Author: عائشہ ذوالفقار

ن لیگی رہنما شاہد خاقان عباسی کا کہنا ہے کہ نیب کو ختم کرکے معاملات آگے چلائیں-

باغی ٹی وی : ن لیگی رہنما اور سابق وزیراعظم شاہد خاقان عباسی نے کہا کہ کل سابق چیئرمین نیب کا بھی حساب ہوگا،انصاف کا تقاضہ تھا چیئرمین نیب اپنے اثاثوں کاحساب دیتے،4سال کرپشن اور نااہلی کی وجہ سے ملک کونقصان پہنچا نیب کی حقیقت اس سےعیاں ہوتی ہےکہ ان کیسزمیں کچھ نہیں 4سال کی نااہلی او رملک کو پہنچے نقصان کا ایک روز میں ازالہ نہیں کیاجاسکتا-

نیب ملازمین اور انکے اہلخانہ کے اثاثوں کی تفصیلات طلب

قبل ازیں پبلک اکاؤنٹس کمیٹی کا اجلاس چیئرمین نور عالم خان کی زیر صدارت منعقد ہوا۔ اجلاس میں سلیم مانڈوی والا نے کہا تھا کہ نیب کے سابق چیئرمین کہتے رہے اب تک 820 ارب روپے ریکور کر چکے ہیں لیکن سیکرٹری خزانہ نے قومی خزانے میں 15 ارب روپے جمع کرائے جانے کی تصدیق کی ہے.

قائم مقام چیئرمین نیب ظاہر شاہ نے بریفنگ میں بتایا تھا کہ وزیر اعظم سیکرٹریٹ میں ایک اکاؤنٹ میں ریکوری کا پیسہ ہوتا ہے، کسی فریق کا کیس فائنل ہونےتک پیسے آفس فنڈ میں رکھے جاتے ہیں، اب بھی بینک میں کچھ ارب روپے موجود ہیں، آڈٹ کرانے کو تیار ہیں جو پیسے نیب سے آئے ان کا آڈٹ ہونا چاہیے۔ چیئرمین کمیٹی نے کہا کہ جو بھی ریکوری ہو جائیں، اس کا آڈٹ ہو گا۔

ایمان مزاری کی عبوری ضمانت میں 20 جون تک توسیع

آڈیٹر جنرل نے بتایا تھا کہ قومی خزانے میں نیب کی ریکورکردہ رقم کا 2، 3 فیصد ہی جاتاہے۔ سینیٹر شبلی فراز کا کہنا تھا ملک میں اتنی کرپشن ہوئی ہے کسی نے تو کی ہے، اوپرسے تو نہیں آئی؟ ، پبلک اکاؤنٹس کمیٹی نے نیب کے تما م موجودہ اور سابق ڈائریکٹرز ، ملازمین اور ان کے اہل خانہ کے اثاثوں کی تفصیلات ایک ماہ میں طلب کرلیں۔

چیئرمین کمیٹی نور عالم خان نے کہا تھا کہ اب احتساب کا بھی احتساب ہوگا، نیب حکام کے زیر استعمال گاڑیوں اور مراعات کی تفصیلات بھی دی جائیں، نیب حکام کا تحفہ قبول کرنا بھی کرپشن ہے، کوئی افسر اخلاقی طور پر اچھا نہیں ہے تو اس کا بھی احتساب ہونا چاہیے۔ان کا کہنا تھاکہ نیب کیس ثابت نہ کرنے پر کسی سے معافی نہیں مانگتا۔

مہنگائی کی اوسط شرح 8فیصد کے ہدف کی نسبت 13.3 فیصد تک پہنچ گئی

ذرائع پاور ڈویژن کے مطابق ملک میں بجلی کا شارٹ فال 6 ہزار 530 میگاواٹ ہے-

باغی ٹی وی : ذرائع پاور ڈویژن کے مطابق بجلی کی مجموعی پیداوار 20 ہزار 170 میگاواٹ ہے،ملک میں بجلی کی طلب 26 ہزار 700میگاواٹ ہے،پانی سے 4 ہزار 320 میگاواٹ بجلی پیدا کی جارہی ہے-

ذرائع پاورڈویژن کے مطابق سرکاری تھرمل پلانٹس ایک ہزار 254میگاواٹ بجلی پیدا کررہے ہیں،نجی شعبےکےبجلی گھروں کی مجموعی پیداوار 11 ہزار 797 میگاواٹ ہے ،ونڈ پاور پلانٹس ایک ہزار 257 میگاواٹ اور سولرپلانٹس سے پیداوار 119ہے-

ذرائع پاور ڈویژن کے مطابق بگاس سے چلنے والے پلانٹس 186 میگاواٹ بجلی پیدا کررہے ہیں ،جوہری ایندھن ایک ہزار 236 میگاواٹ بجلی پیدا کی جارہی ہے-

ذرائع پاور ڈویژن کے مطابق ملک کے مختلف علاقوں میں 14 گھنٹے تک کی لوڈشیڈنگ کی جارہی ہے ،اسلام آباد ریجن میں بھی 6 گھنٹے تک لوڈ شیڈنگ کی جا رہی ہےزیادہ نقصانات والے علاقوں میں لوڈشیڈنگ کا دورانیہ زیادہ ہے-

ترجمان واپڈا کے مطابق دریائے چناب میں پانی کی آمد 30 ہزار600کیوسک اور اخراج 21 ہزار400 کیوسک ہے،دریائے کابل میں پانی کی آمد 20 ہزار800 کیوسک اور اخراج 20 ہزار800 کیوسک ہے، منگلا میں آج پانی کا ذخیرہ 79 ہزارایکڑ فٹ ہے ،چشمہ میں آج پانی کا ذخیرہ 8 ہزار ایکٹرفٹ ہے ،تربیلا ، منگلا اور چشمہ ریزوائر میں پانی کا مجموعی ذخیرہ 87 ہزار ایکڑ فٹ ہے-

وزارت خزانہ کے ترجمان کا کہنا ہے کہ اقتصادی سروے آج سہ پہر 4 بجے جاری کیا جائے گا –

باغی ٹی وی :وزارت خزانہ کے ترجمان کا کہنا ہےکہ وزیرخزانہ مفتاح اسماعیل اقتصادی سروے کےاہم نکات پر بریفنگ دیں گے- دوسری جانب جی ڈی پی،زراعت،خدمات اور صنعتی شعبے کے اہداف حاصل کر لیے گئے ہیں مہنگائی،کرنٹ اکاؤنٹ اور تجارتی خسارہ ، درآمدات کے اہداف حاصل نہ ہوسکے-

2022-23 بجٹ، 10 ہزار ارب روپے اور خسارہ 500 ارب روپے

بچت ، سرمایہ کاری سمیت گندم اور کپاس کے پیداواری اہداف بھی حاصل نہیں ہوسکے رواں مالی سال2021-22 جی ڈی پی کی شرح 6 فیصد ریکارڈ کی گئی رواں مالی سال2021-22 جی ڈی پی کا ہدف 4.8 فیصد مقرر کیا گیا تھا زرعی شعبے کی پیداوار3.5فیصد کے ہدف کی نسبت 4.4 فیصد ریکارڈ کی گئی-

صنعتی شعبے کی پیداوار 6.6فیصد کی ہدف کی نسبت 7.2فیصد ریکارڈ کی گئی،خدمات کے شعبے کی بڑھوتی 4.7فیصد ہدف کی نسبت 6.2 فیصد ریکارڈ کی گئی،مہنگائی کی اوسط شرح 8فیصد کے ہدف کی نسبت 13.3 فیصد تک پہنچ گئی،مجموعی سرمایہ کاری16.1 فیصد ہدف کے مقابلے15.1 فیصد رہی نیشنل سیونگز کی بڑھوتی 15.4 فیصد ہدف کے مقابلے11.1 فیصد رہی-

عالمی بینک کی طرف سے پاکستان کو 258ملین ڈالر دینے کی منظوری

کپاس کی پیداوار 8.3 ملین بیلز اور چاول کی پیداوار 9.3 ملین میٹرک ٹن رہی،رواں مالی سال2021-22 میں گنے کی پیداوار 88.7 ملین میٹرک ٹن ریکارڈ کی گئی گندم کی پیداوار 27.5 ملین سے کم ہوکر 26.4 ملین میٹرک ٹن ہوگئی،رواں مالی سال2021-22 ملکی معیشت کا حجم 383 ارب ڈالرز تک پہنچ گیا فی کس آمدن 1676 ڈالرز سے بڑھ کر 1798 ڈالر ہوگئی-

جولائی تا اپریل کے دوران کرنٹ اکاوٴنٹ خسارہ 13 ارب 80 کروڑ ڈالرز تک پہنچ گیا،کرنٹ اکاوٴنٹ خسارے کا ہدف2ارب 27 کروڑ 60 لاکھ ڈالرز مقرر کیا گیا تھا،جولائی تا مئی تجارتی خسارہ 43ارب 33 کروڑ ڈالرز سے تجاوز کر گیا،تجارتی خسارے کا ہدف 28 ارب 43 کروڑ 60 لاکھ ڈالرز مقرر تھا،جولائی تا مئی کے دوران درآمدات 72 ارب18کروڑڈالرز تک پہنچ گئیں-

غذائی قلت کے نتیجے میں قحط پھیلنےکا شدید خطرہ ہے،صدر عالمی بینک

درآمدات کاہدف 55ارب 26 کروڑ60لاکھ ڈالرز مقرر کیا گیا تھا،جولائی تا مئی میں برآمدات 28ارب84 کروڑ ڈالرز رہیں،برآمدات کا ہدف26 ارب83 کروڑ ڈالرز مقرر کیا گیا تھا،گندم کی پیداوار 27.5 ملین سے کم ہوکر 26.4 ملین میٹرک ٹن ہوگئی-

لاہور: محکمہ خوراک اور فلور ملز ایسوسی ایشن کے درمیان مذاکرات کامیاب ہوگئے جس کے بعد ملز نے ہڑتال ختم کردی۔

باغی ٹی وی : فلور ملز ایسوسی ایشن گروپ کےرہنما عاصم رضا نے بتایا کہ ڈائریکٹر فوڈ سے مذاکرات کامیاب ہونے اور مطالبات تسلیم کیے جانے کے بعد پنجاب بھر کی فلورملز معمول کے مطابق سرکاری گندم کی پسائی اور آٹا سپلائی کریں گی۔

انہوں نے کہا کہ فلو رملز کی چیکنگ کیلئے متفقہ ایس اوپیز اور طریقہ کار وضع کیا جائے گا، ضلعی انتظامیہ اور فوڈ اسٹاف نئے ایس اوپیز کے تحت فلور ملز کی چیکنگ کریں گے، آٹے میں نمی اور وزن چیک کرنے کیلئے 10 تھیلوں کا وزن لیا جائے گا جب کہ ضلعی انتظامیہ ’فلمز‘ ویب پورٹل کے ڈیٹا سے دکانوں کی چیکنگ کرے گی محکمہ خوراک نجی گندم سے تیار آٹے کی دوسرے صوبوں کو ترسیل کیلئے پرمٹ جاری کرے گا۔

فلور ملز ایسوسی ایشن نے مطالبہ کیا تھا کہ پنجاب کی آٹے کی ضروریات کیلئے 16700 ٹن کوٹہ ناکافی ہے جسے بڑھا کر کم از کم21 ہزار ٹن یومیہ کیا جائے۔

واضح رہے کہ گزشتہ روز : پنجاب میں فلور ملز مالکان نے فلور ملوں میں چھاپوں، گرفتاریوں اور گندم پر قبضے کے خلاف ہڑتال کر دی تھی ضلعی انتظامیہ کی جانب سے آٹا کی ترسیل کا 30 سالہ ’’آٹا ڈیلرز سپلائی نظام‘‘ ختم کردیا گیا ہے، جس پر فلور ملز مالکان کی ہڑتال کے بعد فلور ڈیلرز ایسوسی ایشن بھی ہڑتال پر چلی گئی تھی اس تعطل کی وجہ سے صوبے میں سستے آٹے کی فراہمی بند ہو گئی تھی-

فلور ملز مالکان ایسوسی ایشن کے صدر رضا احمد شاہ نے مطالبہ کیا تھاکہ انتظامیہ فلور ملز میں چھاپے اور ہونے والی گرفتاریاں و مقدمات کا سلسلہ بند کرے۔

فلور ملز ایسوسی ایشن کے سابق چیئرمین عاصم رضا نے حکومتی اقدامات پر تنقید کرتے ہوئے کہا تھا کہ ہر فلور مل کو چور کہنا اور سمجھنا بیورو کریسی اور حکومت کی غلطی ہے۔ انہوں نے کہا تھا کہ پنجاب بھر کی فلور ملز کا اجلاس کل لاہور میں طلب کر لیا گیا ہے، جس میں بڑے فیصلے کریں گے۔ انہوں نے کہا تھا کہ کمشنرز، ڈپٹی کمشنرز اور اسسٹنٹ کمشنرز کے بلاجواز چھاپوں کو روکا جائے۔

عالمی بینک نے اپنی شرح نمو میں ایک فیصد سے زائد کی کمی کر دی-

باغی ٹی وی : عالمی بینک نے جنوری میں شرح نمو میں4.1 فیصد اضافے کی پیش گوئی کی تھی تاہم اب عالمی بینک نے اب شرح نمو میں 2.9 فیصد اضافے کی پیش گوئی کی ہے-

عالمی بینک کی طرف سے پاکستان کو 258ملین ڈالر دینے کی منظوری

صدر عالمی بینک کا کہنا ہے کہ بہت سےممالک کے لیے کساد بازاری سے بچنا مشکل ہو گا، رواں سال تیل کی قیمتوں میں 42 فیصد اضافہ ہوگا، دیگر اشیاء کی قیمتوں میں 18 فیصد اضافے کا امکان ہے جبکہ غذائی قلت کے نتیجے میں قحط پھیلنےکا شدید خطرہ ہے۔

قبل ازیں عالمی بینک نے پاکستان کو 258 ملین ڈالرز امداد کی منظوری دے دی ہے عالمی بینک کی جانب سے اعلامیہ میں کہا گیا کہ پاکستان کے لیے رقم کی منظوری عالمی بینک کے بورڈ آف ایگزیکٹو ڈائریکٹرز نے دی۔

پارلیمنٹ کےمشترکہ اجلاس کا ایجنڈا جاری

اعلامیہ میں کہا گیا ہے کہ یہ رقم پاکستان میں بنیادی صحت کے نظام میں بہتری کے لیے خرچ ہو گی کنٹری ڈائریکٹر ورلڈ بینک کا مزید کہنا تھا کہ پاکستان میں صحت کی سہولیات تک بہتر رسائی کیلئے اصلاحات کی جائیں گی صوبائی ہیلتھ سسٹم کومضبوط بنانے میں بھی مدد دی جائے گی، جب کہ ہیلتھ کیئر کوریج، اسٹاف اور دواں کی سپلائی بہتربنائی جائے گی۔