٹ میں قرضہ اسکیم میں 25 فیصد کوٹہ خواتین کا ہوگا،نئے بجٹ میں گرین یوتھ مومینٹ کے تحت لیپ ٹاپ دیئے جائیں گے،ملک میں 250 منی اسپورٹس اسٹیڈیم قائم کیے جائیں گے،گیارہ سے 25 سال کی عمر کے افراد کے لیے” ٹیلنٹ ہنٹ” ہوگا-

    بجٹ 2022 تا 2023 موبائل کی درآمد پر بھی 1600 تک لیوی عائد

    بجلی کی پیداوار اور ترسیل کی مد میں 73 ارب روپے مختص کئے گئے ،مہمند ڈیم کی تعمیر کے لیے 12 ارب روپے رکھے گئے،آبی وسائل کے لیے 100 ارب روپے کی رقم مختص کی گئی،شا ہراہوں اور بندرگاہوں کے لیے 202 ارب روپے کی رقم مختص کی گئی،سماجی شعبے کے لیے 40 ارب روپے کا تخمینہ لگایا گیا،اعلیٰ تعلیم کے منصوبوں کے لیے 51 ارب روپے مختص کئے گئے،صحت کے اداروں کی صلاحیت بڑھانے کے لیے 24 ارب روپے مختص کئے گئے،ماحولیات 10 ارب روپے مختص،آئی ٹی شعبے کے لیے 17 ارب روپے مختص کئے گئے،زراعت اور فوڈ سیکیورٹی کے لیے 11 ارب روپے مختص کئے گئے،صنعت ور زرعی پیداوار کے لیے 5 ارب روپے مختص کئے گئے،سینما اور پروڈیوسرز کی آمدن کو انکم ٹیکس سے استثنیٰ قراردیاگیا،ڈسٹری بیوٹرز اور پروڈیوسرز پر عائد 8 فیصد ودہولڈنگ ٹیکس ختم کیا گیا،فلم وڈراموں کی وآلات کی امپورٹ پر کسٹم ڈیوٹی 5 سال کےلیےختم کر دی گئی ،نئی فلم ، ڈراموں کے لیے آلات منگوانے پر سیلز ٹیکس صفر کیا گیا،نئی فلم ، ڈراموں کے لیے آلات منگوانے پر انٹرٹینمنٹ ڈیوٹی ختم کی گئی،نیشنل فلم انسٹیٹیوٹ ، پوسٹ فلم پروڈکشن فسیلٹی اور نیشنل فلم اسٹوڈیو کا قیام ہوگا،تنخواہ دار طبقے کے لیے ٹیکس چھوٹ 12 لاکھ روپے کرنے کی تجویزدی گئی،بزنس انڈیویجول اے او پیز کے لیے انکم ٹیکس چھوٹ کی حد 6 لاکھ روپےکردی-

    دوری جانب چیئرمین پی ٹی آئی عمران خان نے وفاقی حکومت کے بجٹ کو مسترد کردیا ہے عمران خان نے کہا کہ حکومت کے عوام اور کاروبار دشمن بجٹ کو مسترد کرتے ہیں،بجٹ افراط زر، اقتصادی ترقی کے مفروضوں پر مبنی ہے،حساس قیمتوں کا انڈیکس آج 24 فیصد تک جا پہنچا ہے، اعداد و شمار سے واضح ہے کہ مہنگائی کی شرح 25 سے 30 فیصد ہوگی-

    ‏چیئرمین پی ٹی آئی عمران خان نے وفاقی بجٹ مسترد کردیا

  • ملک بھر میں موسم کی صورتحال

    ملک بھر میں موسم کی صورتحال

    محکمہ موسمیات کے مطابق ملک کےبیشتر میدانی علاقوں میں موسم شدید گرم اور خشک رہے گا-

    باغی ٹی وی : محکمہ موسمیات کے مطابق اسلام آباد میں آندھی اور گرج چمک کے ساتھ بارش کا امکان ہے ،پنجاب ، خیبر پختو نخوا ، آزاد کشمیر،گلگت بلتستان میں بارش کا امکان ہے،چارسدہ ،سوات ، ڈ ی آ ئی خان ، بنو ں اور کوہاٹ میں بھی بارش کا امکان پے-

    محکمہ موسمیات کے مطابق خطہ ٔپوٹھوہار، سرگودھا، خوشاب ، بھکر، لیہ اور میانوالی میں بارش متوقع ہے ناروال، سیالکوٹ، گوجرانوالہ، ملتان،خانیوال اوربہاولپور میں بھی بارش متوقع ہے-

    پاکستان سمیت تمام اسلامی ممالک بھارت سے تجارتی اور سفارتی تعلقات ختم کرنے کا اعلان کریں،عبداسلام…

    ر حیم یا رخان ، ڈ ی جی خان اور لاہورمیں گرج چمک کے ساتھ بارش کا امکان ہے جبکہ کراچی، بدین اور ٹھٹھہ میں مطلع ابرآلود رہنے کے ساتھ بونداباندی متوقع ہے اور کوہستان ،چترال،دیر ، کرم ، پشاور، مردان اوروز یر ستان میں بارش کاامکان ہے-

    بجٹ میں نئے ٹیکس ؟ عام شہری کتنے متاثر ہوں گے؟مبشر لقمان نے اصلیت بتا دی