Baaghi TV

Author: عائشہ ذوالفقار

  • ملک بھر میں موسم کی صورتحال

    ملک بھر میں موسم کی صورتحال

    محکمہ موسمیات کے مطابق ملک کےبیشتر میدانی علاقوں میں موسم گرم اور خشک رہے گا-

    باغی ٹی وی: محکمہ موسمیات کے مطابق چارسدہ، مردان ،کوہاٹ، مینگورہ، پشاور اور سوات میں آندھی اور بارش کا امکان ہے دیر، چترال ، مانسہرہ ، مالا کنڈ، کرم ،ابیٹ آباد اور بونیر میں گرج چمک کے ساتھ بارش متوقع ہے-

    محکمہ موسمیات کے مطابق خطہ پوٹھوہار، بالائی خیبر پختونخوا، گلگت بلتستان اورآزاد کشمیرمیں بارش کا امکان ہے پنجاب اور بالائی سندھ میں موسم شدید گرم رہے گا-

    محکمہ موسمیات کے مطابق اسلام آباد میں آندھی چلنے اور گرج چمک کے ساتھ بارش کا امکان ہے-

    دوسری جانب محکمہ تحفظ ماحولیات پنجاب نے آج کا ائیر کوالٹی انڈیکس جاری کردیا ہے-

    محکمہ تحفظ ماحولیات کے مطابق ٹاؤن شپ سیکٹر ٹو میں ائیر کوالٹی انڈیکس 14ریکارڈ کیا گیا،میٹرو لوجیکل ڈیپارٹمنٹ، جیل روڈ لاہور میں ائیر کوالٹی انڈیکس 145ریکارڈ ،نیشنل ہاکی اسٹیڈیم میں ائیر کوالٹی انڈیکس 147ریکارڈ کیا گیا جبکہ ٹاون ہال لاہور میں ائیر کوالٹی انڈیکس 160ریکارڈ کیا گیا ہے-

  • ایف آئی اے سائبر کرائم ونگ کے اسسٹنٹ ڈائریکٹر کے گھر پر نامعلوم افراد کی فائرنگ

    ایف آئی اے سائبر کرائم ونگ کے اسسٹنٹ ڈائریکٹر کے گھر پر نامعلوم افراد کی فائرنگ

    ایف آئی اے ‎ سائبر کرائم ونگ کے اسسٹنٹ ڈائریکٹر آصف اقبال کے جوہر ٹاؤن میں واقع گھر پر نامعلوم افردا کی فائرنگ-

    باغی ٹی وی : ایف آئی اے کے ایک قابل اور فرض شناس آفیسر سائبر کرائم ونگ کے اسسٹنٹ ڈائریکٹر آصف اقبال کے جوہر ٹاؤن میں واقع گھر پر فائرنگ کا واقعہ پیش آیا ہے واقعہ کا مقدمہ درج کرکے کاروائی کا آغاز کر دیا گیا ہے-

    آصف اقبال سوشل میڈیا کے ذریعے صارفین کو فراڈ، بلیک میلنگ اور سوشل میڈیا کے غلط استعمال پر سزا اور اس کا محتاط استعمال کرنے کے حوالے سے بتاتے رہتے ہیں وہ اپنے سوشل میڈیا اکاؤنٹس پر اکثر و بیشتر ویڈیوز شئیر کرتے ہیں جن میں وہ عوام کو سوشل میڈیا سے متعلق آگاہی فراہم کرتے ہیں-

    واضح رہے کہ اس سے قبل سال 2020 میں سائبر کرائم ونگ کے اسسٹنٹ ڈائریکٹر آصف اقبال کو معطل کرکے کام سے روک دیا گیا تھا ایف آئی اے کی جانب سے جاری کیے گئے معطلی کے نوٹس میں کہا گیا تھا کہ اسسٹنٹ ڈائریکٹر ایف آئی اے آصف اقبال نے محکمے سے اجازت لیے بغیر ٹوئٹر پر ذاتی اکاؤنٹ بنا رکھا تھا جہاں وہ آگاہی سے متعلق پیغامات پوسٹ کرتے تھےانہوں نے سائبر کرائم سے متعلق بغیر اجازت معلومات عام کیں جو کہ نظم وضبط کی خلاف ورزی ہے۔

    جبکہ آصف اقبال نے دعویٰ کیا تھا کہ انہیں عہدے سے ہٹوایا گیا ہے اور وجہ وہ نہیں جو نوٹس میں بتائی گئی ہے بلکہ ایمان مزاری کی وہ ٹویٹ تھیں جو انہوں نے کچھ دن پہلے ان کے خلاف کی تھی عوام کو سوشل میڈیا سے متعلق آگاہی ہمارا فرض تھا، یہ کیسی کارروائی ہے جو عوامی مفادات کے حق میں کام کرنے پر کی گئی ہے۔

    30 ستمبر 2020 کو وفاقی وزیر برائے انسانی حقوق شیریں مزاری کی بیٹی ایمان مزاری نے ایک ٹویٹ میں گلوکار علی ظفر اور میشا شفیع کے درمیان ہراسانی کے معاملے پر ایڈیشنل ڈائریکٹر کو ’علی ظفر کا ترجمان‘ قرار دیا تھا-

  • افریقی ملک سینگال کے اسپتال میں آتشزدگی،11 نوزائیدہ بچے جاں بحق

    افریقی ملک سینگال کے اسپتال میں آتشزدگی،11 نوزائیدہ بچے جاں بحق

    ڈاکار: افریقی ملک سینگال کے اسپتال میں آگ لگنے سے 11نوزائیدہ بچے جاں بحق ہوگئے۔

    باغی ٹی وی : "دی گارجئین” کے مطابق سینگال کے ایک اسپتال کے بچوں کے وارڈ میں آگ لگنے سے 11 نومولود بچے جاں بحق ہوگئے۔ ہیں-

    ملک کے صدر نے کہا ہے کہ مغربی سینیگال کے شہر Tivaouane میں ہسپتال میں آگ لگنے سے گیارہ نوزائیدہ بچے ہلاک ہو گئے ہیں۔

    امریکی ریاست ٹیکساس کے سکول میں فائرنگ،18 کمسن طالبعلم اور ٹیچر سمیت 21 افراد ہلاک

    میکی سال نے بدھ کی رات ٹویٹ کیا کہ میں نے ابھی ابھی سرکاری اسپتال کے نوزائیدہ شعبہ میں آگ میں 11 نوزائیدہ بچوں کی موت کے کی دردناک خبر سنی ے ان کی ماؤں اور ان کے خاندانوں سے، میں اپنی گہری ہمدردی کا اظہار کرتا ہوں۔

    سینیگال کے سیاست دان دیوپسے کے مطابق یہ واقعہ مامی عبدو عزیز سائ دبخ ہسپتال میں پیش آیا اور یہ "شارٹ سرکٹ” کی وجہ سے پیش آیا۔ "آگ بہت تیزی سے پھیل گئی۔”

    شہر کے میئر ڈیمبا ڈیوپ نے کہا کہ تین بچوں کو بچایا گیا ہے۔ مقامی میڈیا کے مطابق ہسپتال کو حال ہی میں باضابطہ طور پر کھولا گیا تھا۔

    سینگال کے وزیرصحت کا کہنا ہے کہ ابتدائی تحقیقات کے مطابق آگ شارٹ سرکٹ کے باعث لگی۔ وزیرصحت نے آتشزدگی کے واقعے پر دکھ اورافسوس کا اظہارکرتے ہوئے کہا کہ واقعے کی ہرپہلوسے تفتیش کی جائے گی۔

    ایران کا پاسداران انقلاب کےسینئیر کرنل کے قتل میں اسرائیل کے ملوث ہونے کا الزام

    وزیر صحت، عبدولے دیوف سر، جو جنیوا میں عالمی ادارہ صحت کے ساتھ میٹنگ میں شریک تھے، نے کہا کہ بتدائی تحقیقات کے مطابق آگ شارٹ سرکٹ کے باعث لگی انہوں نے ریڈیو پر کہا کہ یہ صورت حال انتہائی افسوسناک اور انتہائی تکلیف دہ ہےانہوں نے کہا کہ واقعے کی ہرپہلوسے تفتیش کی جائے گی۔

    ورلڈ ہیلتھ اسمبلی میں شرکت کے لئے جینیوا میں موجود سینگال کے وزیرصحت نے بچوں کی اموات کے واقعے کے بعد دورہ مختصرکرکے وطن واپس جانے کا اعلان کیا۔

    آگ سینیگال میں صحت عامہ کی سہولیات میں کئی واقعات کے بعد لگی ہے، جہاں صحت کی دیکھ بھال کی خدمات میں شہری اور دیہی علاقوں کے درمیان بہت زیادہ تفاوت ہے۔

    اپریل میں Linguère میں، ایک ہسپتال میں آگ لگنے سے چار نوزائیدہ بچے ہلاک ہو گئے۔ شمالی قصبے کے میئر نے زچگی وارڈ میں ایئر کنڈیشنگ یونٹ میں بجلی کی خرابی کا الزام لگایا

    پیرس: چیکنگ کیلئے روکنے پر قطر کے سفارت خانے پرتعینات سیکیورٹی گارڈ قتل

  • طالبان حکومت کی بھارت کو کابل میں دوبارہ سفارتخانہ کھولنے کی پیشکش

    طالبان حکومت کی بھارت کو کابل میں دوبارہ سفارتخانہ کھولنے کی پیشکش

    کابل: طالبان حکومت نے بھارت کو کابل میں دوبارہ سفارتخانہ کھولنے کی پیشکش کردی۔

    باغی ٹی وی : افغان میڈیا کے مطابق قطرمیں طالبان کےسیاسی دفترکےترجمان سہیل شاہین نےایک انٹرویومیں کہا کہ بھارت کابل میں دوبارہ سفارتخانے کھولے گا تواس کےسفارتکاروں کومکمل سیکورٹی فراہم کی جائےگی بھارت کوقومی اورباہمی مفادات کےبنیاد پرطالبان حکومت سے تعلقات قائم کرنا چاہئیں اورسابق افغان حکام سے روابط نہیں رکھنے چاہئیں۔

    طالبان حکومت،افغان ایئرپورٹس کےمعاملات چلانےکیلئےیواےای سےمعاہدہ کرے گی

    سہیل شاہین کا یہ بیان اس وقت آیا جب حال ہی میں بھارتی خبررساں ادارے انڈین ایکسپریس نے دعویٰ کیا تھا کہ بھارت افغانستان میں سفارت خانہ دوبارہ کھولنے پر غور کر رہا ہے-

    سہیل شاہین کا کہنا تھا کہ افغانستان میں کام کرنے والے تمام غیرملکی سفارتکاروں کو مکمل تحفظ فراہم کرنا حکومت کی ذمہ داری ہے۔بہت سے سفارت خانے کابل میں کام کررہے ہیں اورانہیں بھرپورسیکورٹی دی گئی ہےبھارتی سفارتخانے اورسفارتکاروں کوبھی سیکورٹی فراہم کی جائے گی اور اگربھارت افغانستان میں جاری منصوبے مکمل کرنا چاہے گا یا نئے منصوبے شروع کرنا چاہے گا تو اس کا خیرمقدم کریں گے۔

    دوسری جانب بھارت نے افغانستان میں طالبان حکومت کے ساتھ سفارتی سرگرمیوں کی بحالی پرغور کرنا شروع کردیا ہے اور ابتدائی طور پرافغان اہلکار ہی سفارت خانےمیں ذمہ داریاں سنبھالیں گےاس حوالےسے معروف بھارتی اخبار انڈین ایکسپریس نے دعویٰ کیا تھا کہ بھارتی سیکیورٹی اہلکاروں کی ایک ٹیم ورکنگ انوائرمنٹ، امن و امان کی صورت حال اور سفارت خانہ کے تحفظ سے متعلق زمینی حقائق کا جائزہ لینے کابل بھی گئی تھی۔

    پاکستان اور ایران کے درمیان صحت کے مختلف شعبوں میں باہمی تعاون کے فروغ پر اتفاق

    انڈین ایکسپریس نے یہ بھی دعویٰ بھی کیا تھا کہ ابھی سینیئر سطح کے سفارت کاروں کو بھیجنے کا کوئی منصوبہ نہیں ہے البتہ ابھی صرف مقامی اہلکار سفارت خانے میں فرائض انجام دیں گے تاہم ضرورت پڑنے پر قونصلر کی خدمات تک توسیع کی جا سکتی ہے۔

    بھارتی وزارت خارجہ کے حکام نے انڈین ایکسپریس کو بتایا تھا کہ مقامی افغان اہلکاروں کے ساتھ سفارت خانہ کھولنے کا مطلب طالبان حکومت کو تسلیم کرنا ہرگز نہیں ہے۔ تاحال طالبان حکومت کو تسلیم کرنے کا فیصلہ نہیں ہوسکا ہے۔

    واضح رہے کہ بھارت نے گزشتہ برس اگست کے وسط میں افغانستان میں طالبان کے اقتدار میں آنے کے بعد سے کابل میں اپنا سفارت خانہ بند کر دیا تھا۔

  • جلاؤ گھیراؤ، توڑ پھوڑ: پی ٹی آئی کراچی کی قیادت کے خلاف انسداد دہشت گردی کا مقدمہ درج

    کراچی پولیس نے پی ٹی آئی رہنماؤں کے خلاف انسداد دہشت گردی ایکٹ کے تحت مقدمہ درج کرلیا۔

    باغی ٹی وی : تفصیلات کے مطابق کراچی کے علاقے نمائش چورنگی پر جلاؤ گھیراؤ اور دھرنے کے معاملے پر پی ٹی آئی کی مقامی قیادت کے خلاف مقدمہ سولجر بازار تھانے میں د رج کیا گیا ہے۔

    خدارا! اس ملک کو ایک جمہوری ریاست رہنے دیں،شاہد آفریدی

    ایف آئی آر میں موقف اختیار کیا گیا کہ پولیس افسران اور اہلکار سولجر بازار کے عالقے میں گشت و انسداد جرائم میں مصروف تھے کی دوران گشت کہ تھانے میں اطلاع ملی نمائش چورنگی پر پی ٹی آئی کرواچی کے لوگ مختلف مقامات سے جمع ہو رہے ہیں جن کی قیادت پی ٹی آئی کے ذمہ داران علی زیدی، فردوس شمیم نقوی، بلال غفار، خرم شیر زمان، ارسلان تاج، محمد علی جی جی، جمال صدیقی، محسن بٹ اور اشرف علی کر رہے تھے-

    ایف آئی آر میں کہا گیا کہ جب پولیس نمائش چورنگی پر پہنچی تو دیکھا کہ دھرنہ کا شرکاء جن کی تعداد تقریباً 600 سے 700 تھی اور اسلحہ ڈنڈوں ،لاٹھیوں اور پتھروں سے مسلح تھے جو کہ قیدت کرنے والوں کے اکسانے پر دہشت گردی پھیلانے اور اور روڈ بلاک کر کے آنے جانے والے لوگوں کی گاڑیوں کو نقصان پہنچانے کی غرض سے نعرہ بازی کرتے ہوئے شور شرابہ گالم گلوچ اور حکومت کے خلاف نعرہ بازی اور موجودہ حکومت کو برا بھلا کہتے ہوئے کافی مشتعل ہو رہے تھے-

    "خان صاب خطاب میں تھوڑا اسلامی ٹچ بھی دیں” قاسم شاہ سوری کا عمران خان…

    پولیس کے مسلح اہلکار جب مذکورہ مقام پر پہنچے اور مجمع کو منتشر کرنے کی کوشش کی تو مشتعل افراد نے مختلف ٹولیوں کی شکل میں توڑ پھوڑ کرتے ہوئے نمائش چوک پہنچے مجمعہ میں مشتعل لوگوں نے پتھراؤ او رفائرنگ کی جس سے شہری زخمی ہوئے اور مجمع میں سے ہی ایک فرد پسلی کے نیچے گولی لگی جو کہ ہسپتال میں زیر علاج ہے-

    پولیس نے روکنے کی کوشش کی تو مشتعل افراد پولیس پارٹی کو بھی جان سے مارنے کی نیت سے فائرنگ کرتے رہے-

    پولیس کے مطابق مقدمے میں علی زیدی، فردوس شمیم نقوی، بلال غفار، خرم شیر زمان، ارسلان تاج، محمد علی جی جی، جمال صدیقی، محسن بٹ اور اشرف علی نامزد ہیں-

    آئی ایم ایف ڈیل زمینی حقائق پرمبنی نہیں،عمران خان کی حکومت کےخاتمےکی سازش کا دعویٰ…

  • خدارا! اس ملک کو ایک جمہوری ریاست رہنے دیں،شاہد آفریدی

    خدارا! اس ملک کو ایک جمہوری ریاست رہنے دیں،شاہد آفریدی

    قومی ٹیم کے سابق کپتان شاہد آفریدی نے بھی ملکی صورتحال پر اپنے خیالات کا اظہار کیا ہے۔

    باغی ٹی وی : قومی کرکٹر شاہد آفریدی نے سماجی رابطے کی ویب سائٹ ٹوئٹر پر جاری بیان میں کہا کہ طاقت کا بے دریغ استعمال، چادر چار دیواری کا تقدس پامال، لاٹھی، گولی کی یلغار، آمریت تو ہو سکتا ہے، جمہوریت ہر گز نہیں اختلاف اور احتجاج ایک بنیادی حق ہے اور یہی حق 22 کروڑ انسانوں کو ایک قوم بناتا ہے۔

    یاسین ملک پرجھوٹے الزامات کشمیریوں کی جدوجہد آزادی کو نہیں روک سکتے،شاہد آفریدی


    شاہد آفریدی نے اپیل کی کہ ’خدارا! اس ملک کو ایک جمہوری ریاست رہنے دیں۔

    خیال رہے کہ جناح ایونیو اسلام آباد میں کارکنوں سے خطاب کرتے ہوئے پاکستان تحریک انصاف کے چیئرمین عمران خان نے حکومت کو اسمبلیاں تحلیل کرنے اور انتخابات کے اعلان کیلئے 6 روز کی مہلت دے دی الیکشن کا اعلان اور اسمبلیاں تحلیل نہ کی گئیں تو وہ عوام کے ساتھ دوبارہ اسلام آباد آئیں گے۔

    یاسین ملک کو عمر قید سزا کی مذمت

    قبل ازیں سابق کرکٹرشاہد آفریدی نے کہا تھا کہ یاسین ملک پرجھوٹے الزامات کشمیریوں کی جدوجہد آزادی کو نہیں روک سکتے بھارت کی جانب سے مسلسل انسانی حقوق کی پامالی اور خلاف ورزیوں پراٹھنے والی آوازوں کو دبانے کی کوششیں کی جارہی ہیں یاسین ملک کیخلاف جعلی الزامات کشمیریوں کی جدوجہد آزادی کو نہیں روک سکیں گےاقوام متحدہ پرروز دیتا ہوں کہ وہ کشمیری رہنماؤں کیخلاف غیرمنصفانہ اورغیرقانونی سرگرمیوں کا نوٹس لے۔

    بھارت سے یاسین ملک کی زندگی کی بھیک نہیں مانگیں گے اور نہ ہی ہتھیار ڈالیں گے،مشعال ملک

  • "خان صاب خطاب میں تھوڑا اسلامی ٹچ بھی دیں” قاسم شاہ سوری کا عمران خان کو مشورہ،ویڈیو وائرل

    "خان صاب خطاب میں تھوڑا اسلامی ٹچ بھی دیں” قاسم شاہ سوری کا عمران خان کو مشورہ،ویڈیو وائرل

    پاکستان تحریک انصاف کے لانگ مارچ میں اسلام آباد میں جلسے کے دوران قاسم سوری نے جلسے میں اسلامی ٹچ کا مشورہ دیا جس کی ویڈیو سوشل میڈیا پر وائرل ہو رہی ہے-

    باغی ٹی وی : چیئرمین تحریک انصاف عمران خان کی قیادت میں گزشتہ روز پشاور سے شروع ہونے والا آزادی مارچ کا قافلہ کئی گھنٹوں کا سفر طے کرنے کے بعد صبح سویرے جناح ایونیو اسلام آباد پہنچا جہاں عمران خان نے خطاب بھی کیا جس میں حکومت کو الیکشن کے لیے 6 دن کا الٹی میٹم دیا اور احتجاج ختم کرنے کا اعلان کر دیا ۔

    جیسے ہی مجھے وہاں سے حکم ملا۔۔عمران خان کو کس کے حکم کا انتظار؟

    اسلام آباد میں لانگ مارچ کے شرکا سے خطاب میں کہا تھا کہ ہم نے اعلان کیا تھا کہ الیکشن کے اعلان تک اسلام آباد میں بیٹھیں گے لیکن گزشتہ 24 گھنٹوں میں دیکھا کہ یہ لوگ ملک کو انتشار کی جانب لےکرجا رہے ہیں، یہ لوگ فوج اور پولیس سے ہماری لڑائی کروانا چاہتے ہیں لیکن یہ پولیس بھی ہماری ہے اور عوام بھی ہماری ہے، ہم ملک کو تقسیم کرنے نہیں آئے بلکہ قوم کو بنانے کے لیے آئے ہیں۔

    عمران خان نے کہا تھا کہ حکومت کو 6 روز دے رہا ہوں، اسمبلیاں تحلیل کی جائیں اور جون میں الیکشن کا اعلان کیا جائے ورنہ پوری قوم کو ساتھ لے کر دوبارہ اسلام آباد آؤں گا۔

    تاہم خطاب کے دوران قاسم سوری نے چیئرمین تحریک انصاف کے کان میں گفتگو کی جس کی آواز بھی تصویر کے ساتھ محفوظ ہو گئی اور ویڈیو سوشل میڈیا پر تیزی سے وائرل ہو رہی ہے-


    وائر ل ہونے والی ویڈیو میں معلوم ہوا کہ قاسم سوری ، عمران خان کے کان میں کہہ رہے ہیں کہ ” خان صاحب ! تھوڑا اسلامی ٹچ دیں “ نبی پا ک صلی اللہ علیہ وسلم کی بھی مال دے دیں کوئی”-


    https://twitter.com/IZeeshanShahid/status/1529665098628878341?s=20&t=98BtLjO8otoIQ7znzJLRkw

    بھارت سے یاسین ملک کی زندگی کی بھیک نہیں مانگیں گے اور نہ ہی ہتھیار ڈالیں گے،مشعال ملک

     

  • پتوکی میں ڈاکوؤں نے 15 سالہ لڑکی کوزیادتی کا نشانہ بنا ڈالا

    پتوکی میں ڈاکوؤں نے 15 سالہ لڑکی کوزیادتی کا نشانہ بنا ڈالا

    قصور: پتوکی میں ڈاکوؤں نے 15 سالہ لڑکی کوزیادتی کا نشانہ بنا ڈالا۔

    باغی ٹی وی :ڈی پی او قصورمحمد صہیب اشرف کے مطابق متاثرہ لڑکی کو میڈیکل کے لئے اسپتال منتقل کردیا گیا ہے جبکہ ایک مشکوک شخص کو حراست میں لے لیا گیا۔

    فیصل آباد: 6 سالہ بچے کے ساتھ مزدور کی مبینہ زیادتی

    ڈی پی او قصور کے مطابق پنجاب فرانزک لیب اورکرائم سین یونٹ کی ٹیمیں جائے وقوع سے شواہد اکٹھے کررہی ہیں۔ ملزمان کی گرفتاری کے لئے سی اے اے اورضلعی پولیس کی 5 ٹیمیں تشکیل دے دی گئی ہیں۔

    وزیراعلیٰ پنجاب حمزہ شہبازنے پتوکی کے علاقے چونیاں بائی پاس پر ڈاکوؤں کی لڑکی سے زیادتی کے واقعے کا نوٹس لیتے ہوئے انسپکڑ جنرل پولیس سے رپورٹ طلب کرلی۔ حمزہ شہباز نے ملزمان کی جلد گرفتاری اور متاثرہ لڑکی کوانصاف کی فراہمی یقینی بنانے کی ہدایت دی۔

    دوست کے ساتھ جانے والی لڑکی اجتماعی زیادتی کے بعد قتل

    آئی جی پنجاب راؤ سردار علی خان نے زیادتی کے واقعہ کا نوٹس لیتے ہوئے ملزمان کو جلد گرفتارکرنے کی ہدایت کی ہے انہوں نے کہا کہ ہ بچوں کا جنسی استحصال کرنے والوں کو کیفر کردار تک پہنچایا جائے گا۔

    قبل ازیں پنجاب کے دارالحکومت لاہور میں حجام نے حجامت کروانے کےلیے آنے والے بچے کو جنسی ہوس کا نشانہ بنا ڈالا تھا تھانہ مصطفیٰ آباد پولیس نے بر و قت کارروائی کرتے ہوئے ملزم عثمان کو گرفتار کرلیا تھا پولیس حکام کا کہنا تھا کہ ملزم عثمان نے مصطفیٰ آباد میں ہئیر ڈریسر کی دکان بنا رکھی ہے، 11سالہ بچہ ہئیر کٹنگ کروانے گیا تو ملزم نے بچے کو ورغلا کر بدفعلی کا نشانہ بنا ڈالا-

    حجام کی گیارہ سالہ بچے سے مبینہ زیادتی،ملزم گرفتار

  • آئی ایم ایف ڈیل زمینی حقائق پرمبنی نہیں،عمران خان کی حکومت کےخاتمےکی سازش کا دعویٰ غلط ہے،وزیر خارجہ

    آئی ایم ایف ڈیل زمینی حقائق پرمبنی نہیں،عمران خان کی حکومت کےخاتمےکی سازش کا دعویٰ غلط ہے،وزیر خارجہ

    وزیر خارجہ بلاول بھٹو زرداری سابق وزیراعظم عمران خان کے ان دعوؤں کو مسترد کر دیا کہ امریکہ نے ان کی حکومت کے خاتمے کی سازش کی تھی۔

    باغی ٹی وی : ڈیووس میں ورلڈ اکنامک فورم کے موقع پر ایک انٹرویو میں بلاول نے کہا کہ پاکستان میں ایسے وزرائے اعظم کی تاریخ ہے جنہیں مختلف طریقوں سے غیر جمہوری، غیر آئینی طور پر ہٹایا گیا ہے بلاول بھٹو نے عمران خان کے امریکی سازش کے دعوؤں کو مسترد کر تے ہوئے کہا کہ عمران خان کی برطرفی درحقیقت پاکستانی جمہوریت کے لیے ایک سنگ میل تھی-

    بھارت سے یاسین ملک کی زندگی کی بھیک نہیں مانگیں گے اور نہ ہی ہتھیار ڈالیں گے،مشعال ملک

    بلاول نے کہا کہ ہمارے پاس ایک وزیر اعظم تھا جسے ہٹا دیا گیا اور پھانسی دی گئی بلاول بھٹو نے کہا کہ ان کی توجہ دنیا بھر میں پاکستان کی خارجہ پالیسی کے چیلنجز پرہے پڑوسی ممالک اور مغرب کے ساتھ کثیرالجہتی تعاون پاکستان کے لیے آگے بڑھنے کا راستہ ہے۔ عمران خان زیادہ سے زیادہ انتہا پسندانہ موقف اپنانے، امریکہ مخالف جذبات کو بھڑکانے کے لیے جو کچھ بھی کر سکتا ہے کر رہا ہے۔

    بلاول نے کہا کہ دونوں ممالک کے درمیان خلیج کو ختم کرنےکوشاں ہیں ان کے نانا ذوالفقار علی بھٹو بھی وزیر خارجہ رہےچین اور امریکہ کے درمیان سفارتی تعلقات کے آغاز کی ایک تاریخ ہے جو میری پارٹی اور میرے ملک سے جڑی ہوئی ہے۔ میرے نانا نے ہنری کسنجر اور نکسن کے زمانے میں دونوں ممالک کے درمیان ابتدائی رابطے کو آسان بنانے میں کردار ادا کیا .

    امید ہے اب لانگ مارچ کی ضرورت نہیں ہوگی ، شیخ رشید

    بلاول بھٹو نے کہا کہ ان کی والدہ ے نظیر کا قاتل کبھی پکڑا نہیں گیا، اور اقوام متحدہ کی انکوائری سے پتا چلا کہ پاکستانی حکام ان کی حفاظت یاان کی موت کی صحیح تفتیش کرنےمیں ناکام رہے ہیں عوام کی نظروں میں بڑے ہونے کے باوجود وہ اپنی حفاظت سے نہیں ڈرتے۔خوف ایک ایسی چیز ہے جس کے بارے میں مجھے لگتا ہے کہ کوئی واقعی میں نہیں دے سکتا، خاص طور پر اگر وہ سیاست میں ہوں۔

    وزیر خارجہ بلاول بھٹو نے پاکستان اور آئی ایم ایف کے درمیان معاہدے کو پرانا قرار دے دیا کہا کہ آئی ایم ایف ڈیل زمینی حقائق پر مبنی نہیں ، جب ڈیل پر بات ہوئی حالات بالکل مختلف تھے آئی ایم ایف سے معاہدہ کورونا ، افغانستان سے امریکہ کے انخلا ، یوکرین جنگ اور افراط زر سے پہلے ہواپاکستان جیسے ملک پر موجودہ حالات میں معاہدے پر عمل کراناممکن نہی

    ان کا کہنا ہے کہ موجود حالات میں پاکستان جیسے ترقی پذیر ملک سے شرائط کو پورا کرنے کی توقع کرنا غیر منصفانہ ہو گا ۔ عالمی برادری سے کیے وعدے پورے کرنے کے ساتھ ہمیں آئی ایم ایف سے نئے معاہدے کی ضرورت ہے ۔

    پی ٹی آئی لانگ مارچ سے متعلق سماعت آج ساڑھے 11 بجے تک ملتوی

  • لانگ مارچ کے باعث شہریوں کو شدید مشکلات کا سامنا رہا

    لانگ مارچ کے باعث شہریوں کو شدید مشکلات کا سامنا رہا

    پی ٹی آئی کے حکومت مخالف لانگ مارچ کی وجہ سے شہری کئی مسائل سے دوچار ہیں-

    باغی ٹی وی : پی ٹی آئی لانگ مارچ کے باعث جڑواں شہروں راولپنڈی و اسلام آباد میں معمولات زندگی بری طرح متاثر رہی، سرکاری دفاتر میں افسران و ملازمین کی حاضری، کاروباری مراکز میں خریداروں کی آمد نہ ہونے کے برابر تھی۔

    الیکشن کا فیصلہ حکومت اور اتحادیوں کا ہے،وہ جب مرضی تاریخ کا اعلان کریں، وفاقی وزیر

    سرکاری و پرائیویٹ تعلیمی اداروں میں چھٹی رہی،مریضوں کو سڑکوں پر کھڑی گئی رکاوٹوں کے باعث اسپتالوں تک پہنچنے کے میں مشکلات کا سامنا رہا سڑکوں پر جگہ جگہ کھڑی کی گئی رکاوٹوں کے باعث گاڑیاں سڑکوں پر نہ آسکیں اور شہری پیدل اور موٹر سائیکلوں پر سفر کرنے پر مجبور رہے، رکاوٹوں کیلیے کھڑے کیے گے کنٹینروں کے نیچے سے شہری گزرتے رہے۔

    دوسری جانب ٹرانسپورٹیشن بند ہونے سے دیگر شہروں میں جانے والے مسافرشدید پریشانی کا شکار ہیں گزشتہ 2 روز سے لاہور سے دوسرے شہروں کو جانے والی ٹرانسپورٹ لانگ مارچ کی وجہ سے بند ہے جس کی وجہ سےمسافر رل گئے ہیں۔

    ریاست کی رٹ یقینی بنانے کیلئےفتنہ پرور ٹولےکو اسلام آباد سے باہر نکالنے کے احکامات دیئے، وزیر داخلہ

    مسافروں کا کہنا تھا کہ وہ 12 گھنٹے سے بس اڈوں پر اِدھر اُدھر بھاگ رہے ہیں مگر انہیں ٹرانسپورٹ نہیں مل رہی۔ بعض مسافروں نےبس اڈوں میں بینچوں پر ہی بستربچھا لیے جب کہ اس صورتحال میں کئی مسافروں نے سامان چوری ہونے کی بھی شکایات کیں-

    دوسری جانب ٹرانسپورٹرز کا کہنا ہے کہ2 روز سے بسیں نہیں چل رہیں، کاروبار بند ہونے کی وجہ سے شدید نقصان ہو رہا ہے۔

    پی ٹی آئی لانگ مارچ:کارکنان ریڈ زون میں امریکی سفارتخانے کے قریب پہنچ گئے