سابق وزیرداخلہ شیخ رشید کا کہنا ہے کہ امید ہے پھر لانگ مارچ کی ضرورت نہیں ہوگی، آئندہ کچھ دنوں میں مثبت حل نکل آئے گا-

باغی ٹی وی : شیخ رشید نے کہا کہ ملک بھر میں کارکنوں کو روکا گیا، کہتے ہیں لوگ کدھر ہیں، کیسے آتے جب ہر طرف رکاوٹیں تھیں کہا تھا لانگ مارچ خونی ہوگا،5 افراد جاں بحق ہوئے-

الیکشن کا فیصلہ حکومت اور اتحادیوں کا ہے،وہ جب مرضی تاریخ کا اعلان کریں، وفاقی وزیر

سابق وزیر داخلہ نے کہا کہ زمینی حقائق بدلے ہوئے ہیں، لوگوں کی آنکھوں میں خون ہے، بہترہے معاملات صلح صفائی سے طے پا جائیں، حکومتی پارٹی کی کوئی حیثیت نہیں، ایک ووٹ کی حکومت ہے، منٹ میں ختم ہوسکتی ہے۔

شیخ رشید نے مزید کہا کہ مذاکرات کے لیے اور بھی سارے لوگ ہوتے ہیں، اب لوگوں کو متحرک کرنے کی ضرورت پیش نہیں آئے گی، حکومت فیصلے تو انگلینڈ سے ہی لیتی رہی، لیکن وہ بھی کیا مشورہ دیں گے-

سربراہ عوامی لیگ نے کہا کہ نواز شریف باہمت یا بہادر ہوتے تو انہیں پاکستان ہونا چاہیے تھا، نواز شریف نے لندن سے سازش تیار کی، 14 بار فوج کے خلاف بات کی۔

قبل ازیں دوسری جانب لال حویلی کے باہر سابق وزیر داخلہ شیخ رشید نے خطاب کرتے ہوئے کہا تھا جب تک نئے الیکشن کا اعلان نہیں ہوتا تحریک جاری رہے گی-

وفاقی وزیراطلاعات مریم اورنگزیب نے کہا کہ الیکشن کے کا فیصلہ حکومت اور اتحادیوں کا ہے،اتحادی حکومت جب مرضی الیکشن تاریخ کا اعلان کرے گی-

باغی ٹی وی : پاکستان کےمسترد شدہ چہرے آج خالی ہاتھ واپس چلےگئےعمران خان کو آج پیغام مل گیا ، عوام نے عمران خان کی سیاست کو مسترد کردیا ، ان کے پاس لوگ ہی نہیں تھے ،مظاہرین بیٹھ جاتے ڈی چوک پر پی ٹی آئی والوں نے پورے ملک میں جلاؤگھیراو کیا پی ٹی آئی والوں کی وجہ سے گزشتہ روز کتنے نقصان ہوئے-

ریاست کی رٹ یقینی بنانے کیلئےفتنہ پرور ٹولےکو اسلام آباد سے باہر نکالنے کے احکامات دیئے، وزیر داخلہ

وفاقی وزیراطلاعات مریم اورنگزیب نے کہا کہ یہ پہلے بھی خالی ہاتھ واپس لوٹے تھے آج بھی خالی ہاتھ لوٹے ہیں ریڈ زون میں پولیس اور رینجرز بھی موجود ہیں گزشتہ روز 18پولیس اور رینجرز اہلکار زخمی ہوئے پی ٹی آئی والے سپریم کورٹ کے فیصلے کو بہانہ بنا کر ہنگامہ کرتے رہے پولیس اہلکاروں کو خراج تحسین پیش کرتی ہوں –

انہوں نے کہا کہ الیکشن کے کا فیصلہ حکومت اور اتحادیوں کا ہے،اتحادی حکومت جب مرضی الیکشن تاریخ کا اعلان کرے گی، عمرا ن خان کا لانگ مارچ ختم کرنے کا اعلان اور الٹی میٹم کیسا،ان کو تو بیٹھنا تھا ، پی ٹی آئی والوں سے کسی قسم کا کوئی معاہدہ نہیں ہوا، جو خونی مارچ کا اعلان کریں اور حملہ آور ہوں، ان سے کیسا معاہدہ، ان کی کمیٹی بیٹھی ہی نہیں ، یہ سب لوگ بھاگ گئے آج بھی جب یہ کنٹینر پر فساد کی بات کر رہے ہیں جبکہ وزیراعظم شہباز شریف ترقی کے منصوبے بنا رہے ہیں-

بلوچستان :اے این ایف کی بڑی کاروائی،516 کلوگرام منشیات قبضے میں لے لی

مریم اورنگزیب نے کہا کہ پی ٹی آئی والوں سے ڈنڈے اور اسلحہ برآمد ہوا،شہریوں کی حفاظت کی ذمہ دار ریاست اور حکومت کی ہے،کیا عمران خان کے ساتھ 20لاکھ لوگ تھے؟ گزشتہ روز عمران خان ہوا میں معلق رہے، عوام سڑکوں پر رلتی رہی-

اسلام آباد: وفاقی وزیرداخلہ رانا ثنا اللہ نے کہا ہے کہ سپریم کورٹ سے غلط بیانی کر کے اسلام آباد میں طے شدہ جگہ پر جلسہ کرنے کی اجازت لے کر عمران نیازی شہر میں داخل ہوئے-

باغی ٹی وی : وزیر داخلہ رانا ثنا اللہ نے کہا کہ آج صبح سپریم کورٹ، آئین اور ریاست کی رٹ یقینی بنانے کے لئے احکامات دئیے تاکہ فتنہ پرور ٹولے کو اسلام آباد سے باہرنکال دیا جائے اورشہریوں کے جان ومال کی حفاظت کو یقینی بنایا جائےساری رات میں نے خود سیکیورٹی حالات کی مانیٹرنگ کی ہے-

رانا ثنا اللہ کا کہنا تھا کہ عوام نے فسادی اور فتنہ جتھہ کو مکمل طور پر مسترد کر دیا ہے۔سپریم کورٹ سے غلط بیانی کر کے اسلام آباد میں طے شدہ جگہ پر جلسہ کرنے کی اجازت لےکرعمران نیازی شہر میں داخل ہوئے اورڈی چوک جانےکا اعلان کرکے وعدہ خلافی کی عمران خان ساری رات کنٹینر سے توہین عدالت کا اعلان کرتے رہے-

وزیر داخلہ نے کہا کہ میٹرو بس اسٹیشن جلائے گئے اور درختوں کو آگ لگائی گئی عوام نے سب دیکھا فسادی جتھہ سپریم کورٹ کے فیصلے کی آڑ میں ساری رات جلاؤ گھیراؤ کرتا رہا املاک کو نقصان پہنچانے والوں کے خلاف مقدمہ درج ہونا چاہیے-

انہوں نے کہا کہ پولیس نے ایک ربڑ بلٹ نہیں چلائی جھوٹا پروپیگنڈا کیا گیا ہمارے پاس آنسوگیس کے علاوہ کوئی چیز نہیں تھی، ہم نے ساری ایکسرسائز کو ٹیئر گیس اور ربڑ گولیوں سے ہینڈل کی مظاہرین کو مصروف عمل رکھنے کے لیے ہم نے اقدامات کیے تھے رینجزر اورپولیس کے 18 اہلکار شدید زخمی ہیں۔ اسلام آباد پولیس اوررینجرز کے ہرجوان کو خراج تحسین پیش کرتا ہوں۔

پی ٹی آئی لانگ مارچ:کارکنان ریڈ زون میں امریکی سفارتخانے کے قریب پہنچ گئے

رانا ثنااللہ نے ایک سوال کے جواب میں کہا کہ گورنننس ہم ایک ماہ کیسے بہتر کر سکتے ہیں،پی ٹی آئی نے معیشت کے ساتھ ساتھ پولیس کا بیڑہ غرق کر دیا ہے عمران خان اپنی مرضی کی عدالت ،حکومت اور ہر فیصلہ کراناچاہتےہیں،عمران خان ہمیں بلیک کررہے ہیں، ہر بات پر ڈیڈلائن اور دھمکی دیتے ہیں-

وزیر داخلہ نے کہا کہ عمران خان 6 دن میں تیاری کریں اور 6لاکھ لوگ لیکرآئیں عمران خان 6 لاکھ لوگ بھی اسلام آباد لےآئیں توالیکشن تاریخ دےدیں گے، عمران خان 30 لاکھ تو کیا 6 لاکھ افراد بھی نہیں لاسکتے پھریہ طےہوجائے گا جو 6 لاکھ افراد اسلام آباد لےآئے،اسے الیکشن کی تاریخ دے دیں عمران خان 30 لاکھ تو کیا 6 لاکھ افراد بھی نہیں لاسکتے،عمران خان یقین دہانی کرائیں کہ وہ خیبرپختونخوا حکومت کےسہارا کےبغیر لوگ لائیں گے-

جیسے ہی مجھے وہاں سے حکم ملا۔۔عمران خان کو کس کے حکم کا انتظار؟

پاکستان تحریک انصاف کے حقیقی آزادی لانگ مارچ میں شامل شرکاء اسلام آباد میں امریکی سفارتخانے کے سامنے پہنچ گئے۔

باغی ٹی وی : چیئرمین تحریک انصاف عمران خان کی قیادت میں گزشتہ روز پشاور سے شروع ہونے والا آزادی مارچ کا قافلہ کئی گھنٹوں کا سفر طے کرنے کے بعد صبح سویرے جناح ایونیو اسلام آباد پہنچا جہاں عمران خان نے خطاب بھی کیا۔

جناح ایونیو پر عوام سے خطاب کے دوران عمران خان نےکہا کہ 30 گھنٹوں میں کنٹینر پر پشاور سے یہاں پہنچا ہوں، راستے میں آنسو گیس کی شیلنگ کی گئی، چادر اور چار دیواری کا تقدس پامال کیا گیا آزادی کی تحریک کو ناکام بنانے کے لیے ہر قسم کا طریقہ استعمال کیا گیا لیکن 30 گھنٹے میں دیکھا کہ جس طرح آنسو گیس کا مقابلہ کیا اس کی کوئی مثال نہیں ملتی، ہماری قوم خوف سے آزاد ہوگئی ہے سارے پاکستانی پہلی مرتبہ متحد دیکھے ہیں، اور اب امپورٹڈ حکومت کو کسی صورت قبول نہیں کریں گے۔

جیسے ہی مجھے وہاں سے حکم ملا۔۔عمران خان کو کس کے حکم کا انتظار؟

ان کا کہنا تھا کہ اب ہماری قوم مجرموں کو حکومت کرنے کی اجازت نہیں دے گی، موجودہ وزیر اعظم شہباز شریف اور ان کا بیٹا حمزہ شہباز سنگین جرائم کے مرتکب ہیں اور انہیں ملک کی بھاگ دوڑ دے دی گئی خوف دلایا جاتا ہے کہ بھیک نہ مانگی اور قرضے نہ ملے تو ملک نہیں چلے گا، قوم کسی صورت امریکی سارش کے تحت امپورٹڈ حکومت کو تسلیم نہیں کرے گی۔

چیئرمین تحریک انصاف نے کہا کہ ہم نے اعلان کیا تھا کہ الیکشن کے اعلان تک اسلام آباد میں بیٹھیں گے لیکن گزشتہ 24 گھنٹوں میں دیکھا کہ یہ لوگ ملک کو انتشار کی جانب لےکرجا رہے ہیں، یہ لوگ فوج اور پولیس سے ہماری لڑائی کروانا چاہتے ہیں لیکن یہ پولیس بھی ہماری ہے اور عوام بھی ہماری ہے، ہم ملک کو تقسیم کرنے نہیں آئے بلکہ قوم کو بنانے کے لیے آئے ہیں۔

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

انہوں نے کہا کہ حکومت کو 6 روز دے رہا ہوں، اسمبلیاں تحلیل کی جائیں اور جون میں الیکشن کا اعلان کیا جائے ورنہ پوری قوم کو ساتھ لے کر دوبارہ اسلام آباد آؤں گا۔

عمران خان نے سپریم کورٹ کو مخاطب کرکے کہا کہ گزشتہ رات سے ابتک 5 کارکنوں کو جاں بحق کردیا گیا، ہم پر امن احتجاج کے لیے نکلے ہیں اور کبھی انتشار کی ترغیب نہیں دی، ہمارے جلسوں میں ہمیشہ فیملیز آتی ہیں، احتجاج میں خواتین اور بچے بھی شامل ہیں ان پر آنسو گیس کا آزادانہ استعمال کیا اس لیے سپریم کورٹ پی ٹی آئی کارکنوں پر تشدد کا نوٹس لے۔

دھرنوں کی وجہ سے پہلے بھی پاکستان کو نقصان پہنچایا گیا،وزیراعظم

عمران خان کے لانگ مارچ کے شرکاء سے خطاب کے بعد پی ٹی آئی کارکن ریڈ زون میں داخل ہو گئے، پی ٹی آئی کارکنان ایوان صدر اور ڈپلومیٹک انکلیو بھی پہچنےبعد ازاں پاکستان تحریک انصاف کے کارکنان تمام رکاوٹیں عبور کرتے ہوئے امریکی سفارتخانے کے قریب پہنچ گئے۔

ترجمان اسلام آباد پولیس کے مطابق پی ٹی آئی کارکنان کنٹینرز ہٹا کر پارلیمنٹ ہاوس کے باہر پہنچ گئے پی ٹی آئی کارکنان نے ڈی چوک پررکاوٹیں ہٹادیں ہیں پی ٹی آئی مظاہرین ریڈ زون میں داخل ہو گئے ہیں ،پولیس اور رینجرزنے مظاہرین کو تحمل سے روکا،آئی جی اسلام آباد اکبر ناصر خان ریڈزون میں موجود ہیں مظاہرین کو ریڈ زون سے باہر جانے کی ہدایت کی جارہی ہے-

وفاقی وزیر اطلاعات مریم اورنگزیب کا اس حوالے سے جیو نیوز سے گفتگو کرتے ہوئے کہنا تھا کہ پریشان ہونے کی کوئی ضرورت نہیں ہے، ریڈ زون میں رینجرز اور افواج پاکستان تعینات ہے اور وزیر داخلہ رانا ثناء اللہ خود اس صورت حال کو مانیٹر کر رہے ہیں۔

واضح رہے کہ عمران خان نے پارٹی رہنماؤں کے ہمراہ صوابی سے اسلام آباد کی جانب مارچ کا آغاز کیا اور 8 گھنٹے قبل اسلام آباد کی حدود میں داخل ہونے والا سابق وزیرا عظم عمران خان کا قافلہ صبح سویرے ایچ نائن پہنچا اور بتدریج ڈی چوک کی جانب گامزن ہوا لیکن جناح ایونیو پر پہنچ کر چیئرمین پی ٹی آئی نے عوام سے خطاب کیا اور دھرنا ختم کرنے کا اعلان کیا بدھ اور جمعرات کی درمیانی شب کو پی ٹی آئی کارکنوں کی تعداد میں کمی دیکھنے میں آئی تھی لیکن جمعرات کی صبح سویرے کارکنوں کی بڑی تعداد ڈی چوک پر جمع ہونا شروع ہوگئی۔

عمران خان اپنے محسن کو ڈسے بغیر نہیں رہ سکتا،مریم نواز